1. ຢ່າເຂົ້ານອນ ເພາະວ່າ "ເຖິງເວລານອນແລ້ວ"... ເມື່ອມີຄວາມຮູ້ສຶກແສບຕາ ຫາວນອນ ໜັງຕາຢ່ອນ ກໍ່ນອນສາ ຖ້າບໍ່ດັງນັ້ນ ທ່ານຄົງຈະຖ້າອີກ2ຊົ່ວໂມງ ຈິງຈະຫຼັບ.

2. ຄວນນອນໃຫ້ກົງເວລາໃນແຕ່ລະມື້ ຖ້າທ່ານຫາກນອນຜິດເວລາຕະຫຼອດ ຈະສ່ຽງຕໍ່ການງ່ວງນອນຜິດເວລາ.

3. ຢ່າຕິດນິໄສມັກນອນຕອນສວຍ.

4. ຢ່າອອກກຳລັງກາຍແບບຟິດເນສຕອນຫົວຄ່ຳ ເພາະຈະເຮັດໃຫ້ຮ່າງກາຍສົດຊື່ນຕື່ນຕົວ ເປັນເຫດເຮັດໃຫ້ນອນເດິກ.

5. ຮັບປະທານອາຫານຄ່ຳແຕ່ຫົວຄ່ຳ ຄວນຫຼີກລ້ຽງການເຂົ້ານອນໃນຂະນະທີ່ຍັງຍ່ອຍອາຫານຢູ່ ປ່ອຍໃຫ້ເວລາຜ່ານໄປຢ່າງນ້ອຍ 2ຊົ່ວໂມງຫຼັງອາຫານຄ່ຳຈິງເຂົ້ານອນ.

6. ຫຼີກລ້ຽງການດື່ມເຄື່ອງດື່ມທີ່ປະສົມແອລກໍຮໍ ກາເຟ ນ້ຳຊາ...

7. ຫຼີກລ້ຽງການກິນຂອງຫວານ ນ້ຳຕານ ນ້ຳອັດລົມ ເພາະສ່ຽງທີ່ຈະເສີມໃຫ້ເລືອດມີປະລິມານກລູໂຄສຕ່ຳກວ່າປົກະຕິໃນຕອນກາງຄືນ.

8.ຮັບປະທານໝາກໄມ້ ນົມອຸ່ນ ໂຢເກິດ ນົມປ້ຽວ; ບໍ່ຄວນຮັບປະທານສິ່ງທີ່ມີໄຂມັນ ປະເພດຊີ້ນໝູ ແລະ ອາຫານທີ່ຍ່ອຍຍາກ ເປັນຕົ້ນ.

9. ກ່ອນນອນຢ່າດື່ມນ້ຳຫຼາຍເກີນໄປ ແຕ່ໃຫ້ດື່ມຕອນເຊົ້າຫຼາຍໆ ພາຍຫຼັງ6ໂມງແລງຄວນຫຼຸດປະລິມານລົງ.

10. ຫຼີກລ້ຽງສຽງລົບກວນ ເວລານອນຄວນປິດໄຟ ຫຼື ບໍ່ໃຫ້ມີແສງສະຫວ່າງຫຼາຍເກີນໄປ ເພາະຈະເຮັດໃຫ້ຫຼັບຕາບໍ່ແຈບ.

11. ບໍ່ຄວນມີຕົ້ນໄມ້ໃບຂຽວໃນຫ້ອງນອນ ເພາະ ເວລາກາງຄືນ ຕົ້ນໄມ້ຈະຫາຍໃຈເອົາອອກຊີເຈນ ເຊິ່ງເປັນການຍາດເອົາອາກາດຫາຍໃຈນຳຄົນເຮົາ.

12. ຫ້ອງນອນຄວນມີອຸນຫະພູມ 20-25ອົງສາ.

13. ອາບ ຫຼື ແຊ່ນ້ຳອຸ່ນກ່ອນນອນ.

14. ຢ່າກັງວົນ ຫຼື ຄິດສິ່ງທີ່ຈະເກີດຂຶ້ນໃນລ່ວງໜ້າ ຄວນທຳໃຈໃຫ້ສະຫງົບ.

