ປີນີ້ ໜ້າຈະເປັນປີທອງຂອງໜັງ 3D ກໍ່ວ່າໄດ້ ເພາະທຸກໆໜັງທີ່ອອກໂຮງສາຍຈະມີໂລດ ຄຳວ່າ 3D ຕິດທ້າຍມານຳ. ອີກຢ່າງ 3D ກໍ່ມີບົດບາດຫຼາຍຂື້ນໃນຄວາມບັນເທີງພາຍໃນບ້ານ ເຊັ່ນວ່າ ໂທລະທັດ 3D ຈາກ Sony, Samsung ແລະ ອີກຫຼາຍບໍລິສັດຍັກໃຫ່ຍທີ່ກຳລັງຈະອອກວາງຂາຍ ແລະ ຄ້າຍ nVidia ກໍ່ເຮັດ ຜະລິດຕະພັນ 3D ອອກມາໃຫ້ຊາວເກມຄອມໄດ້ສຳຜັດ ໂດຍໃສ່ຊື່ວ່າ 3D Vision ແຕ່ວ່າ ຕ້ອງມີອຸປະກອນເພີ່ມເຕີມ ແລະ ຈະໃຊ້ໄດ້ແຕ່ນຳກາດຈໍ nVidia ເທົ່ານັ້ນ. ແລະໃນອະນາຄົດ 3D ອາດຈະເປັນມາດຕະຖານຄວາມບັນເທີງ ແທນທີ່ 2D ໄປກໍ່ເປັນໄດ້.
   ເພື່ອເປັນການນຳກະແສ 3D ຂພຈ ໄດ້ເປັນເຈິໂປຣແກຣມທີ່ເປັນປະໂຫຍດໂຕໜຶ່ງ ຊື່ວ່າ iZ3D ທີ່ສາມາດໃໍຊ້ເຮັດໃຫ້ເກມຖືກເຣນເດີເປັນພາບ ທີ່ຈະໃຫ້ເຫັນ 3D ຜ່ານແວນຕາໄດ້. ໂດຍວິທີນີ້ຈະສາມາດໃຊ້ໄດ້ໃນກາດຈໍຈາກທັງ 2 ຄ້າຍ ATi ແລະ nVidia.
•ສິ່ງທີ່ຕ້ອງການ:
   ຸ1, ໂປຣແກຣມ iZ3D: ເປັນໂປຣແກຣມຕົ້ນຕໍທີ່ຈະໃຊ້ ສາມາດດາວໂລດໄດ້
ບ່ອນນີ້

   2, ແວ່ນຕາ Red / Cyan ຕາມຮູບທາງລຸ່ມນີ້ ເຊິ່ງເມື່ອໃສ່ແວ່ນ ສີຟ້າຈະຢູ່ຕາເບື້ອງຂວາ ແລະ ສີແດງຢູ່ຕາເບື້ອງຊ້າຍ.
ເຊິ່ງກໍ່ເປັນສິ່ງທີ່ຈຳເປັນທີ່ສຸດ ໃນການຮັບຊົມ 3D.
   
   3, ເກມ, ເຊິ່ງຈະຕ້ອງເປັນໂໝດ DirectX ແລະ ຈະເຮັດວຽກໄດ້ດີກັບ DirectX 9 ແຕ່ບໍ່ຮູ້ວ່າ ໂຕອັບເດດໃໝ່ຈະສະນັບສະນຸນ DirectX 10 ຫຼື DirectX 11 ໄດ້ເຕັມທີ່ບໍ່ ຕ້ອງໄດ້ໄປໂລດທົດສອບເອງເດີ ເພາະບໍ່ມີເວລາທົດສອບໃຫ້. (ໂຕຢູ່ເທິງແມ່ນເວີຊັນເກົ່າທີ່ ຂພຈ ໄດ້ທົດສອບມາໄລຍະໜຶ່ງແລ້ວ) ໂຕໃໝ່ໄປໂລດໄດ້ຢູ່ເວັບ iZ3D
   4, ຮາດແວ ກໍ່ຄົງຈະເປັນຮາດແວທີ່ສາມາດຫຼີ້ນເກມຄອມ ໄດ້ລະດັບໜຶ່ງແຫຼະເນາະ ຫຼາຍທ່ານກໍ່ຄົງຈະຮູ້ແນ່ ແລ້ວ.
•ຂັ້ນຕອນການຕິດຕັ້ງ:
  1, ເມື່ອດາວໂລດໂປຣແກຣມແລ້ວໆ ກໍ່ຕິດຕັ້ງຕາມປົກກະຕິ.
  2, ເປີດ ໂປຣແກຣມ iZ3Dັ Driver ຂື້ນມາ
  3, ໃນເມນູຂອງ DirectX ແລ້ວໃຫ້ເລືອກຕາມນີ້

