ມື້ວານນີ້ ໃນຂະນະທີ່ຂ້ອຍກໍາລັງເກືອເຂົ້າໃຫ້ໂຕແມວຂ້ອຍຢູ່ນັ້ນ ກໍບັງເອີນມີສຽງໂທລະສັບດັງເຂົ້າມາພໍດີ ຂ້ອຍກໍ່ເລີຍຕັດສິນໃຈຍ່າງຂຶ້ນມາຮັບໂທລະສັບທີ່ວາງໄວ້ໜ້າໂຕະຮັບແຂກເທິງເຮືອນ ແຕ່ໃນຂະນະທີ່ຂ້ອຍກໍາລັງຍ່າງເຂົ້າໃນເຮືອນນັ້ນຂ້ອຍກໍປາກົດວ່າເຫັນບາງສິ່ງບາງຢ່າງທີ່ໜ້າຕື່ນແລະເຕັ້ນ...ໂອ້ ! ມັນແມ່ນໂຕງູ ! ເຊິ່ງງູໂຕນີ້ແມ່ນງູຫຍັງຂ້ອຍກໍ່ບໍ່ຮູ້ ແຕ່ມັນມີຄວາມຍາວປະມານ70ເຊັນ ໂຕສີດໍາ, ຄໍແດງ... ເຫັນແລ້ວສຸດແສນຈະທໍລະມານໃຈ... ແຕ່ໃນທີ່ສຸດຂ້ອຍກໍ່ຕັດສິນໃຈເດັດດ່ຽວແລ່ນ..... ເຂົ້າໄປເອີ້ນແມ່ຂ້ອຍອອກມາ ພ້ອມທັງຈັບເອົາຟອຍປັດໄຍແມງມຸມກ້ານທີ່ຍາວທີ່ສຸດ ແລະ ຢາສີດມົດ ອອກມາ, ເຊິ່ງແມ່ຂອງຂ້ອຍເປັນຄົນເອົາໄມ້ຟາດງູໂຕນັ້ນ ແຕ່ມັນກໍ່ຍັງຕໍ່ສູ້ ມັນໂດດໃສ່ແມ່ຂ້ອຍ ແມ່ຂ້ອຍກໍ່ຟາດມັນອີກຫຼາຍບາດ ຂ້ອຍກໍ່ເລີຍຕັດສິນໃຈສີດຢາສີດມົດໃສ່ມັນ ຈົນໃນທີ່ສຸດມັນກໍ່ສະຫຼົບ (ແລະຂ້ອຍກໍ່ເກືອບສະຫຼົບຍ້ອນຢາສີດມົດນີ້ແຫຼະ.... ) ແມ່ຂ້ອຍກໍ່ເລີຍຟາດມັນຕື່ມຈົນແນ່ໃຈວ່າມັນຕາຍຂ້ອຍຈຶ່ງເອົາມັນໄປແກ່ວງຖິ້ມລົງນໍ້າຂອງ ແລ້ວກໍ່ຢາດນໍ້າອຸທິດສ່ວນບຸນກຸສົນແດ່ດວງວິນຍານຂອງງູທີ່ໄດ້ລ່ວງລັບໄປແລ້ວນັ້ນໃຫ້ໄປສູ່ສຸຂະຕິ.....

ເມື່ອ5ປີກ່ອນ ຂ້ອຍແລະຄອບຄົວໄດ້ໄປຢາມພີ່ນ້ອງຢູ່ທິ່ສະຫວັນນະເຂດ ແລະ ນອນຢາມເພິ່ນປະມານສອງອາທິດ, ໃນໄລຍະສອງອາທິດນັ້ນຂ້ອຍກໍ່ໄດ້ລຸກໃສ່ບາດຕອນເຊົ້າທຸກໆມື້ ( ສ້າງພາບ 555+ ) ໂດຍມີເອຶ້ອຍນົກ ລູກສາວເຈົ້າຂອງບ້ານເປັນຄົນປຸກໃຫ້ລຸກ ແລະ ກໍ່ເປັນແນວນັ້ນທຸກໆມື້ຈົນກະທັ້ງຕອນເຊົ້າຂອງມື້ທີສີ່ ເວລາ 03:40 ໂມງ ໄດ້ມີຄົນເຂົ້າມາປຸກຂ້ອຍ, ລາວເອົາມືມາລູບຝາຕີນຂ້ອຍແລ້ວຮ້ອງຂື້ນມາວ່າ

-ເອື້ອຍນົກ: ລຸກ! ລຸກແມະ! ລຸກດຽວນີ້

ລາວຮ້ອງຈົນເຮັດໃຫ້ຂ້ອຍໃຈຮ້າຍ ໃນທີ່ສຸດຂ້ອຍຈື່ງໄດ້ລຸກຂື້ນມາເບິ່ງໂມງ ແລ້ວເວົ້າວ່າ: ຍັງເຫຼືອອີກຕັ້ງສອງຊົ່ວໂມງກ່ວາຈື່ງຈະຮອດເວລາ ລຸກໃຊ້ບາດ, ແຕ່ລາວກໍ່ຍັງເວົ້າຂື້ນອີກວ່າ: ດີ! ຖ້າມືງບໍ່ລຸກ ກູກໍ່ຈະຫຼອກມືງ ໃຫ້ມືງຢ້ານຈົນຕາຍໂລດ, ຫຼັງຈາກນັ້ນລາວກໍ່ມານອນທາງຂ້າງຂ້ອຍແລ້ວຍິ້ມປິ່ນໜ້າໃສ່ຂ້ອຍ ແຕ່ຂ້ອຍກໍ່ບໍ່ໄດ້ເອົາຫົວໃສ່ໃຈຊາຫຍັງ ເພາະຄ່ານອນຢູ່, ຈົນຕອນເຊົ້າເວລາ 6:00 ໂມງ ກໍ່ໄດ້ຍິນສຽງເຄາະປະຕູ ຂອງເອື້ອຍນົກທີ່ມາປຸກຂ້ອຍ ໃຫ້ໄປໃສ່ບາດ ຫຼັງຈາກທີ່ຂ້ອຍໃສ່ບາດແລ້ວ ຂ້ອຍກໍ່ມານັງຄິດທົບທວນເລື່ອງມື້ຄືນ ວ່າ

໑: ທຸກໆຄັ້ງ ກ່ອນນອນຂ້ອຍຈະໄດ້ລັອກຫ້ອງຕະຫຼອດ, ແລ້ວແມ່ນໃຜຈະສາມາດເຂົ້າມາຫ້ອງຂ້ອຍນອນໄດ້ໂດຍທີ່ຂ້ອຍບໍ່ໄດ້ໄຂປະຕູໃຫ້?

໒: ແຕ່ຖ້າຫາກຂ້ອຍລືມລັອກຫ້ອງແລ້ວເປັນຫຍັງຕອນເຊົ້ານີ້ຂ້ອຍຈື່ງປົດລັອກກ່ອນໄຂປະຕູ?

໓: ຖ້າຫາກບໍ່ແມ່ນຄົນຢູ່ເຮືອນຫຼັງນັ້ນແລ້ວແມ່ນໃຜກັນແທ້ທີ່ປິ່ນໜ້າມາຍີ້ມໃສ່ຂ້ອຍ ຖ້າຫາກວ່າບໍ່ແມ່ນ...???