ສັນຍາຮັກ ປາກຫ້ວຍຫຼວງ

ຈັງຫວະ ລໍາວົງ

ວັນເພັງຈໍາໄດ້................ໄປພຣະບາທ ໂພນສັນ

ຄວງຄູ່ແມ່ສາວ ບົວບານ..ນັ່ງຊົມຈັນທຣ໌ ໃສສ່ອງ

ນາງສັນຍາອ້າຍ.........ບໍ່ປ່ຽນໃຈ ເປັນສອງ

ຖ້າຫາກ ແມ່ນໍ້າຂອງ............ບໍ່ແຫ້ງດັ່ງຄອງ ເຫືອດຫາຍ

ສອງປີເຈົ້າຫ່າງ.............ໄປເປັນລູກຈ້າງ ອຸດຣ

ບໍ່ຮູ້ຮອດຂ່າວ ງາມງອນ....ຕັ້ງແຕ່ເຈົ້າຈຣ ຈາກໄກ

ມີໃຜຮູ້ບໍ່?...................ຫຼືຖືກຄໍາລໍ້ ລວງຊາຍ

ສົ່ງນ້ອງນາງ ໄປຂາຍ............ຢູ່ຊ້ອງເມືອງໄທຍ໌ ລອຍແພ

ບັ້ງໄຟພຣະຍານາຄ..........ພຸ້ງຈາກປາກ ຫ້ວຍຫຼວງ

ສອງມືປນົມ ແນບຊວງ.........ວອນພໍ່ນາຄຫຼວງ ຊ່ວຍແກ້

ຂໍແຟນລູກຊ້າງ................ຢ່າຖືກນາຍຈ້າງ ລັງແກ

ຊ່ວຍບົວບານ ຜາບແພ້.......ກັບຄືນຫາແມ່ ຂອງລາວ

ວັນເພັງຄືນນີ້................ທີ່ພຣະບາທ ໂພນສັນ

ໄດ້ແຕ່ຢືດຄໍ ມອງຈັນທຣ໌....ນັ່ງຫຼັບຕາຝັນ ໝ້ອງເກົ່າ

ບົວບານແຟນອ້າຍ...ຢູ່ຈັ່ງໃດ ນົງເຍົາວ໌

ຍິນສຽງເພງ ຮີບຟ້າວ..............ກັບຄືນບ້ານເຮົາ ເຖີດນາງ ຯ

 ປະພັນທ໌ໂດຍ: ຂຽດຂາຄໍາ ທັມມະວົງສາ.

ມັງກອນ 07 ​​2011