15. 3ຊົ່ວໂມງກ່ອນເຂົ້ານອນ ຄວນຫຼີກລ້ຽງກິດຈະກຳທີ່ເຄັ່່ງຄຽດ ແລະ ໃຊ້ສະຕິປັນຍາ ເພາະຈະເຮັດໃຫ້ເຮົາຄິດຫາມັນຕະຫຼອດ.

16. ບໍ່ຄວນປະໂທລະສັບມືຖືໄວ້ໃກ້ຫົວບ່ອນນອນ ຄວນປິດເຄື່ອງແລ້ວປະໄວ້ຫ່າງຈາກຫົວຢ່າງນ້ອຍ 3m.

ຂັດຈາກ: http://healthfood.igetweb.com

ທຳຄວາມຮູ້ຈັກກັບເສັ້ນຜົມ

• ເສັ້ນຜົມຂອງຄົນເຮົົາ ປົກະຕິຈະມີປະມານ 90,000 - 140,000 ເສັ້ນ ສຳລັບຜູ້ຍິງຈະມີຫຼາຍກວ່າຜູ້ຊາຍ ຄົນທີ່ມີຜົມສີເຂັ້ມ ຈຳນວນເສັ້ນຜົມຈະນ້ອຍກວ່າ; ຜົມສີແດງ ມີສະເລ່ຍ90,000ເສັ້ນ, ຜົມສີດຳ ມີສະເລ່ຍ105,000ເສັ້ນ ແລະ ສີບຣອນ ມີສະເລ່ຍ140,000ເສັ້ນ.

• ຢູ່ຮ່າງກາຍຈະມີຜົມ ແລະ ຂົນ ລວມກັນປະມານ 5 ລ້ານເສັ້ນ ຕຳແໜ່ງທີ່ບໍ່ມີຂົນ ຫຼື ຮູຂຸມຂົນເລີຍ ແມ່ນ ຝາມື ຝາຕີນ ຮິມຝີປາກ.

• 1 ຮາກຜົມ ຈະມີເສັ້ນຜົມໄດ້ ສະເລ່ຍ 2 - 4 ເສັ້ນ.

• ຮາກຜົມຢູ່ໜັງຫົວ ມີທັງໝົດປະມານ 85,000 - 130,000 ຮາກ.

• ໂດຍປົກະຕິ ເສັ້ນຜົມມີວົງຈອນຊີວິດ ປະມານ 2 - 6 ປີ.

• 90% ຂອງເສັ້ນຜົມເທິງຫົວ ຈະຢູ່ໃນໄລຍະຈະເລີນເຕີບໂຕ ແລະ ອີກ10% ຈະຢູ່ໃນໄລຍະພັກ ເຊິ່ງບໍ່ຈະເລີນອີກ ຕໍ່ຈາກນັ້ນປະມານ 2 - 3 ເດືອນ ກໍ່ຈະຫຼົ່ນໄປ.

• ຜົມຈະຫຼົ່ນ ປະມານ 50 - 100 ເສັ້ນຕໍ່ມື້ ຖ້າຜົມຫຼົ່ນຫຼາຍກວ່າ 100ເສັ້ນ ຈະຖືວ່າຜົມຫຼົ່ນຜິດປົກະຕິ; ສຳລັບຜູ້ຊາຍປົກະຕິຈະຫຼົ່ນບໍ່ເກີນ 60ເສັ້ນຕໍ່ມື້; ຜູ້ຍິງແມ່ນບໍ່ເກີນ 100ເສັ້ນຕໍ່ມື້.

• ຜົມຈະປົ່ງຂຶ້ນໃໝ່ ຫຼັງຈາກຫຼົ່ນໄປພາຍໃນ 6ເດືອນ.

• ຜົມຈະຍາວໃນອັດຕາ ປະມານ 1/2 ນິ້ວຕໍ່ເດືອນ.

• ເສັ້ນຜົມຂອງຜູ້ຍິງທີ່ມີສຸຂະພາບດີ ຈະຍາວ 0.35ມມ ຕໍ່ມື້.

• ຜູ້ຍິງຈະຜົມຍາວໄວກວ່າຜູ້ຊາຍປະມານ 0.02ມມ ຕໍ່ມື້.

• ເດັກນ້ອຍຈະຜົມຍາວໄວກວ່າຜູ້ໃຫຍ່ ໂດຍຈະຍາວປະມານ 0.41ມມ ຕໍ່ມື້ ແລະ ຈະຫຼຸດລົງເຫຼືອ 0.32ມມ ຕໍ່ມື້ ໃນໄວສູງອາຍຸ.

