ຂຽນເມື່ອ: ກ.ພ.. 20, 2010
| ມີ
3 ຄຳເຫັນ
ແລະ
0 trackback(s)
ຢ່າລອງຢາເສບຕິດ:
+ ບັດນີ້ ຮຽມຊິຂໍກ່າວກ້ຳ ນຳພວກໝູ່ຜູ້ລຸນຫຼັງ
ກັບທັງເຍົາໄວຮຽນ ໜຸ່ມຄະນອງໄວລຸ້ນ
ແນວມີຄຸນອົດຟັງໄວ້ ເອົາຫົວໃຈຕັ້ງຕໍ່
ຮຽມຊິຂໍກ່າວຫຍໍ້ ເລື່ອງຢາຮ້າຍບໍ່ດີ.
+ ດຽວນີ້ ເພິ່ນວ່າມີຢາຮ້າຍ ຫຼາຍຊື່ມີພິດ
ຊິເຄີຍຍິນໃນຫູ ຊູ່ວັນແລງເຊົ້າ
ມັນເອົາຊີວິດຄົນໄດ້ ທັງເດັກນ້ອຍແລະຜູ້ໃຫຍ່
ຫາກແມ່ນໃຜເສບແລ້ວ ໃຈນັ້ນຫາກໃຫຍ່ໂຕ ແທ້ນາ.
+ ມີຢາອີແລະຢາບ້າ ໜ້າໜ່າຍນໍສັງຄົມ
ຄືເຂົ້າໜົມກະມີ ຫຼາກສີສັນອະນັນເລື້ອຍ
ສີບົວແດງອົມຄ້ຳ ນຳສັງຄົມມີທົ່ວ
ໝູ່ຢ່າມົວຢອກຫຼິ້ນ ຍ້ອນຄົນບ້າຊັກຊວນ ເພື່ອນເຮີຍ.
+ ຟັງເນີ ໂດຍສະເພາະພວກເພື້ອນ ເຮືອນເຊົ່າມາສຶກສາ
ເຮົາໄດ້ລາລູງຕາ ພໍ່ແມ່ຄີງໄກເຍີ້ນ
ເພິ່ນຫາກຄິດນຳແທ້ ຫຼ້າຄຳແພງໄປຮຽນຮ່ຳ
ຄວາມຫວັງພໍ່ແມ່ອ້າຍເອື້ອຍນ້ອງ ມີພຽງເພື້ອນຊິເພິ່ງພາ.
+ ເຊົາເນີ ຫາກແມ່ນໃຜຕິດແລ້ວ ໃຫ້ເຊົາສາຢ່າສືບຕໍ່
ພໍ່ແມ່ເຮົາຢູ່ບ້ານ ຫວັງໃຫ້ລູກໃຫຍ່ສູງ
ຄວນໝັ່ນປັບປຸງດ້ວຍ ການສຶກສາຢ່າປະໝາດ
ເບິດໂອກາດແນ່ແທ້ເພື້ອນ ຫາກຫຼົງບ້າເສບຢາ.
+ ຈາກບ້ານມາຮຽນຮູ້ ເອົາແຕ່ແນວມັນດີ ເນີ
ແນວສັງຄົມບໍ່ຍອມຮັບ ຢ່າຊິມົວຫຼົງໃກ້
ຫາກຫຼົງໄປຕິດແລ້ວ ບໍ່ມີວັນຊິໄດ້ອອກ ເພື່ອນເອີຍ!
ຄັນບໍ່ເຄີຍກະຢ່າຮູ້ ບໍ່ລອງແທ້ ແມ່ຢາ.
+ ອະນາຄົດຈະສົດໃສ ດັ່ງຕາວັນໃນຍາມເຊົ້າ
ເຮົາເປັນຄົນຮຽນຮູ້ ສຶກສາດີມີປະໂຫຍດ ເພິ່ນຍັງວ່າຫັ້ນເດ!
ຮຽມຊິເວລົງແລ້ວ ໃນເວທີໄດອາຣີ່..
ຂໍຈົບກອນໄວ້ທໍ່ນີ້ ທີໜ້າຊິແຕ່ງເສີມ ດອກນາ!...
(ແຕ່ງໂດຍ: ແມ່ນໃຜ)
ໜວດໝູ່:
