ໄດອາຣີ່ຂອງ ...@landone@... - ພັນລາວ.ຄອມ

ຍ່ອນຫຼັງບານໂລກ 2006

ຂຽນເມື່ອ: ມິ.ຖ.. 28, 2010 | ມີ 2 ຄຳເຫັນ ແລະ 0 trackback(s)

ໜວດໝູ່: ຄວາມຮູ້ທົ່ວໄປ

ສະຫລຸບລາງວັນປະຈຳການແຂ່ງຂັນບານໂລກ 11/07/2006

ລາຍການລາງວັນ

ທີມຊາດ ແຊ້ມໂລກ ອີຕາລີ

ນັກເຕະຟຸດບອນຍອດຢ້ຽມ ຊີເນີດີນ ຊີດານ ຝຣັ່ງ

ເກີບທອງຄຳ ມິໂຣສລາຟ ໂຄຣເຊ່ ເຢຍລະມັນ

ດາວລຸ່ງຍອດຢ້ຽມ ລຸຄັສ ໂພດອລສກິ້ ເຢຍລະມັນ

ຜູ້ຮັກສາປະຕູດີເດັ່ນ ຈີອັນຫລຸຍຈິ ບຸຟຟ່ອນ ອີຕາລີ

ແຟຣ໌ເພລຍ໌ ທີມຊາດສະເປນ ແລະ ບຣາຊິລ

ທີມທີ່ຫລິ້ນຕື່ນເຕັ້ນທີ່ສຸດ ໂປຣຕຸເກສ

ທີມຍອດຢ້ຽມຟຸດບອນໂລກ 2006

ຜູ້ຮັກສາປະຕູ: ຈານຫລຸຍຈິ ບຸຟຟ່ອນ (ອີຕາລີ), ເຍນສ໌ ເລຫ໌ມັນນ໌ (ເຢຍລະມັນ), ຣິຄາຣ໌ໂດ້ (ໂປຣຕຸເກດ)

ກອງຫລັງ: ໂຣແບຣຼໂຕ້ ຢາລ່າ (ອາເຈນຕີນາ), ຈອນ ເທີຣີ (ອັງກິດ), ລີລີຢອງ ຕຸຣາມ (ຝຣັ່ງ), ຟີລິປປ໌ ລາມ (ເຢຍລະມັນ), ຟາບິ ໂອຄັນນາວາໂດ (ອີຕາລີ), ຈານລູກາ ຊັມບຣ໋ອກຕ້າ (ອີຕາລີ), ຣິຄາໂດ້ ຄານວັນໂຢ່ (ໂປຣຕູເກດ), ມານິເຊ່ ຣິເບໂຣ່ (ໂປຣຕູເກດ).

ກອງໜ້າ: ເທີນັນ ເຄຣສໂປ (ອາເຈນຕີນາ), ເທຍຣີ ອ໋ອງຣີ (ຝຣັ່ງ), ມີໂຣສລາຟ ໂຄຣເຊ່ (ເຢຍລະມັນ), ລຸກ້າ ໂທນີ່ (ອີຕາລີ)

ລາງວັນລູກບານທອງຄຳຟີຟ່າ

1982 ເປົາໂລ ຣອສຊີ່ (ອິຕາລາ)

1986 ດີເອໂກ້ ມາຣາໂດນ່າ (ອາຣ໌ເຈນຕິນ່າ)

1990 ຊັລວາຕໍເຣ່ ສະກິລລາຊີ່ (ອິຕາລີ)

1994 ໂຣມາຣິໂອ (ບຣາຊິລ)

1998 ໂຣນັລໂດ້ (ບຣາຊິລ)

2006 ຊິເນີຣ໌ດີນ ຊີດານ (ຝລັ່ງເສດ)

ຍ່ອນຫຼັງບານໂລກ 2006

ຂຽນເມື່ອ: ມິ.ຖ.. 27, 2010 | ມີ 2 ຄຳເຫັນ ແລະ 0 trackback(s)

ໜວດໝູ່: ຄວາມຮູ້ທົ່ວໄປ

ສະຫລຸບລາງວັນປະຈຳການແຂ່ງຂັນບານໂລກ11/07/2006 ລາຍການລາງວັນ ທີມຊາດແຊ້ມໂລກ ອີຕາລີນັກເຕະຟຸດບອນຍອດຢ້ຽມ ຊີເນີດີນ ຊີດານ ຝຣັ່ງເກີບທອງຄຳ ມິໂຣສລາຟ ໂຄຣເຊ່ ເຢຍລະມັນດາວລຸ່ງຍອດຢ້ຽມ ລຸຄັສ ໂພດອລສກິ້ ເຢຍລະມັນຜູ້ຮັກສາປະຕູດີເດັ່ນ ຈີອັນຫລຸຍຈິ ບຸຟຟ່ອນ ອີຕາລີແຟຣ໌ເພລຍ໌ ທີມຊາດສະເປນ ແລະ ບຣາຊິລທີມທີ່ຫລິ້ນຕື່ນເຕັ້ນທີ່ສຸດ ໂປຣຕຸເກສທີມຍອດຢ້ຽມຟຸດບອນໂລກ 2006ຜູ້ຮັກສາປະຕູ: ຈານຫລຸຍຈິ ບຸຟຟ່ອນ (ອີຕາລີ), ເຍນສ໌ ເລຫ໌ມັນນ໌ (ເຢຍລະມັນ), ຣິຄາຣ໌ໂດ້ (ໂປຣຕຸເກດ)ກອງຫລັງ: ໂຣແບຣຼໂຕ້ ຢາລ່າ (ອາເຈນຕີນາ), ຈອນ ເທີຣີ (ອັງກິດ), ລີລີຢອງ ຕຸຣາມ (ຝຣັ່ງ), ຟີລິປປ໌ ລາມ (ເຢຍລະມັນ), ຟາບິ ໂອຄັນນາວາໂດ (ອີຕາລີ), ຈານລູກາ ຊັມບຣ໋ອກຕ້າ (ອີຕາລີ), ຣິຄາໂດ້ ຄານວັນໂຢ່ (ໂປຣຕູເກດ), ມານິເຊ່ ຣິເບໂຣ່ (ໂປຣຕູເກດ).ກອງໜ້າ: ເທີນັນ ເຄຣສໂປ (ອາເຈນຕີນາ), ເທຍຣີ ອ໋ອງຣີ (ຝຣັ່ງ), ມີໂຣສລາຟ ໂຄຣເຊ່ (ເຢຍລະມັນ), ລຸກ້າ ໂທນີ່ (ອີຕາລີ)ລາງວັນລູກບານທອງຄຳຟີຟ່າ1982 ເປົາໂລ ຣອສຊີ່ (ອິຕາລາ)1986 ດີເອໂກ້ ມາຣາໂດນ່າ (ອາຣ໌ເຈນຕິນ່າ)1990 ຊັລວາຕໍເຣ່ ສະກິລລາຊີ່ (ອິຕາລີ)1994 ໂຣມາຣິໂອ (ບຣາຊິລ)1998 ໂຣນັລໂດ້ (ບຣາຊິລ)2006 ຊິເນີຣ໌ດີນ ຊີດານ (ຝລັ່ງເສດ)

ປູກປ່າເພື່ອອານາຄົດ

ຂຽນເມື່ອ: ມິ.ຖ.. 1, 2010 | ມີ 9 ຄຳເຫັນ ແລະ 0 trackback(s)

ໜວດໝູ່: ກາບກອນ

ສາຍນ້ຳໂຕນຕາດກ້ອງ ເຟືອນຟາດຟອງກະແສ

ເປັງແປວໄຫຼລົງເຊ ຫ້ວຍຂອງຍາວກ້ວາງ

ອັ່ງປາ,ປູ,ຫ້ອຍ,ກຸ້ງ ຄົນກີນຕັກອາບ

ເຮືອລ່ອງລອຍແລ່ນເຂົ້າ ໄມ້ຂຽວງາມຢູ່ເລື່ອຍ ເພາະມີນ້ຳຄູ່ຄຽງ...

ດັ່ງນັ້ນ ຄົນ, ປ່າແລະນ້ຳ ອາໄສເຜີ່ງພາກັນ

ເປັນຕຳນານຊີວິດ ແຍກກັນບໍ່ມີໄດ້

ໝົດປ່າຄືໝົດນ້ຳ ຄົນໝົດຊີວິດຢູ່

ປູກປ່າຄືຂອດແກ້ ບໍມີຖີ່ມສີ່ງດີ

ວັນນີ້ ວັນປູກໄມ້ ທີ່1ມິຖຸນາ

ຄຽງຄູ່ຮຽງວັນເດັກ ໜໍ່ແໜງເມືອງບ້ານ

ເຮົາຄວນພາກັນສ້າງ ຂະຫຍາຍການປູກປ່າ

ພໍເມື່ອພາຍພາກໜ້າ ຈະມີຊົ້ນຮົ່ມເງົາ

ວັນນີ້ ໃສສ່ອງແຈ້ງ ບຸນໃຫຍ່ສອງປາງ

ຮຽມເຜີ່ງພໍໃຈໝາຍ ມອບພອນປະສົງຕ້ອນ

ຂໍໃຫ້ເດັກລາວກ້າວ ສີວິໄລເຮືອງຮຸ້ງ

ຂໍໃຫ້ລາວອັ່ງໄມ້ ອານາຄົດຂ້າງໜ້າຈະເລີນເລື່ອຍຕື່ມທະວີ ເຖີດໜາ..

(ມອບແດ່ ວັນປູກຕົ້ນໄມ້ ແລະວັນເດັກນ້ອຍ)

ຄ່າຄົນກັບສະຕາຄູ

ຂຽນເມື່ອ: ພ.ພ.. 27, 2010 | ມີ 13 ຄຳເຫັນ ແລະ 0 trackback(s)

ໜວດໝູ່: ກາບກອນ

ເຫັນອ້າຍຕ່ຳຂໍ້ຫຼໍ້ ເສັ່ນບໍ່ໃຫຍ່ສາຍຄໍຄຳ ນາງເອີ່ຍ...

ກາຣະວັດສວມໃສ່ແວ໊ດ ເສື້ອຊຸດງາມບໍ່ເຄີຍພໍ້

ບໍ່ມີລົດວິໂກໂກ້ ເຮື່ອຫຼັງງາມຕຶກສູງໃຫຍ່

ໜ້າທີ່ຕ່ຳແໜ່ງຂັ້ນ ບໍ່ສູງຊັ້ນຍົດສູງ

ໂຮງແຮມ4-5ຊັ້ນ ເລີດເດັ່ນລາຄາຫຼູ

ໝູສະຫຼາມຈານເດັ່ດ ລົດດີລາຄາລ້ານ

ອາຫານທະເລຫ້ອຍກຸ້ງ ປາອີຮືລົດຊາດແຊບ

ອ້າຍກີນແຕ່ປົ່ນຂຽດໂມ້ ບໍ່ເຄີຍພໍ້ສີ່ງດີ

ໜ້າທີ່ຕ່ຳແໜ່ງອ້າຍ ໜ້າທີ່ອຶດຄູສອນ

ເອີ້ນວ່າຄູຊົນບົດ ເຂດບໍ່ມີໄຟຟ້າ

ອາໃສແສງກະຕຽງໄຕ້ ກຽມບົດສອນໄວ້ມື້ອື່ນ

ຕື່ນຂື້ນມາຫຸບຫອບປື້ມ ໄປສອນນ້ອງໝູ່ນັກຮຽນ

ສົ້ງເສື້ອຝືນເກົ່າເປື້ອນ ສົ່ງກີ່ນໝອງເໝັນ

ກີ່ນນ້ຳຫອມລາຄາດີ ອ້າຍບໍ່ມີເງິນຊື້

ແມ່ນແມ່ນແຕ່ເງິນເດືອນອ້າຍ ສາມເດືອນບໍ່ທັນເບີກ

ເພື່ອໜ້າທີ່ຊາດມອບໃຫ້ ອ້າຍທົນໄດ້ບໍເລືອນໃຈ

ສາວຈີ່ງເມີນເບື່ອໜ້າ ອ້າຍຍີ໊ມໃສ່ບໍ່ມອງມາ

ບໍ່ເບີ່ງຊາຍໃນສາຍຕາ ກຽດຄ່າຄູເປັນຄົນດ້ອຍ

ເຫັນບ່າວວຽງຈັນໂກ້ ຂີ່ວິໂກໜ້າຕາຫຼໍ້

ສະອິກສະອ້ອຍຍີ້ມຍື່ນໃຫ້ ສາຍຕານອ້ງຈ້ອງປະສານ

ບ່າວຄູຜູ້ຝ່າຍແຜ້ ໄດ້ແຕ່ນັ່ງມືນເມົາ

ຜູ້ປອບໃຈເວລາເຫງົາ ໝູ່ນັກຮຽນ ແລະ ຊາວບ້ານ

ສໍຂາວກະດານດຳພ້ອມ ເປັນເພື່ອນໃຈບໍ່ໂລຫ່າງ

ເຕື່ອນໂຕເອງຕອກຢ້ຳ ບໍ່ຂໍຊ້ຳເລື່ອງຜູ້ຍີງ........

ຄຳເວົ້າ - ຄຳຈາ.....ພາໃຫ້ມີສະເໜ່....

ຂຽນເມື່ອ: ພ.ພ.. 19, 2010 | ມີ 12 ຄຳເຫັນ ແລະ 0 trackback(s)

ໜວດໝູ່: ຄວາມຮູ້ທົ່ວໄປ

ຄຳເວົ້າ-ຄຳຈາ... ພາໃຫ້ມີສະເໜ່

ຄຳເວົ້າ-ຄຳຈາ ຄືອາພອນຜືນງາມ ທີ່ປະດັບເອ້ໃຫ້ຄົນເຮົາມີສະເໜ່ ເບິ່ງແລ້ວສະຫງ່າລາສີ ດຣ. ທອງຄຳ ອ່ອນມະນີສອນ ໄດ້ຂຽນວ່າ: ຄຳທີ່ເວົ້າອອກມາເປັນຄຳໆ ຈະແມ່ນຄຳຫຍາບ ຄຳລະອຽດ ຄຳສົ້ມ ຄຳເຄັມ ຄຳຄົມ ຄຳຂົມ ແລະ ຄຳມ່ວນ.. ແມ່ນການສະແດງອອກທາງວັດທະນະທຳທີ່ດີງາມ ແລະ ມີຄຸນຄ່າ ພໍ່ເຮືອນແມ່ເຮືອນບາງຄົນ ເມື່ອເວົ້າຢູ່ຫ້ອງການ ຫຼື ພົບປະສັງຄົມ ຄືຈັ່ງວ່າເປັນຕານັບຖື ເວລາເວົ້າຈາພາທີ ມີຄວາມນອບນ້ອມ ອ່ອນຫວານ ລະມັດລະວັງ ໃຫ້ກຽດຄົນອ້ອມ ຂ້າງ ແຕ່ເວລາເວົ້າກັບລູກກັບເມຍ ຫຼື ຜົວ ພັດບໍ່ມີຄວາມເກງອົກເກງໃຈ ເວົ້າຈົກໆ ເຈັກໆ ກະແທກແດກດັນ ປານວ່ານ ລູກ-ເມຍ ຫຼື ຜົວ ບໍ່ມີຫົວໃຈ.

ບູຮານວ່າ "ຄຳເວົ້າຂອງແມ່ອອກຈາກຫົວ ຄຳເວົ້າຂອງຜົວອອກຈາກໃຈ" ໝາຍຄວາມວ່າແນວໃດ? ໝາຍຄວາມວ່າ ຄຳເວົ້າ ທີ່ເວົ້ານຳລູກນຳເຕົ້ານັ້ນ ຕ້ອງເວົ້າຜ່ານຫົວສະໝອງ ເປັນຄຳເວົ້າທີ່ມີການຮິ່ນຕອງ ຄິດຫງຳລະອຽດຫຼາຍຫຼົບຫຼາຍຕ່າວ ບໍ່ແມ່ນວ່າ ຕົນເອງເປັນພໍ່-ເປັນແມ່ຢາກເວົ້າຫຍັງກໍໄດ້ ຫຼື ເວົ້າແນວໃດກໍຈະຖືກໝົດ ເວົ້າອອກໄປແລ້ວ ຕ້ອງໃຫ້ລູກສາມາດ ນຳເອົາໄປໃຊ້ເປັນປະໂຫຍດໃນຊີວິດ ສຳລັບຄຳເວົ້າທີ່ໃຊ້ເວົ້າກັບເມຍ ຫຼື ຜົວ ຕ້ອງເຕັມໄປດ້ວຍຄວາມຮັກ ຄວາມຫ່ວງໄຍ ໃສ່ໃຈ ແລະ ຖະນຸຖະໜອມນ້ຳໃຈອີ່ຫຼີ ເປັນຄຳເວົ້າທີ່ຟັງແລ້ວເກີດມີກຳລັງໃຈ ສ່ວນຄຳເວົ້າຂອງລູກກໍຕ້ອງມີສຳມາຄາລະວະ ກະຕັນຍູຕໍ່ພໍ່-ແມ່ ແນວໃດກໍດີ ຢາກໃຫ້ຜົວເວົ້າມ່ວນ ເມຍເວົ້າດີ ແລະ ມີລູກເວົ້າຫວານ ມັກກໍຕ້ອງໄດ້ຊ່ວຍກັນ ພ້ອມກັນ ສ້າງ ແລະ ເຝິກໃຫ້ເປັນຄວາມຊິນເຄີຍ ສຸພາສິດລາວສອນວ່າ: "ໃຫ້ເຈົ້າໃສສະເໝີແກ້ວ ຄືແຫວນແພງວົງປະເສີດ ຄິດໃຫ້ດີ ຖີ່ຖ້ວນສາແລ້ວຈຶ່ງຄ່ອຍຈາ".

