ໃນຕອນແລງຂອງວັນທີ 25 ກຸມພາ 2018 ຢູ່ທີ່ເສັ້ນຕັດທາງ  ເບີ 3 ຮ່ອມ 1 ລະຫວ່າງບ້ານສະຫວ່າງແລະບ້ານວຽງແກ້ວຂອງເມືອງວັງວຽງ ແຂວງວຽງຈັນ. ໄດ້ມີພິທີເປີດງານຕະຫລາດກາງຄືນເມືອງວັງວຽງຢ່າງເປັນທາງການ. ໂດຍການຮ່ວມຂອງ ທ່ານ ຄຳຜອງ ດວງວິໄລ ກຳມະການພັກແຂວງ ເລຂາພັກເມືອງ ເຈົ້າເມືອງໆວັງວຽງ, ມີທ່ານ ພູວົງ ສີຫອມວົງ ຫົວຫນ້າພະແນກການຄ້າແຂວງວຽງຈັນ, ມີບັນດາທ່ານອຳນາດການປົກເມືອງ-ບ້ານ ແລະ ປະຊາຊົນ-ພໍ່ຄ້າຊາວຂາຍຢູ່ທີ່ຕະຫຼາດກາງຄືນເຂົ້າຮ່ວມ.

     ໃນພິທີ ທ່ານ ວໍລະເດດ ຈູນລະມະນີ ຜູ້ສຳປະທານ ຕະຫລາດກາງຄືນເມືອງວັງວຽງ  ໄດ້ໃຫ້ກຽດຂື້ນ ຜ່ານບົດສະຫຼຸບການກໍ່ສ້າງຈັດສັນ ຕະຫຼາດກາງຄືນວ່າ: ເມືອງວັງວຽງເປັນເມືອງໜຶ່ງທີ່ອຸດົມສົມບູນ ມີແມ່ນ້ຳຊອງ ແລະ ສະຖານທີ່ທ່ອງທ່ຽວທຳມະຊາດທີ່ເອື້ອອຳນວຍ ໃນແຕ່ລະປີມີນັກທ່ອງທ່ຽວທາງພາຍໃນ ແລະ ຕ່າງປະເທດມາທ່ຽວ ເປັນຈຳນວນຫຼວງຫຼາຍ, ເຮັດໃຫ້ການພັດທະນາເສດຖະກິດສັງຄົມມີການຂະຫຍາຍຕົວຢ່າງຕໍ່ເນື່ອງ ສະນັ້ນຈຶ່ງເປັນເງື່ອນໄຂ ໃຫ້ມີນັກທຸລະກິດເຂົ້າມາລົງທຶນຢູ່ເມືອງວັງວຽງ.     

ໂຄງການຕະຫລາດກາງຄືນເມືອງວັງວຽງ ແຂວງວຽງຈັນ ເປັນໂຄງການທຳອິດ ທີ່ໃຊ້ເວລາເກືອບ 2 ປີໃນການສຳຫລວດ ຊອກຫາ ເສັ້ນທາງໃນຂອບເຂດເມືອງວັງວຽງ ເພື່ອສ້າງ ແລະ ໄດ້ຮັບອານຸຍາດ ຈາກອຳນາດການປົກຄອງການຈັດຕັ້ງທຸກພາກສ່ວນຂອງເມືອງວງວຽງງ ໃຫ້ນຳໃຊ້ ເສັ້ນຕັດທາງເບີ 3 ຮ່ອມ 1 ລະຫວ່າງບ້ານສະຫວ່າງແລະບ້ານວຽງແກ້ວ ມີຄວາມຍາວ 250 ແມັດ, ກວ້າງ 11 ແມັດ. ມີທາງເຂົ້າ-ອອກ ສະດວກ ແລະ ດຳເນີນ ລົງມືການກໍ່ສ້າງມາແຕ່ວັນທີ 25 ພະຈິກ 2017 ຫາ 25 ກຸມພາ 2018 ເຊິ່ງນຳໃຊ້ເວລາໃນການກໍ່ສ້າງ ເປັນໄລຍະເວລາ 5 ເດືອນ ປະຕິບັດສຳເລັດຮ້ອຍເປີເຊັນ ມູນຄ່າການກໍ່ສ້າງທັງໝົດ 1.359 ລ້ານກີບ. ມີທຶນຈົດທະບຽນ 1.500 ລ້ານກີບ ໄລຍະຈັດສັນຕະຫລາດກາງຄືນແຫ່ງນີ້ 15 ປີ ເຊີງພ້ອມຈະເປີດໃຫ້ບໍລິການແຕ່ 17:00 ໂມງແລງຫາ 23:00 ໂມງ

ຈຸດປະສົງກໍ່ເພື່ອເປັນຈຸດສູນລວມສິນຄ້າ ແຫ່ງໃໝ່ໃຫ້ກັບນັກທ່ອງທ່ຽວທີ່ຈະເຂົ້າມາທ່ຽວຊົມໃຊ້ສິນຄ້າຕ່າງໆເປັນຕົ້ນແມ່ນ ສິນຄ້າ ຫັດຖະກຳ, ສິນຄ້າໂອດ໋ອບ ທີ່ເປັນການຜະລິດຈາກຄົນທ້ອງຖິ່ນຮາກຖານ ສິນຄ້າທີ່ນຳເຂົ້າມາຈາກຕ່າງປະເທດພ້ອມກັບສິ່ງຂອງທີ່ລະນຶກໃຫ້ໃດ້ໄປຝາກໄປຕ້ອນ ຂອງນັກທ່ອງທ່ຽວທີ່ເຂົ້າມາພັກຜ່ອນໃນຍາມຄຳຄືນ.

     ທ່ານ ຄຳຜອງ ດວງວິໄລ ກຳມະການພັກແຂວງ ເລຂາພັກເມືອງ ເຈົ້າເມືອງໆວັງວຽງໄດ້ໃຫ້ກຽດ ກ່າວເປີດພິທີງານຕະຫຼາດກາງຄືນ ຢ່າງເປັນທາງການ ແລະໂອ້ລົມຕໍ່ພິທີວ່າ: ຕະຫຼາດກາງຄືນທີນີ້ ເປັນແຫ່ງທີ ໜຶ່ງ ຂອງເມືອງວັງວຽງເຊິ່ງບໍ່ເຄີຍມີມາກ່ອນ ພ້ອມທັງເປັນການຊຸກຍູ້ສົ່ງເສີມສິນຄ້າທີ່ເປັນທາແຮງຂອງເມືອງວັງວຽງໃຫ້ມີການພັດທະນາດີຂຶ້ນ ສ້າງເງື່ອນໄຂດຶງດູດເອົາການລົງທຶນຈາກຕ່າງປະເທດ ເຂົ້າມາລົງທຶນການຄ້າ-ຂາຍ, ແລກປ່ຽນສິນຄ້າແລະການບໍລິການຕ່າງໆ ສິ່ງສຳຄັນຈົ່ງໄດ້ເອົາໃຈໃສ່ເຄົາລົບກົດລະບຽບຂອງການຈັດສັນຢ່າງເຂັມງວດ ຜູ້ໄດ້ຮັບອະນຸຍາດຕ້ອງດຳເນີນການຈັດສັນ ບໍລິການໃຫ້ຖືກຕ້ອງສອດຄ່ອງ ຕາມລະບຽບກົດໝາຍ ທັງນີ້ກໍ່ເພື່ອເຮັດໃຫ້ຕະຫຼາດແຫ່ງນີ້ມີຄວາມຍືນຍົງ ເຕີບໃຫຍ່ຂະຫຍາຍຕົວ ນອກຈາກນີ້ຂະແໜງການທີ່ກ່ຽວຂ້ອງຕ້ອງ ເປັນເຈົ້າການເອົາໃຈໃສ່ກະຕຸກຊຸກຍູ້ອຳນວຍຄວາມສະດວກ ແລະໃຫ້ການຊີ້ນຳ ຄຳປຶກສາຜູ້ບໍລິຫານຈັດສັນຕະຫຼາດຈັດຕັ້ງປະຕິບັດຕາມລະບຽບກົດໝາຍວາງອອກຢ່າງເຄັ້ມງວດ.

    ຕອນທ້າຍ ຄະນະປະທານຍັງໄດ້ໃຫ້ກຽດ ຕັດແຖບຜ້າ ໂດສ່ອງໝ້າອໍານາດການປົກຄອງເມືອງ-ບ້ານແລະປະຊາຊົນ-ພໍ່ຄ້າຊາວຂາຍ ຢ່າງເປັນທາງການ, ພ້ອມທັງໄດ້ຢ້ຽມຊົມຕະຫຼາດກາງຄືນ, ການສະແດງສິນລະປະແລະກິດຈະກຳພາຍໃນງານຕື່ມອີກ.

 

 

ໃນຕອນ​ເຊົ້າ​ວັນທີ 31 ມັງກອນ 2013 ນີ້, ຢູ່​ທີ່​ສະ​ໂມ​ສອນ​ຂອງ​ເມືອງ​ວັງ​ວຽງ ​​ແຂວງ​ວຽງ​ຈັນ ​ໄດ້​ມີ ການ​ພົບ​ປະ​ໂອ້​ລົມ​ຂອງ ທ່ານ​ບົວ​ເງິນ ຊາ​ພູ​ວົງ ກຳມະ​ການ ສູນ​ກາງ​ພັກ ລັດຖະມົນຕີ​ຊ່ວຍ​ວ່າ​ການ ກະຊວງ​ຖະ​ແຫຼ່ງຂ່າວ, ວັດທະນະທຳ ​ແລະ​ທ່ອງ​ທ່ຽວ, ກ່ຽວ​ກັບ​ວຽກ​ງານ 3 ສ້າງຢູ່​ຂັ້ນ​ເມືອງ, ມີ​ບັນດາ ຫົວໜ້າ​ກົມຈາກ​ກະຊວງ, ຄະນະພະ​ແນ​ກຖະ​ແຫຼ່ງຂ່າວ, ວັດທະນະທຳ ​ແລະ​ທ່ອງ​ທ່ຽວ​ແຂວງ​ວຽງ​ຈັນ, ມີ​ການ​ນຳ​ຂອງ​ເມືອງ, ຫົວໜ້າ​ຫ້ອງການ​ອ້ອມ​ຂ້າງ​ເມືອງ ​ເຂົ້າ​ຮ່ວມ​ຢ່າງ​ພ້ອມພຽງ.