• ອາການຜົມຫຼົ່ນພົບໃນຄົນອາຊີນ້ອຍກວ່າຄົນເອີຣົບ ຫຼື ຊາວຜິວຂາວ.

• ຄົນເຮົາຈະສັງເກດເຫັນວ່າຜົມບາງຂຶ້ນ ເມື່ອມີຜົມຫຼົ່ນໄປແລ້ວ 25%.

• ຜົມຈະຫຼົ່ນຫຼາຍຂຶ້ນໃນລະດູຝົນ ແລະ ລະດູໜາວ ໂດຍຫຼາຍກວ່າລະດູຮ້ອນ ເນື່ອງຈາກການປ່ຽນແປງລະດູ ແລະ ການສຳຜັດກັບແສງແດດ.

• ຢາສະຜົມ(ແຊມພູ) ທີ່ແພງທີ່ສຸດໃນໂລກ ແມ່ນ Alterna® ທີ່ເຮັດມາຈາກ ປາຄາເວຍ ລາຄາປະມານ 200US dollar ຕໍ່ຂວດ ເຊິ່ງມີຄຸນສົມບັດໃນການຕໍ່ຕ້ານຜົມເສຍຂອງເສັ້ນຜົມທີ່ເກີດຈາກການມີອາຍຸຫຼາຍຂຶ້ນ.

• ຜົມປະກອບດ້ວຍ ຄາຣ໌ບອນ(C) 50.65%, ອອກຊີເຈນ(O) 20.85%, ໄນໂຕຣເຈນ(N) 17.14%, ໄຮໂດຣເຈນ(H) 6.36%, ມາດ(S) 5.0% ແລະ ຍັງປະກອບດ້ວຍແຮ່ທາດອື່ນໆອີກໃນປະລິມານເລັກນ້ອຍ ໄດ້ແກ່ ແມກນີຊຽມ(Mg), ທາດເຫຼັກ(Fe), ໂຄຣມຽມ(Cr) ເປັນຕົ້ນ.

• 65 - 95% ຂອງເສັ້ນຜົມ ເຮັດມາຈາກໂປຣຕິນ ທີ່ເອີ້ນວ່າ ເຄີຣາຕິນ(Keratins), ເຄີຣາຕິນປະກອບດ້ວຍອາຊິດອະມິໂນຫຼາຍຊະນິດ ແຕ່ທີ່ພົບຫຼາຍສຸດແມ່ນ ຊີສເທອີນ(Cysteine).

ໝາຍເຫດ:  ຖ້າຜົມຫຼົ່ນຫຼາຍ ບໍ່ຕ້ອງຕົກໃຈ ເພາະຜົມຂອງຄົນເຮົາ ສະເລ່ຍ ຫຼົ່ນປະມານ 50 - 100ເສັ້ນຕໍ່ມື້...

ທີ່ສຳຄັນ ຄວນກິນອາຫານທີ່ມີປະໂຫຍດແກ່ຮ່າງກາຍ ເພື່ອ ໜ້າຕາ ຄາລົມ ແລະ ຊົງຜົມ  ^^ huhu ^^

Thx 4 reading ner ...

ຂັດຈາກ:   http://www.thaihaircenter.com

<<ປະໂຫຍດຂອງວິຕາມິນຊະນິດຕ່າງໆ>>

• ວິຕາມິນເອ

ຊ່ວຍບຳລຸງສາຍຕາ ແລະ ແກ້ໂລກຕາມົວຕອນກາງຄືນ.

ຊ່ວຍໃຫ້ກະດູກ, ຜົມ, ແຂ້ວ ແລະ ເຫງືອກແຂງແຮງ.

ສ້າງຄວາມຕ້ານທານໃຫ້ລະບົບຫາຍໃຈ.

ຊ່ວຍສ້າງພູມຊີວິດໃຫ້ດີຂຶ້ນ ແລະ ເຮັດໃຫ້ເຊົາໄຂ້ໄວຂຶ້ນ.

ຊ່ວຍໃນເລື່ອງຂອງຜິວພັນ ຫຼຸດການອັກເສບຂອງຜິວ ແລະ ຊ່ວຍລຶບຈຸດດ່າງດຳ.

