ເຄີຍຄູ່ຄຽງ ຂ້າງນວນ......ແນບເນື້ອ

ເຊີຍຊິດຈິຕ ຣັນຈວນ......ຈົນສວ່າງ

ກອດກ່ຽວນາງ ຫົ່ມເນື້ອ.............ເຝືອຝັ້ນ ໃຝ່ຖວິລ

ນາງຍັງຈາ ອິ່ນອ້ອຍ.......ອອຍສຽວ

ຮັກພີ່ຊຽງ ຊາຍດຽວ......ເລ່ຫ໌ລີ້ນ

ກົກກອດກ່າຍ ກົມກຽວ...ກິ້ງກ່ອມ

ຮັດຮ່າງຫອມ ຫອບດີ້ນ..................ດູດເຕົ້າ ຕື່ນກະສັນຕ໌

ຊຽງຊາຍຈໍາ ຈື່ໄດ້...........ເດືອນດັບ

ຕະລ່າງຄົວ ແຄງຄັບ....ຄົກຂັ້ນ

ສຽງຂຽດແຂ່ງ ຂັນຂັບ...ຄືນຄໍ່າ

ຝົນກະໜໍ່າ ເໜັ່ງຈັ້ນ................ເຈີ່ງນໍ້າ ຈົນນອງ

ຄືນນີ້ເດືອນ ເດັ່ນຈ້າ...........ຈັນທຣ໌ສາຍ

ມອງເມີ່ເມືອ ເມືອງໄກ.....ແຫ່ງຫ້ອງ

ສາວຫຼັບຢູ່ ຫຼືໃດ........ເດອຸ່ນ

ບາປຫຼືບຸນຍ໌ ພາກນ້ອງ...........ນາງຫຼ້າ ລັກໜີ

ຢູ່ດີເຍີ ຢ່າໄຫ້...............ໂຫຍຫາ

ພັດພາກໄກ ການດາ.....ຢ່າວ່່າລີ້

ພຣົມລິຂິຕ ວາສນາ....ນໍາສົ່ງ

ວັນນຶ່ງຄົງ ຕ່າວພີ້....................ພົບພໍ້ ຂໍຂມາ ຯ

ຂຽດຂາຄໍາ ທັມມະວົງສາ