​    ໃນ​ໂອກາດ​ດັ່ງກ່າວ, ທ່ານ ອຸ່ນແສງ ແກ້ວດາວັນ ຄະນະປະຈຳພັກແຂວງ ເລຂາພັກເມືອງ- ເຈົ້າເມືອງໆວັງວຽງ ​ໄດ້​ຂື້ນ​ລາຍ​ງານ​ສະພາບ​ການ​ດຳ​ເນີນ​ ​ວຽກ​ງານ 3 ສ້າງ​​ແລະ​ຕິດ​ພັນ​ກັບ​ການ​ພັດທະນາ​ບັນດາ​ບ້ານ​ເປົ້າ​ໝາຍ​ກໍ່​ ຄື: ບ້ານ​ໂພນ​ຄຳ ​ແລະ​ ບ້ານ​ຊວ່າງ, ຫຼັງ​ຈາກ​ນັ້ນ ທ່ານ ບົວ​ເງິນ ຊາ​ພູ​ວົງ ກໍ່​ໄດ້​ໃຫ້​ກຽດ​ໂອ້​ລົມ ແລະ ໃຫ້ທິດເຍືອງທາງມາຍັງຄະນະພັກອຳນາດ ການປົກຄອງເມືອງ ຈົ່ງໄດ້ພ້ອມກັນຈັດຕັ້ງຜັນຂະຫຍາຍວຽກງານ 3 ສ້າງ, ເພື່ອແນໃສ່ຮັບໃຊ້ໜ້າທີ່ການເມືອງຂອງພັກ ໂດຍສະເພາະກໍ່ຄືໃນການສ້າງແຜນງານໂຄງການ ດຳເນີນ ງານໄລຍະເຮັດທົດລອງ ເພື່ອເກັບກຳ ບັນດາຂໍ້ມູນໄວ້ເພື່ອສະຫລຸບໃນທ້າຍປີ ທີ່ໄດ້ຈັດຕັ້ງປະຕິບັດສຳເລັດໄປແລ້ວ ວ່າໃນຖານະທີ່ເອົາບ້ານ ເປັນຫົວໜ່ວຍພັດທະນາ ໄດ້ຮັບ ໝາກຜົນຫຍັງແດ່ ໃນການຈັດຕັ້ງປະຕິບັດວຽກງານທົດລອງເຮັດ 3 ສ້າງຢູ່ໃນຂົງເຂດດັ່ງກ່າວນີ້

      ​ເວລາ​ຕໍ່​ມາ ທ່ານ​ບົວ​ເງິນ ຊາ​ພູ​ວົງ ກຳມະ​ການ ສູນ​ກາງ​ພັກ ລັດຖະມົນຕີ​ຊ່ວຍ​ວ່າ​ການ ກະຊວງ​ຖະ​ແຫຼ່ງຂ່າວ, ວັດທະນະທຳ ​ແລະ​ທ່ອງ​ທ່ຽວ, ພ້ອມ​ດ້ວຍ​ຄະນະ​,ການນຳ​ຂອງ​ເມືອງກໍ່​ໄດ້ ລົງ​ຢ້ຽມຢາມ ພົບ​ປະນັກສຳ​ມະ​ນາກ​ອນ

ຮຽນກົດໝາຍຊັ້ນຕົ້ນ​ໄລຍະ​ສັ້ນ ​ແລະ ພໍ່​ແມ່​ປະຊາຊົນ ຢູ່​ທີ່​ຫ້ອງການ​ບ້ານ. ທ່ານ​ ອອ່ນສີ ຈັນ​ດາ​ວົງ ຫົວໜ້າ ກຸ່ມ​ບ້ານນາລ້ອງ​ກວ້​າງ ກ່າວວ່າ: ບ້ານ ​ໂພນ​ຄຳ ແມ່ນບ້ານໜຶ່ງທີ່ນອນໃນມາດຖານເງື່ອນໄຂ ການທົດລອງເຮັດວຽກງານ 3 ສ້າງ ທີ່ເປັນເປົ້າໝາຍ ໃນການທົດລອງເຮັດຈຸດສຸມ ການພັດທະນາຂອງເມືອງວັງ​ວຽງ, ໂດຍເລີ່ມແຕ່ວັນທີ 1 ຕຸລາ 2012 ມາຮອດປະຈຸບັນ, ທາງຄະນະຮັບຜິດຊອບໄດ້ຈັດຕັ້ງເຄື່ອນໄຫວຢ່າງລະອຽດຄື: ໄດ້ປະສານສົມທົບກັບຄະນະພັກ-ອຳນາດການປົກຄອງບ້ານ ໄດ້ເຜີຍແຜ່ມະຕິ 03 ໃຫ້ພໍ່​ແມ່​ປະຊາຊົນ, ປັບປຸງ​ກົງຈັກ ການຈັດ​ຕັ້ງ​ຂອງ​ບ້ານ. ໂອກາດ​ດັ່ງກ່າວ​, ທ່ານ ບົວ​ເງິນ ຊາ​ພູ​ວົງ ກໍ່​ໃຫ້​ກຽດ​ໂອ້​ລົມ​ພ້ອມ​ທັງໄດ້​ໄປ ຢ້ຽມ​ຊົມ​ການ​ຕັດ​ຕາຜ້າ​ເສັ້ນທາງ ​ແລະ ຕະຫຼາດ ຂອງ ບ້ານ​ໂພນ​ຄຳ%.​

 

 

ໃນ​ຕອນ​​ແລງ​ຂ​ອງວັນ​ສຸກ ວັນ​ທີ 11 ມັງກອນ​ປີ 2013 ນີ້, ຢູ່​ທີ່​ເດີນ​ບິນ​ເກົ່າ​ຂອງ​ເມືອງ​ວັງ​ວຽງ ​ແຂວງ​ວຽງຈັນ, ເມືອງວັງ​ວຽງ ໄດ້ພ້ອມໃຈ ກັນມ່ວນຊື່ນ ປະກາດຮັບຮອງເອົາບ້ານ​ວັງ​ວຽງ, ບ້ານສະຫວ່າງ, ບ້ານວຽງ​ແກ້ວ, ບ້ານວຽງ​ໄຊ - ນາ​ຫລວງ, ບ້ານຫ້ວຍ​ງາມ ແລະບ້ານ​ໂພນ​ຊູເປັນບ້ານພັດທະນາແຫ່ງທີ 9-14 ຂອງເມືອງ​ເປັນ​ບ້ານ​ພັດ​ທະນາ​ຂຶ້ນຢ່າງ​ເປັນ​ທາງ​ການ. ​ໂດຍ​​ການ​ເຂົ້າຮ່ວມ​​ເປັນ​ປະທານ ຂອງ​ທ່ານ ຄຳ​​ເມີງ ພົງ​ທະ​ດີ ກຳມະການ​ສູນ​ກາງ​ພັກ ​ເລຂາ​ພັກ​ແຂວງ ​ເຈົ້າ​ແຂວງໆວຽງຈັນ, ມີ ​ທ່ານ ອຸ່ນ​ແສງ ​ແກ້ວ​ດາ​ວັນ ຄະນະ​ປະຈຳ​ພັກ​ແຂວງ ​ເລຂາ​ພັກ​ເມືອງ-​ເຈົ້າ​ເມືອງໆ ວັງ​ວຽງ,ມີ​ບັນດາ​ຫົວໜ້າພະ​ແນ​ກຂອງ​ແຂວງວຽງຈັນ, ບັນດາເມືອງ​ອ້ອມ​ຂ້າງ, ຄະນະ​ປະຈຳ​ພັກ​ເມືອງ, ກຳມະ ກາ​ນພັກ​ເມືອງ​, ຫົວໜ້າຫ້ອງການອ້ອມ​ຂ້າງ​ເມືອງ, ​ພະນັກງານອາວຸ​ໂສ​ບຳນານ, ເລຂາ​ຄະນະ​ພັກ​ຮາກ​ຖານ​ກຸ່ມ​ບ້ານ, ທະ ຫານ, ຕຳຫຼວດ, ນັກທຸລະກິດ ​ແລະ ພໍ່​ແມ່​ປະຊາຊົນ ​ເຂົ້າ​ຮ່ວມ​ຢ່າງ​ພ້ອມພຽງ.

 

      ທ່ານ​ພອນ​ແກ້ວ ຂຸນ​ພົນ ຄະນະ​ປະຈຳ​ພັກ​ເມືອງ ຮອງ​ເຈົ້າ​ເມືອງໆວັງ​ວຽງ ​​ໄດ້​ຂຶ້ນປະເມີນຜົນ ແລະ ລາຍງານ ກ່ຽວ ກັບການຫ້າງຫາກະກຽມ ບັນມາດຖານເງື່ອນໄຂໃນການກຳນົດເອົາ 6 ບ້ານດັ່ງກ່າວ ເປັນບ້ານ ພັດທະນາ ໂດຍປະຕິບັດຕາມຄຳສັ່ງແນະນຳເລກທີ 03/ກມສພ, ວ່າ:ດ້ວຍການສ້າງບ້ານ ເປັນຫົວໜ່ວຍພັດທະນາ, ສ້າງບ້ານໃຫຍ່ກາຍເປັນຕົວເມືອງນ້ອຍ ໃນຊົນນະ ບົດ ແລະ ດຳລັດ201/ລບ ວ່າດ້ວຍມາດຖານຄວາມທຸກຍາກ ແລະ ມາດຖານການພັດທະນາ.

 

     ​​ໃນ​ພິທີ ທ່າ​ນ ສີ​ທອງ ລາດ​ວົງ​ໄຊ ​ເລຂາ​ພັກ​ບ້ານ​ນາຍບ້ານໆວຽງ​ແກ້ວ ​ຕ່າງໜ້າໃຫ້ອຳນາດ​ການ​ປົກຄອງ 6 ​ບ້ານ​ໄດ້​ຂຶ້ນຜ່ານ​ບົດ​ສະຫລຸບ​ກ່ຽວກັບ ການ​ສ້າງ​ເປັນ​ບ້ານ​ພັດທະນາ​ທັງ 6 ບ້ານວ່າ:  ບ້ານ​ວັງ​ວຽງ, ບ້ານສະຫວ່າງ, ບ້ານວຽງ​ແກ້ວ, ບ້ານວຽງ​ໄຊ - ນາ​ຫລວງ, ບ້ານຫ້ວຍ​ງາມ ແລະບ້ານ​ໂພນ​ຊູ ​ແມ່ນ​ຕັ້ງຢູ່​ລຽບຕາມ​ເສັ້ນທາງ 13 ​ເໜືອ​ແລະ​ຂຶ້ນກັບ ກຸ່ມ​ບ້ານ​ວັງ​ວຽງ, ທິດຕາ​ເວັນ​ອອກ​ຕິດ​ກັບ​ບ້ານ​ໂພນ​ເພັງ ​ແລະ ​ສາຍພູ​ບານ,  ທິດຕາ​ເວັນ​ຕົກ​ຕິດ​ກັບ​ສາຍ​ນ້ຳຊອງ, ທິດ

ເໜືອຕິດ​ກັບ​ບ້ານ​ຫ້ວຍ​ສະ​ເຫງົ້າ ​ແລະ​ທິດ​ໃຕ້​ຕິດ​ກັບ​ບ້ານ​ຂັນໝາກ. ​ ມີ​ພົນລະ​ເມືອງ​ທັງໝົດ 7.859 ຄົນ, ຍິງ 3.739 ຄົນ, ມີ 1.484 ຄອວຄົວ, ມີ 1.406 ຫລັງຄາ​ເຮືອນ, ມີ 103 ໜ່ວຍສາມັກຄີ, ປະຊາຊົນ​ສ່ວນ​ຫລາຍ​ແມ່ນ​ເຊື່ອ​ຖື​ສາສະໜາພຸດ, 3 ບ້ານ​ເທດສະບານ​ເປັນ​ເຂດ​ເສ​ດຖະກິດ - ສັງຄົມ​ທາງ​ດ້ານ​ການ​ບໍລິການ - ທ່ອງ​ທ່ຽວ ​ແລະ ຄ້າຂາຍ, ສ່ວນ​ 3 ບ້ານ​ແມ່ນ​ຢູ່​ຊານ​ເມືອງ ມີ​ເງື່ອນ​ໄຂ​ສະດວກ​ທາງ​ດ້ານ​ການ​ປູກຝັງ​ລ້ຽງສັດ, ອຸດສາຫະກຳ - ຫັດຖະກຳ. 6 ບ້ານມີ​ເນື້ອທີ່ທັງໝົດ 1.841,32 ເຮັກ​ຕາ, ​ເນື້ອທີ່​ນາ 514 ​ເຮັກຕາ, ສະມັດ​ຕະພາບ​ໄດ້ 4,7 ​ໂຕນ/​ເຮັກຕາ, ສະ​ເລ່ຍ​ໃສ່​ຫົວ​ຄົນ​ໄດ້ 490 ກິ​ໂລ/ຄົນ/ປີ, ຄອບຄົວມີວິດຖ່າຍ 100%, ​ແມ່ຍິງ ​ແລະ​ເດັກນ້ອຍ ​ໄດ້​ຮັບ​ການ​ສັກ​ຢາ - ຢອດ​ຢາ​ກັນ​ພະຍາດ​ໄດ້ 100 %, ປະຊາຊົນ​ໄດ້​ຊົມ​ໃຊ້ນ້ຳສະອາດ 100 %, ສາມາດ​ລົບ​ລ້າງ​ການ​ກຶກໜັງສື​ຂັ້ນປະຖົມ​ໄດ້ 100%. 6 ບ້ານສາມາດສ້າງເປັນຄອບຄົວວັດທະນະທຳ ໄດ້ 1.288 ຄອບຄົວ, ຄອບຄົວພັດທະນາໄດ້ 98% ຄອບຄົວ ແລະ ປະກາດຮັບຮອງເປັນບ້ານວັດທະນະທຳ ເປັນທີ່ຮຽບຮ້ອຍແລ້ວ.

 

ພໍ່ແມ່ປະຊາຊົນໃນຈຳນວນ 6 ບ້ານ ແມ່ນຊົນຊາດລາວ ມີການດຳ ລົງຊີວິດຢ່າງປອດໃສ, ມີຈິດໃຈດຸໝັ່ນຂະຫຍັນພຽນ, ມັກຢູ່ຮ່ວມກັນໂດຍສັນຕິ, ມີຄວາມຈິງໃຈ ແລະ ສັດຊື່ຕໍ່ແຂກບ້ານ ແຂກເມືອງ ກໍຄືເພື່ອນມິດສະຫາຍ, ມີຄວາມຮັກແພງສາ ມັກຄີປອງດອງ ຊ່ວຍເຫລືອ ເຊິ່ງກັນ ແລະ ກັນ. ບັນດາລະບົບການຈັດຕັ້ງພາຍໃນບ້ານ ມີຄວາມຮັດແໜ້ນເຂັ້ມແຂງ ສາມາດເຄື່ອນ ໄຫວຕາມພາລະບົດບາດ ແລະ ສິດໜ້າທີ່ຂອງ ການຈັດຕັ້ງຂັ້ນບ້ານ, ບ້ານມີສະຖຽນລະພາບ ແລະ ຄວາມສະຫງົບໜັກແໜ້ນ ທາງດ້ານການເມືອງ, ເປັນບ້ານປອດຢາເສບຕິດ, ເປັນບ້ານປອດຄະດີ, ເປັນບ້ານສະຫະພັນແມ່ຍິງ 3 ດີ, ເປັນບ້ານສາທາລະນະສຸກແບບຢ່າງ ແລະ ເປັນບ້ານວັດທະນະ ທຳຄົບຖ້ວນ. ລະບົບຊີວິດການເປັນຢູ່ຂອງປະຊາຊົນພາຍໃນບ້ານ ມີຄວາມຜາສຸກ ແລະ ໄດ້ຮັບ ການປົວແປງ ໃຫ້ດີຂຶ້ນເລື້ອຍໆ ຊຶ່ງມີຄອບຄົວພັດທະນາກວມອັດຕາຫລາຍກວ່າ 98% ຂອງຈຳ ນວນຄອບຄົວພາຍໃນ 6 ບ້ານ, ມີ ການບໍລິການທີ່ສ້າງລາຍຮັບໄດ້ຢ່າງຕໍ່ ເນື່ອງ ແລະ ໝັ້ນຄົງຖາວອນ. ເປັນບ້ານທີ່ມີລະບົບພື້ນຖານໂຄງລ່າງຄົບຊຸດ ເປັນບ້ານທີ່ພົ້ນຈາກ ຄວາມທຸກຍາກ 100%, ເດັກໃນເກນອາຍຸເຂົ້າໂຮງຮຽນ 100%, ເປັນບ້ານຈົບປະ ຖົມ 100% ແລະ ທຸກໆຄອບຄົວພາຍໃນບ້ານມີທີ່ຢູ່ອາໃສແບບຖາວອນ, ຊົມໃຊ້ນ້ຳສະອາດ ແລະ ມີວິດຖ່າຍ ແບບຖາວອນ ພ້ອມທັງຮັບຮອງເປັນບ້ານແບບຢ່າງສາທາລະນະສຸກ ເມື່ອທຽບໃສ່ບັນດາເງື່ອນໄຂ ຂອງບ້ານພັດທະນາແລ້ວ ເຫັນວ່າ 6 ບ້ານແມ່ນສາມາດບັນລຸໄດ້ຫລາຍກວ່າ 95% ຂອງບັນດາ ເງື່ອນໄຂ ມາດຖານທັງໝົດ ທີ່ໄດ້ບັນລຸໄວ້ໃນດຳລັດ 201/ລບ ວ່າດ້ວຍມາດຖານຄວາມທຸກຍາກ ແລະ ມາດຖານການພັດທະນາ./.

 

    ໂອກາດດັ່ງກ່າວຍັງໄດ້ມອບໃບຢັ້ງຢືນບ້ານພັດ​ທະນາ ເປັນກຽດມອບ ໂດຍທ່ານ ຄຳ​​ເມີງ ພົງ​ທະ​ດີ ກຳມະການ​ສູນ​ກາງ​ພັກ ​ເລຂາ​ພັກ​ແຂວງ ​ເຈົ້າ​ແຂວງໆວຽງຈັນ ກ່າວ​ຮັບ​ໂດຍ​ນາຍບ້ານ​ທັງ 6 ບ້ານຄື: ບ້ານ​ວັງ​ວຽງ, ບ້ານສະຫວ່າງ, ບ້ານວຽງ​ແກ້ວ, ບ້ານວຽງ​ໄຊ - ນາ​ຫລວງ, ບ້ານຫ້ວຍ​ງາມ ແລະບ້ານ​ໂພນ​ຊູ.  ແລະທ່ານ​ຍັງໄດ້ ​ໃຫ້ກຽດ​ເປີດປ້າຍບ້ານພັດ​ທະນາ ພ້ອມ​ທັງ​ລັນ​ຄ້ອນ 9 ບາດ​ເພື່ອ​ເປັນ​ສີ​ລິ​ມຸງຄຸນ ຢ່າງສົມ​ກຽດ.

 

       ຫລັງ​ຈາກ​ນັ້ນ ທ່ານ ຄຳ​​ເມີງ ພົງ​ທະ​ດີ ກຳມະການ​ສູນ​ກາງ​ພັກ ​ເລຂາ​ພັກ​ແຂວງ ​ເຈົ້າ​ແຂວງໆວຽງຈັນ ໃຫ້ກຽດໂອ້​

ລົມຕໍ່ພິທີ%.

 

ໃນຕອນແລງຂອງວັນທີ່ 11/10/2012 ຢູ່ທີ່ສະໂມສອນຂອງເມືອງວັງວຽງແຂວງວຽງຈັນ ໄດ້ມີພິທີ ເຊັນລົງນາມ ມອບຮັບຫນ້າທີ່ ລະຫວ່າງຫົວຫນ້າ ມອບຮັບຫົວຫນ້າຖະແຫລງຂ່າວວັດທະນະທຳແລະທ່ອງທ່ຽວ ເກົ່າແລະໃຫມ່ ໂດຍພາຍໃຕ້ການເປັນປະທານຂອງທ່ານ ແສງບົວລອນ ຮອງຫົວຫນ້າພະແນກຖະແຫລງຂ່າວວັດທະນະທຳແລະທ່ອງທ່ຽວແຂວງວຽງຈັນ. ມີບັນດາທ່ານຫົວຫນ້າຫ້ອງການອ້ອມຂ້າງ, ພະນັກງານລັດຖະກອນເຂົ້າຮ່ວມຢ່າງພ້ອມພຽງ. ໃນພິທີຄະນະປະທ່ານ ຍັງໄດ້ໃຫ້ກຽດປະກາດກ່າວມອບຄື: ມອບໃຫ້ ທ່ານ ບຸນປັນ ພົມມະວົງ ຄະນະປະຈຳພັກເມືອງເປັນ ຫົວຫນ້າ ຫ້ອງການຖະແຫລງຂ່າວວັດທະນະທຳແລະທ່ອງທ່ຽວເມືອງວັງວຽງຄົນໃຫມ່ພ້ອມທັງຍັງໃຫ້ກຽດໂອ້ລົມຕໍ່ທີ່ປະຊຸມຕື່ມອີກ

 

ຂ່າວ: ​ເມືອງ​ວັງ​ວຽງ

 

​ເມືອງ​ວັງ​ວຽງ​ແຂວງ​ວຽງຈັນ ໄດ້ຈັດຕັ້ງການປາຖະກະຖາ “ປີສາມັກຄີລາວ-ຫວຽດນາມ”  ກໍຄືວັນສົນທິສັນຍາມິດຕະ

ພາບ-ການຮ່ວມມືລາວ-ຫວຽດນາມ ຄົບຮອບ 35 ປີ ແລະ ວັນສ້າງຕັ້ງການພົວພັນການທູດລາວ-ຫວຽດນາມ ຄົບຮອບ 50 ປີ ໂດຍການໃຫ້ກຽດເຂົ້າຮ່ວມຂອງ ທ່ານ ອຸ່ນ​ແສງ ​ແກ້ວ​ດາ​ວັນ ຄະນະ​ປະຈຳ​ພັກ​ແຂວງ​ ​ເລຂາ​ພັກ​ເມືອງ​ເຈົ້າ​ເມືອງໆ ວັງ​ວຽງ, ພ້ອມນີ້ກໍມີບັນດາທ່ານຄະນະປະຈຳ​ພັກ​ເມືອງ, ກຳມະການ​ພັກ​ເມືອງ, ​ຫົວໜ້າຫ້ອງການ ກົມ​ກອງ​ອ້ອມ​ຂ້າງ​ເມືອງ ເລ​ຂາໜ່ວຍພັກ - ພະນັກງານສະມາຊິກ​ພັກ​ເຂົ້າຮ່ວມ​ຢ່າງ​ພ້ອມພຽງ. ພິທີ​ດັ່ງກ່າວໄດ້ຈັດຂຶ້ນໃນວັນທີ 7 ສິງຫາ 2012 ທີ່​ສະ​ໂມ​ສອນ​ຂອງ​ເມືອງ.

