ມະຫາເສດຖີ

ໃນຂະນະທີ່ມະຫາເສດຖີ ນັ່ງລົດຕູ້ຄັນງາມໄປຕາມທ້ອງຖະໜົນ ກໍ່ພົບເຫັນຊາຍອະນາຖາ 2 ຄົນ ພາກັນກິນຫຍ້າຢູ່ຕາມແຄມຖະໜົນ ມະຫາເສດຖີ ຈຶ່ງສັ່ງໃຫ້ຄົນຂັບລົດຈອດ ແລ້ວປ່ອນຫົວອອກໄປຖາມຊາຍອະນາຖາທັງສອງວ່າ: ພວກເຈົ້າເປັນຫຍັງຈື່ງພາກັນມາກິນຫຍ້າຄືແນວນີ້? ຊາຍທັງສອງຕອບວ່າ: ພວກເຮົາບໍ່ມີອັນຊິກິນ

ມະຫາເສດຖີຈື່ງຖາມໄປວ່າ: ຖ້າຂ້ອຍເອົາເຈົ້າໄປເຮືອນຂອງຂ້ອຍ ພວກເຈົ້າຈະໄປບໍ?

ຊາຍອະນາຖາທັງສອງພາກັນດີໃຈໃນຄວາມເມດຕາຂອງມະຫາເສດຖີ ຈື່ງຕອບຕົກລົງ. ພໍຂື້ນລົດໄປ ຊາຍທທັງສອງທີ່ຮູ້ສຶກຊາບຊື້ງໃນນ້ຳໃຈຂອງມະຫາເສດຖີ ຈື່ງກ່າວຂື້ນວ່າ: ທ່ານມີນ້ຳໃຈອັນປະເສີດແທ້ໆ ທີ່ຈະຫາວຽກໃຫ້ພວກຂ້ານ້ອຍເຮັດ ແຕ່ວ່າພວກຂ້ານ້ອຍເຮັດຫຍັງບໍ່ເປັນໄດ໋!

ເສດຖີຕອບວ່າ: ພວກເຈົ້າບໍ່ຕ້ອງເຮັດຫຍັງດອກ ພຽງແຕ່ວ່າ ຫຍ້າຢູ່ບ້ານຂອງຂ້ອຍນັ້ນງາມກ່ວາຢູ່ແຄມຖະໜົນ ແລະ ຄົນຕັດຫຍ້າ ມັນຫາກໍລາອອກ. ພວກເຈົ້າໄປກິນມັນອາດແຊບກ່ວາ ແລະ ຂ້ອຍກໍ່ຈະບໍ່ໄດ້ຈ້າງຄົນຕັດອີກຕໍ່ໄປ!!!!!5555555

UPDATE

ແກ້ແຄ້ນສ່ຽວ

ທ້າວ ແຫ້ງ ຄຽດທີ່ໝູ່ຂອງຕົນລັກລອກກິນໜັງປາດຸກຂອງຕົນ ເພາະເປັນອາຫານທີ່ຕົນເອງມັກທີ່ສຸດ ແລະແລ້ວ...ເຂົາກໍວາງແຜນແກ້ແຄ້ນຄືນ.

ແຫ້ງ: =ແມ່ສ່ຽວເອີຍ! ສ່ຽວຂ້ອຍຢູ່ບໍ່?

ແມ່ສ່ຽວ: ໂອຍ ໄປນາແຕ່ເຊົ້າພຸ້ນ ຍັງບໍ່ທັນກັບມາເທື່ອ ຂ້ອຍໜື້ງມັນດ້າງໄວ້ຖ້າລາວ ແຕ່ປານນີ້ກໍບໍ່ເຫັນມາກິນ

ຄັນເຈົ້າບໍ່ຟ້າວກໍໄປນັ່ງຫລື້ນຢູ່ກ້ອງຕະລ່າງຖ້າກ່ອນເດີ ຂ້ອຍຊີໄປນຳລາວກ່ອນ.

ສ່ວນ ທ້າວ ແຫ້ງ ໄດ້ໂອກາດ ກໍ່ເລີຍໄປເອົາໝໍ້ມັນດ້າງມາ ພ້ອມທັງເວົ້າຂື້ນວ່າ : ມຶງເດີໆບັກສ່ຽວ ອາທິດແລ້ວນີ້ມຶງລັກລອກກິນໜັງປາດຸກກູຈົນໝົດ

ຄັ້ງນີ້ ກູຊິລັກລອກກິນເປືອກມັນດ້າງຂອງມຶງໃຫ້ໝົດເອີດເຕີດໂລດລະ!!!

update

ປະດັບຍົນ!!

ທ້າວ ຄຳຫລ້າ ອອກຈາກບ້ານມາຢູ່ວຽງຈັນເປັນເວລາຫລາຍປີເພື່ອເຮັດທຸລະກິດແປງລົດ

ມື້ໜື່ງຕູ້ສີ ຜູ້ເປັນພໍ່ຂອງລາວໄດ້ເຂົ້າມາວຽງຈັນເພື່ອງຢ້ຽມຢາມລູກຊາຍ

ພໍມາເຖິງບ້ານລູກຊາຍ ຕູ້ສີກໍ່ຄິດພູມໃຈກັບລູກທີ່ມີເຮືອນຫລັງໃຫຍ່ໆງາມໆ ແລະ ມີຮ້ານຂື້ນປ້າຍວ່າ:“ຄຳຫລ້າປະດັບຍົນ“

ໜື່ງອາທິດຜ່ານໄປ ດ້ວຍຄວາມເປັນຫ່ວງລູກຊາຍພໍ່ຕູ້ສີ ຈື່ງເວົ້າກັບລູກຊາຍວ່າ: “ຫລ້າເອີຍ! ພໍ່ລະເປັນຫ່ວງໂຕຢ້ານໂຕໄປບໍ່ລອດດອກ!“

ຄຳຫລ້າ: ແມ່ນເຈົ້າເປັນຫຍັງຈື່ງຄິດແນວນັ້ນ?

ຕູ້ສີ: ມັນຊິລອດຈັ່ງໄດ ພໍ່ມາຢູ່ນີ້ ອາທິດໜື່ງແລ້ວ ຍັງບໍ່ເຫັນມີຍົນຈັກລຳເຂົ້າມາປະດັບ ປ່ຽນຮ້ານເປັນປະດັບລົດ ຊິບໍ່າດີກ່ອນບໍ ບັກຫລ້າ?

update

ລູກທີ່ມັກຖາມ!!

ລູກ: ພໍ່ໆ ເມື່ອ 3 ເດືອນກ່ອນ ມີຄົນມາທວງໜີ້ ພໍ່ກໍ່ບອກວ່າບໍ່ມີເງິນ, ເດືອນນີ້ ພໍ່ກໍ່ບອກວ່າບໍ່ມີເງິນອີກ. ເປັນຫຍັງພໍ່ຈຶ່ງເວົ້າແນວນັ້ນ?

ພໍ່: “ ຄົນເຮົາ ເຄີຍເວົ້າແນວໄດ ກໍ່ຕ້ອງມີສັດຈະຕໍ່ຄຳເວົ້າຂອງຕົນ ໃດລູກ “

ລູກ: ເປັນຫຍັງຄົນຂ້າງເຮືອນເຮົາ ຈື່ງພາກັນມີເຮືອນຫລັງໃຫຍ່ຫມົດທຸກຄົນ ແຕ່ເຮືອນເຮົານ້ອຍຫລັງດຽວ?

ພໍ່: “ເພາະວ່າພໍ່ບໍ່ມີເງິນຫລາຍຄືເຂົາ“

ລູກ: ເຮັດແນວໄດ ເຮົາຈື່ງມີເງິນຫລາຍລະພໍ່?

ພໍ່: “ລູກກໍ່ຕອງຮຽນຫນັງສືໃຫ້ເກັ່ງ ຖ້າເຮົາຮຽນເກັ່ງ ເວລາໃຫຍ່ຂື້ນມາກໍ່ສາມາດເຮັດວຽກຢູ່ບ່ອນດີໆໄດ້ຢ່າງສະບາຍ ແລະ ກໍ່ໄດ້ຄ່າແຮງສູງ“

ລູກ: ຄັນຊັ້ນ ເປັນຫຍັງຕອນຍັງນ້ອຍ ພໍ່ຄືບໍ່ຕັ້ງໃຈຮຽນໃຫ້ເກັ່ງລະ?

update

ເຊົາປວດ

ໃນຊົ່ວໂມງທຳອິດຂອງມື້ເປີດສົກຮຽນໄໝ່ຂອງນັກຮຽນຊັ້ນ ປໍ1 ສາວຄູກຳລັງອະທິບາຍເລື່ອງມາລະຍາດໃນເວລາຮຽນໃຫ້ນັກຮຽນວ່າ:

                                                   " ເວລາຮຽນ ຫ້າມບໍ່ໃຫ້ພວກນ້ອງກວນກັນ ຫລື ວົນແຊວ  .ເຂົ້າໃຈບໍ່? "

                                               ນັກຮຽນ: "ໂດຍ ເຂົ້າໃຈແລ້ວ"

                                                    ສາວຄູ: "ຖ້າຜູ້ໄດປວດໜັກ ຫລື ປວດເບົາ ໃຫ້ຍົກມືຂື້ນ"

                                               ທ້າວແຫລ້: "ສາວຄູໆ!! ຄັນຍົກມືຂື້ນ ມັນຊິເຊົາປວດຖ່າຍຫວາ"

update

ຊາຍໜຸ່ມຄົນໜື່ງເປັນຄົນອາລົມດີ ມັກຢອກຜູ້ຄົນເປັນປະຈຳ

ມື້ໜື່ງລາວຂັບລົດຈັກເຂົ້າໄປໃນຕົວເມືອງ ໃນເວລານັ້ນ ລາວກໍ່ຂັບລົດລ່ວງໄຟແດງ

ເມື່ອຕຳຫລວດເຫັນ ຕຳຫລວດເປົ່າໝາກຫວີດ ແຕ່ຊາຍຄົນນັ້ນ ກໍ່ເຮັດຫູບໍ່ໄດ້ຍິນ ແລ້ວຂີ່ລົດໄປຕໍ່ ໂດຍບໍ່ສົນໃຈນຳຕຳຫລວດ

ຕຳຫລວດຢາກຮ້າຍ ຈື່ງຂີ່ລົດໄລ່ຕາມ ສຸດທ້າຍກໍ່ສາມາດກັກຕົວຊາຍຄົນນັ້ນແລ້ວກວດເອກະສານຄົບທຸກຢ່າງ

ແຕ່ວ່າ ຕຳຫລວດຈະປັບໄໝໃນຂໍ້ຫາຂັບຂີ່ເສຍມາລະຍາດ ແຕ່ຊາຍຄົນນັ້ນກໍ່ໃຊ້ນິໄສເກົ່າໆຂອງລາວ

ຄືຄິດວ່າ ຊິຍອກໄດ້ ລາວໄດ້ເວົ້າກັບຕຳຫລວດວ່າ: "ນີ້ບໍ່ແມ່ນລົດຂອງຂ້ອຍໄດ໋, ລົດຄັນນີ້ແມ່ນລົດຄູບາ ຖ້າເຈົ້າຢາກໄດ້ເງິນ ໃຫ້ໄປເອົານຳຄູບາເດີ!!!!"

ຕຳຫລວດ: "??????"

ທ່ານໝໍກຳລັງຖາມລຸງມີທີ່ກຳລັງນອນໃສ່ນ້ຳຢູ່ໂຮງໝໍ:

ທ່ານໝໍ: ລຸງກະມັກອອກກຳລັງກາຍຢູ່ບໍ

ລຸງມີ: ເອີ ລຸງມັກອອກກຳລັງກາຍທີ່ສຸດ

ທ່ານໝໍ: ອອກກຳລັງກາຍດ້ວຍວິທີໄດ

ລຸງມີ: ແລ່ນເອົາ

ທ່ານໝໍ: ແລ່ນໄດ້ໄກປານໄດ

ລຸງມີ: 20 ກິໂລແມັດ

ທ່ານໝໍ: ປະໂທ ແລ່ນເກັ່ງປານນີ້ ຍັງເຈັບຍັງປ່ວຍຊັ້ນບໍ

ລຸງມີ: ບໍ່ແມ່ນດອກທ່ານໝໍ ຍ້ອນລຸງແລ່ນ 20 ກິໂລແມັດ ນັ້ນລະ ຈື່ງບໍ່ສາມາດແລ່ນກັບຄືນເຣືອນ ແລະ ໄດ້ເອົາໄສ່ລັດມາໂຮງໝໍເລີຍ

ທອງ ກັບ ພັນ ເປັນໝູ່ຮັກກັນ ແຕ່ບໍ່ໄດ້ພົບກັນຫລາຍປີ ແລະ ບັງເອີນມື້ໜື່ງ ພວກເຂົາໄດ້ມາພົບກັນ

ທອງ: ສະບາຍດີພັນ ບໍ່ໄດ້ເຫັນໂຕດົນແລ້ວ ເບີ່ງຄືວ່າຫົວໂຕຫງອກຫລາຍເຕີບເນາະ

ພັນ: ຫົວເຮົາມັນຫງອກກະຍ້ອນ ເຮົາຄິດຫລາຍຫັ້ນແລ້ວ

ທອງ: ແມ່ນໂຕຄິດເລື່ອງຫຍັງກະດັກກະດໍ້ ຈົນວ່າຫົວຫງອກ

ພັນ: ເຮົາກໍ່ຄິດເລື່ອງຜົມທີ່ມັນຫງອກນີ້ແຫລະສ່ຽວ

ລຸງພອນ ກັບ ທ້າວຈ່ອຍຊວນກັນໄປເກັບເງິນຊຸກຍູ້ບ້ານຕາມແຕ່ລະຫລັງຄາເຮືອນ.ພໍເກັບໄດ້ສອງສາມຫລັງກໍ່ຖືກໝາເຫົ່າ.ທ້າວຈ່ອຍຢ້ານໝາກັດເລີຍໂດດກອດລຸງພອນ.ລຸງພອນເລີຍບອກທ້າວຈ່ອຍວ່າ:

"ບໍ່ຕ້ອງຢ້ານ ເຮັດເສີຍໆເດີບັກຈ່ອຍ"

ທ້າວຈ່ອຍ: ໂອຍ ມັນເຮັດທ່າທາງຄືຊິກັດຂ້ອຍແລ້ວໆໆໆໆໆໆ!!

ລຸງພອນ: ບໍ່ເປັນຫຍັງດອກ ສຸພາສິດເພີ່ນຍັງເວົ້າວ່າໄວ້ວ່າ: ໝາທີ່ເຫົ່າ ມັນບໍ່ກັດ

ທ້າວຈ່ອຍ: ຄັນຊັ້ນ ໝາໂຕນີ້ ມັນຮູ້ສຸພາສິດຢູ່ຫວ໋າ ລຸງພອນ!!

ໃນຊົ່ວໂມງຮຽນຄະນິດສາດ ສາວຄູໄດ້ສອນໄຫ້ນັກຮຽນ ໄດ້ຮຽນຮູ້ກ່ຽວກັບການຊັ່ງຕາຊິງ.

ເຈົ້າຄິດວ່າ "ລະຫວ່າງ ຝ້າຍ2ກິໂລ ກັບ ຫີນ2ກິໂລ ອັນໄດໜັກກ່ວາກັນ!"

ທ້າວສຸພາບ: ຮຽນສາວຄູນ້ອງຂໍຕອບ: ຫີນໜັກກ່ວາ!

ສາວຄູ: ຜິດ ມັນກໍ່ຕ້ອງເທົ່າກັນຊັ້ນຕົ໋ວ ແນວວ່າມັນມີ 2ກິໂລຄືກັນ

ທ້າວສຸພາບ: ຄັນຊັ້ນສາວຄູຈະເລືອກເອົາອັນໄດ ຖ້ານ້ອງຈະເອົາ ຫີນ ກັບ ຝ້າຍແບ່ນໄສ່ສາວຄູ?

       ທ້າວສົມ ກັບ ທ້າວ ບູນ ກຳລັງນັ່ງຖຽງກັນຢູ່

ທ້າວສົມ: ໂຕເຮັດແບບນີ້ແມ່ນໂຕເອົາປຽບເຮົາເກີນໄປ

ທ້າວບູນ: ເຮົາເອົາປຽບໂຕຢູ່ບ່ອນໄດຫຶ?

ທ້າວສົມ: ນ້ຳໜັກໂຕຫລາຍກ່ວາເຮົາແນວນີ້ເຮົາກໍ່ຕ້ອງບໍ່ແພ້ໂຕແນ່ນອນລະເວີຍ!

ທ້າວບູນ: ແມ່ນໂຕເປັນບ້າແລ້ວຫວາ? ຫລີ້ນໝາກດາມກໍ່ທຽບນ້ຳໜັກ?

ທ້າວສົມ: "ຫວາ?????????????????"

ແຕ່ກີ້ແຕ່ກ່ອນມີຜົວເມຍຄູ່ໜື່ງ ເອົາກັນໄໝ່ໆ  ພໍ່ເຖົ້າກັບແມ່ເຖົ້າໄດ້ລົມກັນວ່າ:

ພໍ່ເຖົ້າ: ເຖົ້າໆ ລູກສາວເຮົາແຕ່ກີ້ແຕ່ກ່ອນ ຂາວໆ ງາມໆ ເວລາເອົາກັບບັກທິດ ມັນຄືຈ່ອຍແທ້ ບໍ່ພໍເອີ້ນບັກທິດມາຖາມແລ້ວບໍ?