ຊ່ວຍບັນເທົາໂລກກ່ຽວກັບໄທຣອຍດ໌.

• ວິຕາມິນຊີ

ເປັນຕົວສ້າງຄໍລາເຈນ ເຊິ່ງເປັນເສັ້ນໄຍເຮັດໜ້າທີ່ເຊື່ອມເນື້ອເຫຍື່ອຕ່າງໆໄວ້ດ້ວຍກັນ ທັງຍັງເປັນຕົວສ້າງກະດູກ, ແຂ້ວ, ເຫງືອກ.

ຊ່ວຍໃຫ້ແຜສົດ ແລະ ແຜໄຟໄໝ້ເຊົາໄວຂຶ້ນ.

ຊ່ວຍໃຫ້ການດູດຊຶມທາດເຫຼັກດີຂຶ້ນ ເຊິ່ງເປັນການສ້າງເມັດເລືອດທາງອ້ອມ.

ຊ່ວຍປ້ອງກັນການປ່ຽນແປງຂອງເຊວລ໌

ຊ່ວຍປ້ອງກັນບໍ່ໃຫ້ເກີດໂລກນອນຫຼັບຕາຍໃນກໍລະນີຂອງເດັກອ່ອນ.

ຊ່ວຍແກ້ໂລກເລືອດອອກຢູ່ແຂ້ວ.

ຊ່ວຍຫຼຸດຄໍເລສເຕີຣອລໃນເລືອດ.

ຊ່ວຍຄາຍຄຽດ.

• ວິຕາມິນ ອີ

ເປັນຕົວແອນຕີອອກຊີແດນທ໌ ຄືເຮັດໃຫ້ເກີດການເຜົາຜານໂດຍມີອອກຊີເຈນເປັນຕົວການສຳຄັນເຮັດໃຫ້ຮ່າງກາຍເຜົາຜານໄດ້ດີ.

ເປັນຕົວຊ່ວຍໄຂກະດູກໃນການສ້າງເລືອດ ຊ່ວຍຂະຫຍາຍເສັ້ນເລືອດ ຕ້ານການແຂງຕົວຂອງເລືອດ ຫຼຸດຄວາມສາມາດໃນການຈັບຕົວເປັນລິ່ມເລືອດ ແລະ ຫຼຸດອັດຕາສ່ຽງຂອງໂລກທີ່ກ່ຽວກັບຫຼອດເລືອດສະໝອງ ແລະ ຫົວໃຈ.

ບຳລຸງຕັບ ເຊິ່ງເຮັດໜ້າທີ່ກ່ຽວກັບເລືອດ.

ຊ່ວຍໃນລະບົບສືບພັນ ເຊວລ໌ປະສາດ ແລະ ກ້າມເນື້ອ ໃຫ້ເຮັດວຽກໄດ້ຕາມປົກະຕິ.

ຊ່ວຍໃຫ້ຜິວພັນສົດໃສ ແລະ ຊ່ວຍສະໝານແຜໄຟໄໝ້ ນ້ຳຮ້ອນລວກ ໃຫ້ເຊົາໄວຂຶ້ນ.

ຊ່ວຍໃຫ້ປອດເຮັດວຽກດີຂຶ້ນ ແລະ ບໍ່ອ່ອນເພຍງ່າຍ.

• ວິຕາມິນ ບີ2

ເປັນໂຄເອນໄຊມ໌ຂອງປະຕິກິລິຍາທີ່ກ່ຽວຂ້ອງກັບການໃຊ້ສານອາຫານໃນຮ່າງກາຍ ເຊັ່ນ ໂຄເອນໄຊມ໌ທີ່ຄວບຄຸມການໃຊ້ອາຊິດໄຂມັນ ອາຊິດອະມິໂນ ອາຊິດໄພຣູວິກ ເປັນຕົ້ນ ຈິງຊ່ວຍໃຫ້ການຈ່າຍອາຫານເປັນໄປຕາມປົກະຕິ.

ເຮັດໃຫ້ຮ່າງກາຍຈະເລີນເຕີບໂຕ ຮັກສາສຸຂະພາບຂອງຜິວໜັງ ແລະ ລະບົບປະສາດ ບຳລຸງສາຍຕາ ຊ່ວຍໃຫ້ເມັດເລືອດແດງຄົງສະພາບ ຊ່ວຍໃນຂະບວນການໃຊ້ອອກຊີເຈນ ເຮັດໃຫ້ການຫາຍໃຈລະດັບເຊວລ໌ດີຂຶ້ນ.