       ​ໃຫ້ກຽດປາຖະກະຖາ ​ໂດຍ​ແມ່ນ​ທ່ານ ທ່ານ ອຸ່ນ​ແສງ ​ແກ້ວ​ດາ​ວັນ ຄະນະ​ປະຈຳ​ພັກ​ແຂວງ​ ​ເລຂາ​ພັກ​ເມືອງ​ເຈົ້າ​ເມືອງໆ ວັງ​ວຽງ ຊຶ່ງ​ທ່ານໄດ້ຍົກໃຫ້ເຫັນປະຫວັດຄວາມເປັນມາ, ມູນເຊື້ອແຫ່ງຄວາມສາມັກຄີແບບພິເສດ ການຮ່ວມມືຮອບດ້ານລະຫວ່າງສອງພັກ-ສອງລັດແລະປະຊາຊົນລາວ ແລະ ຫວຽດນາມ ທີ່ເຄີຍມີມາແຕ່ລະຍຸກ ແຕ່ລະສະໄໝໂດຍ

ສະເພາະແມ່ນນັບແຕ່ສະໄໝຮ່ວມຂຸມຄອງຕໍ່ສູ້ກູ້ຊາດຕ້ານການຮຸກຮານ ແລະ ຕີສັດຕູໂຕດຽວກັນຄືພວກລ່າເມືອງຂຶ້ນ

ແບບເກົ່າ ແລະ ແບບໃໝ່ຈົນສາມາດຍາດໄດ້ໄຊຊະນະ, ປົດປ່ອຍປະເທດຊາດ, ປົດປ່ອຍປະຊາຊົນອອກຈາກແອກປົກ

ຄອງຂອງຕ່າງດ້າວ, ມາຮອດໄລຍະປົກປັກຮັກສາ ແລະ ສ້າງ ສາພັດທະນາປະເທດຊາດ ແລະ ເຖິງປະຈຸບັນສອງຊາດລາວ-ຫວຽດນາມອ້າຍນ້ອງຍິ່ງເພີ່ມທະວີ ແລະ ຮັດແໜ້ນສາຍພົວພັນມິດຕະພາບໃຫ້ຂະຫຍາຍຕົວຢ່າງບໍ່ຢຸດຢັ້ງ.

 

ການຈັດຕັ້ງປາຖະກະຖາໃນຄັ້ງນີ້ ກໍເພື່ອເປັນການຫວນຄືນມູນເຊື້ອແຫ່ງຄວາມສາມັກຄີລະ ຫວ່າງສອງຊາດລາວ ແລະ ຫວຽດນາມ ແລະ ສະເຫຼີມສະຫຼອງວັນປະຫວັດສາດທີ່ສໍາຄັນດັ່ງກ່າວໃຫ້ມີຄວາມໝາຍຟົດຟື້ນ ແລະ ເລິກເຊິ່ງທັງເປັນການໂຄສະນາ, ສຶກສາອົບຮົມສະມາຊິກພັກ, ພະນັກງານໃຫ້ຮັບຮູ້ ແລະ ເຂົ້າໃຈຕື່ມກ່ຽວກັບມູນເຊື້ອແຫ່ງການພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງລາວ ແລະ ຫວຽດນາມໃຫ້ເລິກເຊິ່ງ ແລະ ສືບຕໍ່ເສີມຂະຫຍາຍມູນເຊື້ອດັ່ງກາວໃຫ້ຈະເລີນງອກງາມຍິ່ງໆຂຶ້ນ.

 

ພາຍຫຼັງທີ່​ ປາຖະກະຖາສຳ​ເລັດ​ຢູ່​ຂັ້ນ​ເມືອງ​ແລ້ວ ຍັງ​ຈະ​​ໄດ້​ສຶບຕໍ່ຢູ່​ສຳນັກງານ​ກົມ​ກອງ​ແລະ​ຢູ່​ບັນດາກຸ່ມບ້ານ​ໃນ​ທົ່ວ​ເມືອງ​ວັງ​ວຽງຕື່ມ​ອີກ%.

 

 

ສະຖານທີນີ້ ຊື່ວ່າ ຖ້ຳລົມ ຕັ້ງຢູ່ບ້ານພູດິນແດງ ຂແງເມືແງວັງວຽງແຂວງວຽງຈັນ ຫ່າງຈາກຕົວເມືອງພຽງ 3 ກິໂລແມັດ ເທົ່ານັ້ນ ທຸກໆ ປີ ນັກທ່ອງທ່ຽວບໍ່ວ່າຈະເປັນ ຕ່າງປະເທດຫລືຄົນລາວກໍ່ຈະມັກມາ

ພັກຜ່ອນ ເວລາວັນເສົາອາທິດ ສະເຫນີ ຫລັງຈາກນັ້ນ ວັນຕໍ່ໄປ ພວກເຂົາກໍ່ຈະໄປ ນ້ຳຕົກຕາດແກງຍຸຍ

 

 

 

ມາ​ໃນ​ຕອນ​ເຊົ້າ ຂອງ​ວັນ​ທີ 18 ກໍລະກົດປີ 2012 ນີ້, ຢູ່​ທີ່ ສະ​ໂມ​ສອນ​ຂອງ​ເມືອງ​ວັງ​ວຽງ​ແຂວງ​ວຽງຈັນ ​ໄດ້​ມີ​ພິຮັບ

ຮອງໜ່ວຍສະຫະພັນ​ແມ່ຍິງ  18 ​ບ້ານ ແລະ​ 4 ໜ່ວຍກົມ​ກອງ ​ເປັນໜ່ວຍ 3 ດີ​ຄັ້ງທີ I ສະ​ໄຫມ​ທີ VI  ພ້ອມ​ກັບ

 ປະຖະກະຖາວັນ​ສ້າງຕັ້ງສະຫະພັນ​ແມ່ຍິງ​ລາວ ຄົບຮອບ 57 ປີ. ​ໂດຍ​ພາຍ​ໃຕ້​ການ​ເປັນ​ປະທານ ຂອງ ທ່ານ ບຸນ​ປັນ

ພົມມະ​ວົງ ຄະນະ​ປະຈຳ​ພັກ​ເມືອງ ຫົວໜ້າຫ້ອງການ​ຍຸດຕິ​ທຳ​ເມືອງ,  ມີ​ທ່ານ ນາງ ສີ​ມອນ ອິນ​ທະ​ວົງ ກຳມະການ​ພັກ​ເມືອງປະທານ​ແມ່ຍິງ​ເມືອງ, ພະນັກງານ​ອາວຸ​ໂສບຳນານ, ບັນດາ​ຫົວໜ້າຫ້ອງການອ້ອມ​ຂ້າງ​ເມືອງ, ​​ປະທານ​ສະຫະ

ພັນ​ແມ່ຍິງ​ບ້ານ ແລະ ສະມາຊິກ​ແມ່ຍິງ​ໃນ​ທົ່ວ​ເມືອງ​ ເຂົ້າຢ່າງ​ພ້ອມພຽງ.

 

​ໃນ​ພິທີ ທ່ານ ນາງ ​ໄພ​ວັນ ປະທານ​ສະຫະພັນ ​ແມ່ຍິງ​ ບ້ານ​ຂັນໝາກ ຕາງໜ້າ​ໃຫ້​ສະມາຄົມ​ແມ່ຍິງ ທັງ 18 ບ້ານ ​ແລະ

4 ໜ່ວຍກົມ​ກອງ ​ໄດ້​ຂື້ນຜ່ານ ບົດ​ສະຫຼຸບ ການ​ຈັດຕັ້ງ ປະຕິບັດ​ຂໍ້​ແຂ່ງຂັນ 3 ດີ​ແລະ​ທິດ​ທາງ​ແຜນການ 8 ​ເດືອນຕໍ່ໜ້າ​ວ່າ: ໜ່ວຍສະຫະພັນ​ແມ່ຍິງ  18 ​ບ້ານ ແລະ​ 4 ໜ່ວຍກົມ​ກອງ ​​ແມ່ນ​ອົງການ​ຈັດຕັ້ງ ມະຫາຊົນໜຶ່ງ ຊຶ່ງ​ ​ເປັນ​ເສນາ​ທິການ​ໃຫ້ ​ແກ່​ຄະນະໜ່ວຍພັກ ທີ່​ຂຶ້ນກັບ  ມີໜ້າສຶກສາ​ອົບຮົມ ​ການ​ເມືອງ​ແນວ​ຄິດ ​ເຕົ້າ​ໂຮມ​ຄວາມ​ສາມັກຄີ ​ແມ່ຍິງ

ພາຍ​ໃນ​ບ້ານ, ປົກ​ປ້ອງ​ສິດຜົນປະ​ໂຫຍ​ດ​ແມ່ຍິງ ​ແລະ​ເດັກນ້ອຍ  ​ແລະ ມີ​ສະມາ​ຊິກສະຫະພັນ​ແມ່ຍິງ ​ທັງໝົດ 2.406 ຄົນ, ​ເປັນ​ສະມາຊິກ​ພັກ 26 ສະຫາຍ, ມີ​ຄະນະໜ່ວຍ 80 ສະຫາຍ, ມີ 156 ຈຸ.

      ຜ່ານ​ການ​ເຊື່ອມ​ຊືມ​ເອກະສານຂໍ້​ແຂ່ງຂັນ​ແມ່ຍິງ 3 ດີ ຕ່າງໆ ​ໄດ້​ເຮັດ​ໃຫ້​ເອື້ອຍນ້ອງ​ແມ່ຍິງ ມີ​ຄວາມ​ເຂົ້າ​ໃຈ​ຕໍ່​ແນວທາງ​ນະ​ໂຍບາຍ​ຂອງ​ພັກ​ກົດໝາຍຂອງ​ລັດ ສາມາດ​ຢັ້ງຢືນ​ບຸກຄົນ 3 ດີ ທັງ 18 ບ້ານ ​ແລະ 4 ໜ່ວຍກົມ​ກອງ​ໄດ້ 1.989 ຄົນ.

      ​​ເປັນກຽດກ່າວ​ມອບ​ໃບ​ຢັ້ງຢືນ​ແມ່ຍິງ 3 ດີ ​ໃຫ້​ແກ່ໜ່ວຍສະຫະພັນ​ແມ່ຍິງ 18 ບ້ານ ​ແລະ 4 ໜ່ວຍກົມ​ກອງ​ໂດຍ

​ແມ່ນ​ຄະນະປະທານ ທ່ານ ບຸນ​ປັນ ພົມມະ​ວົງ ​ແລະ ​ທ່ານ ນາງ ສີ​ມອນ ອິນ​ທະ​ວົງ ກໍ່​ໄດ້​ໃຫ້ກຽດຜັດປ່ຽນກັນຂຶ້ນມອບ.

 

    ​ ຈາກ​ນັ້ນພິທີກໍ່​​ໄດ້ ຮັບ​ຟັງ​ການ ປະຖະກະຖາວັນ​ສ້າງຕັ້ງສະຫະພັນ​ແມ່ຍິງ​ລາວ ຄົບຮອບ 57 ປີ ຈາກ​ທ່ານ  ບຸນ​ປັນ

 ພົມມະ​ວົງ ຄະນະ​ປະຈຳ​ພັກ​ເມືອງ ຫົວໜ້າຫ້ອງການ​ຍຸດຕິ​ທຳ​ເມືອງ ກໍ່ໄດ້ຂຶ້ນ ກ່າວຫວນຄືນເຖິງມູນເຊື້ອ ຄວາມເປັນມາຂອງວັນທີ 20 ກໍລະກົດໂດຍໄດ້ຍົກໃຫ້ເຫັນ ມູນເຊື້ອປະຕິວັດ, ມູນເຊື້ອດຸ ຫມັ່ນຂະຫຍັນພຽນ, ການປົກ ປັກຮັກ

ສາຮີດຄອງປະເພນີ ອັນດີງາມຂອງເອື້ອຍນ້ອງແມ່ ຍິງລາວ, ພ້ອມນີ້ກໍ່ໄດ້ຍົກໃຫ້ ເຫັນເຖິງມູນເຊື້ອພິລະອາດ ຫານຂອງເອື້ອຍນ້ອງແມ່ຍິງ ທີ່ໄດ້ປະກອບສ່ວນເຂົ້າໃນ ຂະບວນການຕໍ່ສູ້ເພື່ອປົດ ປ່ອຍປະເທດຊາດອອກຈາກ ແອກຄອບຄອງຂອງພວກ ຈັກກະພັດຕ່າງດ້າວ, ເຊິ່ງ ເອື້ອຍນ້ອງແມ່ຍິງໄດ້ປະ ກອບສ່ວນເຮັດຫນ້າທີ່ປິດລັບ ສົ່ງຂ່າວ, ສົ່ງສະບຽງອາ

ຫານ ໃຫ້ພະນັກງານ-ນັກຮົບ, ຄຽງ ບ່າຄຽງໄລ່ກັບເພດຊາຍຕໍ່ສູ້ ຢ່າງອົງອາດກ້າຫານພາຍ ໃຕ້ການນຳພາອັນປີສາມາດ

ສະຫລາດສ່ອງໃສຂອງພັກ ຈົນສາມາດປົດປ່ອຍປະເທດ ຊາດໄດ້ຢ່າງສົມບູນ, ຈາກນັ້ນ ເອື້ອຍນ້ອງແມ່ຍິງກໍ່ໄດ້ປະກອບ

ສ່ວນປະຕິບັດຫນ້າທີ່ ວຽກງານໃນຂະແຫນງການ, ອົງການຈັດຕັ້ງຂັ້ນຕ່າງໆຂອງ ພັກ-ລັດ, ປະຕິບັດສອງຫນ້າ ທີ່ຍຸທະ

ສາດຄື: ປົກປັກຮັກ ສາ ແລະ ສ້າງສາພັດທະນາ ປະເທດຊາດໃຫ້ນັບມື້ຈະເລີນ ກ້າວຫນ້າ%

 ຫ້ອງການສົ່ງ​ເສີມ​ກະສິກຳ-ປ່າ​ໄມ້ ​ເມືອງ​ວັງ​ວຽງ ສົມກັບ​ອໍານາດ​ການ​ປົກ​ບ້ານ​ຜາຕັ້ງ ໄດ້ ຈັດພິທີປ່ອຍປາຢູ່ທີ່ວັງ​ສະຫງວນ ກ້ອງ​ຂົົວບ້ານ​ຜາຕັ້ງຂອງ​ບ້ານ​ດັ່ງກ່າວ. ໃນຕອນ ເຊົ້າວັນທີ 13 ກໍລະກົດ 2012 ເນື່ອງໃນໂອກາດວັນອະນຸລັກ ຮັກສາສັດນ້ຳສັດປ່າທີ່ຫມູນ ວຽນມາເຖິງອີກວາລະຫນຶ່ງ ໂດຍການນຳພາຂອງທ່ານ​ ອຸ່ນ​ແສງ ​ແກ້ວ​ດາ​ວັນ ຄະນະ​ປະຈຳ​ພັກ​ແຂວງ​ເລຂາ​ພັກ​ເມືອງ-​ເຈົ້າ​ເມືອງໆວັງວຽງ.ມີ​ບັນດາ​ບໍ​ສັດ​ພູ​ເບ້ຍ​ມາຍ​ນິງຈຳກັດ, ບໍລິສັດຜະລິດ​​ໄຟຟ້າລາວມະຫາຊົນ,

ໂຮງງານ​ຊີມັງ​ຫຼັງ I ​ແລະ​ຫຼັງ II, ມີຫົວໜ້າຫ້ອງການນັກທຸລະກິດ​ພາກ​ລັດ​ແລະ​ເອກະ​ຊົນ, ຕະຫຼອດຮອດພໍ່​ແມ່​ປະຊາຊົນ

​ພາຍ​ໃນ​ເມືອງ​ເຂົ້າຮ່ວມ​ຢ່າງ​ພ້ອມພຽງ.

      ​ໃນ​ນີ້ ທ່ານ ບຸນ​ໄທ ຖາວອນ​ສຸກ ຫົວໜ້າຫ້ອງການສົ່ງ​ເສີມ​ກະສິກຳ-ປ່າ​ໄມ້ ​ເມືອງ​ວັງ​ວຽງ ​ໄດ້​ຂຶ້ນຜ່ານ​ບົດ​ສະຫຼຸບ

​ແລະ​ລາຍ​ງານ​ການກະກຽມ​ໃຫ້​ແກ່​ວັນ​ປ່ອຍ​ປາວ່າ: ປາທີ່ນຳມາປ່ອຍຄັ້ງນີ້ມີ ຈຳນວນ 60.000 ໂຕ,    ​ໃນ​ນັ້ນບໍ​ສັດ​ພູ​

ເບ້ຍ​ມາຍ​ນິງຈຳກັດອຸປະຖຳ​ຈຳນວນ​ລູກ​ປາ 40.000 ​ໂຕ,  ບໍລິສັດຜະລິດ​​ໄຟຟ້າລາວມະຫາຊົນອຸປະຖຳ​ຈຳນວນ​ລູກ​ປາ 10.000 ​ໂຕ,ໂຮງງານ​ຊີມັງ​ຫຼັງ I ​ແລະ​ຫຼັງ II ອຸປະຖຳ​ຈຳນວນ​ລູກ​ປາ 10.000 ​ໂຕ, ຄິດ​ເປັນມູນຄ່າ 30 ລ້ານ​ກວ່າ​ກີບ,  ເຊິ່ງ ປະກອບມີ  4  ຊະນິດພັນປາຄື: ປາປາກ, ປາ ເກັດແລບ, ປາ​ນິນ,ປາ​​ໃນ.

      ໃນໂອກາດນີ້ທ່ານ​ ອຸ່ນ​ແສງ ​ແກ້ວ​ດາ​ວັນ ຄະນະ​ປະຈຳ​ພັກ​ແຂວງ​ເລຂາ​ພັກ​ເມືອງ-​ເຈົ້າ​ເມືອງໆວັງວຽງ. ກໍ່ຍັງໄດ້ເນັ້ນຫນັກໃຫ້ອໍານາດ​ການ​ປົກຄອງ​ແລະ​ພໍ່​ແມ່​ປະຊາຊົນ​ບ້ານ​ຜາຕັ້ງ ຈົ່ງເປັນເຈົ້າການ ໃນການດູແລ ປົກ​ປັກຮັກສາ ໃນ​ເຂດວັງ​ສະຫງວນ ກ້ອງ​ຂົົວ ບ້ານ​ຜາຕັ້ງ,      ພ້ອມ​ທັງ​​ໄຂ​ພິທີ​ປ່ອຍ​ປາ​ຢ່າງ​ເປັນ​ທາງ​ການ.
​     ໃນຕອນ​ທ້າຍ ພິທີ ບໍ​ສັດ​ພູ​ເບ້ຍ​ມາຍ​ນິງຈຳກັດ​ແລະ ບໍລິສັດຜະລິດ​​ໄຟຟ້າລາວມະຫາຊົນ ກໍ່​ໄດ້​ມອບ​ລູກ​ປາ ຈຳນວນ 60.000 ​ໂຕ ​ໃຫ້​ແກ່​ອຳນາດ​ການ​ປົກຄອງ​​ເມືອງ​ວັງ​ວຽງ.

 

ເມືອງວັງວຽງ ກັບການບັນພະຊາສັມມະເນນ

ວັນເສົາ ແຮມ 4 ຄ່ຳເດືອນແປດ. ໃນວັນທີ 07/07/2012; ທີວັດທາດ ບ້ານວັງວຽງ ເມືອງວັງວຽງແຂວງວຽງຈັນ ປະເທດລາວ.

( ບວດພຣະ 100 ອົງ )

 

ມາໃນຕອນເຊົ້າ ຂອງວັນທີ 28 ມີຖຸນາ ປີ 2012 ນີ້, ໄດ້ມີການເຊັນສັນຍາລົງທຶນກໍ່ສ້າງ ໂຄງການ: ກໍ່ສ້າງຫ້ອງວ່າການປົກຄອງເມືອງວັງວຽງ ດ້ວຍການລົງທຶນຂອງເອກະຊົນ 100 % ຂຶ້ນຢ່າງເປັນທາງ

ການ.   ຢູ່ທີ່ ໂຮງແຮມ ຄຳປະເສີດ ເມືອງວັງວຽງ ແຂວງວຽງຈັນ. ລະຫວ່າງ ຄະນະອຳນວຍການບໍ

ລິສັດ ລາວເວີນດິນ ແລະເຮືອນຈຳກັດ ແລະ ອຳນາດການປົກຄອງເມືອງວັງວຽງ.

                                                            

  ໃນການກໍ່ສ້າງຈະໄດ້ລົງມືກໍ່ສ້າງເລີ່ມ ນັບແຕ່ວັນທີ່ 28 ມີຖຸນາ 2012 ຫາວັນທີ່ 28 ທັນວາ 2013 ໂດຍຈະໃຊ້ເວລາກໍ່ສ້າງ 18 ເດືອນ. ຫ້ອງວ່າການປົກເມືອງເປັນອາຄານ 3 ຊັ້ນມີເນື້ອທີໃຊ້ງານ

2.160 ມ2, ໃນນີ້ແມ່ນຈະໄດ້ ກໍ່ສ້າງປະຕູໂຂງ, ປ້ອມຢາມ ແລະກຳແພງຮົ້ວອ້ອມສຳນັກເມືອງ ເນື້ອ

ທີ່ 19.000 ມ2, ກໍ່ສ້າງສະຖານທີບ່ອນຈອດລົດໃຫຍ່, ກໍ່ສ້າງເສັ້ນທາງໃນສຳນັກເມືອງ, ຕົບແຕ່ງປູກຕົ້ນໄມ້ໃສ່ຕໍ່ຫນ້າຫ້ອງການ. ໂດຍຈະໃຊ້ທຶນກໍ່ສ້າງທັງໝົດ 900.000 s( ເກົ້າຮ້ອຍພັນໂດລາສະຫະລັດ )

 

ໃນຕອນເຊົ້າຂອງວັນທີ 6 ມີນາ 2012 ເວລາ 6:00 ສະຫະພັນແມ່ຍິງເມືອງໄດ້ ສ້າງກິດຈະກຳ ຍ່າງມາລາທອນ

ມີບັນດານ້ອງໆແມ່ຍິງ, ສະຫະພັນແມ່ຍິງຂອງບ້ານ, ເມືອງ, ຫ້ອງການ ເຂົ້າຮ່ວມ ຄັ້ງນີ້ 850 ຄົນ, ຫລັງຈາກນັ້ນກໍ່ ໄດ້ເຕັ້ນມາລາທອນທີເດີນຍົນ

 

ພາຍຸລະດູຮອດໄດ້ພັດຜ່ານເມືອງວັງວຽງໃນວັນທີ 3 ມີນາ 2012 ເວລາ 7:00 ຫາ8:00 ຕອນຄ້ຳ

  ໄດ້ສົ່ງຜົນເສຍຫາຍ ຢູ່5ບ້ານຫນັກກວ່າຫມູ່ ຄືບ້ານນາເລົາ ມີເຮືອນ 25 ຫລັງຄາ, ໂຮງຮຽນປະຖົມ 1 ຫລັງ, ຕົ້ນພ້າວຫັກທັບ ເສົາໄຟຟ້າ ເສັ້ນສາຍໄຟ ຂາດເປັນ

ຊວງໆ

ແລະຍັງເຮັດໃຫ້ ດອງ ສາມດອງ ຕ້ອງນັງນ້ຳຕາໄຫລເພາະ ພາຍຸພັດບັນດາອາຫານ, ເຕັ້ນ, ດົນຕີ ມຸນກະຈາຍໄປຫມົດ

 

ອີງ​ຕາມ​ການ​ລົງ​ມາ​ໂຄສະນາ​ຂອງ ພະ​ແນ​ກ​ໂຄສະນາ, ກົມ​ຕຳຫລວດ​ຈາລະ​ຈອນ​ທີ່ ສະ​ໂມ​ສອນ​ໃຫຍ່​ຊັ້ນ 2 ຂອງ​ເມືອງ​ວັງວຽງ,ແຂວງ​ວຽງຈັນ.ໂດຍ​ພາຍ​ໃຕ້​ການ​ເປັນ​ປະທານ​ຂອງທ່ານ ​ເອັມ ​ໄຊ​ຍະ​ສານຮອງ​

ຫົວໜ້າຫ້ອງ​ວ່າການ​ເມືອງ. ມີ​ບັນດາ​ຜູ້ຮັບຜິດຊອບວຽກງານຊຸມ​ຊົນ, ຜູ້ບໍລິຫານ,ຫົວໜ້າພະແນກຄວາມສ່ຽງ, ບໍລິສັດພູເບ້ຍມາຍນິ່ງຈຳກັດ. ຊາວຫນຸ່ມ-ແມ່ຍິງແລະຫ້ອງການອ້ອມຂ້າງເມືອງເຂົ້າຮ່ວມຢ່າງພ້ອມພຽງ.

    ໂດຍໃນນີ້; ມີທ່ານ ຄຳພັນ ວັນທະນາ ຮອງພະແນກຄຸ້ມຄອງພາຫະນະກົມຂົນສົ່ງ, ກະຊວງໂຍທາ

ທິການຂົນສົ່ງ. ເພິ່ນໄດ້ເນັນຫນັກໃສ່ການລາຍງານສະພາບຕົວຈິງຂອງການເກີດອຸບັດຕິເຫດ ແລະການ

ຕາຍຄື:

        ປີ 2010                  ປີ 2011

Ø  ອຸບັດ​ຕິ​ເຫດ​ເກີດ  5802 ລາຍ  -  6541  ລາຍ​ເພີ່ມ​ຂື້ນ 793 ລາຍ = 11,29 %

Ø  ພາຫະນະ​ເປ​ເພ 10.492 ຄັນ  - 11.771 ລາຍ​ເພີ່ມ​ຂື້ນ 1257 ລາຍ = 11 %

Ø  ຄົນ​ບາດ​ເຈັບ     9992 ຄົນ  - 11.503 ລາຍ​ເພີ່ມ​ຂື້ນ 1511 ລາຍ = 13 %

Ø  ຄົນ​ເສຍ​ຊີວິດ      775 ຄົນ  -    902  ລາຍ​ເພີ່ມ​ຂື້ນ 127 ລາຍ = 14 %

v  ການ​ລ່ວງ​ລະ​ເມີດ​ປີ 2010 – 2011 ທີ່​ເຈົ້າໜ້າທີ່​ກວດ​ພົບ​ບ​ເຫັນ.

      ປີ 2010                       ປີ 2011

1)  ນັກຮຽນ - ນັກ​ສື​ກສາ 16.766 ຄົນ.   3.260 ຄົນ.

2)  ກຳມະກອນ         13.528 ຄົນ.   3.235 ຄົນ.

3)  ປະຊາຊົນ          10.438 ຄົນ.   2.677 ຄົນ

4)  ຄ້າຂາຍ             9.787 ຄົນ.   1.549 ຄົນ.

5)  ພະນັກງານ          6.372 ຄົນ.     931 ຄົນ.

6)  ຕ່າງປະ​ເທດ           518 ຄົນ.     178 ຄົນ.

7)  ທະຫານ              508 ຄົນ.     623 ຄົນ.

8)  ຕຳຫລວດ             151 ຄົນ.     371 ຄົນ.

ລວມ = 57.701 ຄົນ,ຍິງ 22.323 ຄົນ. 12.842 ຄົນ,ຍິງ 4.154 ຄົນ 

   ​ໃນ​ວັນ​ທີ 20-21 ຕຸລາ 2011 ນີ້,ຢູ່​ທີ່​ສະ​ໂມ​ສອນ​ເມືອງ ວັງ​ວຽງ ​ແຂວງ ວຽງຈັນ​ໄດ້​ໄຂ​ກອງ​ປະຊຸມ​ຄົບ​ຄະນະ​ບໍລິຫານ​ງານ​ພັກ​ເມືອງ ຄັ້ງ​ທີ 5 ສະ​ໄໝ​ທີ 5 ຂຶ້ນຢ່າງ​ເປັນ​ທາງ​ການ ພາຍ​ໃຕ້​ການ​ເປັນປະທານ​ຂອງ​ທ່ານ ອຸ່ນ​ແສງ ​ແກ້ວ​ດາ​ວັນ ຄະນະ​ປະຈຳ​ພັກ​ແຂວງ ​ເລຂາ​ພັກ​ເມືອງ​ເຈົ້າ​ເມືອງໆ​ວັງ​ວຽງ.

​ໂດຍ​ເປັນ​ກຽດ​ເຂົ້າ​ຮ່ວມ​ຂອງ​ທ່ານ ບຸນ​ເພັງ ສາຍ​ນໍລະ​ດີ ​ກຳມະ ການ​ປະຈຳ​ພັກ​ແຂວງຫົວໜ້າ​ຄະນະ​ຈັດ​ຕັ້ງ​ແຂວງ ວຽງ​ຈັນ ທັງ​ເປັນ​ຫົວ​ໜ້າສະມາຊິກ​ສະພາ​ແຫ່ງ​ຊາດ​ປະຈຳ​ເຂດ 10 ​ແຂວງ ວຽງ​ຈັນ, ມີ​ບັນດາ​ສະຫາຍ​ໃນ​ຄະນະ​ປະຈຳ​ພັກ​ເມືອງ, ກຳມະການ​ພັກ​ເມືອງ, ພະນັກງານ​ບຳນານ​ອາວຸ​ໂສ, ຫົວໜ້າ​ຫ້ອງການ,​ເລຂາ​ພັກ​ບ້ານ, ນາຍບ້ານ, ຜູ້​ປະກອບ​ການ​ທາງ​ດ້ານ​ທຸລະ​ກິດ ​ໃນ​ທົ່ວ​ເມືອງ​ເຂົ້າ​ຮ່ວມ 124 ສະຫາຍ, ຍິງ 5 ສະຫາຍ ​ເຂົ້າ​ຮ່ວມ​ຢ່າງ​ພ້ອມພຽງ.

   ກອງ​ປະຊຸມ​ໄດ້​ຈັດ​ເປັນ​ເວລາ 2 ວາລະ​ເຊັ່ນ: ກອງ​ປະຊຸມ​ເປີດ​ກ້ວາງ ​ແລະ ກອງ​ປະຊຸມ​ພາຍ​ໃນ. ກອງ​ປະຊຸມຄັ້ງ​ນີ້​ໄດ້​ຮັບ​ຟັງ​ບົດ​ລາຍ​ງານ​ກ່ຽວ​ກັບ​ກາ​ນປັບປຸງ​ລະບົບ​ການ​ເມືອງ​ໃນ​ໄລຍະ​ປີຜ່ານມາ (2010-2011) ທິດ​ທາງ​ແຜນ​ການ​ປີ 2011-2012ບົດ​ລາຍ​ງານ​ສະພາບ​ການຈັດ​ຕັ້ງ​ປະຕິບັດວຽກ​ງານທາງ​ດ້ານ​ເສດຖະກິດ-ສັງຄົມ​ສົກ​ປີ 2010-2011 ​ແລະ ທິດ​ທາງ​ແຜນການ​ປີ 2011-2012, ບົດ​ສະຫຼຸບ​ການຈັດ​ຕັ້ງ​ປະຕິບັດ​ວຽກ​ງານ​ປ້ອງກັນຊາ​ດ-ປ້ອງ​ກັນ​ຄວາມ​ສະຫງົບ​ປະຈຳ​ປີ 2010-2011, ບົດ​ສະຫຼຸບ​ຂົງ​ເຂດ​ວຽກ​ງານບໍ​ລິ​ຫານ​ລັດ ​ແລະ ຕຸລາການ​ສົກ​ປີ 2010-2011 ​ແລະ ທິດ​ທາງ​ແຜນການ 2011-2012. ຈາກ​ນັ້ນ​ພິທີ​ຍັງ​ໄດ້ມີການ​ປະກອບ​ຄຳ​ຄິດ​ຄຳ​ເຫັນ​ໃສ່​ຮ່າງ​ບົດ​ສະຫຼຸບ ​ແລະ ​ແຜນ​ພັດທະນາ​ເສດຖະກິດ-​ສັງຄົມ​ປີ ​ເພື່ອຄວາມ​ເປັນ​ເອກະ​ພາບ​ພ້ອມ​ກັນ​ແກ້​ໄຂ​ບັນຫາ​ທີ່​ອ່ອນ ​ແລະ ຄົງ​ຄ້າງ​ຢູ່​ໃນ​ຂັ້ນ​ບ້ານ, ກຸ່ມ​ບ້ານ, ສຳນັກງານ​ອົງການ​ເພື່ອ​ພ້ອມ​ກັນ​ຈັດ​ຕັ້ງ​ປະຕິບັດ​ແຜນ​ພັດທະນາ​ເສດຖະກິດ-ສັງຄົມ ປີ 2011-2012 ​ໃຫ້​ມີ​ຜົນສຳ​ເລັດ​ຕາມ​ລະດັບ​ຄາດ​ໝາຍ​ທີ່​ວາງ​ໄວ້​ໃຫ້​ມີ​ປະສິດທິ​ຜົນ​ສູງ%.

ນາງທອງ ອາຍຸ 47 ປີ ປະຊາຊົນບ້ານນ້ຳແຈ້ງ ເມືອງໂພນໂຮງ ແຂວງວຽງຈັນ. ກັບຜົວຊື່ທ້າວ ລອດອາຍຸ 45 ປີເປັນຜູ້ຄົ້ນພົບວັດຖຸບູຮານມີ: ຄ້ອງທອງ

ແດງ 4 ຫນ່ວຍ ກ້ວາງ 49 ນ້ຳຫນັກ 2 ໂລ 3 ຂີດ,ລະຄັງ 2 ຫນ່ວຍ ກວ້າງ 32.5 ຊມ,ນ້ຳຫນັກ 2 ໂລ 3 ຂີດ, ແຊ່ງ 1 ຄູ່ , ໂຖດອກໄມ້ 1 ອັນ. ແຕ່ລະຫນ່ວຍແມ່ນເປັນທອງແດງຫມົດ.

  ພິເສດແມ່ນລະຄັງຫນ່ວຍ 1 ເປັນທອງດຳລ້ວນ, ເຊື່ອກັນວ່າເປັນສິ່ງຊອກຫາຢາກຊະນິດຫນຶ່ງ ທີ່ຄົນລາວເຊື່ອກັນວ່າເປັນສິ່ງສັກສິດ,ຕາມການບອກເລົ່າ

ຂອງແນວໂຮມບ້ານວ່າ ເວລາຊັງນ້ຳຫນັກ ລະຄັງຫນ່ວຍນີ້ແມ່ນຄັ້ງທີ1 ໄດ້ 2 ກິໂລ, ຄັ້ງທີ່ 2 ໄດ້ 5 ກິໂລ, ຄັ້ງທີ່ 3 ໄດ້ 7 ກິໂລ ແລະຄັ້ງສຸດທ້າຍ

ແມ່ນຕາຊັງເພເລີຍ.