ຄຳເວົ້າປະເພດຄຳເຄັມ ເປັນຄຳທີ່ບໍ່ມ່ວນຫູ ສ່ວນຄຳທີ່ມ່ວນຫູ ແມ່ນຄຳທີ່ງາມ, ຄຳທີ່ງາມ ແມ່ນຄຳທີ່ບ່າວສາວລົມກັນ ຕອນກຳລັງມີຄວາມຮັກ "ປານຈະກືນກິນ" ຖ້າຜົວ-ເມຍຄູ່ໃດຢາກຮູ້ວ່າ ເວົ້າກັນແນວໃດມັນຈຶ່ງຈະກິນໄດ້ ກໍລອງປະຕິບັດ ກັບເມຍ ຫຼື ຜົວ ແລະ ລູກ ຄືກັບຄົນທີ່ຕົນຮັກສຸດຫົວໃຈ... ແລ້ວຈະຮູ້ວ່າ ຄວາມຜາສຸກໃນຊີວິດຄອບຄົວນັ້ນ ບໍ່ຕ້ອງແລ່ນ ໄປຊອກຫາຢູ່ໄກໃຫ້ເສຍເວລາ ແລະ ເປືອງເງິນຄຳແຕ່ຢ່າງໃດ.

ການຂຶ້ນຕົ້ນ ແລະ ມ້ວນທ້າຍຄຳເວົ້າ ແມ່ນຈຸດສຳຄັນທີ່ສຸດຂອງການເລີ່ມສົນທະນາທີ່ມີຊີວິດຊີວາ ດູດດື່ມ ແລະ ກິນໃຈ ໃນຊີວິດຮັກຂອງພວກເຮົາ ເວລາພໍ້ໜ້າ ຫຼື ຫ່າງໄກກັນ ເຄີຍໄດ້ຍິນຄຳວ່າ "ທີ່ຮັກ ກິນເຂົ້າແລ້ວບໍ?" ຄິດຮອດເດ ຢາກເຫັນ ໜ້າຈົນໃຈຊິຂາດ... ໂອຍ ຈັ່ງແມ່ນຫວານອີ່ຫຼີ ແຕ່ບາດໄດ້ຈູງມື ຫຼື ເຫັນຂາແປ້ວ ແລ້ວມີລູກນ້ອຍ ຄຳດີໆມ່ວນເຫຼົ່ານີ້ ກໍຄ່ອຍໆ ຖືກຫຼົງລືມ ເກີດມີຄຳໃໝ່ມາແທນ (ຂໍອະໄພ) ເຊັ່ນ: ອີ່ຮ່າ ບັກຫຸງ ລູກອີ່ນັ້ນ ລູກບັກອັນນີ້ ? ຊອກກິນເອງ ຢູ່ຕູ້ເຢັນຫັ້ນ ບໍ່ເຄີຍມີແມ່ເບາະ ? ນັ່ງເຝົ້າກັນມັນຊິໄດ້ກິນຫັຍງ ? ສາລະພັດແຕ່ແນວບໍ່ດີທີ່ສັນຫາມາເວົ້າໃຫ້ກັນ.

ຄວາມໂມໂຫໂທໂສ ຫຼື ການບໍ່ຮູ້ຈັກອະໄພ ເຮັດໃຫ້ຄວາມສາມາດຄຸມສະຕິຕົນເອງມີໜ້ອຍ ແລ້ວພາໃຫ້ຄົນເຮົາເວົ້າບໍ່ເປັນຕາ ຟັງ ບໍ່ໜ້າຮັກ ແລະ ບໍ່ມີເຫດຜົນ ການເວົ້າໂດຍຂາດເຫດຜົນ ຄືຄຳເວົ້າທີ່ບໍ່ໄດ້ອອກຈາກ "ຫົວ" ແລະ ບໍ່ຜ່ານ "ໃຈ" ພາໃຫ້ ຄຳເວົ້າຂາດຄວາມສວຍງາມ ສຸດທ້າຍກໍສື່ສານຜິດພາດ ແລະ ເຂົ້າໃຈກັນບໍ່ໄດ້ ເຖົ້າແກ່ສອນວ່າ: "ຄັນຊິຮ້າຍໃຫ້ເຈົ້ານັບ ຮອດສິບ".

ໃນຊີວິດປະຈຳວັນ ຍັງມີຄຳເວົ້າປະເພດໜື່ງ ຊຶ່ງຄູ່ຜົວເມຍບໍ່ຄວນຈະຖືຊາຫາຄວາມກັນ ຫຼື ໃຊ້ຄວາມລະມັດລະວັງຕື່ມອີກ ນັ້ນກໍຄືຄຳເວົ້າຂອງຄົນ "ເມົາ" ແລະ ຄົນທີ່ຮູ້ເທົ່າບໍ່ເຖິງການ ຄຳວ່າເມົາໃນທີ່ນີ້ມີຫຼາຍເມົາ ເຊັ່ນ: ເມົາວຽກ ເມົາງານ ເມົາເງິນ ເມົາຮັກ... ເພາະຄົນເມົາ ມັກເວົ້າຄວາມຈິງອອກມາບໍ່ໝົດ ທັງອາລົມກໍບູດງ່າຍ ການບໍ່ຖືຊາ ບໍ່ໄດ້ໝາຍຄວາມວ່າ ໃຫ້ເຫັນພ້ອມ ຫຼື ບໍ່ເອົາຄວາມຜິດ ແຕ່ຢາກໃຫ້ຄິດຮອບຄອບ ຊັ່ງຊາເຖິງຜົນໄດ້ຜົນເສຍ ກໍຄືສິ່ງທີ່ຈະຕາມມາ ໃຊ້ຄວາມດີ ປ່ຽນແປງຄວາມຊົ່ວ ເອົາຄວາມອົດທົນໃຈເຢັນ ຊະນະຄວາມເມີນເສີຍເລືອດຮ້ອນ ເມື່ອເຊົາເມົາແລ້ວ ຈຶ່ງຫັນໜ້າມາເວົ້າຈາ ກັນ ບໍ່ຄວນດ່າສຽດສີ ຫຼື ຖຽງເພື່ອເອົາຊະນະກັນ.