  
  4, ແລ້ວກໍ່ ຍຸບ (Minimize) ໂປຣແກຣມລົງ ແລ້ວກໍ່ເປີດເກມຂື້ນມາ​ (ໃນທີ່ນີ້ ຂພຈ ໃຊ້ເກມ Mirror's Edge ທົດສອບໃຫ້ເບິ່ງ)
  5, ເຂົ້າເກມທຳອິດ ອາດຈະຊ້າແນ່ໜ້ອຍໜຶ່ງ ເພາະມັນຈະຂື້ນ ໜ້າເມນູຕັ້ງຄ່າຂອງ iZ3Dັ ຂື້ນມາໃນທີ່ນີ້ໃຫ້ປິດມັນອອກໄປກ່ອນ ໂດຍກົດ Shift + * (ເຊິ່ງຈະແມ່ນ * ຢູ່ Num Pad) ແລະ
ມັນຈະເຮັດໃຫ້ຮາດແວເຮັດວຽກໜັກຂື້ນກ່ວາເກົ່າປະມານ 30%. ສະນັ້ນ ຄວນປັບຄ່າຂອງເກມລົງຕາມຄວາມເໝາະສົມ.
  6, ເມື່ອໂລດເກມເຂົ້າມາເປັນທີ່ ຮຽບຮ້ອຍແລ້ວ ໜ້າເມນູ iZ3Dັ ຈະເປີດຂື້ນມາເອງອີກເທື່ອໜຶ່ງ ແຕ່ວ່າບາງທີຈະບໍ່ ເຊິ່ງສາມາດເປີດກັບມາເອງໄດ້ ໂດຍກົດ Shift + * ໃຫ້ມັນກັບມາ ແລ້ວຈະພົບໜ້າຈໍແບບນີ້

ຈັບແວ່ນຕາມາໃສ່
  
  7, ໃຫ້ພິມ N ເພື່ອໄປໜ້າຕໍ່ໄປແລ້ວຈະ ເຫັນພາບຕົວຢ່າງ ທີ່ຈະທົດສອບວ່າແວ່ນຕາທ່ານ ສາມາດຮັບຊົມ 3D ໄດ້ຫຼືບໍ່ ຖ້າໄດ້ໃຫ້ພິມ Y ຖ້າບໍ່ໄດ້ກໍ່ໃຫ້ພິມ N ແລະເບິ່ງຄືນວ່າແວ່ນຕາຂອງທ່ານ ຖືກຕ້ອງກັບທີ່ ຂພຈ ໄດ້ບອກໄປບໍ່

  
  8, ຕໍ່ໄປ ມັນຈະຖາມວ່າຊ້ຳອີກວ່າ ເຮົາໄດ້ເຂົ້າເກມເຂົ້າມາຫຼືຍັງ ໃຫ້ພິມ Y
  9, ມາເຖິງຂັ້ນຕອນສຳຄັນຂອງການຕັ້ງຄ່າ ໃຫ້ທ່ານພະຍາຍາມຫາສະຖານທີໃນເກມ ທີ່ມີວັດຖຸ ທີ່ຢູ່ໃກ້ໆ ທ່ານ ແລະ ໃນຂະນະດຽວກັນ ກໍ່ໃຫ້ແນມເຫັນທິວທັດທີ່ຢູ່ໄກໆນຳແບບຮູບນີ້

ແຜງໂຊລາແຊວ ທາງໜ້າຈະຖືເປັນ ວັດຖຸ ທີ່ຢູ່ໃກ້ໆ ແລະ ແຜ່ນໂປສເຕີ ທາງຫຼັງ ຈະຖືເປັນທິວທັດທີ່ຢູ່ໄກໆ. ແຕ່ຖ້າໃຜ ຫຼີ້ນເກມ FPS ຫຼື Third-person Shooter ຈັ່ງຊີ້ ກໍ່ສາມາດທີ່ຈະກຳນົດເອົາປືນ ຫຼື ເອົາຕົວລະຄອນເປັນ ວັດຖຸ ທີ່ຢູ່ໃກ້ໆ ກໍ່ໄດ້. ໃຫ້ກົດ Shift ຄ້າງໄວ້ ພ້ອມກັບກົດ + ຫຼື - ຢູ່ Num Padເທື່ອລະໜ້ອຍ, ເພື່ອກຳນົດຄ່າ Convergence ເຊິ່ງແປວ່າການຍັບເຂົ້າ ໃນຂະນະທີ່ກຳນົດຄ່າ ທ່ານຄວນແນມເບິ່ງວັດຖຸໃກ້ສຸດກັບໜ້າຈໍ ແລະ ໃຫ້ປັບໄປຈົນກ່ວາຈະເຫັນວັດຖຸນັ້ນເປັນຮູບໆດຽວ (ບໍ່ເຫັນພາບດ່າງໆ) ຶແລະ ບໍ່ຟ້າວໄປວົນກັບພາບບ່ອນອື່ນເທື່ອ. ເວລາປັບຄວນຈະປັບໄປເທື່ອລະໜ້ອຍໆ ເພາະຖ້າກົດເນັ້ນ + ຫຼື - ຄ້າງໄວ້ແລ້ວມັນຈະເລື່ອນພາບໄວເກີນໄປ ເຮັດໃຫ້ທ່ານອາດກາຍຄ່າທີ່ຕ້ອງການ ແລະ ຕາຂອງເຮົາຈະປັບຕາມບໍ່ທັນ ເຮັດໃຫ້ຮູ້ສຶກບໍ່ສະບາຍຕາ ອີກດ້ວຍ. ຈາກນັ້ນໃຫ້ກົດ N

  10, ຕໍ່ມາມັນຈະຖາມອີກວ່າ ພາບທີ່ຢູ່ໄກໆເປັນພາບດ່າງໆ ຫຼື ບໍ່ ເຊິ່ງປົກກະຕິແລ້ວຈະເປັນ ກົດ Y. ແຕ່ຖ້າທ່ານແນ່ໃຈວ່າມັນບໍ່ເປັນກໍ່ພິມ N ແລ້ວຂ້າມໄປຂັ້ນຕອນທີ່ 13.
  11, ເມື່ອພິມ Y ມັນຈະພາທ່ານມາຂັ້ນຕອນການປັບ Separation ເຊິ່ງຈະໃຊ້ໃນການປັບວັດຖຸທີ່ຢູ່ໄກໆ ໃນທີ່ນີ້ໃຫ້ທ່ານກົດ - ໄປ ຈົນກ່ວາຈະເຫັນວັດຖຸທີ່ຢູ່ໄກໆສະບາຍຕາຂື້ນ. ຄວນປັບໄປເທື່ອລະໜ້ອຍໆ ເນາະ. ເມື່ອປັບແລ້ວໆ ໃຫ້ກົດ N


  12, ແລ້ວຈະເຫັນຂັ້ນຕອນ ຄ້າຍໆຂັ້ນຕອນ 11 ແຕ່ເທື່ອນີ້ໃຫ້ກົດ + ແທນ ແລ້ວປັບໄປຈົນເຫັນພາບນັ້ນບໍ່ສະບາຍຕາ ປັບໄປເທື່ອລະໜ້ອຍໆຄືກັນ.
  13, ຕໍ່ມາກໍ່ໃຫ້ກົດເຄື່ອງໝາຍ ຫານ (/) ຢູ່ Num Pad ມັນຈະທຳການເຊັດຄ່າໃຫ້ສົມບູນຂື້ນ ໂດຍອັດຕະໂນມັດຈາກນັ້ນກໍ່ກົດ N.


  14, ທ່ານສາມາດກົດ Shift + * ອອກຈາກການຕັ້ງຄ່າໄດ້ເລີຍ ເພາະກົດ N ຕໍ່ໄປກໍ່ມີຍັງໃຫ້ປັບອີກ
ແລະ ນີ້ຄືຜົນທີ່ໄດ້ຮັບ


ວິທີນີ້ ເປັນພຽງວິທີງ່າຍໆ ທີ່ຈະເຮັດໃຫ້ເຫັນ 3ມິຕິ ຊື່ໆເນາະ ແລະ ກໍ່ບໍ່ໄດ້ສົມບູນ ຄ້າຍໆກັບ 3D Vision ແລະ ວິທີທີ່ໃຊ້ກັບຈໍ iZ3Dັ. ໃນຂະນະທີ່ໃຊ້ງານ ອາດຈະເຈັບ ເມື່ອຍຕາ ຄວນຈະເຊົາຫຼີ້ນ ແລະ ຫຼີ້ນໃນໂໝດທຳມະດາແທນ. ແຕ່ລະຄົນອາດຈະປັບໄດ້ຄ່າ ບໍ່ຄືກັນ ເຊິ່ງຈະຕ້ອງໄດ້ໃຊ້ເວລາ. ແຕ່ຖ້າອົດບໍ່ໄດ້ກໍ່ລອງໃຊ້ Preset ທີ່ໂປຣແກຣມເຊັດມາໃຫ້ກໍ່ໄດ້ ໂດຍກົດ NUM 7, 8,9 ເຊິ່ງຈະເປັນ Preset 1,2,3 ຕາມລຳດັບ. ໄລຍະເວລາໃນການຫຼີ້ນກໍ່ເປັນສິ່ງສຳຄັນ. ດັ່ງທ່ານ Defago ໄດ້ອອກມາເຕື່ອນໃນກະທູ້ນີ້. ຖ້າຫາກບໍ່ ເຂົ້າໃຈອັນໃດ໋ ກໍ່ຖາມມາໄດ້ເດີ ແລ້ວຈະມາຕອບໃຫ້ທີ.

ທີ່ມາ http://www.laozaa.com/viewthread.php?tid=10679່