ພໍ່ ແລະ ແມ່

ຮ້ອຍກອງ "ກອນແປດ"

ພໍ່ນັ້ນຫຼື...ຄືພ້າວໂພ...ຕົ້ນໂຕໃຫຍ່

ແມ່ນັ້ນຄ້າຍ...ຄືໃບດົກ...ແຜ່ປົກຄຸມ

ລູກຄືດອກ...ອອກໝາກຍ້ອຍ...ຫ້ອຍທາງລຸ່ມ

ຕົ້ນ-ໃບ-ສຸມ...ຕຸ້ມຕ່ອມໝາກ...ພິທັກພັຍ

 ຖ້າແຫ້ງຕົ້ນ...ໃບຫຼົ່ນເຫຼືອງ...ເຄືອງຮອດດອກ

ໝາກບໍ່ຖອກ...ດອກບໍ່ພົ້ນ...ຫຼົ່ນທັງໃບ

ຖ້າຕົ້ນແຂງ...ແໜງໃບອອກ...ດອກຈໍ່ໃໝ່

ໝາກກໍໄດ້...ຫຼາຍພວງໂຢດ...ຣົສກໍຫວານ

 ຄວນຮັກສາ...ຫາພວນດິນ...ສີນເຄືອກ້ຽວ

ພາກັນຂ້ຽວ...ທຽວໃສ່ຝຸ່ນ...ຄູນດິນມັນ

ຮາກຊິແຂງ...ແຊງຊິດົກ....ຕົກລູກຫວ່ານ

ໃບກໍໝັ້ນ...ຄັນລູກເຕົ້າ...ເຈົ້າຟັງຄວາມ

ປະພັນທ໌ໂດຍ: ຂຽດຂາຄໍາ ທັມມະວົງສາ.