ໄດອາຣີ່ຂອງ ກະຕ່າຍ ຕຶ່ນມາກຕູມ

ຂຽນເມື່ອ: ສ.ຫ.. 19, 2011 | ມີ 3 ຄຳເຫັນ ແລະ 0 trackback(s)

ປ້າສົ້ມລາວເປັນຄົນມັກລ່ຳລິລ່ຳໄລ ທຸກມື້ທີ່ຕື່ນຂຶ້ນມາແຕ່ເຊົ້າ ປ້າສົ້ມກໍ່ເປີດສາກຈົ່ມ(ກິດຈະວັດປະຈຳວັນ)ເປັນຕົ້ນກໍ່ແມ່ນເລື່ອງການດຳລົງຊີວິດການຊອກຢູ່ທຳກິນ

ເລື່ອງລູກເລື່ອງເຕົ້າບໍ່ຟັງຖ້ອຍຫ້ອຍຄວາມຂີ້ຄ້ານນອນຕື່ນສວາຍ ແລ້ວກໍ່ຕໍ່ໄປເລື້ອຍໆ ລາວຈົ່ມໄປບວກກັບອາລົມກະພອຍຂຶ້ນໄປຕາມເລື່ອງແລະແລ້ວຂະນະທີ່ປ້າສົ້ມລາວຈົ່ມເລື່ອງລູກນັ້ນກໍ່ໄດ້ລາມໄປກວມເອົາຮອດ ລຸງແກ້ວເຂົ້າໄປກັບລູກເລີຍ

ເມື່ອລູກແກ້ວໄດ້ຍິນຊື່ຕົວເອງໄປກ່ຽວນຳ ກະເລີຍຂີນຫູ

ລຸງແກ້ວ: ອາວ,,,,,,,,,ແມ່ມັນຄັນຈົ່ມໃຫ້ລູກກະຈົ່ມໃຫ້ແຕ່ລູກຕີ໋!!!!!!!ຄືມາລວມຂ້ອຍນຳ ຂ້ອຍແມ່ນຜົວໄດ໋ນີ້ ບໍ່ແມ່ນລູກ

ປ້າສົ້ມ: ຈັກແລ້ວ,,,,,,,,,,,ແມ່ນໃຜດູດນົມກູກະລູກກູໝົດຫັ້ນລະ

ສັດຕູຂອງມະນຸດ

ຂຽນເມື່ອ: ກ.ລ.. 27, 2011 | ມີ 6 ຄຳເຫັນ ແລະ 0 trackback(s)

ໜວດໝູ່: ທັມມະ

ຄວາມໂກດ
ຄວາມໂລບ
ຄວາມຫລົງ
ຄວາມອິດສາລິດສະຫຍາ
ການຍຶກໝັ້ນຖືຕົນ
ຄວາມອາຄາດພະຍາບາດ
ຄວາມຢ້ານກົວວິຕົກກັງວົນ

ສັດຕູທີ່ແທ້ຈິງຂອງເຮົາຄື ຄວາມໂກດ ຣາຄະ ຄວາມອິດສາ ຄວາມໂລບ ຄວາມຍິ່ງຍະໂສ ຄວາມຍຶດໝັ້ນ ຄວາມຢ້ານກົວ ແລະ ຄວາມວິຕົກກັງວົນ ສິ່ງເຫລົ່ານີ້ຖືກເກັບຢູ່ໃນຈິດໃຕ້ສຳນຶກຂອງເຮົາ ເຮົາຕ້ອງຮຽນຮູ້

