ໄດ້ຍິນມາຫຼາຍແລ້ວ ກັບຄຳທີ່ວ່າ ທຸກນາທີມີຄ່າ ... ສາຍນ້ຳບໍ່ອາດໄຫຼຍ້ອນກັບ ...

ຄວາມຈິງຂອງເວລາ ມັນເຮັດໃຫ້ຂ້ອຍຮູ້ສຶກຢ້ານເຫຼືອເກີນ ...

ຢ້ານກັບສິ່ງທີ່ຍັງບໍ່ເກີດຂື້ນ ແຕ່ຂ້ອຍພໍຈະເດົາທິດທາງທີ່ມັນພໍຈະເປັນໄປ ...

ສະນັ້ນແຫຼະ ... ສິ່ງນີ້ມັນເຮັດໃຫ້ຂ້ອຍຢ້ານທີ່ສຸດ

ເພາະຂ້ອອຍຍັງບໍ່ຮູ້ວ່າ ເທົ່າທີ່ຜ່ານມາ ສິ່ງຕ່າງໆທີ່ຂ້ອຍຕ້ອງພົບເຈິ

ທັ້ງເຈັບປວດ ຜິດຫວັງ ຄວາມສຳເລັດ ຄວາມສຸກ ສົມຫວັງ .... 

ສິ່ງເຫຼົ່ານີ້ມັນໄດ້ຫຼໍ່ຫຼອມໃຫ້ເປັນໂຕຂ້ອຍ 

ເປັນຄົນທີ່ເກັ່ງ ແລະເຂົ້ມແຂັງຂື້ນ

ແຕ່ຂ້ອຍກໍ່ບໍ່ແນ່ໃຈວ່າ ...  ມັນພຽງພໍແລ້ວຫຼືຍັງ ກັບສິ່ງທີ່ໂຕເອງກຳລັງຈະພະເຊີນໜ້າກັບມັນ

ຂ້ອຍເຫຼືອເວລາອີກບໍ່ຫຼາຍ ...

ແລະສິ່ງທີ່ວ່ານັ້ນກໍ່ໃກ້ເຂົ້າມາຫາຂ້ອຍເລື້ອຍໆ ....

ຂ້ອຍກໍ່ບໍ່ຄ່ອຍເຫັນຄວາມແຕກຕ່າງຫຼືການພັດທະນາຂອງຕົນເອງຫຼາຍປານໃດ

ຂ້ອຍຕັ້ງເປົ້າໃຫ້ໂຈເອງສູງເກີນ ... 

ເມື່ອໄດ້ລົງມືເຮັດເອງ ກໍ່ເລີຍຮູ້ວ່າມັນຄົນລະເລື່ອງກັນເລີຍ ...

ເມື່ອຄົນເຮົາເວລາທີ່ຫວັງຫຍັງໄວ້ຫຼາຍໆ ສູງໆ ... 

ແລ້ວພໍໄດ້ບໍ່ຮອດຂື້ນມາ ເວລາກໍ່ດັນໝົດຊະ ,,,,

ເໝືອວ່າ ແລ່ນມາເກືອບຕາຍ ຈຸກເອົາຊື່ໆ

ທີ່ກວ່າມານັ້ນກໍ່ເປັນຄວາມຄິດລວມໆໃນຫົວຕອນນີ້

ຫຼາຍຄົນມັກຈະເບິ່ງຄວາມຄິດຂອງຂ້ອຍແຕ່ໃນແງ່ຂອງຄວາມຮັກ

ແຕ່ເຈົ້າກໍ່ຮູ້ ຊີວົດມັນບໍ່ແມ່ນມີແຕ່ເລື່ອງຄວາມຮັກຢ່າງດຽວດອກທີ່ສຳຄັນທີ່ສຸດ

ມັນຍັງມີຫຼາຍຢ່າງກວ່ານັ້ນ ຂື້ນກັບວ່າຄວາມຄິດສ່ວນບຸກຄົນ ວ່າສິ່ງໃດທີ່ໂຕເອງໃຫ້ຄວາມສຳຄັນ ແລະມາກ່ອນ

ແຕ່ສຸດທ້າຍແລ້ວ ໃນຫຼາຍໆຢ່າງກໍ່ຍັງກ້ຽວກັບໄປວົນມາຫາໃນເລື່ອງຂອງຄວາມຮັກຄືເກົ່າ ...

ນີ້ມັນຄົງເປັນຂໍ້ພິສູດວ່າ ສິ່ງທີ່ມີຊີວິດເທິງໂລກ ຍ່ອມມີການພົວພັນກັບຄວາມຮັກ 

ເຮີ້~~~~

ເວລາມັນຄືໄປໄວແທະວະ 

ປີໜື່ງຄືບໍ່ມີຫຍັງເລີຍ

ຂ້ອຍຍັງບໍ່ຢາກເຊື່ອວ່າມື້ອື່ນມື້ຮືກໍ່ຈະໄດ້ເລີ່ມຕົ້ນນັບມື້ນັບປີໃໝ່ກັນແລ້ວ

ຂ້ອຍກໍ່ຈະຖືກດຶງກັບໄປຢູ່ໃນໂລກແຫ່ງຄວາມຈິງອີກຄັ້ງ

ເຖິງເວລາທີ່ຕ້ອງຕື່ນຈາກຝັນ ແລ້ວກ້າວເຂົ້າຫາຄວາມຈິງ.

ຂໍໃຫ້ຮັກຄຸ້ມຄອງຂ້ອຍ,

Christy V. Vanno.

ຄວາມສຸກ ...

ຄືສີ່ງໜື່ງ.... ທີ່ສິ່ງທີ່ມີຊີວິດຢ່າງມະນຸດ ພະຍາຍາມທີ່ຈະຄົ້ນຫາ ແລະໄຂ່ວຄ້ວາເອົາມັນມາດ້ວຍວິທີຕ່າງຕ່າງນານາ ເພື່ອໃຫ້ໄດ້ມັນມາ ...

ເໝືອນກັບວ່າ ..

ຄວາມສຸກ ......ເປັນສິ່ງທີ່ຕໍ່ລົມຫາຍໃຈໃຫ້ແກ່ຊີວິດ...

ເປັນສິ່ງທີ່ພັກດັນ ໃຫ້ກ້າວໄປຂ້າງໜ້າໄດ້ຢ່າງພາກພູມ~

ເຖິງຢ່າງໃດກໍ່ຕາມ...ຄວາມສຸກຂອງແຕ່ລະຄົນນັ້ນ ກໍ່ບໍ່ຄືກັນ ...

ແຕ່ໜື່ງໃນຫຼາຍຄວາມສຸກນັ້ນ ....ມັນເກີດມາຈາກພື້ນຖານຂອງຄວາມຮັກ

ນິຍາມຂອງຄວາມຮັກນັ້ນ ...ບໍ່ມີໃຜສາມາດລະບຸໄດ້ຢ່າງຖືກຕ້ອງ ແລະແທ້ຈິງສະເໝີໄປ

... ບໍ່ມີນິຍາມຕາຍໂຕ ... ໝູນວຽນຢູ່ໃນຊີວິດເຮົາສະເໝີ

ຫາກແຕ່ວ່າ... ມຸມມອງຂອງແຕ່ລະຄົນຈະເປັນແນວໃດເທົ່ານັ້ນເອງ

ຫຼາຍຄົນ... ເບິ່ງເຫັນໃນສິ່ງສິ່ງດຽວກັນ

ແຕ່ຄວາມເຫັນ ແລະຄວາມຮູ້ສຶກທີ່ໄດ້ ... ມັນກະແຕກຕ່າງກັນເຫຼືອເກີນ

ເພາະຊີວິດຂອງຄົນເຮົາ ...ພົບເຈີກັບຫຼາຍຄວາມຮູ້ສຶກ

.... ແລະຄວາມຮູ້ສຶກນັ້ນ.... ມັນໄດ້ສອນຫຍັງໃຫ້ເຮົາ.

ຄະຕິຂອງອ້າຍຂ້ອຍທີ່ສອນ ມັນຍັງໃຊ້ໄດ້ສະເໝີ

ນັ້ນກະຄື:" ປະສົບການ... ໃຫ້ຕົວຕົນ"

ປ່ອຍໃຫ້ສິ່ງທີ່ເກີດຂຶ້ນໃນຊີວິດ ເປັນສິ່ງທີ່ສອນເຮົາ ເໝືອນດັ່ງພໍ່ແມ່ແລະຄູອາຈານ

... ເຮັດໃຫ້ເຮົາຮູ້ ເຖິງສິ່ງຕ່າງຕ່າງ ...

ເຖິງແມ່ນວ່າ ....ມັນຈະເປັນຄວາມຊົງຈຳທີ່ບໍ່ຄວນຄ່າແກ່ການຄິດເຖິງກະຕາມ

....ແຕ່ມັນປຽບດັ່ງສີສັນໃນຊີວິດ ...ທີ່ໄດ້ເຕີມແຕ້ມໃຫ້ມະນຸດໄດ້ສຳຜັດມັນ ...

ເພາະມະນຸດເກີດມາເພື່ອຄົ້ນຫາ ແລະລີ້ມລອງ ທຸກຄວາມທຸກແລະຄວາມສຸກ.

ທີ່ຜ່ານມາໃນຊີວິດຂ້ອຍນັ້ນ... ມີຫຼາຍຫຼາຍຮູບແບບ ຫຼາຍລົດຊາດ

... ເລື້ອງຄວາມຮັກຄືກັນ....ຜ່ານມັນມາຢ່າງໂຊກໂຊນ ..ເກືອບເອົາໂຕບໍ່ລອດ...

ແຕ່ເມື່ອເຮົາຜ່ານມັນໄປໄດ້ແລ້ວ ... ຖ້າເຮົາເບິ່ງຍ້ອນກັບໄປ

ເຮົາຈະຮູ້ວ່າ.... *ເຮົາເຂັ້ມແຂງພຽງໃດເພາະເຮົາສາມາດຜ່ານຊ່ວງເວລານັ້ນມາໄດ້*

ຕອນນີ້ ... ຂໍຍິ້ມກັບຄວາມສຸກທີ່ເຄີຍເກີດຂື້ນໃນອະດີດ ...

ຖິງມັນຈະຜ່ານໄປແລ້ວ ... ແຕ່ກະຍັງຄົງເປັນຄວາມຊົງຈຳ

ຕີ່ເຄີຍຮັກ ຄົນທີ່ຕ່າງຮູບຮ່າງກັນ ທັ້ງນິໄສ ຄວາມຄິດ....

ແຕ່ກ່ອນທີ່ເຂົາຄົນນັ້ນ...ຈະເຂົ້າມາແບ່ງປັນຄວາມຮັກໃຫ້ຕີ່ ....

ວິທີທີ່ເຂົາກະຈະເຂົ້າມາທຳຄວາມຮູ້ຈັກກັບຕີ່..ກະຄົນລະແບບກັນ

ສ່ວນສະຖານະການແລະສະຖານະພາບ ....ເຄີຍເຈິະທັ້ງແບບຮັກຂ້າງດຽວ ບໍ່ເຄີຍຖືກຫຼຽວແລ,ທັ້ງແບບທີ່ອ້າຍເອື້ອຍນ້ອງຫຼືໝູ່ຕິດຕໍ່ມາໃຫ້,ແບບທີ່ໄລ່ຈີບກັນມາຕັ້ງແຕ່ ມ1 - 6,ແບບທີ່ບໍ່ໜ້າຈະເປັນໄປໄດ້ທີ່ໄປປື້ມດາວໂຮງຮຽນ, ຄວາມຮັກທີ່ມານຳອິນເຕີເນັດທີ່ເຮັດໃຫ້ຄົນທີ່ຢູ່ຄົນລະຟາກມາເຈິະແລະຮັກກັນ...ແລະອີກໆລໆ

ແຕ່ອັນທີ່ເດັດສຸດ ບ້າສຸດ ເຈັບສຸດ .... ລວມຂອງຄຳວ່າທີ່ສຸດ ກະຄືຄົນນີ້

.... ດັນໄປຮັກຄົນທີ່ເຮົາບໍ່ຮູ້ຈັກເລີຍວ່າ

ຄົນນັ້ນແມ່ນໃຜ ....ຮ່າຮ່າຮ່າ

ຫຼາຍຄົນດ່າວ່າບ້າ ແຕ່ກະເກີດຂື້ນແລ້ວ ...

ເລີ່ອງເກີດຂື້ນຕອນລົມໜາວກຳລັງມາ ... ຕອນທ້າຍປີ 2009

ຮູ້ຈັກຈາກເດັກນ້ອຍຄົນໜື່ງທີ່ຮັກແພງກັນ ທີ່ເອົາເບີໂທຂອງຕີ່ ໄປໃຫ້ຜູ້ຊາຍຄົນນັ້ນ ..

ໄດ້ສື່ສານກັນແຄ່ຂໍ້ຄວາມ ແຕ່ຄວາມຮັກກະເກີດຂື້ນແບບບໍ່ຮູ້ໂຕ ...ທັ້ງທີ່ຄົນນັ້ນເປັນເໝືອນຄົນລ່ອງຫົນ...

ບໍ່ເປີດເຜີຍໃຫ້ຮູ້ ....ບໍ່ເຄີຍໄດ້ຍິນສຽງ ... ບໍ່ເຄີຍເຫັນໜ້າ... ແຕ່ຮູ້ສຶກວ່າລາວມີຄວາມພິເສດ ທີ່ເຮັດໃຫ້ເຮົາມີຄວາມສຸກແລະສະບາຍໃຈທຸກຄັ້ງທີ່ໄດ້ຕິດຕໍ່ກັນ..

ຫຼາຍຄັ້ງທີ່ພະຍາຍາມທີ່ຈະຄົ້ນຫາຕົວຕົນທີ່ແທ້ຈິງຂອງລາວ ... ແຕ່ທີ່ຄວ້າມາໄດ້ ມີພຽງແຄ່ຄວາມຫວ່າງເປົ່າ..

ຈົນກະທັ້ງຈຸດສິ້ນລົມໜາວຈະຖືກພັດໄປແລະ ໄດ້ຫອບເອົາຊາຍນິລະນາມຄົນນັ້ນຈາກໄປພ້ອມກັບຫົວໃຈເຮົາໄປນຳ....

ໂດຍບໍ່ມີສັນຍານເຕືອນ ...ຈົນກະທັ້ງທີ່ມັນຫາຍໄປແລ້ວ .....

ໄດ້ແຕ່ຄວາມງຽບງັນ ແທນຄຳອຳລາ ....

ເຮົາຢູ່ຖ້າດ້ວຍຄວາມຫວັງ ... ຫວັງວ່າຈະໄດ້ພົບກັນອີກໃນບໍ່ຊ້າ... ຫວັງວ່າ ... ລາວຈະກັບມາ

ແຕ່ເວລານັ້ນ ...ຊ່າງໝູນໄປຊ້າເຫຼືອເກີນ....

ຈົນກະທັ້ງລົມໜາວຂອງທ້າຍປີ2010ນີ້ ພັດມາອີກຄັ້ງໜຶ່ງ ... ແຕ່ກະບໍ່ມີວີ່ແວວເລີຍ ..

ແລະແລ້ວເວລາທີ່ຄອຍຄົນນັ້ນກະຈົບລົງ...

ຫຼັງຈາກກນັ້ນ ກໍ່ເປີດໃຈໃຫ້ກັບຄົນອື່ນ ທີ່ຄິດວ່າຈະສາມາດຮັກໄດ້ ....

ແຕ່ສຸດທ້າຍກະຫຼົ່ມອີກບໍ່ເປັນທ່າ

ເຈິກັບຄວາມຮູ້ສຶກອີກແບບໜື່ງທີ່ບໍ່ເຄີຍເຈິ

ແລ້ວຄົນນັ້ນກະເຜີຍທາດແທ້ ແບບບໍ່ສົນໃຈ ຖິ້ມຄວາມຮູ້ສຶກໄວ້ ....ແບບບໍ່ຫຼຽວຫຼັງກັບມາອີກ...

