14ກຸມພາວັນແຫ່ງຄວາມຮັກ

ຖ້າເວົ້າເຖິງ ວັນທີ 14 ກຸມພາ ທຸກຄົນກໍ່ຈະຮູ້ເລີຍວ່າແມ່ນວັນຫຍັງ

ວັນທີ່14 ກຸມພາກໍ່ແມ່ນວັນແຫ່ງຄວາມຮັກ ຫລືວ່າວັນວາເລັນທາຍທີ່ເຮົາຮູ້ກັນດີ

ແຕ່ເພື່ອນໆຮູ້ຫລືບໍ່ວ່າວັນວາເລັນທາຍມີຄວາມເປັນມາແນວໃດ

ເຮົາມາໄຂຂໍ້ຂ້ອງໃຈນຳກັນເລີຍດີກ່ວານໍ

14 ກຸມພາ ວັນແຫ່ງຄວາມຮັກ

ວັນທີ່ 14ກຸມພາກໍ່ເປັນອີກຫນຶ່ງມື້ກັບການສະເຫລີມສະຫລອງຄວາມຮັກ

ແລະຄວາມໂລແມນຕິກຂອງຄົນນັບຫລາຍລ້ານຄົນທົ່ວໂລກ

ວັນພັກນີ້ເປັນວັນທີ່ນິຍົມທີ່ສຸດໂດຍສະເພາະສະຫະລັດອາເມລິກາ,

ລາຊາອານາຈັກແຄນນາດາ, ອິນເດຍ, ຝຮັ່ງ, ແມັກຊິໂກ້, ອອສະເຕເລຍ

ແລະ ຍີ່ປຸ່ນໂດຍສັງເກດໄດ້ເປັນສ່ວນໃຫຍ່.

ຄວາມຈິງ

ແລ້ວວັນວາເລັນທາຍ ຫລືວັນແຫ່ງຄວາມຮັກນີ້

ເປັນວັນທີ່ລະນຶກເຖິງນັກບຸນເຊນ (Saint Valentine)

ຜູ້ທີ່ເຕັມໄປດ້ວຍຄວາມຮັກອັນບໍລິສຸດມາພ້ອມກັບຄວາມຫວັງດີຕໍ່ເພື່ອນມະນຸດ

ແຕ່ວ່າຕ້ອງໄດ້ຈາກໂລກນີ້ໄປດ້ວຍການຮັບໂທດປະຫານຊີວິດໃນວັນທີ່14 ກຸມພາ ຄ.ສ 270

ຄວາມເປັນມາຂອງເລື່ອງແມ່ນເກີດຂຶ້ນໃນຄຣິສຕະສັກກະລາດສັດຕະວັດທີ່ 3

ມີຜູ້ນຳຄຣິສສະຕຽນຄົນຫນຶ່ງຊື່ວ່າ “ວາເລັນຕີນັຊ”ລາວເປັນບຸກຄົນທີ່ມີຄວາມຮັກໂອບອອ້ມອາລີ

ມີເມດຕາກະລຸນາຕໍ່ເພື່ອນມະນຸດຮ່ວມໂລກດຽວກັນລາວຈະມັກຈອບເອົາອາຫານການກິນ

ແລະເຄື່ອງໃຊ້ສອຍທີ່ຈຳເປັນໄປວາງໄວ້ຫນ້າບ້ານຂອງຄົນທຸກຍາກ

ໂດຍບໍ່ໃຫ້ພວກເຂົາເຫລົ່ານັ້ນຮູ້ຕົວໃນທຸກໆມື້.