ຢາກຍິນຄຳມ່ວນໆຈາກຄົນອ້ອມຂ້າງ ເຮົາກໍຕ້ອງເວົ້າມ່ວນໆກັບຄົນອື່ນແດ່ ເພາະຄຳເວົ້າມັນເປັນຄາລົມຫວານໆ ທີ່ຄົມ ຍິ່ງກວ່າມີດເປັນໝື່ນໆດວງ ເຮັດໃຫ້ຄົນຫົວໄດ້ໄຫ້ ຄົນຂີ້ຮ້າຍກາຍເປັນຄົນງາມ ນອກນັ້ນ ບາງຄັ້ງມັນກໍສາມາດກາຍເປັນ ຢາດີວິເສດ ທີ່ປິ່ນປົວຄົນພິການໃຈ ຫຼື ຄົນຕາຍທັງຢືນ ໃຫ້ຊ່ວງເຊົາສົມຫວັງ ແລະ ສົດຊື່ນ...

(ໂດຍ: ລັນດອນ ສຸວັນນະເມທີ)

* ຂັດຈາກ: ໜັງສືພິມວຽງຈັນໃໝ່, ສະບັບວັນທີ 11-5-2010

“““ຈົດໝາຍຈາກບ້ານ”””

ຂຽນເມື່ອ: ພ.ພ.. 4, 2010 | ມີ 5 ຄຳເຫັນ ແລະ 0 trackback(s)

ໜວດໝູ່: ກາບກອນ

ລູກເອີ່ຍ ລູກຈາກບ້ານ ມາຮໍ່າຮຽນສຶກສາ

ຢູ່ສາທາວຽງທອງ ພໍ່ໝາຍປອງພຽງເຈົ້າ

ຄົນເຂົາຊ່າລືກ້ອງ ວ່າຄຳແພງລູກອີພໍ່

ຮຽນ ມຊ ແຫ່ງຊາດ ສະຫຼາດແທ້ບອກຂ່າວມາ

ດຽວນີ້ເງິນບໍ່ມີເຫຼືອແລ້ວ ແກ້ວແກ່ນມາເສຍໃຈ

ເງີນຄ່າເທີມນອນໃນ ຈ່າຍບໍ່ທັນເພາະໝົດກ້ຽງ

ສຽງຄູ່ຖາມນຳເວົ້າ ໃຫ້ເອົາມາຖອກຈ່າຍ

ແສນເສຍດາຍລູກຈ່າຍສ້ຽງ ໄປກີນລ້ຽງເພື່ອນມ່ວນເມົາ ຄັກນໍ........

ບັດນີ້ ພໍ່ໄດ້ຍີນຄຳເວົ້າ ຈົດໝາຍທາງອາກາດ

ມາຂະໜາດແທ້ນໍລູກ ບັກຊາຍຄ້ຳຈັ່ງແມ່ນຄູນ

ມັນສົມດຸນເຫຼືອຄຳເວົ້າ ນັກຮຽນເມົາຄົນເຂົາຊ່າ

ຕາມຮ້ານສາວໃຫ່ຍນ້ອຍ ເສື້ອຂາວສ້ອຍໃສ່ສວມ ໜ່າຍເດ່....

ມື້ນີ້ ພໍ່ຮັບຮູ້ ເລື່ອງຂ່າວທີ່ມີມາ

ມັນສະເທືອນຫົວໃຈ ຖ້າເປັນຈີງດັ່ງຄຳເວົ້າ

ຂໍໃຫ້ເຊົາສາລູກ ຄຳແພງລູກອີພໍ່

ເງິນຂາຍຄວາຍພໍ່ສົ່ງໃຫ້ ໃຫ້ແພງໄວ້ຄ່າຮຽນ ເດີລູກ...

ພໍ່ນີ້ ແມ່ນວ່າທຸກຍາກໄຮ້ ໝົ້ນຢູ່ຄືໜູ

ຢາກເຫັນຮູ້ສວຍງາມ ບາດລູກຢາມຄືນບ້ານ

ຄືນມາພາເຮົາສ້າງ ຕາມບົດຮຽນທີ່ເຄີຍຜ່ານ

ພີ້ນ້ອງເຮົາຢູ່ບ້ານ ຍັງຄອຍຖ້າລູກຊ່ວຍສອນ ໃດ ລູກເທວະດາຂອງແມ່ ເທວະດາຂອງແມ່......ໆ

( ຫ່ວງຫາທາງບ້ານ)

ຂຽນເມື່ອ: ມ.ສ.. 25, 2010 | ມີ 6 ຄຳເຫັນ ແລະ 0 trackback(s)