• ວິຕາມິນ ບີ6

ເປັນຕົວສຳຄັນທີ່ຈະເຮັດໃຫ້ການດູດຊຶມຂອງວິຕາມິນ ບີ12 ເຂົ້າສູ່ຮ່າງກາຍໄດ້ເຕັມທີ່ ແລະ ສົມບູນ.

Decarboxylation ຂອງ ອາຊິດອະມິໂນ ຫຼື ເມຕາບໍລິຊຶມຂອງໄຂມັນ ແລະ ອາຊິດນິວຄຼີອິກ.

ຊ່ວຍວິຕາມິນເອຟ ປະຕິບັດໜ້າທີ່ດີຂຶ້ນ.

ວິຕາມິນ ບີ6 ນີ້ເປັນສ່ວນປະກອບຂອງໂຄເອນໄຊມ໌ທີ່ສຳຄັນຕົວໜຶ່ງ ເຊິ່ງເຮັດໜ້າທີ່ເຜົາຜານ ແລະ ໃຊ້ຄາໂບໄຮເດຣດ ແລະ ໂປຣຕິນ ໃຫ້ເປັນປະໂຫຍດຕໍ່ຮ່າງກາຍ.

ການສ້າງເຊໂຣໂທນິນ ເຊິ່ງເປັນຮໍໂມນ ຊ່ວຍໃນການຫົດຕົວຂອງກ້າມເນື້ອກ້ຽງ ແລະ ມີຜົນຕໍ່ການຄວບຄຸມການເຮັດວຽກຂອງສະໝອງ ແລະ ເນື້ອເຫຍື່ອ.

ການສ້າງສານພູມຄຸ້ມກັນໂລກ ແລະ ສັງເຄາະສານແລກເລີ່ມຂອງວົງແຫວນເຟີໄຟຣິນ ເຊິ່ງເປັນສ່ວນສຳຄັນຂອງເຮໂມໂກລບິນ.

ການສ້າງອາຊິດອະມິໂນທີ່ບໍ່ຈຳເປັນຕໍ່ຮ່າງກາຍ ເຊັ່ນ ອະລານິນ ອາຊິດກຼູທາມິກ ອາຊິດແອສພາທິກ ໃນຕັບ ໂດຍອາໃສປະຕິກິລິຍາເຄື່ອນຍ້າຍໝູ່ອະມິໂນ.

ຊ່ວຍໃນການສ້າງພູມຄຸ້ມກັນໃຫ້ແກ່ຮ່າງກາຍ ໂດຍສະເພາະຢ່າງຍິ່ງ ເມັດເລືອດແດງ.

ຊ່ວຍໃນການປ່ອຍນ້ຳຕານ ຈາກຕັບ ແລະ ກ້າມເນື້ອ ອອກມາເປັນພະລັງງານ.

ຊ່ວຍໃນການປ່ຽນທຣິບໂຕຟານ ເປັນໄນອະຊິນ ຫຼື ວິຕາມິນ ບີ3.

ວິຕາມິນ ບີ6 ເປັນຕົວສຳຄັນໃນການສັງເຄາະ ແລະ ຄວບຄຸມການປະຕິບັດໜ້າທີ່ຂອງ DNA ແລະ RNA ເຊິ່ງເປັນປັດໄຈສຳຄັນໃນການບົ່ງບອກກຳມະພັນ.

ຊ່ວຍໃນການຄວບຄຸມຄວາມສົມມະດຸນຂອງນ້ຳໃນຮ່າງກາຍ ແລະ ສົ່ງເສີມການເຮັດວຽກຂອງລະບົບປະສາດ ກ້າມເນື້ອ ແລະ ກະດູກ.

ປ້ອງກັນການປວດຮາກໃນເວລາຖືພາ.

ມີຜົນໃນການຮັກສາໂລກເສື່ອມສະມັດຖະພາບຂອງອະໄວຍະວະຕ່າງໆ ໂລກຫົວໃຈ ແລະ ເບົາຫວານ.

ມີຜົນໃນການຫຼຸດລະດັບຄໍເລສເຕີຣອລ.

