*   ປີເກົ່າໄດ້ຜ່ານພົ້ນ                         ຕົກຫຼົ່ນຫາຍໄປ
                              ກ້າວເຂົ້າສູ່ປີໃໝ່                               ມີໄຊແຮງກ້າ
                              ທອງຟ້າເບັ່ງບານແຈ້ງ                      ແສງຕາເວັນສາດສ່ອງ
                              ຝູງປະຊາພີ່ນ້ອງ                               ຊື່ນຊ້ອຍມະໂນໃນ!     
                              *   ປີໃໝ່ລາວແຮງກ້າ                        ອະຣິຍະທຳຮຸ່ງເຮືອງ
                              ພົນລະເມືອງທຸກເຜົ່າຊົນ                    ຮ່ວມກັນສະຫຼອງມ່ວນ
                              ແຂ່ງຂັນຮ່ວມກັນສ້າງ                       ພັດທະນາລາວບໍ່ຢຸດນິ້ງ
                              ເອກອ້າງວັດທະນະທຳທ້ອງຖິ່ນ          ນຸ່ງ*********ນບ່ຽງແພ ເກົ້າຜົມງາມ
                               ໃຜເຫັນກໍຕາມຊ່າງ                          ຕ່າງກໍຍ້ອງວ່າງາມແທ້ແລ້ວ!
                              *   ປີໃໜ່ລາວຍິ່ງໃຫຍ່                        ສາກົນຍົກຍ້ອງໃຫ້
                              ເປັນເມືອງແຫ່ງນ້ຳໃຈ                       ວັດທະນະທຳຍິ່ງລ້ຳຄ່າ
                              ປວງປະຊາສະແດງອອກ                   ບົ່ງບອກເຖິງໄມຕີ
                              ທີ່ຮຸ່ງເຮືອງເດັ່ນກ້າວ                        ເມືອງລາວເຮົານີ້ນາ
                              *   ປີໃໜ່ລາວມາຮອດແລ້ວ               ເມສາຂອງທຸກປີ
                              ຮີດ 12 ຄອງ 14                              ປະເພນີລາວເຮົາແທ້
                              ພໍ່ແມ່ປະຊາຊົນພີ່ນ້ອງ                     ເໜືອ-ກາງ-ໃຕ້ ທົ່ວແດນລາວ
                              ມີການຫົດສົງພຣະ!                         ພໍ່-ແມ່ຜູ້ອາວຸໂສ
                              ຂໍພອນນຳພວກທ່ານ                       ຢູ່ດີມີສຸກ
                              *   ຂໍໃຫ້ທຸກຄົນຈື່ຈຳໄວ້                     ປົກປັກຮັກສາໃຫ້ຄົງທີ່
                              ບົ່ງບອກເຖິງວັດທະນະທຳ               ຮີດຄອງປະເພນີ
                              ເອກະລັກແຫ່ງຄວາມດີ                    ທີ່ທຸກຄົນຕ້ອງເສີມຂະຫຍາຍ
                              ຂໍໃຫ້ພວກທ່ານທັງຫຼາຍ                   ໄດ້ຊ່ວຍກັນຮັກສາໄວ້ແທ້ເນີ ທ່ານເອີຍ!.

   *   ຊາດລາວເຮົາຮັກໝັ້ນ                        ໃຈບໍ່ປ່ຽນແປຜັນ
                              ໃຈຜູກພັນກະສັນຄິດ                              ທຸກວັນບໍ່ວາຍເວັ້ນ
                              ເປັນຄົນລາວເຮົາແທ້                             ໃຈບໍ່ແປປີ້ນປ່ຽນ
                              ພຽນໃຈຮັກຊາດໄວ້                                 ລາວຊິໄດ້ຮຸ່ງຈະເລີນ
                              *   ຕົກມາຮອດມື້ນີ້                                  ມີຫຼາຍສິ່ງຈະເລີນຫຼາຍ
                              ກ້າວໄກໄປຫຼາຍທາງ                              ພັດທະນາເມືອງບ້ານ
                              ເຮືອນຊານຕຶກຫຼາຍຊັ້ນ                         ເຫັນກັນໃນທຸກບ່ອນ
                              ອອນຊອນເພິ່ນກໍ່ສ້າງ                            ເຄຫາຫ້ອງໃຫຍ່ໂຕ
                              *   ສິ່ງທີ່ຮຽມຢາກເວົ້າ                           ເອົາເປັນບ່ອນສົງໄສ
                              ເປັນບັນຫາຄາໃຈ                                  ທີ່ບາງຄົນມອງຂ້າມ
                              ຄືພາສາຂຽນŒເວົ້າ                                  ເອົາແນວໃດກັນແນ່
                              ແປສະກົດຂີດຫ້ອຍ                                ບໍ່ມີຈ້ອຍບ່ອນຫຼັກ ນັ້ນນາ
                              *   ນັກພາສາສາດຈົ່ງຊ່ວຍຊີ້                  ໃຫ້ຊາບແນ່ຫຼັກການ
                              ໄວຍະກອນການສະກົດ                         ໂພດວ່າໄປໃສແທ້
                              ຊ່ວຍມາແບແປໃຫ້                                 ອະທິບາຍລົງຂ່າວໄດ້ບໍ່
                              ພໍເປັນທາງຊ່ວຍໃຫ້                               ໄທບ້ານຜູ້ອ່ານຮຽນ ນັ້ນແລ້ວ
                              *   ຕົວຢ່າງບາງສື່ແຈ້ງ                            ລົງຂ່າວໂຄສະນາ
                              ເນື້ອໃນ ຫຼື ຄວາມໝາຍ                          ບໍ່ໄຄ່ຄວນຄຳບ້າງ
                              ລາວສາກົນປົນຄຳເວົ້າ                         ຊອດກະຈາຫຼາຍຢ່າງ
                              ບາງກໍຂຽນ ຫຼ-ຫລ ພໍສັບສົນຈັ່ງຊີ້              ເອົາໃດແທ້ ທ່ານເອີຍ
                              *   ຫຍໍ ໃຫຍ່Œໃຫຽ່ແບບນີ້                            ຮຽມກໍເໜື່ອຍອຶດອັດ
                              ຊ່ວຍຂັດເງົາເກົາຫາ                               ບ່ອນຊິພາຈະເລີນໄດ້
                              ປ້າຍໃຫຍ່ຍາວ ຫຼື ນ້ອຍ                           ບໍລິການບອກຂ່າວ
                              ຊື່ດຽວຂຽນຄາດເຄື້ອນ                             ບໍ່ເໝືອນດ້າມດັ່ງກັນ ນັ້ນນາ
                              *   ຂໍວອນນັກແຕ່ງແຕ້ມ                          ກອນກາບ ຫຼື ເພງລາວ
                              ເອົາສາກົນປົນລາວ                                ຊິເບື່ອເມົາປັນຍາປູ້
                              ຢູ່ບ່ອນໃດຄວນຂີດ                                 ຂຽນລົງເຜີຍຕາມສື່່
                              ຕາມສຽງເພງທີ່ອ່ອນຊ້ອຍ                       ພາສານັ້ນໃຫ້ຄິດຫງຳ ແດ່ທ້ອນ...