ຫລັງຈາກນັ້ນ ແມ່ເຖົ້າກໍ່ໄດ້ເອີ້ນລູກເຂີຍມາຖາມ

ແມ່ເຖົ້າ: ມານີ້ບັກທິດ!  ເປັນແນວໄດດ່ຽວນີ້ນະ ອີ່ຫລ້າມັນຄືຈ່ອຍແທ້ ມຶງເຮັດແນວໄດລະ

ລູກເຂີຍ: ຮ່ວຍ! ແມ່ເຖົ້າຄືເວົ້າແນວນັ້ນ ຂອງຂ້ອຍສ່ຳໄດ ກະເອົາເຂົ້າສ່ຳນັ້ນແຫຼະ

ພໍ່ເຖົ້າ: ບໍ່ໄດ້ ບໍ່ໄດ້   ມຶງຕ້ອງເອົາເຂົ້າເຄີ່ງໜື່ງ

ແມ່ເຖົ້າ: ເອົາຂອງມຶງອອກມານິ ກູຊິໝາຍໃຫ້
ຫລັງຈາກນັ້ນ ພໍ່ເຖົ້າ ກັບ ແມ່ເຖົ້າ ກໍ່ໄດ້ທຳການໝາຍເຄີ່ງໜື່ງ

ລູກເຂີຍ: ລົງມືທຳການປະຕິບັດ ເວລາທຳກິດຈະກຳ ກໍ່ເອົາເຂົ້າເຄີ່ງໜື່ງຕາມທີ່ແມ່ເຖົ້າກັບພໍ່ເຖົ້າບອກ

ລູກສາວ: ເຮີຍໆ ແມ່ນເຈົ້າເຮັດແນວໄດນິ ຄືບໍ່ເຕັມໃຈເຮັດນິ ເຮັດເກິໆກະໆ ເຮັດແນວນີ້ມັນຊິຄັກບໍ?

ລູກເຂີຍ: ໂຢ! ແມ່ເຖົ້າກັບພໍ່ເຖົ້າບອກວ່າ ເອົາເຂົ້າເຄີ່ງໜື່ງ

ຫລັງຈາກລູກສາວໄດ້ຍິນແນວນັ້ນລູກສາວກໍ່ເວົ້າວ່າ:

ລູກສາວ: ບ໋ະ!  ເປັນຫຍັງຄືບໍ່ໄປເຮັດແມ່ເຖົ້າພຸ້ນ!

ປະກົດວ່າແມ່ເຖົ້າໄດ້ຍິນ ແມ່ເຖົ້າເລີຍເວົ້າວ່າ:

ແມ່ເຖົ້າ: ທິດໆ ເອົາມັນຕາຍໂລດ ລູກບໍ່ມັກດີ ມັນບໍ່ຟັງຄວາມພໍ່ຄວາມແມ່ ເອົາມັນຕາຍໄປໂລດ

          ມີມື້ໜື່ງ ກະເບື້ອງ ກັບ ວົງກົບ ເຊິ່ງເປັນສ່ຽວຮັກສ່ຽວແພງກັນ ພວກເຂົາທັງ2ບໍ່ໄດ້ພົບກັນມາແຕ່ດົນນານ ບັງເອີນພວກເຂົາທັງ2 ໄດ້ມາພົບກັນຢູ່ທີ່ຮ້ານກິນດື່ມແຫ່ງໜື່ງ ກະເບື້ອງເລີຍຮ້ອງທັກທາຍວົງກົບຕາມເຄີຍ

ກະເບື້ອງ: ເປັນແນວໄດສ່ຽວ ບໍ່ໄດ້ພົບໂຕດົນແລ້ວ ສະບາຍດີຢູ່ບໍ?

ວົງກົບ: ເອີ! ສະບາຍດີສ່ຽວ ໂຕເດຊັນເປັນແນວໄດ ວຽກງານຍັງຄືເກົ່າບໍ?

ກະເບື້ອງ: ກະດີກ່ວາເກົ່າໄດສ່ຽວ

ວົງກົບ: ດີແນວໄດ?

ກະເບື້ອງ: ດ່ຽວນີ້ເຮົາເປີດກິດຈະການເລັກໆນ້ອຍໆ

ວົງກົບ: ດີແລ້ວເດ ມື້ໜ້າເຮົາຊິໄປອຸດໜູນເດີສ່ຽວ

ກະເບື້ອງ:ບໍ່ດີໄດສ່ຽວ

ວົງກົບ: ຮວຍ! ໝໍນິແປກແທ້ ເຮົາຊິໄປອຸດໜູນເປັນຫຍັງຄືວ່າບໍ່ດີ

ກະເບື້ອງ:ຄືວ່າ ເຮົາເປີດກິດຈະການໂລງສົບ ຮ່າໆໆໆໆໆໆໆໆໆໆໆໆໆໆ