ປ້ອງກັນອາການຕື່ນ ແລະ ບໍ່ສະຫງົບຂອງປະສາດ ອາການນອນບໍ່ຫຼັບ.

ມີຄຸນສົມບັດເປັນຢາຂັບປັດສະວະທຳມະຊາດ.

ຊ່ວຍຫຼຸດອາການບວມໃນໄລຍະກ່ອນມີປະຈຳເດືອນ.

• ໄນອະຊິນ ຫຼື ວິຕາມິນ ບີ3

ເປັນສ່ວນປະກອບຂອງເອນໄຊມ໌ ນິໂຄຕິນາໄມດ໌ ອະດີນິນ ໄດນິວຄຼີໂອໄທດ໌(NAD) ແລະ ນີໂຄຕິນາໄມດ໌ ອະດີນິນ ໄດນິວຄຼີໂອໄທດ໌ຟອສເຟດ(NADP) ເຊິ່ງກ່ຽວຂ້ອງກັບປະຕິກິລິຍາຫຼາຍຢ່າງໃນຮ່າງກາຍ ເຊັ່ນ  NAD ເປັນໂຄເອນໄຊມ໌ໃນປະຕິກິລິຍາອອກຊີເດເຊິນ ໃນຂະບວນການໄກລໂຄລິຊຶມ ແລະ ຂະບວນການຂົນຖ່າຍອີເລັກຕຣອນໃນການຫາຍໃຈຂອງເຊວລ໌ ແລະ NADP ເປັນໂຄເອນໄຊມ໌ໃນປະຕິກິລິຍາການສັງເຄາະອາຊິດໄຂມັນ ແລະ ຄໍເລສເຕີຣອລ ແລະ ກ່ຽວຂ້ອງກັບການປ່ຽນເຟນິນອະລານິນໄປເປັນໄທໂຣຊິນ.

ຊ່ວຍບຳລຸງສະໝອງ ແລະ ປະສາດ.

ຊ່ວຍຮັກສາສຸຂະພາບຂອງຜິວໜັງ ລີ້ນ ແລະ ເນື້ອເຫຍື່ອຂອງລະບົບຍ່ອຍອາຫານ.

ຈຳເປັນສຳລັບການສັງເຄາະຮໍໂມນເພດ.

ຊ່ວຍຫຼຸດລະດັບຄໍເລສເຕີຣອລໃນເລືອດ.

• ອາຊິດໂຟລິກ ຫຼື ວິຕາມິນ ບີ9

ກະຕຸ້ນຖົງນ້ຳດີໃຫ້ບີບຕົວແຮງຂຶ້ນ ເພີ່ມພະລັງຜະລິດນ້ຳດີ ເຮັດໃຫ້ການຍ່ອຍໄຂມັນ ແລະ ການດູດຊຶມໄຂມັນດີຂຶ້ນ ໂດຍສະເພາະອາຊິດໄຂມັນທີ່ຈຳເປັນ ເຊັ່ນ ແຄໂຣທີນ ແລະ ວິຕາມິນ ເອ ດີ ອີ ແລະ ວິຕາມິນ ເຄ.

ການໃຊ້ນ້ຳຕານ ແລະ ອາຊິດອະມິໂນ ຮ່າງກາຍຈຳເປັນຕ້ອງມີອາຊິດໂຟລິກຊ່ວຍໃນຂະບວນການນີ້.

ຊ່ວຍໃນການສ້າງເມັດເລືອດແດງ.

ເຮັດໜ້າທີ່ຄ້າຍນ້ຳຍ່ອຍ ເຮັດວຽກຮ່ວມກັບວິຕາມິນ ບີ12 ແລະ ວິຕາມິນ ຊີ ເຜົາຜານໂປຣຕິນ ແລະ ໃຊ້ໃຫ້ເກີດປະໂຫຍດເຕັມທີ່.

ເປັນຕົວສຳຄັນໃນການສ້າງອາຊິດນິວຄຼີອິກ ເຊິ່ງຈຳເປັນຕໍ່ການຈະເລີນເຕີບໂຕຂອງຮ່າງກາຍ ແລະ ສ້າງເຊວລ໌ທັງຫຼາຍໃຫ້ກັບຮ່າງກາຍຢ່າງຖືກຕ້ອງ ແລະ ເໝາະສົມ.

ຄວບຄຸມການເຮັດວຽກຂອງສະໝອງ.

