ນົກກະແລບເຈົ້າ          ໄປຫາກິນໄກເຂດ

ນອກປະເທດຊາດເຊື້ອ          ບໍ່ກົວຢ້ານໝູ່ແຫຼວ

ແນວວ່າຄວາມຢາກຮູ້         ສັດສິງສັກກຸນາ

ຊົມມາລາແດນໄກ          ກິ່ນເກສອນວ່າຫອມລົນ

  ຄົນເຮົາກໍ່ເໝືອນເຊື່ອ          ສັດສາຊາດນາງນົກ

ປິກບໍ່ມີ          ພັດທ່ຽວບິນຮອບໂລກ

ເພື່ອຫາລ້ຽງ         ຊ່ວຍປະຊາ

ຊອກຫາໄປທາງໜ້າ         ຈົນກາຍຍາບໍ່ຮູ້ເມື່ອຍ

  ໄປຫາເງິນເພື່ອບັນເທົາ         ເອົາຊິວັງມອບໃຫ້

ບໍ່ເຫັນພໍ້          ບ່ອນສະຫວັນ  ເດນໍ

ຊ່າວ່າຊາວວ້ຽງຈັນແດນດ້າວ          ປະເທດລາວກໍ່ວ່າໜຶ່ງ

ຕົກຕະລືງ          ຂ້າມມະຫາສະໝຸດ

  ສຸດນະພາຂອບຟ້າ          ມາຫາຄ້າຕ່າງແດນ

ແບນແຕ່ມືມາຄ້າ          ຊິກັບເມືອຢ້ານເຂົາວ່າ

ມາແຕ່ອາເມລິກາ          ເງິນບໍ່ມີຮອດຮ້ອຍ

ບໍ່ຄ້ອຍໄດ້          ຄ່າເຄື່ອງບິນ  ດອກນາ

  ຍິນວ່າເງິນຄຳລົ້ນ         ຈົນຫຼົງໄຮ່ນາສວນ

ຊວນກັນມາຫາເງິນ         ພັດບໍ່ມີເງິນໄຊ້

ຕັດສິນໃຈອົດສູ້           ຫາເອົາເງິນເກີນເມື່ອຍ

ສອງສາມໂມງຕືນເລືອຍໆ        ຈິງພາພໍ້ຫໍ່ເງິນ

  ຍາມກາງຄຶນເຮັດວຽກ       ກາງເວັນມາພັດພັກຜ່ອນ  

ຮອດກາງເວັນ        ພັດບໍ່ເຫັນຕ່ອນຊຶ້ນ

ກິນແຕ່ເຂົ້າ        ກໍ່ບໍ່ເປັນດອກນາ

ເປັນຫຍັງນໍ         ບໍ່ຄຶນບ້ານແດນສະຫວັນ ບອ່ນເຮົາຢູ່

  ປະປ້າລູງ           ປະລູກຜົວປ່ອຍໃຫ້ລ້ຽງລູກຖ້າ

ແນມຫາໜ້າ         ແມ່ບໍ່ເຫັນ

ກິນແຕ່ປູຊູູຄ້ຳ         ໄດ້ເງິນພັດຊື້ຄຳ

ບໍ່ເຫັນຝາກ         ໃຫ້ຜົວແດ່

ເມຍພາກຜົວ         ຜົວຊິປະລູກນ້ອຍ

ໄປຫາຈ້ອຍ          ເອົາແຕ່ສາວ ນັ້ນນາ