ໃນສະໄຫມນັ້ນ

ສາດສະຫນາຄຣິສຍັງບໍ່ເປັນທີ່ຍອມຮັບໃນຈັກກະວັດໂຣມັນ

ຜູ້ໃດທີ່ນັບຖືແມ່ນຖືວ່າມີຄວາມຜິດຂັ້ນຮ້າຍແຮງ

ດ້ວຍເຫດນັ້ນຜູ້ຄົນທີ່ນັບຖືຄຣິດຈຶ່ງຖືກກົດຂີ່ຂົ່ມເຫັ່ງແລະຖືກທໍລະມານຢ່າງສາຫັດ

ຜູ້ໃດທີ່ບໍ່ປະຕິບັດຕາມຈະຖືກຂ້າຖິ້ມວາເລັນຕິນັຊກໍ່ເປັນຫນຶ່ງໃນນັ້ນ

ແຕ່ວ່າລາວບໍ່ເຊົາທີ່ຈະນັບຖືຄຣິສດັ່ງນັ້ນລາວຈຶ່ງຖືກຄຸມຂັງເຂົ້າຄຸກຂໍ້ຫາເປັນຄຣິສສະຕຽນ.

ໃນຂະນະທີ່ລາວຢູ່ໃນຄຸກລາວກໍ່ໄດ້ພົບຮັກກັບລູກສາວຂອງຜູ້ຄຸມຂັງຊຶ່ງເປັນຄົນພິການທາງສາຍຕາ

ດ້ວຍຄວາມຮັກອັນບໍລິສຸດແລະຄຳອະທິຖານຂອງລາວພະຜູ້ເປັນເຈົ້າຈຶ່ງປະທານດວງຕາ

ໃຫ້ລູກສາວຜູ້ຄຸມນັ້ນກັບຄືນມາເປັນປົກກະຕິຜູ້ຄຸມແລະຄອບຄົວຈຶ່ງຫັນປ່ຽນມານັບຖືຄຣິສ

ເມື່ອຮູ້ຮອດອົງຈັກກະພັດຄຣໍດິອຸຊທີ່ 2 ພະອົງຈຶ່ງສັ່ງໃຫ້ລົງໂທດວາເລັນຕິນັຊຢ່າງສາຫັດ

ໂດຍການຂ່ຽນຕີແລ້ວນຳໄປຕັດຫົວ

ຄືນສຸດທ້າຍ

ກ່ອນທີ່ລາວຈະຖືກນຳໄປປະຫານຊິວິດນັ້ນລາວໄດ້ຂຽນຈົດຫມາຍເພື່ອເປັນການອຳລາ

ສົ່ງໄປໃຫ້ລູກສາວຜູ້ຄຸມຄົນຮັກລົງທ້າຍວ່າ: From Your Valentine.

ໃນຕອນເຊົ້າວັນທີ່14 ກຸມພາຄ.ສ 270

ວາເລັນຕິນັຊຖືກຕັດຫົວແລ້ວເອົາສົບໄປຝັງໄວ້ທີ່ເຟມມີເນຍເວ

ເຊິ່ງພາຍຫລັງມີການສ້າງໂບດຫລັງໃຫຍ່ຄຸມສຸສານຂອງລາວເອົາໄວ້

ເປັນອານຸສາວະລີລະນຶກເຖິງຄວາມຮັກແລະຊີວິດອັນມະຫາສານຂອງລາວ

ຈູເລຍຄົນຮັກຂອງລາວໄດ້ປູກຕົ້ນອາມອລສີລບົວ

ໄວ້ໃກ້ໆກັບຂຸມສົບຂອງລາວແດ່ຜູ້ອັນເປັນທີ່ຮັກຂອງຕົນ

ໂດຍທຸກໆມື້ຕົ້ນອາມອລສີບົວຈະເປັນຕົວແທນແຫ່ງຮັກນິລັນ

ແລະມິດຕະພາບອັນງົດງາມ.ນັກບຸນວາເລັນຕິນັຊມີຄວາມເຫລື້ອມໃສສັດທາຕໍ່ພະຄຣິດຫລາຍ

ລາວໄດ້ກ່າວໄວ້ວ່າ ຄວາມຕາຍກໍ່ບໍ່ສາມາດມາປ່ຽນຄວາມຄິດຂອງລາວໄດ້.