ໜວດໝູ່: ກາບກອນ

ວັນເວລາເຄື່ອນຍ້າຍ ການປ່ຽນລະດູການ

ຈາກວັນກາຍເປັນເດືອນ ເຄື່ອນເລີຍໄລຍ້າຍ

ຊາຍຜູ້ໄກໄລບ້ານ ນານວັນບໍໄດ້ຕ່າວ

ນ້ຳຕາໄຫຼຍ່າວຍ້ອຍ ຄະນິງຮອດບ້ານທຸກວັນເສົ້ານັ່ງຊືມ

ຄິດຄະນຶງພີ້ນ້ອງ ທ້ອງຖິ່ນດີນນາ ເດ່ນໍ

ທາງບິດາຂອງຮຽມ ຢູ່ດີບໍນໍເຈົ້າ

ນັບທັງມານດາເຄົ້າ ຍັງສະບາຍຫາຍຫ່ວງ

ຢູ່ເມືອງຫຼວງລູກຄິດຮອດແຕ່ເຈົ້າ ກີນເຂົ້າເກຶອບບໍລົງ ແທ້ໃດ

ຄິດຢາກກັບຕ່າວໂຄ້ງ ແຕ່ຍັງຫ່ວງການຮຽນ

ທຸກວັນພຽນຮຽນຫາ ຊອກວິຊາຄວາມຮູ້

ຟັງຄຳຄູສອນຊີ້ ແນວໃດດີເພີ່ນຊີ້ສັ່ງ

ຕັ້ງຄວາມຫັວງວາດໄວ້ ໃຫ້ສົມດ້າມດັ່ງທີ່ໝາຍ

ເຖິງວ່າກາຍລູກແກ້ວ ຊິໄກຫ່າງມານດາ

ແຕ່ວ່າໃຈຂອງຮຽມ ບໍ່ຫ່າງໄກພໍນ້ອຍ

ລູກຍັງຄອຍວັນສີ້ນ ການສຶກສາຊິໂຄ້ງຕ່າວ

ລູກຊິກັບຕ່າວໂຄ້ງ ຄືນບ້ານບ່ອນເດີມ

ແດ່ນັກຮຽນ

ຂຽນເມື່ອ: ມ.ສ.. 6, 2010 | ມີ 9 ຄຳເຫັນ ແລະ 0 trackback(s)

ໜວດໝູ່: ກາບກອນ

ມື້ນີ້ຄິດໄຄ່ແຕ້ມ ສໍານວວນວາດບົດກະວີ

ເປັນກອນວອນເຖິ່ງ ໝູ່ນັກຮຽນຊາວເຊື່ອ

ທີ່ກຳລັງທົນສູ້ ກາານສຶກສາແຕ່ລະແຫ່ງ

ແຂ່ງຂັນເດີພວກເຈົ້າ ເພື່ອເຖິ່ງເປົ້າຄາດໝາຍ

ດຽວນີ້ພັກຮຽກຮ້ອງ ນັ້ນແມ່ນໜຶ່ງແປດແຜນງານ

ເອີ່ນວ່າພັດທະນາການສຶກສາ ໃຫ້ດຸ່ງເດີນບໍ່ຢຸດຢັ້ງ

ເພື່ອນຳເອົາຄວວາມຮູ້ ແລະປີຊາແຂງແກ່ນ

ສ້າງສາເມືອງມິ່ງບ້ານ ສາທານີ້ຮຸ້ງຈະເລີນ

ປະເທດຊາດຮຽກເອີ່ນ ນ້ອຍໜຸ່ມເຍົາວະຊົນ

ອົດທົນພຽນສຶກສາ ສືບຕໍ່ໄປລີງເລື້ອຍ

ຢ່າໄດ້ເມົາເມືອຍຂ້ອງ ຫຼືເສເພເລາະທ່ຽວ

ຕັ້ງໃຈຄິດຄົ້ນຄ້ວາ ຫາຄວາມຮູ້ໃສ່ຕົນ

ຕາມທີ່ເຫັນພົບພໍ້ ເວົ້າສະເພາະບຸກຄົນ

ອອກເຮືອນໄປໂຮງຮຽນ ພັດເຈີດເລີຍໄປຫຼີ້ນ

ນັ່ງຊຸມແຊວເລີຍຈ້ອຍ ບໍ່ສົນໃຈຮຽນຮໍ່າ

ຍາມຄໍ່າກັບຕ່າວໂຄ້ງ ມາເຖິ່ງບ້ານພໍ່ແມ່ຊົມ...ດີໆໆໆໆໆໆໆໆໆໆໆໆໆໆໆ

ຄິດວ່າລູກອ່ອນຫຼ້າ ກັບມາຈາກໂຮງຮຽນ

ພໍ່ແມ່ພຽນທະນອມແພງ ດັ່ງໜ່ວຍຕາສອງກ້ຳ

ຫວັງເພິ່ງບຸດຕີນ້ອຍ ທັງບຸດຕາລູອີແມ່

ບາດຍາມເຖົ້າແກ່ແລ້ວ ພໍໄດ້ຊ້ວນຊ່ວຍຊຸ.....ຊັ້ນນາ

ຄວາມຫວັງສິ່ງເຫຼົ້ານັ້ນ ໝູ່ຄູ່ນັກຮຽນເຮົາ

ຈົງໃສ່ໃຈຕຶກຕອງ ເພື່ອຮໍ່າຮຽນໃຫ້ເດີນກ້າວ

ປະສາ...ຄວາມເມົາມົວຫຼີ້ນ ໝູ່ຄູ່ນັກຮຽນເຮົາ

ຕັ້ງໃຈຮຽນຄົ້ນຄ້ວາ ພາຍທ້າຍຫາກຮຸ້ງເຮື່ອງ.........ເພື່ອນເອີຍ

“ບ້ານເກີດທີ່ຮັກ”

ຂຽນເມື່ອ: ມ.ສ.. 4, 2010 | ມີ 3 ຄຳເຫັນ ແລະ 0 trackback(s)

ໜວດໝູ່: ກາບກອນ

ຍາມເມື່ອໄກຈາກບ້ານ ຈາກພວກເຜົ່າຜົງສາ

ຈາກບິດາຮຽມຮັກ ອີແມ່ຄຳຄົນລ້ຽງ

ຟັງສຽງຈາວານເວົ້າ ລູກເອີ່ຍລະວັງແດ່

ຍາມເມື່ອລູກຈາກບ້ານ ອາໄສຮູ້ເຜີ່ງຕົນ ໄດເດີ່...

ພໍ່ນີ້ບໍ່ໄດ້ໄກ້ ບໍ່ໄດ້ເບີ່ງແພງຮັກ

ໃຫ້ລູກສຶກສາເອົາ ເລື່ອງອັນດີແນວຮ້າຍ

ບ້ານນີ້ໝາຍພຽງເຈົ້າ ສຶກສາມາຮຽນໃຫ້ເກັ່ງ

ຫັວງວ່າໃຫ້ລູກແກ້ວ ມາສ້າງພັດທະນາ ລູກເອີ່ຍ...