   ການຄົ້ນພົບຄັ້ງນີ້, ແມ່ນປະຊາຊົນ​ພາຍ​ໃນ​ບ້ານນ້ຳ​ແຈ້ງ​ທີ​ເປັນ​ຄອບຄົວ​ທຸກ​ຍາກ ກຳມະກອນ​ຊາວ​ໄຮ່ນາ ​ແລະ​ຫາ​ເຊົ້າກິນ​ຄ່ຳ, ປະຈຸ​ບັນ​ມີ​ລູກ 3 ຄົນ​ຍິງ 2 ຄົນ ​ແຕ່ງງານ 1 ​ແລະ​ຮັບ​ຫຼານມາ​ລ້ຽງ 1 ຄົນທີ​ພໍ່​ແມ່ ຮາງ​ປະກັນ ​ແລະ​ເປັນ​ຄົນ​ບໍ່ສົມບູນ, ທ້າວລອດ ຜູ້ເປັນຜົວນາງທອງ ໄດ້ກ່າວໃຫ້ຂ້ອຍຟັງວ່າ: ມີ​ພໍ່ຕູ້​ເຖົ້າຮ່າງກາຍ ສົມ​ບຸນ​ມີ​ຜົມ​ສີຂາວ​ມາ​ເວົ້າກັບ​​ເມຍລາວ​ວ່າ: ຫຼານ​ເອີຍ ! ບໍ່ມີ​ເງິນລຸງ​ຊິ​ເອົາ​ໃຫ້ 30.000 ກີບ. ​ແລ້ວໆ​ເພິ່ນ​ກໍ່​ເດ່​​ເອົາ​ເງິນໃຫ້. ​ເມຍ​ຂອງ​ທ້າວ​ລອດ​ກໍ່ຖາມ​ຄືນ​ວ່າ: ​ໃບ​ເງິນ​ນີຄື​ຂຽວ​ແທ້ ທຳ​ມະ​ດາ​ມັນ​ບໍ່ຂຽວ ​ແລ້ວ​ພໍ່ຕູ້​ກໍ່ຕອບ​ວ່າ: ຂຽວກະ​ຢ່າ ​ໃຫ້​ລູກ​ເອົາ​ໄປ​ໂລດ ​ເອົາ​ໄປ​ໄວ້​ວັດ​ບ້ານນ້ຳ​ແຈ້ງ​ເດີ ມື້​ເຊົ້າ​ໃຫ້ຫຼານ​ໄປ​ຂຸດ ​ແຄມ​ຫ້ວຍ​ນ້ຳ​ແຈ້ງ ​ແລ້ວ​ຈະ​ເຫັນ.

   ຫລັງ​ຈາກ​ນັ້ນພໍ​ຮອດ​ຕອນ​ເຊົ້າຂອງ​ວັນ​ທີ 19/10/2011 ​ເວລາ 9:00  ນາງ​ທອງກັບ​ຜົວ​ທີ​ໄປ​ຫາ​ກິນ​ຂຸດ​ຈີ​ນາຍ ​ແລະ​ຫາ​ປາທຸກ​ມື້ ກໍ່ຂຸດ​ພົບ​ຕາມ​ແຄມ​ນ້ຳ​ແຈ້ງ​ທີ​ພໍ່​ຕູ້​ເຖົ້າ​​ເວົ້າຈີງ ໆ ! ! ! ! ! !

 

 

່່້

         ໃນຕອນເຊົ້າຂອງວັນທີ 12 ຕຸລາປີ 2011 ນີ້, ຢູ່ທີ່ເມືອງັວຽງແຂວງວຽງຈັນ ໄດ້ມີງານບຸນຊ່ວງເຮືອປະຈຳປີຂອງເມືອງ. ໂດຍພາຍໃຕ້ການເປັນປະທານ ແລະເປັນກຽດກ່າວເປີດພິທີໂດຍແມ່ນທ່ານ

ພອນແກ້ວ ຂຸນພົນ ຄະນະປະຈຳພັກເມືອງ ຮອງເຈົ້າເມືອງໆວັງວຽງ. ມີບັນດາພໍ່ຄ້າຊາວຂາຍ , ປະຊາຊົນ ແລະນັກສີພາຍເຂົ້າຮ່ວມງານຫລາຍກວ່າ 1000 ຄົນ.

         ການແຂ່ງຂັນແບ່ງອອກ 2 ປະເພດຄື ເພດຍິງ 15 ສີພາຍມີ 11 ຄະນະ ແລະເພດຊາຍ 15 ສີພາຍ ມີ 17 ຄະນະ. ຜ່ານການແຂ່ງຂັນເຫັນວ່າເພດຊາຍ ເຮືອສຸວັນນະຫົງສາມາດ ຍາດຊີງເອົາທີ 1 ມາໄດ້ ພ້ອມກັບເງິນສົດ 2.000.000 ກີບແລະຂັນ 1 ຫນ່ວຍ. ທີ 2 ແມ່ນ  ບ້ານຫ້ວຍປາມ້ອມ ຮັບເງິນສົດ 1.500.000 ກີບພ້ອມຂັນ 1 ຫນ່ວຍ, ທີ 3 ແມ່ນ ກຸ່ມບ້ານນາມອນ ຮັບເງິນສົດ 1.000.000 ກີບພ້ອມຂັນ 1 ຫນ່ວຍ ແລະເພດຍິງ ທີ1 ແມ່ນ ບ້ານຫ້ວຍປາມ້ອມ ຮັບເງິນສົດ 2.000.000 ກີບແລະຂັນ 1 ຫນ່ວຍ, ທີ 2 ແມ່ນ ເຮືອສຸວັນນະຫົງ ຮັບເງິນສົດ 1.500.000 ກີບ ພ້ອມັບຂັນ 1 ຫນ່ວຍ,

ທີ 3 ແມ່ນ ກຸ່ມບ້ານນາມອນ ຮັບເງິນສົດ 1.000.000 ກີບ ພ້ອມກັບຂັນ 1 ຫນ່ວຍ  ໃຫ້ກຽດກ່າວມອບໂດຍແມ່ນ ທ່ານ ພອນແກ້ວ ຂຸນພົນ ຮອງເຈົ້າເມືອງໆວັງວຽງ.

      ພິເສດແມ່ນບ້ານຫ້ວຍສະເຫງົ້າ ເປັນເຈົ້າພາຍຈັດງານແຂ່ງຂັນຄັ້ງນີ້ ແລະ ອຸປະຖຳໂດຍ ບໍລິສັດເບຍລາວ 35.000.000 ກີບ.

ໃນຕອນ​ເຊົ້າຂອງ​ວັນ​ທີ 7 ຕຸລາ 2011 ນີ້,​ໄດ້​​ເປີດ​ການ​ຝຶກ​ອົບຮົມ​ໃຫ້​ແກ່ຜູ້ປະ​ກອບ​ການ​ທຸລະ​ກິດ​ທີ່​ເຄື່ອນ​ໄຫວທາງ​ດ້ານ​ວັດທະນະທຳທົ່ວ​ເມືອງ ຂຶ້ນ​ຢ່າງ​ເປັນ​ທາງ​ການ​ຢູ່​ທີ່ ສະ​ໂມ​ສອນ​ຂອງ​ເມືອງ ວັງ​ວຽງ ​ແຂວງ ວຽງ​ຈັນ.   ​ໂດຍ​ພາຍ​ໃຕ້​ການ​ເປັນ​ປະທານ​ຂອງ ທ່ານ ​ແສງບົວລອນ,ທ່ານ ຄຳ​ນາມ​ ພິມ​ມະ​ສອນ  ຄະນະ​ປະຈຳ​ຮອງເລຂາ​ພັກ​ເມືອງ​ຫົວໜ້າ​ຄະນະ​ຈັດ​ຕັ້ງ​ເມືອງ ,​ ທ່ານ ອຸ່ນ​ເຮື​ອນ ອຸ​ໄທ​ທິດ ​ຫົວໜ້າ​ຫ້ອງການ​ຖະ​ແຫຼ​ງຂ່າວ-ວັດທະນະທຳ​ເມືອງ. ​ມີ​ບັນດາ​ຫົວໜ້າຫ້ອງການ,ວິຊາ​ການ,ນາຍບ້ານ​ແຕ່​ລະ​ບ້ານ​ຂອງ​ເມືອງ​ພ້ອມ​ກັບຫົວໜ້າ​ວົງ​ດົນຕີ,ຫ້ອງ​ບັນ​ເທີ​ງ,ຄາ​ລາ​ໂອ​ເກະ ​ແລະ ຮ້ານ​ກິນ​ດື່ມ-ຮ້ານ​ອາຫານ​ທີ່​ມີ​ການບັນ​ເທີ​ງ ​​ເຂົ້າຮ່ວມ 80 ທ່ານ​ຍິງ 35 ທ່ານຢ່າ​ງພ້ອມ​ພຽງ.

  ​ໃນ​ພິທີ​ໄດ້​ຮັບ​ຟັງ​ຂໍ້​ຕົກລົງ​ຂອງ​ທ່ານ ​ແສງ​ບົວ​ລອນ ທຳ​ມີ​ພົນ ກຳ​ມະ​ການ​ພັກ​ແຂວງ ຮອງຫົວໜ້າ​ພະ​ແນ​ກຖະ​ແຫຼ​ງຂ່າວ-ວັດ​ທະ​ທຳ​ແຂວງ ວຽງ​ຈັນ ​ເອກະ​ສານທີ​ນຳ​ມາສະ​ເໜີ​ຄັ້ງ​ນີມີ​ເອກະສານ ກ່ຽວ​ກັບ​ທັດສະນະ​ຂອງ​ພັ​ກແລະນະ​ໂຍບາຍ​ຂອງ​ລັດ​ຕໍ່​ວັດທະນະທຳ​ດ້ານ​ສິລະ​ປະ​ການສະ​ແດງ, ຂໍ້​ກຳນົດ​ກ່ຽວ​ກັບ​ການ​ຄຸ້ມ​ຄອງ​ລິ​ຂະ​ສິດ​ການ​ຜະລິດ​ແລະ​ຈຳໜ່າຍ​ກະ​ແຊັດ,​ແຜ່ນສຽງ

ພີ​ມຮູບ​ເງົາ​ກ່ຽວ​ກັບ​ການສະ​ແດງ​ສິລະ​ປະ​ຂະ​ແໜງ​ຕ່າງໆ​ໃນ ສ ປ ປ ລາວ. ທ່ານ​ຍັງ​ໄດ້​ເໜັ້ນໜັກ​ຕໍ່​ກັບ​ການ​ເສີມ​ຂະຫຍາ​ຍ ສິລະ​ປະການ​ສະ​ແດ​ງມີ​ລັກສະ​ນະ​ຊາດ, ລັກສະນະ​ມະຫາຊົນ ​ແລະ ລັກສະນະ​ກ້າວໜ້າ ​ໂດຍ​ແນ​ໃສ່ສ້າງຄົນ​ລາວ​ໃຫ້​ມີ​ນ້ຳ​ໃຈຮັກຊາດ​,ປົກ​ປັກ​ຮັກສາ ​ແລະ ​ເສີມ​ຂະ​ຫຍາ​ຍວັດທະນະທຳ​ລາວ​ໃຫ້​ຢູ່​ຄູ່ກັບ​ຄົນ​ລາວຕະຫຼອດ​ໄປ.