ຄວາມເປັນມາຂອງວັນວາເລັນທາຍ ຫລືວັນແຫ່ງຄວາມຮັກນີ້ໄດ້ສືບຕໍ່ເລົ່າກັນມາຈົນຮອດປະຈຸບັນນີ້

ເທົ່າທີ່ຄົນເຮົາຫາມາໄດ້ແລະໃນປະຈຸບັນວັນແຫ່ງຄວາມຮັກກໍ່ເປັນອີກມື້ຫນຶ່ງທີ່ສຳຄັນ

ເຮົາສາມາດສະແດງຄວາມຮັກກັບຄົນທີ່ເຮົາຮັກໄດ້ ດ້ວຍການສົ່ງຊ໋ອກໂກແລັດ,

ດອກໄມ້ ແລະອື່ນໆທີ່ສາມາດສື່ເຖິງຄວາມຮັກ

ແຕ່ສິ່ງໃດກໍ່ບໍ່ສຳຄັນເທົ່າຄວາມຈິງໃຈມີເມດຕາກະລຸນາ

ມີນ້ຳໃຈທີ່ຢູ່ໃນສ່ວນລຶກໆຂອງຫົວໃຈທຸກຄົນທີ່ບໍ່ນຳອອກມາໃຊ້ ເຮົາມາມອບຄວາມຮັກ

ຄວາມຫວັງດີ ມີນ້ຳໃຈ ຈິງໃຈ ໃຫ້ກັບຄົນທີ່ເຮົາຮັກທຸກໆມື້ກັນເທາະ

ເພາະບໍ່ມີໃຜຮູ້ວ່າມື້ອື່ນຈະເກີດຫຍັງຂຶ້ນ ຂໍມອບຄວາມຮັກໃຫ້ຜູ້ອ່ານທຸກຄົນເດີ້

                                                                                             ( ບຸກຄົນທີ່ບໍ່ມັກໂຕ້ຖ່ຽງກັບຜູ້ໃດ )

ບຸກຄົນທີ່ແມ່ນໝວດເລືອດ ເອ໋ ນັ້ນເປັນຄົນທີ່ມີຄວາມເຊື່ອໝັ້ນໃນຕົນເອງຫຼາຍ ຈຶ່ງບໍ່ຄອຍຈະໄປໂຕ້ຖ່ຽງ ຫຼືສະແດງຄວາມຄິດເຫັນ ຂັດແຍ້ງກັບຜູ້ໃດ ເພາະເຊື່ອວ່າຄວາມຄິດຂອງຕົນຖືກຕ້ອງຢູ່ສະເໝີ ຈຶ່ງບໍ່ຈຳເປັນຈະໄປຂໍຄວາມຄິດເຫັນຈາກໃຜອີກ ແຕ່ຍັງດີທີ່ຄົນກຸ໋ບເລືອດເອ໋ ສ່ວນຫຼາຍຈະເປັນຄົນເອົາໃຈເກັ່ງ, ເຫັນໃຈ ແລະ ຕາມໃຈຄົນອື່ນສະເໝີ ດັ່ງນັ້ນ ຈຶ່ງບໍ່ຄອຍຈະເຫັນວ່າຄົນກຸ໋ບເລືອດເອ໋ ຈະໄປເຮັດໃຫ້ຜູ້ອື່ນເຈັບຊຳ້ນຳໃຈ ຈຶ່ງບໍ່ຄອຍຈະມີຕະຫຼອດ