ເຮັດໃຫ້ຮູ້ສຶກຢາກຮັບປະທານອາຫານຫຼາຍຂຶ້ນ.

ກະຕຸ້ນການຜະລິດອາຊິດໄຮໂດຣຄຼໍຣິກ ເຊິ່ງຊ່ວຍໃນການປ້ອງກັນກາຝາກໃນລຳໄສ້(ແມ່ທ້ອງ) ແລະ ປ້ອງກັນອາຫານເປັນພິດ ນອກຈາກນີ້ຍັງຊ່ວຍໃນການປະຕິບັດໜ້າທີ່ຂອງຕັບໃຫ້ມີປະສິດທິພາບຫຼາຍຂຶ້ນ.

ຊ່ວຍໃນການເຜົາຜານ RNA ແລະ DNA ເຊິ່ງເປັນຕົວສຳຄັນໃນການສັງເຄາະໂປຣຕິນ ການສ້າງເລືອດ ສ້າງເຊວລ໌ ແລະ ການຖ່າຍທອດປັດໄຈທາງກຳມະພັນ ແລະ ການເຮັດໜ້າທີ່ຮ່ວມກັບ ວິຕາມິນ ບີ12 ລວມທັງການສ້າງພູມຕ້ານທານໂລກໃນຕ່ອມໄທມັສ ໃຫ້ແກ່ເດັກນ້ອຍ ແລະ ເດັກເກີດໃໝ່.

ແຫຼ່ງອ້າງອິງ:

www.google.co.th
http://en.wikipedia.org
http://th.wikipedia.org
http://www.geocities.com/vitandmin/VITAMINS.htm

10ວິທີ ການຖະໜອມສາຍຕາເມື່ອຕ້ອງໃຊ້ຄອມພິວເຕີ

1. ຄວນເລືອກຈໍພາບທີ່ມີການກະຈາຍລັງສີຕ່ຳ ເພື່ອຖະໜອມສາຍຕາ ວິທີທົດສອບງ່າຍໆ ເຮັດໄດ້ໂດຍການລອງປິດສະວິດຈໍພາບ ແລ້ວເອົາມືຫຼືແຂນໄປແປະໄວ້ໃກ້ໆຈໍພາບໃຫ້ຫຼາຍທີ່ສຸດ ຈໍພາບທີ່ມີການກະຈາຍລັງສີຕ່ຳເກືອບຈະບໍ່ຮູ້ສຶກເຖິງໄຟຟ້າສະຖິດຕາມຂົນຢູ່ຜິວໜັງ.

2. ປັບແສງແລະຄວາມຄົມຊັດຂອງໜ້າຈໍຄອມພິວເຕີໃຫ້ຮູ້ສຶກສະບາຍຕາ ລວມທັງຄວາມສະຫວ່າງພາຍໃນບ່ອນເຮັດວຽກ ຜ່ອນແສງສະທ້ອນລົບກວນ ເຊັ່ນ ປິດໄຟຫຼອດທີ່ສະທ້ອນຈ້າລົງເທິງຈໍຄອມພິວເຕີ ຫາກເຮັດວຽກກັບຄອມພິວເຕີໃນສະພາບແວດລ້ອມທີ່ມີແສງຈ້າແລະຈໍພາບມີຄວາມສະຫວ່າງຫຼາຍ ກໍ່ຈະຍິ່ງສົ່ງຜົນເສຍຕໍ່ດວງຕາໄດ້ງ່າຍແລະວ່ອງໄວ ຈະຮູ້ສຶກວ່າມີອາການປວດຕາໄວແລະແສບຕາຢ່າງຮຸນແຮງ.

3. ຕຳແໜ່ງຂອງຈໍພາບຄວນຫ່າງຈາກສາຍຕາປະມານ 18-24ນິ້ວ ຫຼືປະມານຊ່ວງແຂນເອື້ອມ ແລະປັບໃຫ້ຕ່ຳກວ່າລະດັບສາຍຕາປະມານ 15-20ອົງສາ ຫາກໄລຍະຫ່າງລະຫວ່າງຕາກັບຈໍພາບບໍ່ສຳພັນກັນ ຈະເຮັດໃຫ້ເກີດອາການເມື່ອຍແລະປວດຕາໄດ້ງ່າຍ.

4. ການໃຊ້ແຜ່ນກອງລັງສີຕິດໄວ້ທີ່ໜ້າຈໍຄອມພິວເຕີ ເຖິງວ່າຈະຊ່ວຍຫຼຸດການກະຈາຍລັງສີຈາກຈໍຄອມພິວເຕີໄດ້ແນ່ ບໍ່ໄດ້ແນ່ ແລ້ວແຕ່ຄຸນະພາບຂອງສິນຄ້າ ແຕ່ຢ່າງນ້ອຍໆ ກໍ່ຊ່ວຍຜ່ອນແສງຈ້າຈາກຈໍຄອມພິວເຕີລົງໄດ້.

5. ທຳຄວາມສະອາດໜ້າຈໍຄອມພິວເຕີຢູ່ສະເໝີ ເພາະຝຸ່ນຈະເຮັດໃຫ້ເກີດການສະທ້ອນຫຼາຍຂຶ້ນ.

6. ການຢຸດພັກຫຼືປ່ຽນຕະຕາລາງການເຮັດວຽກໃໝ່ ຈະຊ່ວຍໃຫ້ສາຍຕາຄາຍຄວາມອິດເມື່ອຍຈາກການຈ້ອງຈໍຄອມພິວເຕີໄດ້ The National Institute of Occupational Safety and Health (NIOSH) ແນະນຳໃຫ້ຢຸດພັກສາຍຕາຄັ້ງລະ 15ນາທີ ທຸກໆ2ຊົ່ວໂມງ ຜູ້ຊ່ຽວຊານບາງທ່ານກໍ່ແນະນຳວ່າຄວນຈະຢຸດພັກເລື້ອຍໆ ໂດຍແຕ່ລະເທື່ອໃຊ້ເວລາພຽງເລັກນ້ອຍ ເຊັ່ນ ພັກສາຍຕາທຸກ30ນາທີ ໂດຍຫຼັບຕາຫຼືແນມໄປໄກໆ ຈັກ5-10ນາທີ ແລ້ວຈິງເລີ່ມເຮັດວຽກຕໍ່ໄປ ກໍ່ຈະຊ່ວຍຖະໜອມສາຍຕາໄດ້.

7. ອາດໃຊ້ຜ້າຈຸບນ້ຳ ວາງໄວ້ເທິງເປືອກຕາ ແລະຫຼັບຕາຈັກ2-3ນາທີ ຫຼືຈະໃຫ້ດີກວ່ານັ້ນກໍ່ຄື ປິດໄຟ ນອນພັກແປັບໜຶ່ງ.

8. ສຳລັບຜູ້ທີ່ໃສ່ຄອນແທັກເລັນສ໌ ອາດຈະເກີດອາການຕາແຫ້ງ ເພາະຂາດນ້ຳຫຼໍ່ລ້ຽງ ເພາະຫ້ອງທີ່ມີຄອມພິວເຕີສ່ວນໃຫຍ່ ກໍ່ມັກຈະມີເຄື່ອງປັບອາກາດຢູ່ນຳ ເມື່ອບວກກັບຄວາມຮ້ອນຈາກເຄື່ອງຄອມພິວເຕີ ຈະເຮັດໃຫ້ອາກາດແຫ້ງ ການຢອດນ້ຳຕາທຽມຈະຊ່ວຍໄດ້.

9. ຄວນກະພິບຕາໃຫ້ເລື່ອຍໆກວ່າປົກະຕິ ເພື່ອໃຫ້ມີນ້ຳຫຼໍ່ລ້ຽງໜ່ວຍຕາຢູ່ສະເໝີ ພາຍໃນ10ວິນາທີ ລອງພະຍາຍາມກະພິບຕາສັກ1-2ເທື່ອ ຈະຊ່ວຍຫຼຸດຜ່ອນຄວາມອິດເມື່ອຍຂອງສາຍຕາໄດ້ຫຼາຍ.

10. ຜູ້ທີ່ໃສ່ຄອນແທັກເລນສ໌ ແລະຜູ້ທີ່ມີອາຍຸສູງກວ່າ40ປີຂິຶ້ນໄປ ເຊິ່ງໃຊ້ຄອມພິວເຕີເປັນປະຈຳ ຄວນກວດເຊັກສຸຂະພາບຕາແດ່...

ຂັດຈາກ: http://variety.teenee.com/foodforbrain/384.html