ຫລ້າເອີຍ! ຄົນງາມໆ­ຈັ່ງ­ນ້ອງ ຄ່າດອງ­ນັ້ນ­ຄື­ຊິ­ແພງ

­ແຕ່ງ­ກັບ­ຄົນ­ຊົນ­ຊັ້ນ­ໃດ ຈຶ່ງ­ຄູ່­ຄວນ­ກັບເຈົ້າ

ເອົານາຍ­ຫມໍຫລື­ພໍ່­ຄ້າ ຂ້າລາດ­ຊະ­ການ­ຫລື­ຕໍາຫລວດ

ນາຍ­ທະ­ຫານ­ຮູບ­ໂກ້ ບ່າວ­ທະ­ນາຄານ­ຮູບ­ໂກ້ ຈື່ງ­ສົມ­ຊັ້ນ­ຊາດ­ຕະ­ກູນ

­ແກ້ມ­ຈູນ­ພູ້ນ­ຄືນາງ­ຟ້າ ລູກ­ຊາວນາ­ໄດ້­ແຕ່ເບິ່ງ

ຍື້ບໍ່ເຖິງດອກ­ຫລ້າ ຜະ­ຫລາ­ສັ້ນ­ຄິດ­ຢາກ­ອາຍ

ນ້ອງ­ນັ້ນ­ແນວນາມ­ໄມ້ ຍຸງ ຍາງ ຄໍາງາມ­ສະ­ຫງ່າ

ພ້າ­ຂີ້­ລື້ມ­ຈັ່ງ­ອ້າຍ ຟັນ­ໄດ້­ຢ້ານ­ບໍ່­ຖອງ ເຈົ້າ­ແລ້ວ

­ແນວ­ວ່າ­ນົງນາດ­ນ້ອງ ເຊື້ອ­ຊາດ­ຕະ­ກູນ­ດີ

ມີ­ຫລາຍ­ຄົນ­ຫມາຍ­ປອງ­ມັກ ຢາກ­ຮ່ວມ­ສອງ­ຄຽງເຈົ້າ

ບໍເຫັນເອົາ­ໃຜ­ຊ້ອນ ຫລື­ພໍ່ງາມງອນ­ນັ້ນ­ຕັ້ງ­ທ່າ

ວາງ­ຄ່າດອງເປັນ­ສິບ­ລ້ານ ບໍຫານ­ກ້າຄອບ­ວ່າ­ຈົນ

ຄົນ­ມີເງິນເທົ່າ­ນັ້ນ ຈຶ່ງ­ຄວນ­ຄູ່­ຄົນ­ມີເງິນ ຊັ້ນ­ບໍ?

ຄົນ­ຈົນໆ­ເລີຍ­ອົກ­ຮັກ ມັກ­ຊິ­ຕາຍ­ບໍ່­ພໍ­ໄດ້

ຮັກ­ສຸດ­ໃຈເກີນ­ຮ້ອຍ ຕ້ອງຍອມ­ຖອຍ­ບໍ່­ຫານ­ແຂ່ງ

ຢ້ານ­ຄ່າດອງ­ນ້ອງ­ແພງ ອ້າຍ­ຄົນ­ຈົນ­ຕ່ໍາ­ຕ້ອຍ ຄອຍ­ຝັນເພີ້ກໍ່ວ່າ­ດີ

ລູກ­ຊາວນາ­ຄືອ້າຍ­ນີ້ ຢ້ານ­ຂາຍໝົດ­ຮອດ­ມູນ­ມັງ ພຸ້ນ­ແລ້ວ

ຂາຍ­ທັງ­ງົວ­ທັງ­ຄວາຍ ເກັບ­ກໍາ­ໂຮມ­ທ້ອນ

ຂາຍ­ຮອດນາ­ຜືນ­ນ້ອຍ ເຮືອນ­ຊານ­ຫລັງເກົ່າໆ­

ເອົາມາເກັບ­ທ້ອນເຂົ້າ ຢ້ານ­ບໍ່ພໍຊ່ໍາ­ຄ່າດອງ ເຈົ້າ­ແລ້ວຯ

ໂດຍ: ອິນຊີ