ຢາກຈະດຶງ ... ແຕ່ດີສູ້ຄົນນັ້ນບໍ່ໄຫວ ...ກະປ່ອບຄວາມຮູ້ສຶກໃຫ້ຈົມລົງໄປ ແລ້ວຍອມຮັບກັບມັນ .......

ໃນຊ່ວງເວລາດຽວກັນນັ້ນ ...

ຢູ່ບ້ານເກີດແຈັກພ໋ອດແຕກຕາມມາອີກ 3 ເດັ້ງ

... ຄືວ່າມີເລື່ອງໜັກອົກ 3 ເລື້ອງ..

ຈົນຮັບຄວາມຮູ້ສຶກແບບນັ້ນໄວ້ບໍ່ໄຫວ...

ເມື່ອເຮັດເປັນເຂັ້ມແຂງບໍ່ໄຫວ...ສຸດທ້າຍກະລົ້ມລົງບໍ່ເປັນທ່າຢ່າງໜ້າອະໜາດ....

ຕອນທີ່ລົ້ມນອນນ້ຳຕາໄຫລ ....

ກະເໝືອນມີມື ... ມີບ່າປະຄອງເຮົາຂື້ນມາ

ອ້ອມກອດທີ່ຄອຍໃຫ້ເຮົາໄດ້ສະເໝີ ...

...ນັ້ນກະຄື ຄອບຄົວ ພີນ້ອງ ແລະ ໝູ່ທີ່ຄອຍຊ່ວຍເຫຼືອ ເໝືອນສາຍເລືອດດຽວກັນ

ມັນເຮັດໃຫ້ຄິດໄດ້ວ່າ .... ນິແຫຼະ ຄືຄວາມຮັກທີ່ໝູນອ້ອມໂຕຕີ່ສະເໝີມາ

ສິ່ງທີ່ຕີ່ແລ່ນຊອກຫາ... ທັ້ງຢູ່ຕິດຕາມເປັນເງົາເຮົານີ້ເອງ

.. ແຕ່ຕີ່ບໍ່ເຄີຍຄິດທີ່ຈະຢຸດແລ່ນໄຂ່ວຄວ້າຫາຄວາມຮັກ ທີ່ບໍ່ຢັ້ງຢືນຈາກພາຍນອກ

.. ບໍ່ເຄີຍຫາຍໃຈຈົນເຕັມປອດ ...ເພື່ອໂຕເອງ  ແລະ ບໍ່ເຄີຍມາໃສ່ໃຈກັບເງົາທີ່ຄຽງຂ້າງຕີ່

ຈາກນັ້ນ ມັນເຮັດໃຫ້ຕີ່ຮູ້ສຶກວ່າ...

ຕີ່ລະເລີຍມັນມາດົນເທົ່າໃດແລ້ວ...???

ເຮັດໃຫ້ຕີ່ຢາກປ່ຽນແປງໂຕເອງ ໄປໃນທາງທີ່ດີຂື້ນ ...ທັ້ງການກະທຳແລະຄວາມຄິດ .....

ຢາກ ... ທີ່ຈະເອົາເວລາ ໄປຫາຄວມຮູ້ນອກຫ້ອງຮຽນ ມາເພີ້ມເຕີມໃຫ້ສະໝອງ

ຢາກຈະໃຊ້ເວລາ ດູແລຄົນໃນຄອບຄົວ ແລະ ຄົນສະໜິດໃຫ້ຫຼາຍຂື້ນ

ເພື່ອຈະບໍ່ໄດ້ຖິ້ມເວລາໃຫ້ມັນເສຍໄປກັບເລື້ອງໄລ້ສາລະ

ເຮັດໃຫ້ເຮົາມີຄ່າຂື້ນມາໜ້ອຍໜຶ່ງ ...

ເຖິງຄົນອື່ນຈະບໍ່ເຫັນ ຫຼືເບິ່ງຂ້າມມັນໄປ ...

ແຕ່ຕີ່ຮູ້ວ່າຕີ່ເຮັດ ...ຕີ່ກະພໍໃຈກັບການປ່ຽນແປງຄັ້ງນີ້ແລ້ວລ່ະ ...

ແລະຮູ້ສຶກໄດ້ເລີຍວ່າ .... ມັນດີຂື້ນ

ໄດ້ເຫັນຮອຍຍິ້ມທີ່ເກີດຈາກຄວາມສຸກຂອງຄົນຮອບຂ້າງ ທີ່ເຮົາເຄີຍລະເລີຍມາກ່ອນແລ້ວ...

.....ມັນຮູ້ສຶກ ພູມໃຈດີ!!! :)

ສຳລັບຄົນອື່ນເບິ່ງແລ້ວ ... ມັນອາດຈະບໍ່ມີຫຍັງເລີຍ

ແຕ່ສຳລັບຕີ່ ...

ມັນເປັນຈຸດເລີ້ມຕົ້ນ ຂອງການປ່ຽນແປງຄັ້ງໃຫຍ່ໃນຊີວິດຂອງໂຕຕີ່ເອງ....

ໃຫ້ຄິດໄດ້ວ່າ ... ຕອນນີ້ ໂຕເອງພ້ອມແລ້ວຫຼືຍັງ ທີ່ຈະພົບກັບສິ່ງທີ່ທ້າທາຍທີ່ຢູ່ເບື້ອງໜ້າ ....

ທີ່ເອີ້ນວ່າ ອານາຄົດ

ຄືນນີ້...ເປັນຄືນຂອງວັນສຸກ ທີ18 ຈະປ່ຽນເປັນເຊົ້າ ທີ19.2.2011 ແລ້ວ .....

ແຄ່ຮູ້ສຶກເມື່ອຍກັບເລື່ອງບົດຮຽນໃໝ່ທີ່ບໍ່ເຄີຍໄດ້ຮຽນຫຼືຮັບຮູ້ມາກ່ອນ ...ທີ່ຍັດໃສ່ສະໝອງມາໝົດມື້ ....

ຍ້ອນວ່າຕີ່ບໍ່ໄດ້ແລະບໍ່ເກັ່ງ ກະເລີຍຕ້ອງໄດ້ພະຍາຍາມກວ່າຄົນອື່ນສອງເທື່ອ ....

ເມື່ອຍຈົນຢາກໄຫ້ເລີຍ.....

ແຕ່ກະຍັງດີ ທີ່ມື້ນີ້ເຫັນອ້າຍ ທີ່ເໝືອນກັບວ່າຈະຍິ້ມໃຫ້ກຳລັງໃຈແລະອ້ອມກອດເລັກໆນ້ອຍໆ

ແລະຄວາມຫ່ວງໃຍຈາກໝູ່ຄົນສະໜິດ ທີ່ໄລ່ຕີ່ໄປນອນໃນຕອນທີ່ຕີ່ກຳລັງຂຽນ ຄົນນິ້ນິລະ ຮ່າຮ່າຮ່າ :)

ເຮັດໃຫ້ເຮົາພໍຍິ້ມໄດ້ທັ້ງນ້ຳຕາ ແລະຢາກທີ່ຈະສູ້ມັນຕໍ່ໄປ...

ຊີວິດ ... ມັນມີຫຍັງຫຼາຍກວ່າທີ່ຄິດ

ຊີວິດທຸກມື້ນີມັນບໍ່ງ່າຍເລີຍ ...ຕ້ອງດີ້ນລົນຂົນຂວາຍເກືອບຕາຍ ກວ່າຈະໄດ້ສິ່ງນັ້ນມາ

ບັນຫາ... ຄືສິ່ງທີ່ມີສີສັນ ...

ທີ່ທ້າທາຍໃຫ້ເຮົາເຂົ້າໄປທົດສອບຄວາມສາມາດໃນໂຕ

ວ່າເຮົາຈະສາມາດຍີ້ມສູ້ ຫາທາງແກ້ບັນຫາ ....ແລ້ວຂ້າມຜ່ານມັນໄປໄດ້ບໍ່....

ມີທັງນ້ຳຕາ ຮອຍຍີ້ມ ຄວາມສຸກ ປົນກັນມົ້ວຊົ້ວຈົນແຍກບໍ່ອອກ ...

 ແຕ່ນັ້ນແຫຼະ ... ທີ່ຄືຊີວິດທີ່ມີລົດຊາດ

ສຸດທ້າຍ ຢາກຝາກຄວາມຮູ້ສຶກ...ເຖິງຄົນທີ່ຕີ່ເຄີຍຮັກ...

...ຖ້າຫາກວ່າມັນສາມາດໄປເຖິງຄົນນັ້ນໄດ້ ໃຫ້ຮູ້ວ່າ:

ຕອນທີ່ກຳລັງຈະໄຫ້ຄືນນີ້ ...ຕີ່ກະຫຼຽວໄປເຫັນສິ່ງເຕືອນໃຈ ທີ່ເຮັດໃຫ້ຄິດເຖິງຄວາມຮັກທີ່ຜ່ານມາ... ແລ້ວຈັບມັນອອກມາເບິ່ງ

ຖ້າແມ່ນເມື່ອກ່ອນ ຕີ່ຄືຈະມີຄວາມຮູ້ສຶກຊັງ - ແຄ້ນ ຈົນບໍ່ຢາກຈັບມັນເລີຍ ຫຼືອາດເສີຍນ້ຳຕາທຸກຄັ້ງທີ່ເຫັນ....

ແຕ່ຕອນນີ້ບໍ່ເປັນແບບນັ້ນອີກແລ້ວ....

ຕີ່ຈັບມັນຂື້ນມາເບີ່ງແລ້ວຍິ້ມແບບມີຄວາມສຸກ

ທີ່ເປັນແບບນີ້ ... ມັນກະບໍ່ໄດ້ແປວ່າຍັງຮັກຫຼືຍັງຍຶດຕິດກັບອະດີດແຕ່ຍ່າງໃດ ...

ແຕ່ນັ້ນຄືຄວາມຊົງຈຳ.....

ມັນເປັນສິ່ງຂອງ...ທີ່ຕີ່ເຄີຍແລກມັນມາ ດ້ວຍຄວາມຮູ້ສຶກທັ້ງໝົດຂອງຕີ່ເອງ...

ມັນຄົງບໍ່ເກີນຫຼາຍໄປຕວະ .....ຖ້າຕີ່ຈະຂໍເກັບມັນໄວ້ເບິ່ງເວລາທີ່ທໍ້

ເວລາເມື່ອຍ ກະພໍໃຫ້ມີຄົນຄິດຮອດ...

ເຖິງ * ຈະຊົ່ວຈັ່ງໃດກະຕາມແຕ່ ... ແຕ່ຕີ່ຈະຂໍຈື່ແຕ່ໃນສິ່ງທີ່ດີໆ

ຢ່າງນ້ອຍ .... ຕີ່ຈະຄິດເຖິງຕອນທີ່ເຄີຍມີຄວາມສຸກ ...ເປັນຄວາມຊົງຈຳດີໆ ...

ແລ້ວຍິ້ມທຸກຄັ້ງທີ່ນຶກເຖິງມັນແລ້ວກັນ.....

ຮັກກັບຂະເຈົ້າໄປດົນໆເດີ້ ....ເບີ່ງກັນໃຫ້ດີດີ ...

ສ່ວນຕອນນີ້.... ຕີ່ກະຈະເຮັດໜ້າທີ່ຂອງໂຕເອງໃຫ້ດີທີ່ສຸດ

ສ່ວນຄວາມຮັກ .. ຕີ່ຈະບໍ່ໄຂ່ວຄ້ວາກັບມັນອີກແລ້ວ....

ຊັກມື້ໜື່ງ ... ຄົນໆນັ້ນທີ່ຈະຮັກຕີ່ ...ຄົງເຂົ້ງມາຫາຕີ່ເອງໂດຍບໍ່ຕ້ອງເຮັດຫຍັງເລີຍ

ໃຊ້ຊີວິດໃຫ້ຄຸ້ມຄ່າດ້ວຍຄວາມສຸກເດີ້~

Titi.

<3 :)