ເກົ້າເກເຜໄພ້-ທໍາລາຍຊັພຍ໌

" ກອນແປດ "

ອັນເກົ້າເກ  ເຜຫວຍ  ຫວັງຣວຍລັດ

ພາພິນາຈ  ຂັດສົນ  ຈົນບໍ່ເຫຼືອ

ທັງໄຮໂລ  ໂປໄພ້  ຄ້າຍຢາເບື່ອ

ພຍາຕຊໍາເຮື້ອ  ເມື່ອຕິດ  ເປັນພິດພັຍ

ຫຼາຍຄົນລົ້ມ  ຈົມພື້ນ  ຢ່າຝືນສ່ຽງ

ຫຼາຍຄົນກ້ຽງ  ພຽງລອງ  ຕ້ອງອະບາຍ

ເຫັນເຂົາຊວນ  ມວລປົງ  ຊົງຊິງ່າຍ

ຊວດຄິດໄດ້  ສວາຍຊໍ້າ  ຣະກໍາໂຕ

ບາງຄົນເສັຍ  ເມັຍຮັກ  ເພາະລັກຫຼິ້ນ

ບາງຄົນສິ້ນ  ຖິ່ນຖານ  ບ້ານCondo

ບາງຄົນໝົດ  ຣົຖຣາ  ເພາະຈ້າໂງ່

ບາງຄົນໂມ້  ໂຊຍ້ອນ  ປ່ອນ Pai Gow

ແມ່ຄ້າຂາຍ  ຫງາຍທ້ອງ  ຢາກລອງຣິທ

ສໍານຶກຜິດ  ຄິດໄດ້  ຕັດໃຈເຊົາ

ແຕ່ບາງຄົນ  ໂດນສາກ  ໜັກກວ່າເກົ່າ

ເສັຍມາເວົ້າ  ເຮົາໄດ້  ບໍ່ອາຍຜີ!

ພໍເສັຍຫຼາຍ  ລາຍຕາ  ຫາທາງແກ້

ຢືມໝູ່ແດ່  ແວ່ຢອດ  ຈອດພໍດີ

ຕົ້ນທົບສອກ  ດອກເບັ້ຍ  ເປັຍຫວຍຖີ່

ປົບເຈົ້າໜີ້  ໜີໜ້າ  ຄາຮູຄໍ

ໝົດຄວາມຫວັງ  ທາງທຽວ  ຫຼຽວພຸ້ນພີ້

ແອບລັກກີ້  ໜີ້ຈ່າຍ  ໃຊ້ບໍ່ພໍ

ກາຍເປັນໂຈຣ  ປົ້ນຈີ້  ຄະດີກໍ່

ໂກງຣັຖສໍ້  ບໍ່ຊ້າ  ເຂົ້າຕະລາງ

ຝາກຄໍາກອນ  ວອນມາ  ຢ່າແຕະຕ້ອງ

ເຖິງພີ່ນ້ອງ  ຜອງມິຕ  ຄິດຣະວັງ

ຄາສິໂນ  ໂຕເຫຕ  ເສັດປ່າງງ່າງ

ບໍ່ຢາກຮ້າງ  ຟັງຂ້ອຍ  ຊ່ອຍຕັກເຕືອນ.

ຂຽດຂາຄໍາ ທັມມະວົງສາ

ມັງກອນ 05​ 2011