 ຂຽນເມື່ອ: ພ.ຈ.. 1, 2008
| ມີ
2 ຄຳເຫັນ
ແລະ
0 trackback(s)
 | ກາບສົດ 5 ຕອນ ຕ້ອຍຂີ້ກ່າຍ 12:52 AM on Oct. 30, 2008 ເອົາອີກແລ້ວ ບໍ່ຍອມນອນງ່າຍ
ຄັນບໍ່ວາຍ ໄດ້ແຕ່ງກາບກອນ
ບໍ່ສະອອນ ໃຜນອນກະຢ່າ
ຂໍແຕ່ວ່າ ໄດ້ແຕ່ງເປັນພໍ
ມື້ນີ້ຂໍ ເລົ່າເລື່ອງທ້າວຕ້ອຍ
ຄົນນ້ອຍໆ ຮຽນຢູ່ມະຫາ
ຮຽນຮຽນມາ ຈົນຊິຈົບແລ້ວ
ສຽງແວ້ວໆ ສາຍາຂີ້ກ່າຍ
ເອີ້ນຈົນອາຍ ເອີ້ນຫຼາຍຈົນລື້ງ
ເອີ້ນຈົນຊື້ງ ທ້າວຕ້ອຍບໍ່ອາຍ
ລູກຜູ້ຊາຍ ອາຍເຮັດຫຍັງຕ້ອຍ
ສູ້ກັບຖອຍ ຊ່ອຍຕ່ອຍກ່າຍແນ່
ບໍ່ທໍ້ແທ້ ເສັງກ່າຍສຸດໃຈ
ບໍ່ສົນໃຜ ກ່າຍເອົາໂຕລອດ
ພໍໃຫ້ຮອດ ຄາດໝາຍນຳເພິ່ນ
ພໍກະເທີນ ພໍຖູພໍໄຖ
ພໍໄດ້ໄປ ເຂົ້າວັດເຂົ້າວາ
ພໍເອົາໜ້າ ອີ່ພໍ່ອີ່ແມ່
ຍອມແທ້ໆ ຕ້ອຍກ່າຍເກັ່ງຫຼາຍ
ເສັງຍາມໃດ ບໍ່ຫຼຸດ ເກຼດ C
ເປັນແບບນິ້ີ້ ຂ້ອຍເລີຍສະອອນ
ຂໍຖອດຖອນ ບົດຮຽນນຳລາວ
ທ້າວເອີຍທ້າວ ເຈົ້າຮຽນແບບໃດ
ຕອບຢ່າງໄວ ຕ້ອຍຮຽນແບບກ່າຍ
ບໍ່ມີອາຍ ໝັ້ນໃຈຕ້ອຍຕອບ
ກ່າຍຕອນສອບ ບໍ່ຍາກປານໃດ
ຖ້າສົນໃຈ ສອນໃຫ້ບໍ່ຍາກ
ຕອນເສັງພາກ ຂ້ອຍກ່າຍເລີຍສະ
ໃຊ້ວິຊາ ຂອງຕ້ອຍຂີ້ກ່າຍ
ເລີຍໝັ້ນໃຈ ບັກຕ້ອຍນຳໜ້າ
ຜົນອອກມາ ພັດວ່າໄດ້F
ຈຸກຈົນເຈັບ Fໜ່ວຍບັກໃຫຍ່
Fຂອງໃຜ ຄັນບໍ່ຂອງຂ້ອຍ
ມຶງບັກຕ້ອຍ ມາຊ່ອຍກູແນ່
ບອກກູແດ່ ມືງຄືໄດ້A
ຕ້ອຍໜ້າເທ້ ຍິ້ມແບບສະໃຈ
ມັນເອົາໃຫ້ ອາຈານສາມລັງ
ຂ້ອຍລະຊັງ ມັນຈ້າງອາຈານ
ທໍລະມານ Fການຕະຫຼາດ
ເຊັງຂະໜາດ ຕະຫຼາດໄດ້F
ຂ້ອຍຊິເກັບ ຈື່ໄວ້ແລ້ວວ່າ
ກ່າຍເທື່ອໜ້າ ຕ້ອງກ່າຍດ້ວຍເງິນ
ບໍ່ຈະເລີນ ເອົາເງິນຟາດຫົວ
ບໍ່ແມ່ນຊົ່ວ ແຕ່ຂ້ອຍບໍ່ມັກ
ໃຜວ່າຄັກ ກະຟາດກັນໄປ
ເປັນນິໄສ ຟາດງ່າຍເລີຍລຶ້ງ
ເຫັນແລ້ວອື້ງ ພາກັນມັກງ່າຍ
ເຫັນເງິນຫຼາຍ ຕາລາຍຂີ້ຫຼັກ
ເອົາຄັກໆ ຂ້ອຍຈຶ່ງAnti
ຄົນແບບນີ້ ໃຫ້ເງິນຟາດຫົວ
ເຮັດໄປທົ່ວ ບໍ່ອາຍຈັກດີ້
ມາປີນີ້ ຂ້ອຍຕັ້ງໃຈຮຽນ
ເຖິງຊິຫ້ຽນ ແຕ່ຂ້ອຍບໍ່ຈ້າງ
ອ່ອນກະຊ່າງ ຄະແນນພູມໃຈ
ບອກອອກໄປ F is no more
like before No more got F
ເລື່ອງທີ່ແຕ່ງມາແມ່ນສົມມຸດຂຶ້ນ ບົນພື້ນຖານຂອງຄວາມຈິງ
ບໍ່ມີທ້າວຕ້ອຍຂີ້ກ່າຍໃນໂລກຄວາມຈິງດ໋ອກ
ພົບກັນໃໝ່ ກາບສົດ 5
|
|
|
|
