ໃນການທີ່ໃຜຄົນຫນື່ງຈະເປີດເຜີຍຄວາມກັງວົນໃນໃຈນັ້ນບໍ່ແມ່ນເລື່ອງງ່າຍເລີຍ

ການທີ່ອີກຝ່າຍເວົ້າຄວາມໃນໃຈໃຫ້ອີກຄົນຫນື່ງໄດ້ຟັງນັ້ນສະແດງວ່າເຂົາໄວ້ໃຈ

ອີກຝ່າຍກໍ່ຕ້ອງເປີດໃຈຮັບເອົາແລະຮັບຟັງດ້ວຍຄວາມຕັ້ງໃຈ

   ການທີ່ມີຂອງຫນັກແບກໄວ້ພຽງຄົນດຽວຈະເຮັດໃຫ້ລຳບາກ

ແຕ່ຖ້າມີຄົນອື່ນເຂົ້າມາແບ່ງປັນພາລະອັນຫນັັກນັ້ນອອກໄປ

ຈະຊ່ວຍໃຫ້ພາລະນັ້ນເບົາລົງ

    ແລະການເປີດເຜີຍຄວາມກັງວົນໃນໃຈກໍ່ເຊັ່ນດຽວກັນ

ເພາະການເປີດເຜີຍຄວາມກັງວົນໃຫ້ແກ່ກັນແລະກັນໄດ້ຮູ້ຈະຊ່ວຍໃຫ້ແກ້ໄຂປັນຫາໄດ້ອີກ

   ທີ່ສຳຄັນການເປີດເຜີຍຄວາມກັງວົນໃນໃຈກະຄືເຮັດໃຫ້ເຮົາແລະຫມູ່ເພື່ອນສະຫນິດກັນຫລາຍຂື້ນອີກ

 ການທີ່ຈັບມືຫມູ່ເພື່ອນແລ້ວຍ່າງໄປຂ້າງຫນ້າຊ້າໆນັ້ນ

ມີຄວາມສຸກກ່ວາການຍ່າງໄປຂ້າງຫນ້າພຽງລຳພັງ

ແລະຄວາມສຸກ ເກີດຈາກການເອົາໃຈໃສ່ຄົນອື່ນພຽງເລັກນ້ອຍເທົ່ານັ້ນ ເດີ...........!

      ເພື່ອນໆຮູ້ບໍວ່າການຫົດຕົ້ນໄມ້ຢ່າງໃສ່ໃຈ ຈະເຮັດໃຫ້ຕົ້ນໄມ້ເຕີບໂຕແລະອອກດອກອອກຜົນໄດ້ດີກ່ວາການຫົດໄປຕາມຫນ້າທີ່

     ການເອົາໃຈໃສ່ຄົນອື່ນກໍ່ເຫມືອນກັນ ຫມູ່ເພື່ອນຈະປະທັບໃຈແລະມີຄວາມສຸກກໍ່ຕໍ່ເມື່ອເຮົາເຮັດດ້ວຍຄວາມຈິງໃຈ

ຖ້າເຮົາເຮັດພຽງແຕ່ໃຫ້ຄົນອື່ນເຫັນກໍ່ບໍ່ແຕກຕ່າງຫຍັງກັບການເສແຊ້ງ

     ການເອົາໃຈໃສ່ທີ່ບໍ່ລົງມືເຮັດນັ້ນ ບໍ່ແມ່ນການເອົາໃຈໃສ່ທີ່ແທ້ຈິງ

ສະນັ້ນຄວນສະແດງຄວາມເອົາໃຈໃສ່ອອກມາດ້ວຍການກະທຳ

ເພາະຈະເຮັດໃຫ້ຜູ້ຮັບຮູ້ສຶກດີແລະມີຄວາມສຸກ