ກອນອ່ານ ສໍາຜັສສຣະໄອ-ອາຍ " ກອນສິບເອັດ "

ຈົດໝາຍອ້າຍ ສົ່ງໃຫ້    ນ້ອງໄດ້ຮັບ ຈັບມາໄຂ

ແສນດີໃຈ ເຫຼືອຫຼາຍ    ແທບບໍ່ມີ ຫຍັງຄ້າຍ

ປານເຫັນຊາຍ ມາຜ້າຍ    ຖາມສະບາຍ ສາຍຕາມ່າຍ

ຈັບຈົດໝາຍ ອ່ານໃຈ້    ກາຍສະທ້ານ ແລະສັ່ນສາຍ

ໃນຈົດໝາຍ ບອກໄວ້    ຢາກຂໍຮັກ ສມັກໃຈ

ຢາກມາຂໍ ຊາມວັຍ    ໄປຮ່ວມຮຽງ ວ່າຄຽງໃກ້

ມາຖາມໄປ ເປັນໄພ້    ຫົນທາງໄກ ບ້ານສະພ່າຍ

ທັງຢາກໄອ ຜ່ອງໄຫ້     ຄິດເຖິງອ້າຍ ຜ່ອງຢາກອາຍ

ໃຈນຶ່ງຢ້ານ ແມ່ຮ້າຍ    ບໍ່ທັນໃຫຍ່ ມາກະຫາຍ

ສັງຊິໄປ ມີຊາຍ    ຄູ່ໝັ້ນໝາຍ ພໍ່ຄົງຮ້າຍ

ບໍ່ທັນໃດ ໂຕນຄ້າຍ     ຢ້ານພີ່ຊາຍ ວ່າໃຈງ່າຍ

ໃຈນຶ່ງຊ້ໍາ ຢາກໄດ້    ໃຫ້ຄືຄ້າຍ ໝູ່ສະຫາຍ

ອຸກໃຈຫຼາຍ ເດອ້າຍ    ນັ່ງສັບສ່າຍ ບໍ່ມີໃຜ

ຢາກຊິິໄຂ ຄວາມນັຍ     ບອກພີ່ຊາຍ ອົດໃຈໄວ້

ຈົບມໍປາຍ ປີທ້າຍ    ຍັງບໍ່ສາຍ ຊິໃຫ້ກ່າຍ