 ຂຽນເມື່ອ: ພ.ຈ.. 3, 2009
| ມີ
11 ຄຳເຫັນ
ແລະ
0 trackback(s)
- ຫວີຜົມເລື້ອຍໆ : ການຫວີຜົມຄ່ອຍໆເລື້ອຍໆ ຊ່ວຍໃຫ້ຕາສະຫວ່າງ ແລະຮາກຂອງຜົມແຂງແຮງ.
- ຖູໃບໜ້າເລື້ອຍໆ : ລ້າງມືດ້ວຍສະບູ ຫຼື ເຈວແອວກໍຮໍໃຫ້ສະອາດກ່ອນ ຈາກນັ້ນໃຫ້ໃຊ້ສອງຝາມືືຖູໃບໜ້າຄ່ອຍໆ ເພື່ອກະຕຸ້ນໃຫ້ເລືອດໄຫຼວຽນໄປຫຼໍ່ລ້ຽງສ່ວນຕ່າງໆຂອງໃບໜ້າໄດ້ດີຂື້ນ.
- ເຫຼືອບຕາເລື້ອຍໆ : ໝາຍຄວາມວ່າ ໃຫ້ເບີ່ງໄກ-ໃກ້, ຊ້າຍ-ຂວາ, ເທິງ-ລຸ້ມເລື້ອຍໆ ເພື່ອເປັນການບໍລິຫານດວງຕາເບິ່ງສິ່ງໃດໝຶ່ງແບບດົນໆຈົນຮູ້ສຶກເຈັບຕາ ຫຼືນ້ຳຕາໄຫຼອອກມາ ໂດຍສະເພາະຄົນທີ່ເຮັດວຽກກັບຄອມພິວເຕີ່ ຄນນພັກສາຍຕາດ້ວຍການເບິ່ງໄກໆທຸກຊົ່ວໂມງ.
- ກະຕຸ້ນໃບຫູເລື້ອຍໆ : ການດຶງຫູ ດີດຫູ ບີບຫູ ຖູໃບຫູເບົາໆເລື້ອຍໆ ຊ່ວຍໃຫ້ສຸຂະພາບຫູສົມບູນຂື້ນ ປ້ອງກັນບໍ່ໃຫ້ເກີດສຽງດັງລົບກວນໃນຫູ ຫຼືເວົ້າແບບງ່າຍໆວ່າ ຫູຕຶງ ແລະອາການວິນວຽນຫົວ.
- ກັດແຂ້ວເລື້ອຍໆ : ກັດແຂ້ວເບົາໆເລື້ອຍໆແດ່ກໍ່ດີ (ບໍ່ກັດແຮງຈົນມີສຽງດັງ ) ເຮັດແບບນີ້ກໍເພື່ອຊ່ວຍໃຫ້ແຂ້ວແຂງແຮງ ກະຕຸ້ນການຫຼັ່ງຂອງນ້ຳຍ່ອຍ.
- ໃຊ້ລີ້ນດັນເພດານປາກເລື້ອຍໆ : ການໃຊ້ປາຍລີ້ນກະຕຸ້ນເພດານໜ້າ ເທົ່າກັບເປັນການກະຕຸ້ນຈຸດຝັງເຂັມ ເພື່ອເຊື່ອມພະລັງໃຫ້ກັບເສັ້ນປະສາດທີ່ຄວບຄຸມສ່ວນກາງ, ສ່ວນຫຼັງ ແລະດ້ານໜ້າຂອງຮ່າງກາຍ ເຮັດໃຫ້ເກີດການກະຕຸ້ນການຫຼັ່ງສານນ້ຳ ແລະນ້ຳລາຍ.
- ກືນນ້ຳລາຍເລື້ອຍໆ : ການກືນນ້ຳລາຍເລື້ອຍໆ ຊ່ວຍກະຕຸ້ນພະລັງບໍລິເວນຫໍຄອຍ ແລະກະຕຸ້ນການຍ່ອຍອາຫານ.
- ໜັ່ນຂັບຖ່າຍຂອງເສຍ : ໜັ່ນຂັບຖ່າຍຂອງເສຍ ໂດຍສະເພາະດື່ມນ້ຳໃຫ້ພໍດີກັບລັກສຸຂະອະນາໄມກິນອາຫານທີ່ມີເສັ້ນໃຍອາຫານ ອອກກຳລັງເພື່ອປ້ອງກັນທ້ອງຜຸກ ເມື່ອໃດຮູ້ສຶກປວດປັດສະວະ ຫຼື ອຸດຈະລະໃຫ້ຖ່າຍໃນທັນທີ ບໍ່ອົດ ຫາກບໍ່ຈຳເປັນ ການກັກຂັງຂອງເສຍໄວ້ໃນຮ່າງກາຍເປັນເວລາດົນເກີນໄປ ອາດໃຫ້ເກີດເປັນພິດໄດ້ ແລະຫາກດູດຊຶມສານພິດດັ່ງກ່າວກັບເຂົ້າສູ່ຮ່າງກາຍຫຼາຍຂື້ນ ຈະະເຮັດໃຫ້ພູມຕ້ານທານຂອງຮ່າງກາຍຫຼຸດລົງ ຈະເຈັບປ່ວຍໄດ້ງ່າຍ.ໄປຕາມທິດຂອງໂມງ
- ຖູ ຫຼື ນວດທ້ອງເລື້ອຍໆ : ການນວດນີ້ໃຫ້ນວດຄ່ອຍໆ ໄປຕາມທິດຂອງໂມງ ເພື່ອຊ່ວຍໃຫ້ການຂັບຖ່າຍຂອງເສຍໃນກະເພາະອາຫານເຮັດວຽກໃຫ້ໄດ້ດີຂື້ນ.“
- ຂະມິບກົ້ນເລື້ອຍໆ : ການຂະມິບກົ້ນເລື້ອຍໆ ຊ່ວຍປ້ອງກັນລິດສະດວງທະວານ ແລະອາການທ້ອງຜຸກໄດ້ດີ.
- ໃຫ້ທຸກສ່ວນຂໍ໊ໄດ້ເຄື່ອນໄຫວ : ການຢູ່ນິ້ງໆ ຫຼື ຢູ່ໃນທ່າໃດດົນໆ ຈະເຮັດໃຫ້ເກີດໂລກໄດ້ງ່າຍ ເພາະບັນດາຂໍ້ບໍ່ໄດ້ເຄື່ອນໄຫວເປັນປະຈຳ ອາດຈະດ້ວຍການເຝິກ ຊີກົງ ໄທ້ເກັກ ໂຍຄະ ແລະອື່ນໆ ແລ້ວແຕ່ຄວາມເໝາະສົມ.
- ຖູຜິວໜັງເລື້ອຍໆ : ໃຊ້ຝາມືຖູຕາມສ່ວນຕ່າງໆຂອງຮ່າງກາຍ ເຮັດຄືກັບກາຍຖູໂຕໃນເວລາອາບນ້ຳ ວິທີດັ່ງກ່າວ ມີສ່ວນຊ່ວຍເຮັດໃຫ້ເລືອດໄຫຼວຽນໄດ້ດີ ເກີດພະລັງງານ ແລະພູມຕ້ານທານໃຫ້ກັບຮ່າງກາຍ.
|
|
|
ໜວດໝູ່:
