"ບານໂລກ(World Cup)" ເປັນມະຫາກຳກີລາທີ່ຍິ່ງໃຫຍ່ ແລະ ມີຜູ້ໃຫ້ຄວາມສົນໃຈທົ່ວໂລກ ໂດຍສະຫະພັນເຕະບານນາໆຊາດ ຫຼື F.I.F.A ກຳນົດໃຫ້ຈັດຂຶ້ນທຸກໆ4ປີ ໂດຍໃຫ້ແຕ່ລະປະເທດທີ່ມີສັກກະຍະພາບຜັດປ່ຽນໝຸນວຽນກັນເປັນເຈົ້າພາບ...

• ຜູ້ລິເລີ່ມໃຫ້ມີການແຂ່ງຂັນຄັ້ງທຳອິດ ແມ່ນ ທ່ານJules Rime ເປັນຄົນຝຣັ່ງ ໄດ້ສະເໜີໃນທີ່ປະຊຸມຂອງປະເທດສະມາຊິກສະຫະພັນເຕະບານນາໆຊາດ ເມື່ອປີ ຄ.ສ.1902 ແຕ່ວ່າການແຂ່ງຂັນຄັ້ງທຳອິດຈະເລີ່ມຂຶ້ນໄດ້ກໍ່ລ່ວງມາເຖິງ ປີ ຄ.ສ.1930 ປະເທດອຸຣູກວາຍ ຮັບເປັນເຈົ້າພາບຈັດການແຂ່ງຂັນ ໂດຍມີ 13ປະເທດ ສົ່ງທິມຮ່ວມແຂ່ງຂັນ ແລະ ອູຣູກວາຍເຈົ້າພາບກໍ່ຄວ້າແຊມໄປຄອງ  ແລະ ເພື່ອເປັນກຽດແກ່ທ່ານJules Rime ຖ້ວຍລາງວັນຊະນະເລີດຈິງໃສ່ຊື່ວ່າ "ຖ້ວຍJules Rime"...

• ຫຼັງຈາກເຕະບານໂລກຄັ້ງທີ3 ໃນປີ ຄ.ສ.1938 ການແຂ່ງຂັນຕ້ອງຢຸດຊະງັກໄປ12ປີ ເນື່ອງຈາກເກີດສົງຄາມໂລກຄັ້ງທີ2 ແລະ ໄດ້ມາເລີ່ມແຂ່ງຂັນຄັ້ງທີ4 ໃນປີ ຄ.ສ.1950 ໂດຍປະເທດບຣາຊິວ ຮັບເປັນເຈົ້າພາບ ພາຍໃຕ້ຄວາມຂັດແຍ່ງຂອງຫຼາຍໆຊາດ ເນື່ອງຈາກຄວັນຫຼົງຈາກສົງຄາມໂລກນັ້ນເອງ...

• ຕໍ່ມາໃນປີ ຄ.ສ.1970 ປະເທດບຣາຊິວໄດ້ຄວ້າແຊມໂລກເປັນສະໄໝທີ3 ຈິງໄດ້ສິດຄອບຄອງຖ້ວຍJules Rime(ເຊິ່ງພາຍຫຼັງໄດ້ຖືກລັກໄປ) ທາງF.I.F.A ຈິງໄດ້ເຮັດຖ້ວຍລາງວັນຂຶ້ນມາໃໝ່ ໃສ່ຊື່ວ່າ "ຖ້ວຍຟີຟ່າ" ເຮັດດ້ວຍທອງຄຳ ມີຄວາມສູງ36cm; ມູນຄ່າປະມານ4ແສນ$ ແລະ ໄດ້ໃຊ້ມາຈົນເຖິງປະຈຸບັນ...

• ບານໂລກຄັ້ງທີ12 ໃນປີ ຄ.ສ.1982 ຟີຟ່າໄດ້ປັບປ່ຽນຈຳນວນທິມເຂົ້າແຂ່ງຂັນ ຈາກເດີມ16ທິມ ເປັນ 24ທິມ ເນື່ອງຈາກ"ເຕະບານ" ເລີ່ມໄດ້ຮັບຄວາມນິຍົມໄປແຜ່ຫຼາຍທົ່ວໂລກ ແຕ່ລະປະເທດມີການພັດທະນາຝີມືຂຶ້ນຫຼາຍ ຈິງໜ້າຈະມີທິມທີ່ຜ່ານເຂົ້າສູ່ຮອບສຸດທ້າຍຫຼາຍຂຶ້ນຕາມໄປດ້ວຍ...

• ເຕະບານໂລກ ເລີ່ມເຂົ້າສູ່ຄວາມນິຍົມຢ່າງເຕັມຮູບແບບທາງດ້ານກິລາ ທຸລະກິດ ການເງິນ ລິຂະສິດການຖ່າຍທອດສົດ ແລະ ສິດທິປະໂຫຍດຕ່າງໆ ໃນຄັ້ງທີ16 ເມື່ອປີ ຄ.ສ.1998 ທີ່ປະເທດຝຣັ່ງເປັນເຈົ້າພາບ ພ້ອມກັບຈຳນວນທິມທີ່ຟີຟ່າກຳນົດໃຫ້ຜ່ານເຂົ້າມາເຖິງຮອບສຸດທ້າຍຫຼາຍຂຶ້ນເປັນ32ທິມ ອາດເວົ້າໄດ້ວ່າ ເຕະບານໂລກໄດ້ກ້າວຂຶ້ນມາສູ່ອີກຍຸກໜຶ່ງກໍ່ວ່າໄດ້...

ຂັດຈາກ: worldcup.hotelsza.com