ຄຳນັ້ນລູກຈື່ໄດ້ ດັງຢູ່ໃນສະໝອງ

ລູກປະຄອງຄວາມດີ ດັ່ງທີ່ຄຳສອນໄວ້

ລູກຂໍເອົາໃຈເຂົ້າ ໃນຄຳສອນບໍ່ເຫີນຫ່າງ

ຍ່າງຕາມທາງພໍ່ຂີດໄວ້ ບໍ່ຍອມຫຼ້ຽວຫຼີກໜີ ພໍ່ເອີ່ຍ..

ຕອນນີ້ຄິດຮອດບ້ານ ຢາກຈະອ່ວາຍຄືນກັບ ຫຼາຍເດ່

ແຕ່ໃຈຍັງຄາຄັດ ເສດຖະກິດກໍ່ພຽງນ້ອຍ

ໃຈບໍ່ຖອຍຍັງຖືໄວ້ ຄືຄຳພໍ່ແມ່ສັ່ງ ນັ້ັ້ນໜາ

ບ້ານເກີດມາໃຜບໍ່ຮູ້ ບຸນຄຸນນັ້ນຈື່ບໍ່ລືມ

ເຖິງແມ່ນວ່າລູກຈາກບ້ານ ໄປຢູ່ຮອ່ມແດນໃດ

ໄປເພື່ອສຶກສາຕົນ ຊອກຮ່ຳຮຽນເອົາຄວາມຮູ້

ບ້ານເກີດຄືຄູເຄົ້າ ສອນລູກມາຄືພໍ່ແມ່

ຍັງລຳແລຄິດຮອດແກ້ວ ແຖວບ້ານເກີດທີ່ຮັກຮຽມ ພຸ້ນໜາ..........

ສ.ລັນດອນ ກຸຫຼາບປາກຊັນ ຄິດຮອດບ້ານເຮົາເນາະ?

“ເພື່ອລູກຮ່ຳຮຽນ”

ຂຽນເມື່ອ: ມ.ສ.. 3, 2010 | ມີ 5 ຄຳເຫັນ ແລະ 0 trackback(s)

ໜວດໝູ່: ກາບກອນ

ປ້າຈັນຄົນຮ່ວມບ້ານ ກັບຜູ້ຊື່ຈຳປາບານ

ບ້ານນອກເມຄາເຂົາ ເຂດເມືອງໄກຜຸ້ນ

ຍັງມີບຸດຕີນ້ອຍ ແສງອາລຸນນາງນຳເກີດ

ກັບຜູ້ກົກຊື່ວ່າອ້າຍ ໄປຮຽນແລ້ວຮ່ວມກັນ

ຢູ່ວຽງວັງເວີນກ້ວາງ ນາມຊື່ ມ ຊ

ນີ້ລະນໍມັນຕຶບ ຕິບຕັນຊວງປ້າ

ບຶດອີນາງຫຼ້າ ແສງອາລຸນຂໍເງິນແດ່

ພ້ອມພ່ຳຍັງບັກອ້າຍ ເສຍໃຫ້ຄ່າເທີມ ກໍ່ບໍ່ມີ

ບຶດວ່າເງິນຄ່ານ້ຳ ຄ່າເຊົ່າເຮືອນເຂົາ ແມ່ເອີ່ຍ

ທັງຄ່າລົງທະບຽນເສັງ ຂ່າຍກີນກໍ່ປານນັ້ນ

ອີກຍັງນຳໄປຊື້ ຢຸກຢາທັງເຄື່ອງນູ່ງ

ບຶດອີນາງ...ຄາວບັກອ້າຍ ວ່າເງິນຊື້ເອກະສານ ວ່າໜ່າ...

ລາຍໄດ້ປ້າແຮ່ງນ້ອຍ ລາຍຈ່າຍພັດແຮ່ງສູງ

ບວກກັບເງິນເດືອນລູງ ສີ່ແສນກັບພັນເກົ້າ

ເອົາໂຮມກັນຫອມໄວ້ ຝາກໄປໃຫ້ລູກກ່ອນ

ເຮືອນນອນບໍ່ທັນແລ້ວ ກໍ່ຢຸດໄວ້ຊົ່ວຄາວ ກ່ອນນໍ......

ຫຼຽວເບີ່ງຮອບໆແລ້ວ ແນວນຸ່ງຫົ່ມບໍ່ຄືເຂົາ

ອັນວ່າຄຳເງີນທອງ ເຄື່ອງຂອງບໍ່ມີເອ້

ມີແຕ່ຕາກັບແຂ້ວ ແນວຈົນໃຈພໍຊິຂາດ

ໃຜບໍ່ພົບພາບພໍ້ ບໍ່ມີຮູ້ບ່ອນຄະນີງ ດອກໜ່າ...

ພຍງແຕ່ລູກນັ້ນໄດ້ ວິຊາຊີບຈົບມາ

ພໍ່ແມ່ພໍໃຈຈິດ ຊື້ນຊົມມະໂນແມ້ງ

ຂໍພຽງແພງຄຳຫຼ້າ ຢ່າເຮຮາເດີນທ່ຽວ

ນຳໃຊ້ເງີນຖືກຕ້ອງ ສະຫຼອງໃຫ້ຄ່າຮຽນ ນັ້ນເດີ່....ລູກເທວະດາເອີຍ.....

ສ.ລັນດອນ ກຸຫຼາບປາກຊັນ

( ຂອບໃຈ)

ສຽງຄວນຈາກດວງໃຈ

ຂຽນເມື່ອ: ມ.ສ.. 2, 2010 | ມີ 3 ຄຳເຫັນ ແລະ 0 trackback(s)

ໜວດໝູ່: ກາບກອນ

ກອນນີ້ຂຽນຈາກກ້ຳ ທາງຝ່າຍຊາຍຈົນ

ຂຽນຈາກຄົນໄກແດນ ຖິ່ນສະຖານເຄີຍຢັ້ງ

ລູກພະບາດທາງແຄ້ນ ແດນກຸຫຼາບທີ່ລືຊ່າ

ຝາກສົ່ງມາມອບໃຫ້ ທາງທ່ານຜູ້ມັກກອນ ນັ້ນແລ້ວ...