ແຕ່ຄົນກຸ໋ບເລືອດເອ໋ກໍ່ຍັງມີຂໍ້ເສຍຢູ່ ຄືເປັນຄົນຂາດຄວາມຣິເລີ່ມ ຊຶ່ງຫາກເປັນຊາຍບັງເອີນໄດ້ເມຍເປັນຄົນສະຫຼາດ ເຮັດວຽກເກັ່ງ ມາເປັນຄູ່ຄອງ ຈະຮູ້ສຶກຜິດຫວັງໃນຕົວເຂົາ ແຕ່ຖ້າແມ່ນຜູ້ຍິງລັກສະນະດຽວກັນນີ້ກໍ່ອາດຈະເປັນຜົນດີ ເພາະຈະເຮັດຜູ້ຍິງຄົນນີ້ມາເປັນແມ່ເຮືອນ ຊຳນານໃນການດູແລຮັກສາບ້ານເຮືອນ ປະຕິບັດສາມີໄດ້ດີ ອົບຮົມລູກກຫຼານ ສົມກັບເປັນແມ່ບ້ານນັ້ນແລະ

ແຕ່ມີຂໍ້ສັງເກດຢູ່ຢ່າງໜຶ່ງ ສຳລັບຍິງທີ່ແມ່ນກຸ໋ບເລືອດເອ໋ ໃນເວລາທີ່ໄດ້ຮັກກັບໃຜເຂົ້າແລ້ວ ເຂົາຈະຮັກສະນິດເລີຍ ທຸ່ມເທທັງໝົດທັງ ສີ່ຫ້ອງຫົວໃຈເລີຍ ແຕ່ຖ້າມື້ໃດ ນຳ້ເຜີ້ງປ່ຽນຣົດ ຈາກຫວານກາຍເປັນຂົ່ມ ເຂົາກໍ່ພ້ອມທີ່ຈະຍົກເຈົ້າອອກຈາກໃຈຂອງເຂົາ ຢ່າງເຂັມແຂງ ສຳລັບຜູ້ຍິງຄົນກຸ໋ບເລືອດເອ໋ແລ້ວ ຈະເຈັບປວດປານຕາຍເທົ່າໃດ ກໍ່ບໍ່ມີວັນງໍ້ຄືນ

ນອກຈາກຈະເປັນຄົນທີ່ມີອາລົມຮຸນແຮງແລ້ວ ຜູ້ຍິງຄົນກຸ໋ບເລືອດເອ໋ ກໍ່ຍັງເປັນຄົນຮັກຄວາມສວຍ ຄວາມງາມ ມັກແຕ່ງຕົວແບບສາວສະໄໝ່ໃໝ່ຢູ່ສະເໝີ ແຖມຍັງມີລົດສະນິຍົມດີອີກດ້ວຍ ຄືງາມແບບມີລະດັບ

                                   ຜູ້ຂຽນນີ້ ນຳເອົາບົດຄວາມນີ້ມາຈາກ ( MSN THAILAND )

Many Thank 2+2 U To Read

ໂດຍທົ່ວໄປແລ້ວນິໄສຂອງຄົນກຸ໋ບເລືອດ ( ໂອ )  ກໍ່ຄ້າຍຄືກັບນິໄສຂອງຄົນທົ່ວໄປຄື: ມີຄວາມຮອບຄອບ, ຕັດສິນໃຈດ້ວຍເຫດຜົນ , ເຊື່ອ,ມັນສະໝອງຫຼາຍກ່າວຫົວໃຈ , ບໍ່ເປັນຄົນເພີ້ຝັນ ແລະ ຂ້ອນຂ້າງໄປທາງວັດຖຸນິຍົມເລັກນ້ອຍ. ດັ່ງນັ້ນ ຄົນທີ່ມີກຸ໋ບເລືອດ ( ໂອ ) ຈື່ງມີວຽກເຮັດເປັນຫຼັກ,ເປັນຖານ ແຖມໜ້າທີ່ການງານຍັງດີເປັນພິເສດອີກດ້ວຍເຊັ່ນ: ເປັນທະນາຍຄວາມ, ເປັນຜູ້ກວດສອບບັນຊີ ຫຼື ອັນໃດກໍ່ໄດ້ທີ່ມີຄວາມໝັ່ນຄົງ.

