ຖຽງນານ້ອຍ ຄອຍນາງ

ໂຄງຈິຕລະດາ "ກອນເຈັດ"

ສັນຍາຮັກ ຮ່ວມອ້າຍ..............ອອນຈາ

ປີກ່ອນຕອນ ສຶກສາ.........ສົ່ງຍູ້

ຮຽນຈົບຈຶ່ງ ມາຂໍ................ຂັນຍື່ນ

ອົຈແບກບືນ ສູ້ຊອກ................ຊ່ອຍຂຍັນ

ທົນທຸກຂ໌ພຽງ ເພື່ອນ້ອງ.........ນາງຮຽນ

ຮິບໂຮມເງິນ ງານຂຽນ........ຂາຍຊື້

ຄອຍຖນອມ ພຽຣແພງ.......ຮັບສົ່ງ

ແລງງາຍລົງ ມື້ເຊົ້າ............ບໍ່ເຊົາ

ທະນາຄານ ກາຣຄ້າ............ເຂົາຝັນ

ປະຣິນຍາ ບັນດິດ..................ເດັ່ນຫ້ອງ

ດີໃຈໄປ ງານສລອງ..................ໃບປະກາສ

ສາຍຕາພາດ ນ້ອງກ້ຽວ..........ກອດກັນ

ອອນຄຽງຊາຍ ໃໝ່ຊູ້............ຊົງຣວຍ

ມີຣົຖເກັງ ຄັນສວຍ.............ນັ່ງໜ້າ

ເຮົາໄດ້ແຕ່ ງວຍງົງ..........................ຫຼິງລ່ໍາ ອົກເອີຍ!

ແລຫຼຽວນໍາ ບ້າງ້ວງ..........ນັ່ງງົງ

ບໍ່ໂກທເຄືອງ ດອກແກ້ວ..ໄປດີ

ສົດຊື່ນສຸຂ ທະວີ.... ...........ເຖີດຫຼ້າ

ຍາມໃດເຂົາ ໜີນາງ........................ນ້ອງຕ່າວ ມາແຮ

ຖຽງນານ້ອຍຄອຍ ຖ້າເຈົ້າ......ຕ່າວຄືນ ຯ

ປະພັນທ໌ໂດຍ: ຂຽດຂາຄໍາ ທັມມະວົງສາ.