ຂຽນເມື່ອ: ທ.ວ.. 15, 2011
| ມີ
4 ຄຳເຫັນ
ແລະ
0 trackback(s)
ປະຕິບັດໃຫ້ສຳເລັດລຸລ່ວງ
ອາດມີຫລາຍເລື່ອງ ທີ່ທ່ານຢາກເຮັດຢາກທຳໃນຊີວິດໜຶ່ງ
ຈົນບາງຄັ້ງທ່ານກໍເຮັດໃນສິ່ງນັ້ນໄປເລື້ອຍໆ ແຕ່ຮອດຈຸດໜຶ່ງ ເຊິ່ງທ່ານ
ຄິດວ່າມັນເປັນຕາເບື່ອ ຫລື ມັນຍາກຫລາຍທີ່ເຮົາຈະໄປໃຫ້ຮອດ ທ່ານຈຶ່ງຕັດສິນໃຈວ່າສົມຄວນຍຸຕິສິ່ງນັ້ນເສຍ.
ຊຶ່ງໜ້າຈະດີກວ່າໃຫ້ຮອດຈຸດໜຶ່ງທີ່ອາດມາຖາມທ່ານວ່າ
ຕົກລົງສິ່ງທີ່ທ່ານເຮັດນັ້ນ ສຳເລັດແລ້ວຫລືຍັງ ເຊິ່ງຄົນສ່ວນໃຫຍ່ອາດ
ລຳບາກໃຈໃນການຕອບ ແລະ ມັກທໍ້ແທ້ຕັ້ງແຕ່ເລີ່ມຕົ້ນ.
ແຕ່ຖ້າທ່ານບໍ່ເຮັດຫຍັງໃຫ້ມັນສຳເລັດຈັກຢ່າງ ແລ້ວໄປຮັບ ວຽກອື່ນເລື້ອຍໆ ກໍຈະບໍ່ມີວຽກງານໃດທີ່ທ່ານເຮັດໃຫ້ສຳເລັດເລີຍ ທຸກ
ຢ່າງທີ່ທ່ານຖິ້ມໄວ້ ກໍຄືຄວາມຜິດພາດທີ່ທ່ານບໍ່ຍອມຮັບມັນ.
ເວລາມີຄົນຖາມ ທ່ານຈະຕ້ອງຕອບຄຳຖາມ ຫລື ທ່ຽວໄປ ບອກໃຜຕໍ່ໃຜ ດ້ວຍເຫດຜົນທີ່ວ່າ “ບໍ່ມີເວລາ” ຄຳນີ້ສ່ວນຫລາຍມັກມີຄົນນຳມາແກ້ໂຕຕະຫລອດ, ແຕ່ພໍສະເລ່ຍແລ້ວກໍໍບໍ່ເຫັນມີວຽກໃດທີ່ເຊີດໜ້າຊູຕາໄດ້ເລີຍ.
ທ່ານຄວນເລີ່ມຕົ້ນຈາກການເຮັດສິ່ງໃດສິ່ງໜຶ່ງ ເພື່ອໃຫ້ສຳ
ເລັດລຸລ່ວງ ຈັກໜຶ່ງຜົນງານເຊັ່ນ: ເລີ່ມຕົ້ນປະຕິບັດອ່ານຫນັງສືເຫລັ້ມ
ໜາໆໃຫ້ຈົບ, ພາຍໃນເວລາທີ່ກຳນົດເຮັດວຽກບ້ານໃຫ້ສຳເລັດຮຽບ
ຮ້ອຍໃນ 1 ມື້, ເຮັດວຽກງານເກົ່າໆທີ່ຄ້າງໄວ້ໃຫ້ຈົບ, ຮຽນແຕ່ງກິນ, ຫລື ວຽກງ່າຍໆເຊັ່ນ: ປັດກວາດຫ້ອງນອນໃຫ້ສະອາດ ຈົນສາມາດ
ເຮັດຫຍັງໄດ້ເປັນເລື່ອງເປັນລາວຈັກຢ່າງ.
ຈາກເລື່ອງເລັກນ້ອຍ ກໍຫັດຂະຫຍາຍຂຶ້ນແຕ່ລະຢ່າງ ໃນຊີວິດ ອາດເປັນເລື່ອງໜ້າທີ່ການງານ ຄວາມຝັນສ່ວນຕົວ ເຊິ່ງຕ້ອງໃຊ້ຄວາມ
ພະຍາຍາມສູງ ແຕ່ທ່ານຈະຮູ້ສຶກວ່າ ແຮງກະຕຸ້ນຈາກການເຮັດວຽກ ເລື່ອງເລັກນ້ອຍໃຫ້ສຳເລັດໄດ້ ຊ່ວຍໃຫ້ທ່ານຮູ້ສຶກໝັ້ນໃຈຫລາຍຂຶ້ນ ແລະ ພ້ອມທີ່ຈະເຮັດກັບທຸກເລື່ອງຕໍ່ໄປໃນຊີວິດ ເພື່ອໃຫ້ປະສົບຜົນ
ສຳເລັດ.
ຈະສຳເລັດລຸລ່ວງໄດ້ ຍ້ອນມີຄວາມຕັ້ງໃຈຈິງ
ຢ່າໃຊ້ຄວາມແກ້ໂຕ “ບໍ່ມີເວລາ”.
ໜວດໝູ່:
ກັບໄປໄດອາຣີ່ຂອງ ມ່ວນໆ PHANACON, 'user_report.php?return_url=http%253A%252F%252Fpunlao.com%252Fblog.php%253Fuser%253DMINSS%2526blogentry_id%253D20879&TB_iframe=true&height=300&width=450', '', './images/trans.gif');){kind=spacer}
ແຈ້ງເນື້ອຫາບໍ່ເໝາະສົມ