ໂດຍປົກກະຕິແລ້ວ ຄົນກຸ໋ບເລືອດ ( ໂອ ) ບໍ່ຄ່ອຍຈະມີຈິນຕະນາການປານໃດ ຄວາມຄິດ,ຄວາມອ່ານ ຕະຫຼອດເຖິງການກະທຳຂອງພວກເຂົາຈະຕັ້ງຢູ່ບົນຮາກຖານຂອງຄວາມຈິງສະເໝີ ຄືຖ້າຕາບໍ່ໄດ້ເຫັນ, ມືບໍ່ໄດ້ຈັບ ກໍ່ຢ່າຫວັງວ່າເຂົາຈະຍອມເຊື່ອ

ດ້ວຍເຫດນີ້ແລ້ວພວກເຂົາຈື່ງສາມາດສ້າງຄອບຄົວໄດ້ເປັນປືກແຜ່ນແໜ້ນໜາ

ເຖິງວ່າພວກເຂົາຈະເປັນຄົນເຂັ້ມນິດໆ ແຕ່ຄົນກຸ໋ບເລືອດ ( ໂອ ) ກໍ່ຍັງມີຈິດໃຈໂອບເອື້ອ,ອາລີ , ຮັກເພື່ອນ, ເປັນຜູ້ບັງຄັບບັນຊາທີ່ດີ

ເປັນກຳລັງສຳຄັນຂອງໜ່ວຍງານ ແລະ ເປັນທີ່ຮັກໃຄ່ຂອງເຈົ້ານາຍ

ສ່ວນຜູ້ຍິງທີ່ມີກຸ໋ບເລືອດ ( ໂອ ) ກໍ່ເປັນຄົນທີ່ຈິງຈັງ ຕໍ່ຊີວິດແລະຄວາມຮັກ ຍິນດີຕໍ່ການໄດ້ເປັນພັນລະຍາແລະແມ່ເພາະເຂົາມີຄວາມຄິດທີ່ຈະອຸທິດຮ່າງກາຍແລະວິນຍານເພື່ອຄົນທີ່ເຂົາຮັກຢູ່ແລ້ວ

ເມື່ອອ່ານມາຮອດນີ້ແລ້ວກໍ່ຢ່າເຂົ້າໃຈຜິດວ່າຜູ້ຍິງກຸ໋ບເລືອດ ( ໂອ ) ຈະໃຈງ່າຍ ຍອມມອບກາຍໃຫ້ໃຜເຊີຍຊົມງ່າຍໆ

ກົງກັນຂ້າມ ເຂົາເປັນຄົນ ຮັກນວນສະຫງວນຕົວ ແຕ່ຖ້າຊາຍທີ່ມາຮັກກັບເຂົານັ້ນມີຄວາມເຂົ້າໃຈ ແລະ ຊຳນານພໍ ເຂົາກໍ່ຈະເປັນຄົນທີ່ໂຊກດີ

ທີ່ໄດ້ຍິງທີ່ມີຄວາມຮັກ,ຄວາມຈິງໃຈ ຢ່າງຜູ້ຍິງຄົນນີ້ເປັນຄູ່ຄອງ.

ໝາຍເຫດ: ຖ້າບຸກຄົນໃດ ຢາກໃຫ້ຜູ້ຂຽນບົດນີ້ ຂຽນການບອກນິໄສຂອງກຸ໋ບເລືອດໝວດຕ່າງໆ ກໍ່ຂຽນມາບອກກໍ່ແລ້ວກັນ

ພ້ອມຈະຂຽນໃຫ້ທຸກໆຄົນໄດ້ອ່ານໝວດເລືອດຂອງຕົນເອງ

                                    ບົດຄວາມນີ້ ຜູ້ຂຽນໄດ້ເອົາມາຈາກ MSN THAILAND