ທີ່ຈະເອົາຊະນະມັນໃຫ້ໄດ້ ຢ່າປ່ອຍໃຫ້ມັນປະກົດໃນຈິດໃຕ້ສຳນຶກຂອງເຮົາໄດ້ ມັນບໍ່ມີປະໂຫຍດທີ່ຈະໄປເກັບກົດອາລົມຄວາມຮູ້ສຶກຂອງເຮົາ ກໍ່ຄືກັບໝາກປູມເປົ້າ ຖ້າເຮົາບີບປູມເປົ້າເຂົ້າ ມັນຈະມີແຮງດັນຂອງອາກາດຫລາຍຂຶ້ນ ຖ້າເຮົາຍິ່ງບີບເຂົ້າໆ ແຮງດັນກໍ່ເພີ່ມຂຶ້ນເລື້ອຍໆ ຖ້າຍິ່ງບີບ ແຮງດັນຈະເພີ່ມຂຶ້ນຈົນເຖິງຂີດສຸດທ້າຍ ແລ້ວມັນກໍ່ຈະແຕກ ໃນທຳນອງດຽວກັນ ຖ້າເຮົາເກຫບກົດອາລົມ ຂອງເຮົາໄວ້ ເຮົາຈະຮູ້ສຶກມີແຮງກົດດັນພາຍໃນຕົວເຮົາ ສົ່ງຜົນໃຫ້ເຮົາຄຽດຫລາຍຂຶ້ນໆ ຖ້າເຮົາຍັງເກັບກົດຕໍ່ໄປເລື້ອຍໆ ໃນທີ່ສຸດວັນໜຶ່ງມັນກໍ່ຈະລະເບີດອອກມາ

ຄຳຖາມກໍ່ຄືວ່າ ແລ້ວເຮົາຈະຄວບຄຸມອາລົມຂອງເຮົາໂດຍບໍ່ໃຫ້ມັນມາປະກົດໃນຈິດສຳນຶກຂອງເຮົາໄດ້ຢ່າງໃດ?

ຂໍໃຫ້ເຮົາເບິ່ງຈາກທຳມະຊາດເປັນຕົວຢ່າງ ລອງສັງເກດທັດສະນິຍະພາບກ່ອນທີ່ດວງຕາເວັນຈະຂຶ້ນ ທຸກສິ່ງທຸກຢ່າງເບິ່ງຄືວ່າມືດໄປໝົດ ແຕ່ເມື່ອດວງຕາເວັນຂຶ້ນ ຄວາມມືດກໍ່ຫາຍໄປ ຕາເວັນຕ້ອງຕໍ່ສູ້ກັບຄວາມມືດຫລືບໍ່? ບໍ່ເລີຍ ສິ່ງທີ່ດວງອາທິດເຮັດກໍ່ຄືລອຍສູງຂຶ້ນແລ້ວກະຈາຍແສງສະຫວ່າງໄປທົ່ວ ພຽງເທົ່ານີ້ຄວາມມືດກໍ່ຫາຍໄປ ທີ່ໃດມີແສງສະຫວ່າງ ຄວາມມືດຍ່ອມຢູ່ບ່ໄດ້

ເວລາ

ຂຽນເມື່ອ: ມິ.ຖ.. 29, 2011 | ມີ 8 ຄຳເຫັນ ແລະ 0 trackback(s)

ໜວດໝູ່: ຄວາມຮູ້ທົ່ວໄປ

ເວລາ

· ເຮົາຕ້ອງຂີ້ໜຽວເວລາ ຢ່າໃຊ້ເວລາຢ່າງໄຮ້ຄ່າ ແມ່ນແຕ່ວິນາທີດຽວ ເວລາທີ່່ເຮົາເສຍໄປນັ້ນໜ້າເສຍດາຍ ດັ່ງໜຶ່ງທອງຄຳທີ່ສູນເສຍໄປ ຢ່າປ່ອຍໃຫ້ວັນໆຜ່ານໄປໂດຍທີ່ເຮົາບໍ່ມີຄວາມຮູ້ ຫລື ຄຸນນະທຳເພີ່ມຫລາຍຂຶ້ນ

· ການເສຍເວລາຄືເສຍຊີວິດ ການຂ້າເວລາຄື ການຂ້າຕົວເອງ

· ເວລາເປັນສິ່ງມີຄ່າ ເມື່ອລ່ວງເລີຍໄປແລ້ວ ຍ່ອມຊື້ຄືນມາບໍ່ໄດ້

· ອະດີດຜ່ານໄປແລ້ວ ປັດຈຸບັນກຳລັງປະສໄບຢູ່ ອະນາຄົດຍັງມາບໍ່ເຖິງ ສະນັ້ນ ຢ່າເພິ່ງເອົາຫຍັງເປັນຂອງແນ່ນອນ

