<<<<<< ກາບກອນ: ນັ່ງເສົ້າໃຕ້ເງົາຈັນ>>>>>>>>>>

ພໍແຕ່ ຟ້າມືດຄື້ມ..........................ແສງສ່ອງຫຼັບຫາຍ

ເຮັດໃຫ້ຂ້ອຍໃຈຫາຍ...................ເພາະເຫົງາເຂົ້າມາອີກແລ້ວ

ບໍ່ຍິນສຽງນ້ອງແກ້ວ...................ວີ່ແວວບໍ່ເຫັນເປັນໃຈຕັ້ງຕໍ່

ຍັງລໍຄອຍນາດນ້ອງ.....................ປານໃດແທ້ຊິມາ ແທ້ແລ້ວ

ໃຈຢາກມີຄູ່ຊ້ອນ.........................ຊອນບ່ອນຄືຊິດີ

ໄດ້ແຕ່ຫວັງມາທຸກປີ.....................ບໍ່ເຫັນມີມາໃກ້

ໃຈຊາຍລໍນາດນ້ອງ......................ເນື້ອຄູ່ຊາຍປານໃດຊິເກີດ

ປະກົດໃຫ້ເຫັນດ້ວຍເທີດ...............ຈັ່ງຊິໄດ້ບໍ່ຂຶ້ນຄານ ແທ້ແລ້ວ

ຊາຍລໍຮັກນາດນ້ອງ.......................ຈົດຈໍ່ລໍຄອຍດ້ວຍໃຈ

ບໍ່ຮູ້ວ່າປານໃດ...............................ຈິ່ງຊິມາໃກ້

ຢ່າໃຫ້ໃຈຊາຍນີ້............................ຄອຍນາງໄຫວຫວັ່ນ

ໃສເນື້ອຄູ່ຊາຍນັ້ນ..........................ຢູ່ແຈຂົ້ວຂອບຫົນໃດ ແທ້ແລ້ວ

ຫວັງລໍຮັກນາດນ້ອງ.....................ຫວັງຕໍ່ກໍ່ສ້າງສາ

ລໍປານໃດຊິມາ..............................ຄູ່ຄອງມີນຳເຂົາເຈົ້າ

ຊາຍໄດ້ແຕ່ນັ່ງເສົ້າ........................ໃຕ້ເງົາຈັນຝັນຕັ້ງຕໍ່

ຫວັງໃຫ້ນາງນາດນ້ອງ...................ຄູ່ແທ້ຈົ່ງມາ  ແທ້ແລ້ວ

ຈະຮັກນາງນາດນ້ອງ.......................ພຽງແຕ່ຜູ້ດຽວ

ຍິງອື່ນບໍ່ແລຫຼຽວ............................ບໍ່ຫັນເຫໄປໃກ້

ໃຈຈະຮັກແຕ່ນາງນ້ອງ....................ຄົນດຽວບໍ່ແໜງໜ່າຍ

ຂໍຈົ່ງນາງມາຮັກແທ້.......................ຊາຍນີ້ນັ່ງຖ້າຢ່າງເສົ້າໃຕ້ເງົາຈັນ ແທ້ແລ້ວ