   ຕອນ​ທ້າຍຍັງ​ໄດ້​ຮັບ​ຟັງ​ຂໍ້​ກຳນົດ​ວ່າ​ດ້ວຍ​ການ​ຄຸ້ມຄອງ​ແລະກວດກາ​ສະຖານ​ທີ່​ບັນ​ເທີ​ງ ​,ຫ້ອງ​ຄາ​ລາ​ໂອ​ເກະ ​ແລະກົດ​ລະບຽບ​ວ່າ​ດ້ວຍ​ການ​ຄຸ້ມຄອງການ​ເຄື່ອນ​ໄຫວ​ທາງ​ດ້ານ​ວັດທະນະທຳ​ຢູ່​ພາຍ​ໃນ​ແຂວງ ວຽງ​ຈັນ.

 

   ​ໃນ​ຕອນ​ແລງ​ຂອງ​ວັນ​ທີ 4 ຕຸລາ 2011 ນີ້,​ໄດ້​ຈັດ​ພິທີ​ມອບ​ໃບຢັ້ງຢືນ​ການ​ຮຽນ​ການ​ໃຫ້​​ແກ່​ນັກສຶກສາ​ທີ່ຈົບ​ຫຼັກສູດ​ການ​ຮຽນ​ຂອງ​ໂຮງຮຽນ ສູນ​ພາສາ​ອັງກິດລັດຕະນະ​ໄພ​ວັນ ຂຶ້ນ​ຢ່າງ​ເປັນ​ທາງ​ການຢູ່​ທີ່​ສະ​ໂມ​ສອນ​ຂອງ​ເມືອງ. ​ໂດຍ​ພາຍ​ໃຕ້​ການ​ເປັນປະທານ​ຂອງ​ທ່ານ ບຸນ​ມີ ສະຫວັດດີ ຜູ້ອຳນວຍການ​ວິທະຍາ​ໄລ​ໄຊ​ພັດທະນາ​ສາຂາ​ແຂວງ ວຽງ​ຈັນ,ທ່ານ ຄຳ​ນາມ ພິມ​ມະ​ສອນ ຄະ ນະປະຈຳຮອງ​ເລຂາ​ພັກ​ເມືອງຫົວໜ້າ​ຄະນະ​ຈັດ​ຕັ້ງ​ເມືອງ,ທ່ານ ອ໊ອດ ​ແສງ​ພິມ ກຳມະການ​ພັກ​ເມືອງ ຫົວໜ້າ​ຫ້ອງການ​ສຶກສາ​ເມືອງ. ​ເຂົ້າ​ຮ່ວມ​ພິທີ​ມີ​ບັນດາຫົວ​ໜ້າ​ອົງການ​ທີ່​ກ່ຽວ​ຂ້ອງ,​ແຂກ​ຖືກ​ເຊີນ,​ຄູ​ອາຈານພ້ອມ​ດ້ວຍ​ນ້ອງ​ນັກຮຽນຫຼາຍກ່ວາ 190 ຄົນ​ເຂົ້າ​ຮ່ວມ​ຢ່າ​ພ້ອມພຽງ.

   ​ໃນ​ພິທີ​ທ່ານ ບຸນ​ຈັນ ລັດຕະນະ​ໄພ​ວັນ​ຫົວໜ້າ​ການສຶກສາພາກ​ເອກະ​ຊົນ​ເມືອງ ວັງ​ວຽງ ທັງ​ເປັນຜູ້ນວຍ​ການ​​ໂຮງຮຽນສູນ​ພາສາ​ອັງກິດລັດຕະນະ​ໄພ​ວັນ​ໄດ້​ຂຶ້ນ​ຜ່ານ​ບົດ​ສະຫຼຸບການຈັດ​ຕັ້ງ​ປະຕິບັດແຜນການຮຽນ​-ການສອນ .  ອີງ​ຕາມ​:​ແຜນ​ຍຸດ​ທະ​ສາດ​ສົ່ງ​ເສີມ​ການ​ສຶກສາ​ພາກ​ເອກະ​ຊົນ 2010-2020,​ເພື່ອ​ເປັນ​ການຈັດ​ຕັ້ງ​ປະ​ຕິ​ບັດມະຕິ​ກອງ​ປະຊຸມ​ໃຫ່ຍຄັ້ງທີ່ 5 ຂອງ​ອົງຄະ​ນະ​ພັກ​ເມືອງ ວັງ​ວຽງ ​ໃນ​ຂະ​ແໜງ​ການ​ສຶກສາ​ກໍ​ຄື​ແຜນ​ພັດທະນາ​ການ​ສຶກສາຂອງ​ຫ້ອງການ​ສຶກສາ ​ແລະ ກິລາ​ເມືອງ ວັງ​ວຽງ​ໄດ້​ວາງ​ອອກ​ໃຫ້​ປະກົດ​ຜົນ​ເປັນ​ຈິງ​ຂຶ້ນ​ເທື່ອ​ລະ​ກ້າວ ​ແລະ ​ໃນສົກຮຽນ 2010-2011 ນີ້ ພວກ​ເຮົາ​ກໍ່​ໄດ້​ເຂົ້າ​ຮ່ວມ​ພິທີ​ສະ​ເຫລີ​ມ ສະຫລອງ​ວັນ​ສຳຄັນ​ຕ່າງໆ​ຂອງ​ຊາດ,​ເຂົ້າ​ຮ່ວມ​ຂະ​ບວນການ​ຕ່າງໆ​ຂອງ​ເມືອງ,​ເຂົ້າ​ຮໍ່າຮຽນ​ເອກະ​ສານ ​ເປີດ​ບັ້ນ​ດຳ​ເນີນ​ຊີວິດ​ການ​ເມືອງ​ຂຽນ​ໃບສຳ​ຫລວດ​ຕົນ​ເອງ ​ແລະ​ເຊື່ອມຊຶມ​ເອກະສານ​ມະຕິ 9 ຂອງ​ພັກ. ວຽກ​ງານ​ທາງ​ດ້ານ​ການ​ສຶກສາ​ທາງ​ພວກ​ເຮົາ​ໄດ້​ແບ່ງ​ຫຼັກສູດ​ເປັນ 4 ລະດັບ​ຕາມ​ການຊີ້​ນຳ​ຂອງ​ກົມ​ຄຸ້ມ​ຄອງ​ການ​ສຶກສາ​ພາກ​ເອກະ​ຊົນ, ​ເງື່ອນ​ໄຂ​ຂອງ​ຜູ້​ທີ່​ຈະ​ເຂົ້າ​ຮຽນ​ແມ່ນ​ບໍ່​ຈຳ​ແນ​ກ​ເພດ​ໄວ,ຊົນ​ເຜົ່າ,​ເຊື້ອ​ຊາດ,ສາດ​ສະໜາ ​ແລະ​ ຖານະທາງ​ດ້ານ​ເສດຖະກິດ​-ສັງຄົມ. ຜູ້​ທີ່​ມີ​ອາຍຸ​ແຕ່ 7 ປີຂຶ້ນ​ໄປ,ປະ ກອບ​ເອກ​ະສານ​ຄົບ​ຖ້ວນ​ແລະ​ເຫັນ​ດີ​ປະຕິບັດ​ກົດ​ລະບຽບ​ຂອງ​ສູນ​ວາງ​ອອກ​ທຸກ​ຢ່າງ​. ​ພວກ​ເຮົາ​ມີ​ຄູ​ອາຈານ​ແລະ​ນັກຮຽນ​ທັງ​ໝົດ 487 ຄົນ, ຍິງ 260 ຄົນ ​ໃນ​ນີ້​ມີ​ຄູ​ອາຈານ​ຈຳນວນ 7 ທ່ານ. ຍິງ 3 ທ່ານ, ​ແລະ ມີ​ພຣະ 9 ອົງ,ສຳມະ​ເນນ​ 15 ອົງຜ່ານ​ການ​ສອບ​ເສັງ ​ແລະ ປະ​ເມີນ​ຜົນ​ເຫັນ​ວ່າ​ໃນ​ລະດັບ​ເລີ່​ມຕົ້ນ​ຈຳນວນ 184 ຄົນ, ຍິງ 93 ຄົນ, ​ເປັນ​ພຣະ 8 ອົງ, ​ເປັນ​ສຳມະ​ເນນ 4 ອົງ.  ​ໃນ​ນີ້​ມີ​ນັກຮຽນ​ເກັ່ງ 88 ຄົນ , ຍິງ 42 ຄົນ, ​ເປັນ​ພຣະ 7 ອົງ, ສຳມະ​ເນນ 2 ອົງ ນອກຈາກ​ຈຳນວນ​ນີ້​ກຳລັງກຽມ​ຈ​ະເກັ່ງ. ຕໍ່​ກັບ​ວຽກ​ງານ​ນະ​ໂຍບາຍ​ໄດ້​ຍົກ​ເວັ້ນບໍ່​ເກັບຄ່າຮຽນ​ຕໍ່​ນັກຮຽນ​ຜູ້​ທີ່​ຂາດ​ເຂີນ​ຈຳນວນ 18 ຄົນ, ຍິງ 10 ຄົນ ຄິດ​ເປັນ​ມູນ​ຄ່າ 3.888.000 ກີບ/ປີ.  ​ແລະ ສຳລັບ​ການຮຽນ-​ການ​ສອນ​ສົກຮຽນ 2011-2012 ​ແມ່ນ​ເພື່ອ​ແນ​ໃສ່ຈັດ​ຕັ້ງ​ປະຕິ​ບັດ​ຈຸດໝາຍ​ລວມຂອງ​ກະຊວງ​ສຶກສາທິການ ​ແລະ ກິລາ​ວາງ​ອອກ​ເປັນ​ຕົ້ນ​ແຜ​ນພັດ​ທະນາການ​ສຶກສາ​ພາກ​​ເອກະ​ຊົນ 5 ປີ ຄັ້ງ​ທີ່ 7 ​ແນ​ໃສ່​ສ້າງ​ບຸກຄະລາ​ກອນ​ໃຫ້​ມີ​ຄຸນ​ນະພາ​ບ​ເພື່ອ​ຮັບຮອງ​ການ​ພັດທະນາ ​ເສດຖະກິດ-ສັງຄົມ​ຢູ່​ປະ​ເທດ​ເຮົາ.

   ​ໃນ​ຕອນ​ທ້າຍ​ຂອງ​ພິທີ​ຍັງ​ໄດ້​ຮັບ​ຟັງ​ຄຳ​ໂອ້​ລົມ​ຈາກ​ປະທານ​ທ່ານ ຄຳ​ນາມ ພິມ​ມະ​ສອນ ຄະນະປະຈຳຮອງ​ເລຂາ​ພັກ​ເມືອງຫົວໜ້າ​ຄະນະ​ຈັດ​ຕັ້ງ​ເມືອງ ​ແລະ ຍັງ​ໄດ້​ໃຫ້ກຽດ​ມອບ​ໃບ​ຢັ້ງຢືນ​ໃຫ້​ແກ່​ນັກສຶກສາ​ທີ່​​ເຮັດ​ສຳ​ເລັດການ​ສຶກສາ​ໃນ​ໄລຍະ​ໜຶ່ງ.