ກອນອ່ານ ສໍາຜັສສຣະອອງ " ກອນສິບເອັດ "

ສາຣນີ້,  ຂຽນຈາກເຄ ຫາຫ້ອງ    ມີແຕ່ປ່ອງ ມຸງໃບຕອງ

ໃນກະດອງ ໃຈໝອງ     ມັນເບັ່ງພອງ ຄິດນໍານ້ອງ

ຢາກມາມອງ ມາຈ້ອງ    ນໍາສົມປອງ ຜູ້ເນື້ອຄ່ອງ

ເປັນໝຸດໝັດ ຄັດທ້ອງ    ບໍ່ເຫັນນ້ອງ ໄດ້ແຕ່ຄອງ

ຄືນຝົນນອງ ຟ້າຮ້ອງ     ໄຕ້ໄຟສ່ອງ ແສງກະບອງ

ຂົດກາຍ ເອົາໃບຕອງ    ມາຫໍ່ຮອງ ບາດລົມຕ້ອງ

ສຽງຫອງຫອງ ດັງກ້ອງ    ກ້ານໃບຕອງ ຈົນວ່າກ່ອງ

ໃຈແຫ່ງຄິດ ຮອດນ້ອງ    ໃຜຊິປ້ອງ ຊ່ວຍປອງ

ໃຈຢາກຢູ່ ໃກ້ນ້ອງ    ຮູບບໍ່ຄ່ອງ ກາຍກະໝອງ

ຢ້ານບໍ່ສົມ ຍູງທອງ      ຜູ້ເວີ່ນຫອງ ນະພາທ້ອງ

ໄດ້ແຕ່ຄອງ ຕາຈ້ອງ       ສອງຕາມອງ ລອດຕາມປ່ອງ

ຂຽນຈົດໝາຍ ມ່າຍນ້ອງ    ຝາກມາຫ້ອງ ຍັດໃສ່ຊອງ

ຢາກຂໍຝາກ ຮັກນ້ອງ    ຜູ້ຄິ້ວກ່ອງ ໄປຕຶກຕອງ

ຫາກຍິນດີ ຄຽງຄອງ    ຊິແຫ່ດອງ ໄປຂໍນ້ອງ

ຂຽນໃສ່ຊອງ ຄໍາຮ້ອງ    ໃຫ້ແກ້ວລອງ ໄປຄິດທ່ອງ

ຄັນບໍ່ຮັກ ບໍ່ວ່ານ້ອງ    ແຕ່ຂໍຮ້ອງ ໃຫ້ໄຕ່ຕອງ.ຯ