· ເວລາປຽບເໝືອນນາຍໝໍ ທີ່ຮັກສາຄວາມຮ້ອນຮົນກະວົນກະວາຍຂອງເຮົາໄດ້

· ໜຶ່ງນາທີທີ່ເສຍໄປ ເອົາໜຶ່ງຊົ່ວໂມງແລກກັບຄືນມາບໍ່ໄດ້

· ມື້ອື່ນນີ້ ບໍ່ເຄີຍມາເຖິງ

· ເວລາເປັນສິ່ງສົດຊື່ນ ສຳລັບຄົນສະຫລາດ ແລະ ຮູ້ຈັກໃຊ້ເວລາ

· ເວລາຍ່ອມເປັນຕຸລາການຊຳລະຜູ້ກະທຳຜິດ

· ເວລາຊະນະສັບພະສິ່ງ ເຮົາຕ້ອງເຄົາລົບເວລາ

· ເວລາມັ່ງມີຄົນເປັນາຍເງິນ ເວລາຍາກຈົນເງິນເປັນນາຍຄົນ

· ເວລາ ພາຊີວິດໄປສູ່ອະວະສານ, ເວລາ ຂ້າທຸກຄົນ, ເວລາ ຂ້າຄົນທຸກວັນ

· ເວລາ ເປັນສິ່ງທີ່ຖືກທີ່ສຸດໃນຊີວິດ ແຕ່ເປັນສິ່ງດຽວທີ່ເຮົາຊື້ບໍ່ໄດ້

· ວັນນີ້ຄື ວັນດີທີ່ສຸດຂອງທ່ານ

· ເວລາ ເປັນເພື່ອນເຕືອນສະຕິຢ່າງສະຫລາດທີ່ສຸດ

· ເຂັມໂມງຢຸດໄດ້ ແຕ່ເວລາບໍ່ຢຸດ

· ບໍ່ມີເວລາໃດດີເທົ່າເວລາປັດຈຸບັນ

· ເວລາທີ່ລ່ວງໄປແລ້ວ ຍ່ອມບໍ່ໄດ້ກັບຄືນມາ

· ວັນເວລາທີ່ທ່ານສາມາດເຮັດໜ້າທີ່ໄດ້ດີທີ່ສຸດນັ້ນແຫລະ ຄືວັນລືກດີຍາມດີທີ່ສຸດສຳລັບທ່ານ ຢ່າໄປດູມໍໃຫ້ເສຍເວລາ

· ຄຳເສຍໜຶ່ງນີ້ວຍັງພໍຫາໄດ້ ເວລາເສຍໜຶ່ງນີ້ວບໍ່ມີທາງຊິຫາໄດ້

· ຈັກກະພັດ ມີສົມບັດມະຫາສານ ແຕ່ກໍ່ບໍ່ສາມາດຊື້ເວລາໄດ້ພໍສ້ຽວວິນາທີ

· ງານບາຢ່າງຕ້ອງເຮັດກ່ອນເວລາ, ງານບາງຢ່າງຕ້ອງເຮັດລໍເວລາ, ງານບາງຢ່າງຕ້ອງເຮັດໃຫ້ພໍດີກັບເວລາ, ງານບາງຕ້ອງເຮັດເກີນເວລາ

· ບໍ່ເຄີຍສວາຍເກີນໄປທີ່ຈະແກ້ໄຂ ການຜັດວັນປະກັນມື້ ຄືການຂະໂມຍເວລາ

· ເວລາ ຍ່ອມບົ່ມເພາະທຸກສັບພະສິ່ງ ໃຜລະຈະສະຫລາດໄດ້ໂດຍພະລັນຕັ້ງແຕ່ເກີດ

ໜັງສືຄືຂຸມຊັບ

ຂຽນເມື່ອ: ມິ.ຖ.. 20, 2011 | ມີ 8 ຄຳເຫັນ ແລະ 0 trackback(s)

ໜວດໝູ່: ກາບກອນ

ໜັງສືດີ..............ມີມາກ.............ຫລາກຫລາຍເລື່ອງ

ອ່ານຕໍ່ເນື່ອງ......ໄປເຖີດ............ຈະເກີດຜົນ

ເກີດແນວຄິດ.....ກ້ວາງໄກ..........ບໍ່ອັບຈົນ(ປັນຍາ)

ຮູ້ເລື່ອງນັ້ນ........ເລື່ອງນີ້............ດີແທ້ເອີຍ

ຍາມເຍົາໄວ..............ບໍ່ເກັ່ງ..................ເລັ່ງອ່ານຂຽນ

ເປັນັກຮຽນ...............ພຽນຂະຫຍັນ.....ໝັ່ນສຶກສາ

ຫາກກຽດຄ້ານ........ຮຽນໜ້ອຍ...........ດ້ອຍວິຊາ

ພາຍພາກໜ້າ..........ຈະລຳບາກ..........ທຸກຍາກເອີຍ

ຄູ່ສ້າງ ຄູ່ສົມ

ຂຽນເມື່ອ: ມິ.ຖ.. 18, 2011 | ມີ 8 ຄຳເຫັນ ແລະ 0 trackback(s)

ໜວດໝູ່: ກາບກອນ

ຄົນເຮົາເມື່ອແຕ່ງງານ.............................ເມື່ອມີການຮ່ວມຊີວິດ

ຂໍໃຫ້ໃຊ້ຄວາມຄິດ.................................ເພື່ອຊີວິດທີ່ສົດໃສ

ຄວນຖືພຣະສັດທຳ................................ຊ່ວຍໜູນຳຄ້ຳກາຍໃຈ

ບໍ່ວ່າຢູ່ແຫ່ງໃດ.......................................ກໍ່ສຸກໃຈຖ້າມີທຳ

ຂໍ້ໜຶ່ງ”ຕ້ອງມີຮັກ”...................................ນີ້ຄືຫລັກແຮກຂອງກຳ

ຄວາມຮັກຈະຊີ້ນຳ..................................ໃຫ້ກະທຳແຕ່ກຳດີ

ຂໍ້ສອງ”ຕ້ອງເຂົ້າໃຈ”..............................ວ່າສິ່ງໃດຄືໜ້າທີ່

ສິ່ງໃດທີ່ບໍ່ດີ...........................................ຢ່າມິດມີ່ຮີບປຶກສາ

ຂໍ້ສາມ”ຕ້ອງອະໄພ”..............................ຢ່າພັກໄສລົງໂທດທັນ

ມີເລື່ອງເວົ້າຈາກັນ.................................ຢ່າຫຸນຫັນຕັດສິນໃຈ

ຂໍ້ສີ່”ຕ້ອງອົດທົນ”.................................ປັນຍາຊົນຕ້ອງທົນໄດ້

ຢ່າໄດ້ຂີ້ໃຈນ້ອຍ...................................ຕ້ອງສົນໃຈອະທິບາຍ

ຂໍ້ຫ້າ”ຕ້ອງຊື່ສັດ”..................................ຢ່າຫັດນອກໃຈກາຍ

ຄວາມຜິດຈະທຳລາຍ...........................ຮັກວອດວາຍເພາະນອກໃຈ

ຂໍ້ຫົກ”ຕ້ອງຂະຫຍັນ”...........................ຊ່ວຍສ້າງສັນຄວາມວິໄລ

ຊ່ວຍກັນຫາເງິນໄວ້..............................ເອົາໄວ້ໃຊ້ຍາມຍາກເຢັນ

ຂໍ້ເຈັດ”ຕ້ອງປະຫຍັດ”..........................ຍາມຕິດຂັດບໍ່ລຳເຄັນ

ໝົດເງິນເໝືອນມີເວນ..........................ຄວາມທຸກເຂັນມາໃກ້ກາຍ

ຂໍ້ແປດ”ຕ້ອງນັບຖື”.............................ຕ້ອງຮ່ວມມືຍາດທຸກຝ່າຍ

ຄວາມຮັກບໍ່ເສື່ອມຄາຍ........................ເພາະຮ່ວມກາຍຮ່ວມໃຈກັນ

ຂໍ້ເກົ້າ”ຕ້ອງທຳບຸນ”.............................ເພື່ອເພີ່ມພູນຄວາມຜູກພັນ

ຊີວິດຈະສຸກສັນ...................................ມີສຳພັນກັນຕໍ່ໄປ

ຊາດໜ້າກໍ່ມີສຸກ..................................ພົ້ນໂສກທຸກພົ້ນໂລກໄພ

ສົມຮັກສົມຣືໄທ..................................ສຸກສົມໃຈໄດ້ແຕ່ງງານ

ກະຕ່າຍ ຕຶ່ນມາກຕູມ

ເບິ່ງທັງໝົດ

ອ່ານຄືນຫຼັງ

2011 (5)
2010 (3)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.