ຂຽນເມື່ອ: ພ.ຈ.. 2, 2011
| ມີ
7 ຄຳເຫັນ
ແລະ
0 trackback(s)
ເທິງໂລກໃບນີ້ ມີສິ່ງຕ່າງໆໃຫ້ຮຽນຮູ້ຢ່າງຫລວງຫລາຍ ແຕ່ໜ້າເສຍດາຍ... ຊີວິດເຮົາບໍ່ຍືນຍາວພໍ ທີ່ຈະເກັບກ່ຽວປະສົບການທຸກຢ່າງໄດ້ ເຮົາຈຶ່ງຄວນເລືອກຮຽນຮູ້ເຖິງສາລະສຳຄັນຂອງຊີວິດເສຍກ່ອນທີ່ຈະສາຍເກີນໄປ ສາລະສຳຄັນທີ່ວ່ານີ້ກໍຄື
ຄົນເຮົາເກີດມາເພື່ອຫຍັງ?
ຄຳຖາມນີ້ ເບິ່ງວ່າຈະຕອບໄດ້ບໍ່ຍາກຫລາຍ ແຕ່ມີຫລາຍຊີວິດຕ້ອງຈົບລົງ ໂດຍບໍ່ຮູ້ວ່າຕົວເອງເກີດມາເພື່ອຫຍັງດ້ວຍຊ້ຳ ຫລືບາງຄົນພະຍາຍາມທີ່ຈະຕອບ ແຕ່ກໍຫາທີ່ສຸດຂອງຄຳຕອບນັ້ນບໍ່ໄດ້
ມະນຸດເກີດມາເພື່ອຊົດໃຊ້ກຳແມ່ນບໍ່?
ຫລືເກີດມາເພື່ອຕາຍ ຕາຍແລ້ວເກີດໃໝ່ ກໍເບິ່ງຈະເປັນເຫດຜົນທີ່ທຳມະດາເກີນໄປ
ຫລືເກີດມາເພື່ອສະແຫວງຫາຄວາມມັ່ງຄັ່ງໃຫ້ເຖິງທີ່ສຸດ ແຕ່ສຸດທ້າຍກໍເອົາຫຍັງໄປບໍ່ໄດ້...!
ຂະນະທີ່ຕົວເຮົາເອງຍັງບໍ່ຮູ້ເລີຍວ່າ
ຄຳຕອບສຸດທ້າຍຂອງຄຳຖາມນີ້ ຄື ຫຍັງກັນແນ່..!
ແລ້ວເຮົາຈະດຳເນີນຊີວິດຕໍ່ໄປ
ແລະສັນຫາສິ່ງທີ່ດີທີ່ສຸດໃຫ້ກັບຕົວເອງໄດ້ຢ່າງໃດ?
ຄົນເຮົາເກີດມາພ້ອມກັບຄວາມລັບຕ່າງ ໆ ຢ່າງຫລວງຫລາຍ
ແລ້ວຫຍັງ ຄື ສິ່ງທີ່ເຮົາຄວນສະແຫວງຫາ
ຫຍັງ ຄື ສິ່ງທີ່ບໍ່ຈຳເປັນຕ້ອງເສຍເວລາໄປກັບມັນ
ເຖິງເວລາແລ້ວທີ່ເຮົາຈະຕ້ອງ ເລີ່ມຄົ້ນຫາຄວາມຈິງ ໂດຍການເປີດໂອກາດໃຫ້ຕົວເຮົາເອງໄດ້ຮູ້ຈັກ ທີ່ສາມາດເປີດເຜີຍເລື່ອງລາວຄວາມຈິງຂອງຊີວິດ ຈະໄດ້ຮູ້ວ່າ ແທ້ຈິງແລ້ວ...
ຄົນເຮົາເກີດມາເພື່ອຫຍັງ? ຕາຍແລ້ວໄປໃສ ?
ແລະຕ້ອງປະຕິບັດຕົນຢ່າງໃດເພື່ອໃຫ້ເຂົ້າເຖິງຄວາມສຸກອັນໄພບູນຍ໌
ທີ່ມະນຸດທຸກຄົນພຶງປາດຖະຫນາ
ໜວດໝູ່:
