ຂຽນເມື່ອ: ພ.ຈ.. 4, 2011 | ມີ 11 ຄຳເຫັນ ແລະ 0 trackback(s)

1. ເຫລັກຄົດ ເອົາໄວ້ເຮັດຂໍ
ເຫລັກງໍ ເອົາໄວ້ເຮັດກ່ຽວ
ຄົນຄົດລ້ຽວ ເອົາໄວ້ບໍ່ດີແທ້ເນີ

2. ຢ່າໄວ້ວາງໃຈຊ້າງສານ, ງູເຫົ່າ, ຂ້າເກົ່າ, ເມຍຮັກຢ່າວາງໃຈ

- ຊ້າງສານ: ເພາະເປັນຊ້າງທີ່ໃຫຍ່ອັນຕະລາຍ, ມັນບໍ່ມີສະຕິປັນຍາເພື່ອທົບທວນຄວາມດີ ຄວາມຊົ່ວຄືຄົນ: ຍາມໃຈຮ້າຍມັນອາດບ້າຂຶ້ນມາຍາມໃດກໍ່ໄດ້, ບໍ່ແນ່ນອນ ເຖິງຕອນນັ້ນ ແມ່ນແຕ່ເຈົ້າຂອງມັນ ກໍ່ອາດຂ້າໄດ້.

- ງູເຫົ່າ: ເປັນສັດທີ່ມີພິດ ມັນບໍ່ຮູ້ບາບບຸນຄຸນໂທດ, ບໍ່ຄວນຈະໄວ້ໃຈບໍ່ດັ່ງນັ້ນຈະເປັນເໝືອນ ນິທານ ພໍ່ນາກັບ ງູເຫົ່າ. ພວກເຮົາຈະໄປທວງເອົາບຸນຄຸນນຳສັດບໍ່ໄດ້.

- ຂ້າເກົ່າກໍບໍ່ຄວນໄວ້ໃຈ ເພາະເຄີຍເປັນທາດເປັນຂ້ອຍເຮົາມາກ່ອນ ແລ້ວອາດຈະມີແນວຄິດອາ ຄາດບາດໝາງນຳມາແກ້ແຄ້ນ ຫລື ທຳຮ້າຍເຮົາກໍໄດ້.

- ເມຍຮັກກໍບໍ່ຄວນເຊື່ອ ແລະ ໄວ້ໃຈເຊັ່ນກັນ. ໃນຂໍ້ນີ້ບູຮານອາດຈະແລເຫັນວ່າ ແມ່ຍິງເປັນ ຜູ້ມີອາລົມຈິດສູງ ແລະ ມີຄວາມຮັກເປັນຫລັກພ້ອມກັນນັ້ນກໍມີຄວາມຄອນແຄນງ່າຍ, ຫລັກໝັ້ນບໍ່ແໜ້ນ, ຮັກສາຄວາມລັບບໍ່ເປັນ ແລະ ມີຈິດໃຈເອນອຽງ (ສຽງນີ້ເປັນທັດສະນະ ຂອງຄຳສຸພາສິດນີ້ ແຕ່ບໍ່ໝາຍຄວາມວ່າ ແມ່ຍິງທຸກຄົນ ຈະເປັນແນວນັ້ນໝົດ).

ສຸພາສິດທີ່ເວົ້າເຖິງຄຸນສົມບັດການພົວພັນລະຫວ່າງຄົນມີຄວາມຈຳເປັນທີ່ຈະຕ້ອງມີຄຸນສົມບັດທີ່ດີຕໍ່ກັນ, ລູກຕ້ອງຮູ້ນັບຖືພໍ່ແມ່, ຄູອາຈານ, ຜູ້ເຖົ້າຜູ້ແກ່ ບໍ່ວ່າແຕ່ການປາກເວົ້າ ຫຼືການກະທຳ. ຄຸນສົມບັດອັນດີທີ່ກ່າວມານີ້ ແມ່ນມູນເຊື້ອອັນດີງາມອັນຫນຶ່ງຂອງຄົນລາວທີ່ເຊື່ອຖື ແລະປະຕິບັດກັນມາຈົນມີຄຳສຸພາສິດເປັນຄະຕິເຕືອນໃຈໄວ້ວ່າ: ຄຸນພໍ່ເທົ່າພູເຂົາກ້າ ຄຸນແມ່ທໍ່ຟ້າກັບດິນ ບຸນຄຸນພໍ່ແມ່ນີ້ ຫນັກເກິ່ງທໍລະນີ ໃຜຜູ້ຢຳແຢງນົບ ຫາກຈະດີເມືອຫນ້າ ນາດີຖາມຫາເຂົ້າປູກ ລູກດີຖາມຫາພໍ່ແມ່ ລູກເວົ້າຍາກ ພໍ່ແມ່ປາກປຽກ ສຸພາສິດທີ່ເວົ້າເຖິງຄຸນສົມບັດ ດ້ານຄວາມສາມັກຄີຮັກແພງຊ່ວຍເຫຼືອ ເຊິ່ງກັນແລະກັນ ກໍ່ມີຄວາມສຳຄັນຫລາຍ, ເພາະຄຳສຸພາສິດເຫຼົ່ານັ້ນ ໄດ້ກາຍເປັນຄຳຕັກເຕືອນ ບອກສອນຢ່າງມີຄຸນຄ່າແກ່ຄົນຮຸ່ນຫລັງ ເຊັ່ນ: ພີ່ນ້ອງບໍ່ຫລາຍ ຫາສະຫາຍໃສ່ຕື່ມ ເພື່ອນກິນຫາງ່າຍ ເພື່ອນຕາຍຫາຍາກ ພົບຄົນດີ ມີສີແກ່ຕົວ ພົບຄົນຊົ່ວ ພາຕົວຫມົ່ນຫມອງ ຮົ້ວຫລາຍຫລັກຈຶ່ງຫມັ້ນ ພີ່ນ້ອງຫລາຍຊັ້ນຈິ່ງດີ ສຸພາສິດສັ່ງສອນເຖິງການສ້າງຄຸນງາມຄວາມດີໃຫ້ແກ່ຕົນເອງ ກໍ່ເປັນສິ່ງທີ່ມີຄຸນຄ່າ, ຄົນດີຈະຕ້ອງເປັນຄົນທີ່ມີຄວາມຖະຫນອມທ່ອມຕົວ ໄດ້ຮັບຄວາມຮັກແພງຈາກພໍ່ແມ່, ຄູອາຈານ ແລະເພື່ອນມິດ. ສະນັ້ນ ເຖົ້າແກ່ບູຮານຈິ່ງສັ່ງສອນໄວ້ວ່າ: ຊິຖົ່ມນ້ຳລາຍ ໃຫ້ຫຼຽວເບິ່ງປ່ອງ ຊິເຕັ້ນຂ້າມຮ່ອງ ໃຫ້ຫຼຽວເບິ່ງໜາມ ພ້າເຂົ້າຢ່າຟັນແຮງ ຂອງເພິ່ນແພງຢ່າເຂົ້າໃກ້ ສິບສະຫຼຶງຢູ່ຟາກນ້ຳ ຢ່າຟ້າວອ່າວຄະນິງຫາ ສອງສະຫຶຼງມາມື ໃຫ້ກອບກຳເອົາໄວ້ ຢ່າເວົ້າກ່ອນເກີດ ຢ່າສະເດີດກ່ອນຕາຍ ກົບຕາຍຍ້ອນປາກ ຄັນຄາກຕາຍຍ້ອນສຽງ

ເຜົ່າຈີເວີ

ຂຽນເມື່ອ: ພ.ຈ.. 4, 2011 | ມີ 7 ຄຳເຫັນ ແລະ 0 trackback(s)

ໜວດໝູ່: ເລື່ອງແປກໆ

ຕາມຕຳນານ ຜູ້ເຖົ້າຜູ້ແກ່ເຄີຍເລົ່າເລື່ອງລາວກ່ຽວກັບຄົນປ່າໃຫ້ຟັງເລື້ອຍໆ ແຕ່ເພິ່ນກໍບໍ່ສາມາດຮູ້ ແລະຢັ້ງຢືນວ່າພວກຄົນປ່າເຫລົ່ານັ້ນສືບເຊື້ອສາຍມາຈາກຖິ່ນກຳເນີດຫົນແຫ່ງໃດ ແຕ່

ຖ້າຫາກຫວນຄືນເບິ່ງປະຫວັດສາດລາວກ່ອນໜ້ານີ້ລະຫວ່າງ 1.300 ປີກ່ອນ ເພິ່ນເວົ້າວ່າຄົນທີ່ຢູ່

ປະເທດລາວກ່ອນໝູ່ນັ້ນແມ່ນພວກຂ້າ ພວກເຂົາຢູ່ເປັນຈຸ້ມເປັນໝວດຂອງໃຜຂອງມັນ ແລະມີການລົບເລວກັນສະເໝີ.

ພວກເຂົາບໍ່ມີໜັງສື ບໍ່ມີຫໍໂຮງແຕ່ຢ່າງໃດເລີຍ ພວກເຂົາທຳມາຫາກິນໂດຍການລ່າເນື້ອ

ແລະຫາປາຕາມຫ້ວຍຕາມຮ່ອງ, ພວກຄົນທີ່ມີກຳລັງ ມີອາວຸດ ມີລະບຽບການບ້ານເມືອງຮຽບຮ້ອຍດີກວ່າພວກຂ້ານັ້ນຄອຍລົບກວນ ໄລ່ພວກເຂົາໜີ ຫລືເອົາບ້ານເຮືອນຂອງພວກເຂົາເປັນຫົວເມືອງຂຶ້ນຂອງຕົນຢູ່ສະເໝີ.

ພວກຂ້າຖືກໄລ່ເຂົ້າປ່າເຂົ້າພູໄປເລື້ອຍໆ ຊຶ່ງພວກທີ່ຂັບໄລ່ພວກເຂົາໜີນັ້ນເອີ້ນວ່າພວກຈາມ ( Chammalais ) ເພາະແຕ່ກ່ອນພວກຈາມຊອກທ່ຽວຕີເມືອງຕ່າງໆເພື່ອເອົາເປັນເມືອງຂຶ້ນຂອງຕົນ ແລ້ວກໍຕັ້ງເຂດແຂວງເປັນປະເທດແຂງແຮງປະເທດໜຶ່ງຊື່ວ່າຈຳປາ ຫລື ຈາມປາ.

ສະນັ້ນພວກຄົນປ່າເຫລົ່ານີ້ກໍອາດຈະແມ່ນເຊື້ອສາຍ ຫລືເຜົ່າພັນໜຶ່ງຢູ່ໃນກຸ່ມພວກຂ້າ ເຫລົ່ານັ້ນທີ່ໄປລີ້ຊ້ອນຫລົບຫລີກຈາກການໄລ່ລ່າຂອງພວກຈາມເຂົ້າໄປຢູ່ໃນປ່າດົງພົງໄພຮ່ອມ ຫ້ວຍພູເຂົາ ບ່ອນທີ່ເປັນປ່າຕຶບດົງໜາ ບ່ອນທີ່ເຫັນວ່າມີຄວາມປອດໄພ ຍ້ອນຄວາມຢ້ານກົວ ແລະບໍ່ຍອມໃຫ້ຄົນຊົນເຜົ່າອື່ນໆໄດ້ພົບໄດ້ເຫັນໜ້າຈົນກາຍເປັນຄົນປ່າ.

ນິທານ ປູກັບນົກຍາງ

ຂຽນເມື່ອ: ພ.ຈ.. 4, 2011 | ມີ 8 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ປູກັບນົກຍາງ

ມີປ່າໃຫຍ່ແຫ່ງນຶ່ງຢູ່ເຂດເມືອງ ມັດຊິມະວິໄສ ໃກ້ປ່ານັ້ນມີໜອງນຶ່ງຊື່ ກັກກຸທະ ມີໝູ່ປາອາໄສຢູ່ເປັນອັນມາກ. ນົກຍາງເຖົ້າຕົວນຶ່ງມາເຫັນໜອງປານັ້ນມີປາຫຼາຍ ກໍບິນແວະລົງໄປ ປະສົງຈະໄດ້ກິນປາ, ສ່ວນພວກປາທັງຫຼາຍເຫັນນົກຍາງ ກໍເຕືອນກັນ ບໍ່ໃຫ້ອອກມາບ່ອນແປນ. ນົກຍາງບໍ່ໄດ້ກິນປາຢູ່ແຄມໜອງດ້ານນີ້ກໍ່ບິນໄປດ້ານອື່ນ ແລ້ວເຮັດອຸບາຍເປັນທຸກ ຢືນຂາດຽວ, ມີນ້ຳຕາຍ້ອຍອອກ, ເຫັນປານ້ອຍລອຍມາໃກ້ຜ່ານໄປມາຕາມວ່າງຂາກໍ່ບໍ່າສວບກິນ, ປາໃຫຍາໂຕນຶ່ງມາເຫັນອາການນົກຍາງອາການນົກຍາງເປັນດັ່ງນັ້ນກໍ່ຄິດປະຫຼາດໃຈ ຈຶ່ງຮ້ອງຖາມແຕ່ໄກວ່າ: ”ເຫດໃດທ່ານຈຶ່ງມາຢືນໂສກເສົ້າເຫງົາຫງ່ວມ ບໍ່ກິນອາຫານ?”

ນົກຍາງຕອບ: ”ດູລາປາ ຂໍທ່ານຈົ່ງຟັງຂ້າພະເຈົ້າກ່ອນ, ຂ້າພະເຈົ້ານີ້ ແຕ່ກ່ອນບໍ່ເຄີຍກິນປາເປັນອາຫານ, ບັດນີ້ໄດຮັບສິນມາຈາກທ່ານ ມຸນີ ທີ່ຢູ່ໃນປ່າຫິມມະພານ ທ່ານສອນໃຫ້ງົດເວັ້ນກນຂ້າສັດເສຍ ເພາະເປັນບາບ. ຂ້າພະເຈົ້າຈຶ່ງໄດ້ງົດເວັ້ນບໍ່ກິນສັດເປັນອາຫານຕັ້ງແຕ່ນັ້ນມາ, ພ້ອມກັບໄດ້ຮຽນທຳຫຼາຍຂໍ້ ຈຶ່ງເປັນຜູ້ມີໃຈກະລຸນາ.

ມື້ນີ້ຂ້າພະເຈົ້າມາຈາກ ອຸຕະນະຄອນ ໄດ້ຍິນຄຳສັ່ງຂອງພະຍາເມືອງນັ້ນວ່າ ຈະໃຫ້ພວກພານແຫມາຫາປາໃນໜອງນີ້ຂ້າພະເຈົ້າໄດ້ຍິນຄຳນັ້ນ ກໍ່ມີຄວາມສົງສານພວກສູເຈົ້າເປັນອັນມາກ ຈຶ່ງໄດ້ມາບອກ.

ປາທັງຫຼາຍໄດ້ຍິນນົກຍາງເວົ້າດັ່ງນັ້ນກໍ່ມີຄວາມຕົກໃຈຢ້ານ ຈຶ່ງເວົ້າວິງວອນນົກຍາງວ່າ: ”ຂ້າແຕ່ທ່ານນົກຍາງ ຖ້າແມ່ນຈິງຄືຄວາມທ່ານເວົ້າແທ້ ທ່ານຄິດເຫັນຈັ່ງໃດແດ່ໃນການທີ່ຈະຊ່ວຍເຫຼືອພວກຂ້າພະເຈົ້າ?” ນົກຍາງຕອບວ່າ: ”ມີໜອງໃຫຍ່ແຫ່ງນຶ່ງຢູ່ທາງປະເທດ ທັກສິນາບົດ, ນ້ຳກໍ່ເລິກ ແລະ ໃສສະອາດດີ. ຖ້າພວກທ່ານຍ້າຍໄປຢູ່ໜອງນັ້ນໄດ້ ກໍ່ຈະພົ້ນຈາກໄພ”.

ປາຖາມ: ”ເຮັດແນວໃດ ພວກຂ້າພະເຈົ້າຈຶ່ງຈະໄປໄດ້?”

ນົກຍາງຕອບ: ” ຖ້າພວກເຈົ້າເຊື່ອໃຈຂ້າພະເຈົ້າ, ຂ້າພະເຈົ້າກໍ່ຈະພາໄປ ໂດຍຄາບພວກທ່ານໄປເທື່ອລະໂຕ”.

ປາທັງຫຼາຍປຶກສາກັນ ຕົກລົງໃຫ້ນົກຍາງພາປາໂຕນຶ່ງໄປເບີ່ງກ່ອນ. ຖ້າມີຈິງແທ້ໃຫ້ຄືນມາບອກ, ເມື່ອຕົກລົງກັນແລ້ວ ນົກຍາງກໍ່ຄາບປາໂຕນັ້ນພາໄປເຖິງໜອງໃຫຍ່ ອັນເປັນປະເທດ ທັກສິນາບົດ ແລະ ປ່ອຍປາໂຕນັ້ນລົງໄປໃນໜອງ ໃຫ້ລອຍຫຼິ້ນຕາມສະບາຍໃຈ ແລ້ວກໍ່ພາກັບຄືນມາໜອງເດີມ. ປາໂຕນັ້ນ ກໍ່ບອກເຫຼົ່າຝູງປາທັງຫຼາຍ ຕາມທີ່ຕົນໄດ້ເຫັນມາ; ຝູງປາໄດ້ຮູ້ດັ່ງນັ້ນ ກໍ່ຊ້ອງຊໍກັນເຂົ້າມາ ຂໍໃຫ້ນົກຍາງພາໄປ ນົກຍາງໄດ້ທ່າ ຈຶ່ງຄາບປາໃນໜອງນັ້ນໄປກິນເທື່ອລະໂຕ ເທື່ອລະໂຕ ຈົນປາຢູ່ໜອງໝົດ.

ໃນຄັ້ງນັ້ນ ມີປູໃຫຍ່ໂຕນຶ່ງ ຊື່ ຈັນທາລະກັດກະຕະ ມັນເຫັນນົກຍາງຄາບປາໄປດັ່ງນັ້ນທຸກວັນ ກໍມີຄວາມສົງໄສ ຄຶດໃນໃຈວ່າ: ”ນົດຍາງໂຕນີ້ຫຼອກເອົາພີ່ນ້ອງກູໄປກິນໝົດແລ້ວຫຼື? ກູລອງໄປເບີ່ງເອງກ່ອນນາ” ຄຶດແລ້ວຈຶ່ງເຂົ້າໄປຫານົກຍາງ ແລະ ເວົ້າອ້ອນວອນວ່າ ”ດູລາທ່ານນົກຍາງ ທ່ານຈົ່ງເມດຕາຂ້າພະເຈົ້າໄປນຳແດ່” ນົກຍາງເຫັນກໍ່ຄິດວ່າ ”ປານີ້ກູໄດ້ກິນທຸກວັນ ທຸກວັນ ຈົນເປີດແລ້ວ (ຈົນເບື່ອ) ສ່ວນປູຍັງບໍ່ທັນໄດ້ລອງເບີ່ງ ມື້ນີ້ກູຈະລອງຊີມອ້າຍປູນີ້ລອງເບີ່ງກ່ອນນາ”. ຄິດແລ້ວກໍ່ຮັບຮອງວ່າຈະພາປູໄປ ແຕ່ພໍອ້າງປາກຈະຄາບເອົາປູ, ປູສະຫຼາດຈຶ່ງເວົ້າກັບນົກຍາງວ່າ: ”ຂ້າພະເຈົ້າລອກຄາບໃໝ່, ອອງຍັງອ່ນຢູ່, ເມື່ອທ່ານຄາບແຮງ ອອງຂອງຂ້າພະເຈົ້າກໍ່ຈະແຕກ, ປະການໜຶ່ງ ຂ້າພະເຈົ້າຢ້ານທ່ານຄາບບໍ່ໝັ້ນ ແລ້ວຂ້າພະເຈົ້າກໍ່ຈະຕົກຕາຍ. ສະນັ້ນຂໍທ່ານກະລຸນາໃຫ້ຂ້າພະເຈົ້າໄດ້ຄາບຄໍທ່ານໄປເຖີ້ນ.

ນົກຍາງບໍ່ຮູ້ກົນອຸບາຍຂອງປູ ກໍ່ຍອມໃຫ້ປູຄາບຄໍ ແລ້ວພາໄປເຖິງບ່ອນທີ່ຕົນເຊົາກິນປາ ພໍພາແວະລົງ. ປູແລເຫັນກ້າງປາເຕັມຢູ່ໃນທີ່ນັ້ນກໍ່ຮູ້ທັນທີວ່ານົກຍາງເອົາປາ ມາກິນໃນທີ່ນີ້ ຈຶ່ງໜີບຄໍນົກຍາງໃຫ້ແໜ້ນເຂົ້າແລ້ວເວົ້າຂູ່ນົກຍາງວ່າ ”ມຶງຈົ່ງພາກູຄືນໄປໜອງເກົ່າຂອງກູດຽວນີ້ ກູຈຶ່ງຈະວາງຄໍມຶງ ບໍ່ດັ່ງນັ້ນມຶງຕ້ອງຕາຍ ນົກຍາງເຈັບຫຼາຍຈຶ່ງພາປູບິນກັບຄືນໄປ ພໍໄປເຖິງໜອງປູກໍ່ໜີບຄໍນົກຍາງຂາຍຕາຍກັບບ່ອນ.

ນິທານ ສາມເອື້ອຍນ້ອງ

ຂຽນເມື່ອ: ພ.ຈ.. 4, 2011 | ມີ 9 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ສາມອ້າຍນ້ອງ

ໃນສະໄໝກ່ອນຢູ່ນະຄອນພະລານະ ສີ ມີຄອບຄົວໜຶ່ງຊຶ່ງມີອ້າຍນ້ອງສາມຄົນໄດ້ດຳລົງຊີວິດຮ່ວມກັນ. ພາຍຫຼັງທີ່ພໍ່ແມ່ເຂົາເຈົ້າໄດ້ຕາຍໄປ ອ້າຍກົກກໍ່ເປັນຜູ້ເບີ່ງແຍງຄອບຄົວ. ເຂົາເຈົ້າໄດ້ພ້ອມກັນອອກເຫື່ອເທແຮງ ເພີ່ມພູນຜະລິດຜົນຈົນມີຊື່ວ່າ “ຄອບຄົວເລົ້າເຂົ້າຫຼວງ“ ຍ້ອນແນວນັ້ນພວກໂຈນຈຶ່ງມາປອງລັກເຂົ້າ ແລະ ຄວາຍ, ສາມອ້າຍນ້ອງສາມັກຄີກັນ ປ້ອງກັນເປັນຢ່າງດີ, ໂຈນທີ່ມາປອງລັກນັ້ນຕ້ອງພ່າຍໜີໄປ.

ຢູ່ມາມື້ໜຶ່ງນ້ອງຊາຍຫຼ້າໄດ້ເຊື່ອຟັງໂຈນຜູ້ໜຶ່ງ ກໍ່ມີແນວຄິດຂັດແຍ້ງກັນ ແລະ ຢາກພາເມຍຂອງຕົນອອກເຮືອນຕ່າງຫາກ. ມື້ໜຶ່ງອ້າຍນ້ອງທັງສາມໄດ້ແບ່ງນາທີ່ພໍ່ແມ່ປະໄວ້ນັ້ນ, ອ້າຍກົກໄດ້ຫງ່ວມເຫງົາເສົ້າໂສກພ້ອມທັງຮ້ອງໄຫ້ ເມື່ອເຫັນງ່າໄມ້ງ່າໜຶ່ງຢູ່ໜ້າເຮືອນແຫ່ວແຫ້ງລົ່ນລົງດິນ, ນ້ອງທັງສອງເຫັນສະພາບຂອງອ້າຍຈຶ່ງຖາມວ່າ ” ກົກໄມ້ນັ້ນມັນມີອັນໃດທີ່ພາໃຫ້ອ້າຍຮ້ອງໄຫ້?“ ອ້າຍກົກຕອບວ່າ: “ແຕ່ກ່ອນງ່າໄມ້ທີ່ຖຶກແຫ່ວແຫ້ງນີ້ມັນຂຽວງາມດີ, ມັນມີຊີວວິດຄືກັນກັບງ່າອື່ນ, ພ້ອມກັນສົ່ງພືດຜົນຄວາມເຢືອກເຢັນມາສູ່ຄອບຄົວເຮົາ; ມາເຖິງດຽວນີ້ຄວາມແຫ່ວແຫ້ງຂອງມັນເກີດຂື້ນ ຍ້ອນມີບົ້ງເຈາະລຳຕົ້ນຂອງມັນ, ກິ່ງກ້ານສາຂາໃກ້ຈະລົ່ນອອກຈາກລຳມັນແລ້ວ; ມັນກໍ່ປຽບເໝືອນນ້ອງຊາຍຫຼ້າຮ່ວມທ້ອງແມ່ດຽວທີ່ຈະຈາກພວກເຮົາໄປ ໃນເວລານີ້. ຄິດເຖິງບ່ອນນີ້ຈຶ່ງພາໃຫ້ອ້າຍຮ້ອງໄຫ້ເພາະເປັນຫ່ວງນຳຄອບຄົວ.

ນ້ອງຊາຍຫຼ້າສະເດີດຂື້ນ ເພາະຮູ້ຄວາມຜິດຂອງຕົນ ແລະ ກໍ່ຮ້ອງໄຫ້ຕາມກັນຍ້ອນເຫັນຄວາມຜິດພາດ. ແຕ່ນັ້ນເຂົາເຈົ້າກໍ່ໄດ້ປຸ້ມລຸມກັນສ້າງສາ ແລະ ຂະຫຍາຍການເພີ່ມພູນຈົນໄດ້ກາຍເປັນຄອບຄົວແບບຢ່າງ.

ນິທານ ພະຍາຖຶກຊຽງໝ້ຽງຕົ້ມ

ຂຽນເມື່ອ: ພ.ຈ.. 4, 2011 | ມີ 9 ຄຳເຫັນ ແລະ 0 trackback(s)

ໜວດໝູ່: ກາຕູນ/ອະນິເມຊັນ

ພະຍາຖຶກຊຽງໝ້ຽງຕົ້ມ

ສະໄໝກ່ອນມີພະຍາອົງໜຶ່ງ ເວລາໄປໃສມາໃສກໍ່ເອົາແຫຼ້ງໄປນຳເພື່ອຮັບໃຊ້ພາຍຖົງຍ່າມ ແລະ ຫາຫຍ້າມາໃຫ້ມ້າກິນ.

ເຖິງວ່າແຫຼ້ງນັ້ນຈະຮັບໃຊ້ເມື່ອຍ ແລະ ຫິວໂຫຍປານໃດກໍ່ຕາມ, ແຕ່ຍັງຖຶກປ້ອຍດ່າສາລະພັດ.

ພະຍາອົງນີ້ນິດໄສຂີ້ຖີ່ ຈັງໄຮ ແລະ ມັກສົງໄສຄົນ, ມື້ໜຶ່ງພະຍາໄດ້ສັ່ງໃຫ້ຊຽງໝ້ຽງມາຫາ ແລ້ວເວົ້າວ່າ: ”ຊຽງເອີຍ! ມືງເຫັນຫຍັງຂອງກູຢູ່ໃສໃຫ້ປະໄວ້ຢູ່ຫັ້ນ, ຢ່າແຕະຕ້ອງຂອງກູເນີ! ໄດ້ຍິນບໍ່?” ຊຽງໝ້ຽງຕອບ: “ໂດຍຂ້ານ້ອຍ”. ສ່ວນໃນໃຈຂອງຊຽງໝ້ຽງຄຽດແຄ້ນແໜ້ນໃຈຫາອັນປຽບບໍ່ໄດ້, ແຕ່ບໍ່ຮູ້ຈະເຮັດແນວໃດ. ມື້ໜຶ່ງພະຍາໄປທ່ຽວ ຊຽງໝ້ຽງກໍ່ແລ່ນຕ່ອງຕ້ອຍນຳກົ້ນ. ພະຍາເຮັດຖົງເງິນເຮ່ຍກາງທາງ, ຊຽງໝ້ຽງເຫັນ ແຕ່ບໍ່ເກັບ, ມາຮອດເຮືອນແລ້ວ ພະຍາຈຶ່ງຮູ້ວ່າເງິນເສຍ. ພະຍາຮ້ອນຮົນກະວົນກະວາຍ, ຮ້ອງຊຽງໝ້ຽງມາຖາມວ່າ:

- ຊຽງໝ້ຽງ ມຶງໄດ້ເກັບຖົງເງິນກູເຮ່ຍບໍ່? ມຶງເຊື່ອງໄວ້ໃສຮຶ?

ຊຽງໝ້ຽງຕອບຢ່າງໄວວາວ່າ:

- ຂ້ານ້ອຍເຫັນຢູ່.

ພະຍາຖາມວ່າ:

- ມຶງເຫັນຢູ່ໃສ? ສົ່ງກູທະແມ!

ຊຽງໝ້ຽງຕອບວ່າ:

- ອາດຍາສັ່ງຂ້ານ້ອຍວ່າ ເຫັນຂອງອາດຍາຢູ່ໃສໃຫ້ປະໄວ້ຢູ່ຫັ້ນ ຢ່າແຕະຕ້ອງຊັ້ນເນ!

ພະຍາໄດ້ຟັງ ທັງສູນທັງຄຽດ, ແຕ່ຈົນໃຈ ຍ້ອນວ່າຊຽງໝ້ຽງໄດ້ປະຕິບັດຕາມຄຳທີ່ຕົນສັ່ງ. ພະຍາດ່າສົ່ງເດດສອງສາມຄຳແລ້ວສັ່ງວ່າ:

- ແຕ່ນີ້ຕໍ່ໄປ ຫາກເຫັນກູເຮັດສິ່ງຂອງອັນໃດເຮ່ຍ ຕ້ອງເກັບມາໃຫ້ກູເນີ! ໄດ້ຍິນບໍ່? ສອງສາມມື້ຕໍ່ມາ ພະຍາໄປຢາມພີ່ນ້ອງ, ພະຍາຂີ່ມ້າໄປຢ່າງສະຫວາດສະເຫວີຍ, ຊຽງໝ້ຽງກໍ່ແລ່ນຕ່ອງຕ້ອຍນຳກົ້ນ ເມື່ອຫຼົບມາ ພະຍາຮອດເຮືອນກ່ອນ ເຫີງເຕີບຈິ່ງເຫັນຊຽງໝ້ຽງມາຮອດ ພະຍາສົງໄສວ່າຊຽງໝ້ຽງແວ່ຫຼິ້ນຕາມທາງຈຶ່ງຮ້າຍວ່າ:

- ເປັນຫຍັງມືງມາຊ້າແທ້?

ຊຽງຄ່ອຍວາງຖົງຍ່າມລົງ ແລ້ວນັ່ງນົບຂາບໄຫວ້ ທັງຄ່ອຍເວົ້າວ່າ:

- ບໍ່ແມ່ນຂ້ານ້ອຍແວ່ຫຼິ້ນຕາມທາງດ໋ອກ, ອາດຍາເຮັດເຄື່ອງເຮ່ຍຫຼາຍໂພດ, ຂ້ານ້ອຍເມົາເກັບຈົນກ້ຽງ ຈຶ່ງໄດ້ມາຊ້າແດ່.

ພະຍາໄດ້ຍິນວ່າ: “ເຮັດເຄື່ອງເຮ່ຍຫຼາຍໂພດ” ຕົກໃຈວາບ ເລີຍປ່ຽນຄຳຮ້າຍມາເປັນຄຳອອຍ ແລະ ຖາມຊຽງວ່າ:

- ມຶງເກັບຫຍັງຂອງກູເຮ່ຍຮຶຊຽງ? ມາສົ່ງກູທະແມ໋! ຊຽງຍື່ນຖົ່ງຍ່າມໃຫ້ທັງເວົ້າວ່າ:

- ນີ້ເດອາດຍາ, ຂ້ານ້ອຍເກັບໝົດບໍ່ຫຼໍຈັກແນວດ໋ອກ, ພະຍາດີໃຈຟ້າວເປີດເບີ່ງຖົງຍ່າມ ເລີຍເຫັນແຕ່ກ້ອນຂີ້ມ້າ. ພະຍາຂຶງຕາໃສ່ຊຽງໝ້ຽງ, ແລ້ວທືບພື້ນເຮືອນດ່າວ່າ:

- ບ໊ະ! ບັກນີ້ຈອງຫອງແທ້. ເກັບເອົາໂລໆເລໆ. ຊຽງໝ້ຽງສະແດງໃຫ້ພະຍາເຫັນໃຈແລ້ວເວົ້າວ່າ: “ພະຍາເຄີຍສັ່ງວ່າ: ຖ້າເຫັນເຄື່ອງຫຍັງຂອງອາດຍາເຮ່ຍໃຫ້ຂ້ານ້ອຍເກັບມາໃຫ້ໝົດກ້ຽງ ຊັ້ນເນ!” ພະຍາໄດ້ຟັງຊຽງເວົ້າກໍ່ຄືແມ່ນຄວາມຊຽງ.

ຢາກໃຫ້ໄປຈັບຂີ້ລັກ ງັດແງະ ຢູ່ບ້ານດອນແດຯແດ່ ອາທິດດຽວມີ ເປັນ10ຄະດີ ຕຳຫຼວດເອີຍ

ຂຽນເມື່ອ: ພ.ຈ.. 3, 2011 | ມີ 10 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ເລີກຮື້ກຸ່ມວິຊາຊີບລັກລົດຈັກ ສາມາດລວມຕົວໄດ້ຈຳນວນ 06 ຄົນ

*(ຂປລ): ເຈົ້າໜ້າທີ່ຕຳຫລວດ ເມືອງໄກສອນ ພົມວິຫານ ໄດ້ທຳການເລີກຮືກຸ່ມວິຊາຊີບ ກວນເມືອງ ທີ່ເລາະຫາລັກລົດຈັກ ປະເພດລົດເວບ ໄທ ຊຶ່ງສາມາດ ລວບຕົວຜູ້ຕ້ອງຫາຈຳນວນ 06 ຄົນ ແລະ ອີກ 01 ຄົນແມ່ນຍັງລອຍນວນ ຄືທ້າວ ທອງຈັນ ອາຍຸ 20 ປີ ອາຊີບນັກຮຽນ . ຊຶ່ງການລວບຕົວຜູ້ຕ້ອງຫາມີຂຶ້ນໃນວັນທີ 17 ແລະ ວັນທີ 22 ຕຸລາ 2011. ຈາກການສຶບສວນ-ສອບສວນພົບວ່າ: ຜູ້ຕ້ອງຫາທັງ 06 ຄົນມີຊື່ວ່າ: ທ້າວ ສິດຕີ້ ອາຍຸ 16 ປີ ອາຊີບຫວ່າງງານ ຢູ່ບ້ານນາຄຳນົນ ເມືອງສອງຄອນ, ທ້າວ ສຸພາພອນ (ລ້ານ)ອາຍຸ 18 ປີ ປີ ອາຊີບ ຫວ່າງງານ ຢູ່ບ້ານນາຄຳນົນເມືອງສອງຄອນ, ທ້າວທອງໃບ ອາຍຸ 20 ປີ ອາຊີນັກຮຽນ ຢູ່ບ້ານຫລັກເມືອງ ເມືອງສອງຄອນ, ທ້າວສີພັນ ອາຍຸ 18 ປີ ອາຊີບຫວ່າງງານ ຢູ່ບ້ານນາຄຳນົນ ເມືອງ ສອງຄອນ, ທ້າວ ໂກະ ອາຍຸ 30 ປີ ອາຊີບເຮັດນາ ຢູ່ບ້າໄໝ່ໜອງຫວ້າ ເມືອງສອງຄອນ ສ່ວນທ້າວ ສັງ ອາຍຸ 18 ປີ ອາຊີບວ່າງງານກໍ່ຖືກຈັບຢຸູ່ເມືອງສອງຄອນກ່ອນແລ້ວ.

ຈາກການສືບສວນຂອງເຈົ້າໜ້າທີ່ພົບວ່າ: ໃນເດືອນ 8 ປີ 2011 ທ້າວທອງໃບ, ທ້າວສິດຕີ້, ທ້າວສັງ ແລະ ທ້າວ ທອງຈັນ ໄດ້ຮ່ວມຫົວກັນໄປລັກລົດຈັກເວບ ໄທສີແດງ-ດຳ ບໍ່ຈື່ປ້າຍ ທີ່ຈອດຢູ່ຮ້ານເຊເວັ້ນ ເມືອງໄກສອນ ພົມວິຫານ ໂດຍທ້າວ ທອງໃບ ເປັນຜູ້ລົງມີ ໂດຍໃຊ້ເຫລັກທີ່ເປັນຮູບໂຕເຕ ທີ່ໄດ້ດັດແປງກ່ອນໜ້ານີ້ ໂດຍເອົາມາສຽບໃສ່ຮູກຸນແຈລົດຈັກແລ້ວຫງັດ ກໍ່ແລ້ວເລື້ອງ ໝາຍວ່າສຳເລັດ , ສ່ວນໝູ່ຄືທ້າວ ສິດຕິ້, ທ້າສັງ ແລະທ້າວທອງຈັນແມ່ນຕິດຕາມຄົນຂ້າງນອກ ໃນເມື່ອລັກລັດໄດ້ແລ້ວ ທ້າວສິດຕີ້ກໍເອົາລົດຄັນດັ່ງກ່າວໄປຂາຍໃຫ້ທ້າວໂກະ ໃນລາຄາຄັນລະ 18.000 ບາດ, ຕໍ່ມາທ້ອງເດືອນ 9 ປີ 2011ເວລາ 15 ໂມງ ທ້າວສິດຕີ້, ທ້າວສັງ ແລະທ້າວທອງຈັນ ໄດ້ຮ່ວມກັນໄປລັກລົດຈັກເວບໄທອີກ 01 ຄັນ ສີແດງ-ດຳ ທີ່ຈອດຢູ່ຮ້ານເຊເວັ້ນບ່ອນເກົ່າ ໂດຍຮູບການລັກແມ່ນເຮັດ ແບບເກົ່າທີ່ເອົາເຫລັກຮູບຕົວເຕ ຫງັດ ໃນເມື່ອລັກໄດ້ແລ້ວກໍ່ນຳໄປຂາຍໃຫ້ທ້າວໂກະຄືເກົ່າຄື:ຄັນລະ 18.000 ບາດ ແລະໃນເດືອນດຽວເວລາປະມານ 18 ໂມງ ທ້າວສິດຕີກັບທ້າວສັງ ກໍໄດ້ໄປລັກລົດຈັກເວບໄທອີກ( ເວບກະແຈໃຫຍ່)ຢູ່ຮ້ານອາຫານນາໆເບຍ ໃນເມື່ອລັກລົດໄດ້ແລ້ວກໍ່ເອົາໄປຂາຍໃຫ້ທ້າວໂກະຄືເກົ່າ ໃນລາຄາ ຄັນລະ 18.000 ບາດ.ຕໍ່ມາໃນວັນທີ 02 ເດືອນ10 ປີ 2011 ເວລາ 19 ໂມງ ທ້າວສິດຕີ້ກັບທ້າວສຸພາພອນໄດ້ພ້ອມກັນ ໄປລັກລົດຈັກເວບໄທ ສີດຳປອນ ທີ່ບໍ່ມີປ້າຍທະບຽນແລະກໍ່ໄດ້ນຳມາຂາຍເຊັ່ນກັນ.

ສ່ວນທ້າວສີພັນໃຫ້ການວ່າ:ພວກຕົນ ມີທ້າວສິດຕິ້ ທ້າວທອງໃບ ແລະ ທ້າວສຸພາພອນ ໄດ້ຮ່ວມຫົວກັນໄປລັກລົດຈັກເວບໄທ ສີແດງ-ດຳ ທີ່ຈອດຢູ່ຮ້ານຂາຍເຄື່ອງ ນຸ່ງຫົ່ມແຖວບ້ານທ່າແຮ່ ຕໍ່ໜ້າໂຮງແຮມບົວຫລວງ ເມືອງໄກສອນ ພົມວິຫານໂດຍໃນທິມແມ່ນມອບໃຫ້ທ້າວທອງໃບເປັນຜູ້ລົງມື ສ່ວນຜູ້ອື່ນແມ່ນຕິດຕາມ ຂ້າງນອກ ໃນເມື່ອລັກໄດ້ແລ້ວແມ່ນມອບໃຫ້ທ້າວສິດຕີ້ແລະທ້າວສຸພາພອນນຳໄປ ຂາຍ ໄດ້ຄັນລະ 18.000 ບາດ ສ່ວນຜູ້ລົງມືລັກແມ່ນໄດ້ລໍຖ້າຢູ່ສະຫວັນ.

ຜູ້ຕ້ອງຫາຄືທ້າວໂກະມີຄຳເຫັນວ່າ:ຕົນໄດ້ຮັບຊື້ລົດຈັກເວບໄທ ທີ່ທ້າວໃບນຳມາຂາຍຈຳນວນ 03 ຄັນ ໂດຍຄັນທີ 01 ຊືຄັນລະ 20.000 ບາດ ແລ້ວນຳລົດ ໄປຂາຍຕໍ່ໃຫ້ທ້າວ ແຫລມ ອາຍຸ 43 ປີ ຢູ່ບ້ານຄຶມສະຫວາງ ຄັນລະ 25.000 ບາດ. ຄັນທີ 2 ແມ່ນເອົາໄປຂາຍຢູ່ບ້ານໂນຝາຍ ຂາຍຄັນລະ 22.000 ບາດ, ແລະຄັນທີ 3 ເອົາໄປຂາຍໃຫ້ຄົນເມືອງທ່າປາງທອງ ໃນລາຄາ 21.500 ບາດ ຊຶ່ງການຊື້ຂາຍລົດແຕ່ລະຄັນແມ່ນທ້າວໃບ ບໍ່ໄດ້ແຈ້ງວ່າທີ່ໄປທີ່ມາຂອງລົດ ເປັນແນວໃດ.

ສຳລັບລົດຈັກ ຮອນດາເວບໄທ ແມ່ນເປັນເປົ້າສາຍຕາສຳລັບໂຈນ ທີ່ສະແຫວງຫາລັກລົດ ຊຶ່ງລົດປະເພດນີ້ ແມ່ນເປັນລົດທີ່ສັງຄົມນິຍົມກັນຂີ່ຫລາຍ ໃນເມື່ອ ຂາຍກໍ່ໄດ້ລາຄາສູງ ໂດຍຜູ້ເປັນເຈົ້າຂອງລົດຈັກປະເພດນີ້ກໍຄວນເພີ່ມຄວາມລະມັດລະວັງ ຂຶ້ນຕື່ມ ໃນເມື່ອເວລາຈອດລົດ ກໍ່ຢ່າຄວນໃຫ້ຢູ່ໄກສາຍຕາ ສຳຄັນ ໃນເມື່ອຈອດແລ້ວກໍ່ຄວນໃສ່ກຸນແຈຄໍ ກຸນແຈຕີນຫລືໂສ້ຄັກແນ່ ຖ້າຫາກວ່າລ໋ອກແຕ່ຄໍລົດ ບັນດານັກໂຈນ ນັກຂະໂມຍ ເຂົາລົງມືປະຕິບັດຄາວດຽວກໍໄດ້ ລົດໄປສະບາຍ.

ມາຈັບໂຈນຢູ່ບ້ານດອນແດງ ເມືອງຈັນທະບູລີ ນະຄອນຫຼວງ ແດ່ ທຸກບ້ານຕ້ອງໄດ້ໃສ່ກັນຄະໂມຍ ເລັກທໍນີວໂປ

ປະຕິມາກຳຄົນບໍ່ໃສເສືອ

ຂຽນເມື່ອ: ພ.ຈ.. 3, 2011 | ມີ 11 ຄຳເຫັນ ແລະ 0 trackback(s)

ໜວດໝູ່: ເລື່ອງແປກໆ

ພຣະໄທພາກໃຕ້

ຂຽນເມື່ອ: ພ.ຈ.. 3, 2011 | ມີ 8 ຄຳເຫັນ ແລະ 0 trackback(s)

ໜວດໝູ່: ເລື່ອງຈິງ/ສາລະຄະດີ

ຂະໜາດນີ້ຍັງມາບິນທະບາດ ອີຕົນພຮະເດ

ເຕົ່າສີທອງ ຢູ່ບືງທາດຫຼວງ

ຂຽນເມື່ອ: ຕ.ລ.. 28, 2011 | ມີ 8 ຄຳເຫັນ ແລະ 0 trackback(s)

ໜວດໝູ່: ເລື່ອງຈິງ/ສາລະຄະດີ

ປະຊາຊົນຫລາຍພາກ ສ່ວນໃຫ້ຄວາມສົນໃຈກ່ຽວກັບຂ່າວລືດັ່ງກ່າວດ້ວຍການເລົ່າປາກຕໍ່ປາກ ສູ່ກັນຟັງ ແລະ ບາງ ຄົນກໍ່ຮັບຮູ້ຂ່າວຈາກໂທລະພາບແຫ່ງຊາດ ຈິ່ງເປັນສາເຫດໃຫ້ພາ ກັນຫລັ່ງໄຫລໄປເບິ່ງເຕົ່າທີ່ມີສີ ເປັນສີທອງຄ້າຍຄືຄຳ ເຊິ່ງຫລາຍຄົນກໍ່ເຊື່ອຖືແບບງົມງວາຍຕ່າງໆນາໆ ເຮັດໃຫ້ບັນຍາກາດທີ່ນັ້ນ ເບິ່ງຄ້າຍຄືບຸນຊ່ວງເຮືອ.

ປະຈຸບັນ ຍັງບໍ່ທັນມີພາກສ່ວນໃດຢັ້ງຢືນວ່າ ເຕົ່າດັ່ງກ່າວເປັນເຕົ່າທີ່ຫາຍາກອາຍຸຈັກປີ ແລະ ມາຈາກສາຍພັນໃດບັນຫາດັ່ງກ່າວເຮັດໃຫ້ມີຂໍ້ສົງໃສ ພ້ອມທັງໂຕ້ຖຽງກັນຢ່າງກວ້າງ ຂວາງຢູ່ໃນສັງຄົມ. ນອກຈາກນີ້ ຍັງເປັນບ່ອນທຳນາຍ, ຂໍຫວຍ, ສ່ຽງໂຊກກັນສະຫນັ່ນຫວັ່ນໄຫວຂອງຜູ້ທີ່ເຊື່ອຖືແບບງົມງວາຍໄປແລ້ວ ເຊື່ອແນ່ວ່າ ຖ້າມີພາກສ່ວນກ່ຽວຂ້ອງເຂົ້າມາວິໄຈ ຢ່າງຈິງຈັງອາດຈະຊ່ວຍແກ້ໄຂຂໍຂ້ອງໃຈຂອງມະຫາຊົນໄດ້.

ນ້ຳຖວມກຸງເທບ ເມື່ອງຫລວງປະເທດໄທ

ຂຽນເມື່ອ: ຕ.ລ.. 26, 2011 | ມີ 21 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ນ້ຳຖວມ ກຸງແທ້ບໍ່ເບີງຮູບນີ້

ນ້ຳຖວມໄທ ເລື່ອງ ແປກ ເນາະ

ຂຽນເມື່ອ: ຕ.ລ.. 26, 2011 | ມີ 12 ຄຳເຫັນ ແລະ 0 trackback(s)

ໜວດໝູ່: ເລື່ອງແປກໆ

ບໍ່ແມ່ນເລື່ອງ ງູຫລາຍຫົວ ແຕ່ແມ່ນງູ ແຕ່ງຈາກ ໂຟໂຕຊອບ

ຂຽນເມື່ອ: ຕ.ລ.. 26, 2011 | ມີ 8 ຄຳເຫັນ ແລະ 0 trackback(s)

ໜວດໝູ່: ເລື່ອງແປກໆ

ເບີງເດີພີ່ນ້ອງ

ໄດ້ງິນຂ່າວວ່າມີຄົນມາຕົວະຂາຍຮູບນີ້ ຊອຍບອກຕໍ່ແດ່

ເບີ່ງອີກເດີ

ຕົນໄມ້ແປກ

ຂຽນເມື່ອ: ຕ.ລ.. 26, 2011 | ມີ 7 ຄຳເຫັນ ແລະ 0 trackback(s)

ໜວດໝູ່: ເລື່ອງແປກໆ

ເຊັກຊີຄະໜາດ

well

Dan 2010

ເບິ່ງທັງໝົດ

ອ່ານຄືນຫຼັງ

2011 (13)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.