ເຖິງວ່າບໍ່ຄ້ອງແຄ້ວ ກອນບໍ່ມ່ວນນວນຫູ

ຊ່ວຍອິດູສົງສານ ອ່ານກອນໃຫ້ມັນແລ້ວ

ແນວວ່າປັນຍານ້ອຍ ຄົນຂຽນບໍ່ຄ່ອຍເກັ່ງ

ຂຽນ” ຕາມເພັງຄືເພີ່ນເວົ້າ ໃຫ້ຊຸມເຈົ້າຄ່ອຍອ່ານດູ

ຂໍອະໄຝເພີ່ນຜູ້ຮູ້ ປັນຍາມາກມີຫຼາຍ

ຂໍອະໄຝແຟນໆ ທີ່ອ່ານກອນໃນຕອນນີ້

ແນວໃດດີໃຫ້ເສີມສ້າງ ແນວບໍ່ງາມຕື່ມໃຫ້ແດ່

ຂໍແຕ່ຊຸມພວກເຈົ້າ ແປງໃຫ້ຊິຮັບເອົາ ທ່ານເອີ່ຍ...

ຮຽມບໍ່ເຄີຍແຕ່ງແຕ້ມ ແຖມສອດກະວີສອນ ດອກໜ່າ

ຮຽນຂຽນກອນຄົນດຽວ ອາດຊິຫຼົງລືມໄດ້

ເອົາໄວ້ໃນວັນໜ້າ ປັນຍາມີຊິມາໃໝ່

ຝາກຜົນງານນີ້ໄວ້ ທາງຂ້ອຍຊິຈາກຈອນ ກ່ອນແລ້ວ...

ຂໍອວຍພອນສົ່ງທ້າຍ ປີເກົ່າໄດ້ກາຍໜີ

ປີໃໝ່ວຽນມາເຖິງ ໃຫ້ຢູ່ດີສະຖຽນໝັ້ນ

ອາຍຸວັນທາພ້ອມ ໃຫ້ຍືນຍົງຍາວຍິ່ງ

ຄິດສີ່ງໃດຂໍໃຫ້ໄດ້ສົມມາດມຸ້ງ ປະສົງຕັ້ງຄູ່ຊູ້ແນວ ທ່ານເອີ່ຍ...

ສ. ລັນດອນ ກຸຫຼາບປາກຊັນ

ຄິດຮອດບ້ານ

ຂຽນເມື່ອ: ມ.ສ.. 2, 2010 | ມີ 8 ຄຳເຫັນ ແລະ 0 trackback(s)

ໜວດໝູ່: ກາບກອນ

ນັບແຕ່ໄກພາກບ້ານ ສະຖານຖິ່ນດິນດອນ

ບ່ອນພັກນອນອາໃສ ສັບຊ່າວນາເວີນກ້ວາງ

ບ່ອນເຄີຍໄຖຂຸດຄົ້ນ ບ່ອນເຄີຍດຳເກັບກ່ຽວ

ບ່ອນຂີ່ຄວາຍບັກຕູ້ ຫາກິນຫ້ຍາຢູ່ທົ່ງນາ

ແມ່ເອີຍ ນັບແຕ່ມື້ພາກບ້ານ ໄກຫ່າງເຮືອນຊານ

ສ່ວນຫົວໃຈຄະນີງຫາ ແຕ່ລະວັນບໍ່ມີເວັ້ນ

ມາຢູ່ເມືອງຫຼວງກ້ວາງ ຈະເລີນສີໃສສ່ອງ

ເຖີງຍາມແລງຄ່ຳຄ່ອ້ຍ ສຽງເພັງກ້ອງກ່ອມລະງົມ

ບໍ່ຄືຕອນຢູ່ບ້ານ ອາໃສເຜີ່ງຫຼັງຄາເຮືອນ

ຄ່ຳມາສຽງແມງອີ ຜ່ຳຈີ່ນາຍແຊວຮ້ອງ

ນົກແຂນແວນງອຍໄມ້ ເຊົ້າ, ແລງຮ້ອງສົ່ງ

ຝັງແລ້ວໃຈຊື່ນຊອ້ຍ ຫາຍຄວາມເສົ້າມ່ວນອຸລາ

ຕາມທົ່ງນາໃຫ່ຍກ້ວາງ ຝັງກົບຂຽດນັນອໍ

ນົກກົດປືດບີນວົນ ແສ່ວຫາກິນແມງໄມ້

ຝັງສຽງເລໃຈຮ້ອງ ສຽງທະນີຮ້ອງວ່ອນໆ

ຫາຄວາມສຸກໂລກນີ້ ເໜືອນັ້ນແມ່ນບໍ່ມີ ອີກແລ້ວ

ແຕ່ວ່າຮອດດຽວນີ້ ລູກໄດ້ຈາກລາໄລ

ໄກບິດາ, ມານດາ ເພື່ອສຶກສາຮຽນຮູ້

ຫັວງເພື່ອໄປພາຍໜ້າ ໃຫ້ຊີວາເຮືອງຮຸ່ງ

ປະກອບສ່ວນກໍ່ສ້າງ ເມືອງລາວນີ້ດຸ້ງຈະເລີນ

ຈັ່ງຊັ້ນ ດອກແກ່ນໃຫ້ ລູກຈິ່ງວາດກອນກະວີ

ຝາກສົ່ງລົງມາຫາ ຮອດແມ່ຮຽມທາງບ້ານ

ຫາກແມ່ຫວນເຫັນຮູ້ ບົດກະວີມາເຖິງຖີ່ນ

ຂໍບອກວ່າລູກນີ້ຄິດຮອດບ້ານ ພ້ອມຜູ້ບັງເກີດເກົ້າ ທຸກແລງເຊົ້າຢູ່ສະເໝີ ພໍ່ແມ່ເອີຍ.....

...@landone@...

ເບິ່ງທັງໝົດ

ອ່ານຄືນຫຼັງ

2010 (12)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.