ກາບ " ດິນແດນໄຊຍະ"

ໄຊຍະນີ້             ແມ່ນແຜ່ນດິນລາວ

ຮູບຮ່າງຍາວ         ແຕ່ເໜືອອເຖິງໃຕ້

ຢູ່ຝັ່ງຊ້າຍ             ຂອງແມ່ນ້ຳຂອງ

ເຊີນພີ່ນ້ອງ          ມາຢາມມາແວ່

ມີຕັ້ງແຕ່             10ເມືອງໂຮມຕອນ

ພູຜາຊ້ອນ           ເໝືອນໜ່ວຍໜໍ່ຂ້າງ

ຖິ່ນຂີ້ຊ້າງ           ຊຽງຮ່ອນຫົງສາ

ງາມໜັກໜາ      ພະທາດຊຽງລົມ

ເຊີນມາຊົມ        ເມືອງເງີນງາມຍິ່ງ

ເປັນຂວັນມິ່ງ      ແມ່ນເມືອງໄຊຍະ

ບູລະນະ            ຜາຊ້າງຜາເສືອ

ເຂົ້າປາເຫຼືອ         ແມ່ນແດນເມືອງພຽງ

ມີຊື່ສຽງ               ບໍ່ແຕນແດນກ້າວ

ສາມາດຂ້າ            ຕີສັດຕູຕາຍ

ເມືອງປາກລາຍ      ສາລີໝາກພ້າວ

ເມືອງແກ່ນທ້າວ       ໝາກຂ້າມລຳໄຍ

ທົ່ງມີໄຊ               ສັດປ່າມາກມາຍ

ຄົນທັງຫຼາຍ          ຍິນດີຕ້ອນຮັບ

ກອນ" ຈອນຈາກບ້ານ"

ພໍແຕ່  ພັດພາກບ້ານ   ຖານຖິ່ນແດນໄກ

        ຮຽມພວມຄິດ              ຄ່ຳຄວນຫາແລ້ວ

        ດິນແດນແກ້ວ            ແສນສຸດຜຸດຜ່ອງ

         ຍາດພີ່ນ້ອງ            ຊາວບ້ານຊ່ວຍຊູ

         ມາບັດນີ້                ຮຽມຮ່າງເຫີນມາ

         ຈຳໃຈລາ                ເພື່ອຫາຄວາມຮູ້

        ເອົາໃຈສູ້                 ຊອກຫາສິ່ງໃໝ່

         ມາດັດໃຊ້                  ໃນບ້ານໝູ່ເຮົາ

         ບາງບ່ອນຮ້າຍ        ປ່ຽນແປງເສີມສ້າງ

        ໃນແນວທາງ                ທີ່ລັດວາງໄວ້

        ຈຶ່ງຈະໄດ້                 ຈະເລີນເຮຶ່ອງຮຸ່ງ

         ໃນເມື່ອໜ້າ             ເຮົາໄດ້ເຜິ່ງອິງ

           ຮຽມຈຶ່ງໄດ້             ມາສຶກສາໄກ

         ຕາມຕົວເມຶອງ         ທີ່ມັນກ້າວໜ້າ

         ນຳຄວາມຮູ້             ໄປເປັນແບບຢ່າງ

         ວັນໜຶ່ງນັ້ນ               ໄຂຊີ້ຊ່ອງທາງ   ແທ້ແລ້ວ

   ກາບ" ການສັນຈອນ"

ຟັງເດີເຈົ້າ        ຂ້ອຍຈະເລົ່າເລຶ່ອງສັງຄົມ

ເພິ່ນນິຍົມ              ສັນຈອນໄປມາ

ໂດຍລົດລາ           ພາຫານະທັນສະໄໝ

ໂດຍບໍ່ໄດ້            ໃສ່ໃຈກົດຈະລາຈອນ

ເພິ່ນສັ່ງສອນ         ຄ່ອຍໄປຄ່ອຍມາ

ຖຶກກົດຈະລາ        ເພິ່ນວາງເອົາໄວ້

ໄວລຸ້ນໄດ້              ຝືນຕໍ່ກົດໝາຍ

ເປັນຜົນຮ້າຍ         ໃຫ້ແກ່ສັງຄົມ

ໃຫ້ທຸກຄົນ         ຮັບຄວາມເດືອດຮ້ອນ

ສົ່ງຜົນສະທ້ອນ       ໃຫ້ແກ່ຄອບຄົວ

ຍ້ອນຄວາມລົ້ວ        ເລງຂອງລູກເຕົ້າ

ດັ່ງນັ້ນເຮົາ               ຊ່ວຍກັນສັ່ງສອນ

ໃຫ້ເປັນດັ່ງ              ກົດໝາຍວາງໄວ້

ຈະບໍ່ໄດ້                  ເກີດອຸບັດເຫດ

ເປັນສາເຫດ          ໃຫ້ແກ່ສັງຄົມ

ໃຫ້ລະດົມ               ລູກເຕົ້າເຮົາໄວ້

ຢ່າສູ່ໄດ້                  ປະໝາດເກີນໄປ

ອາດເຮັດໃຫ້            ເຖິງແກ່ຊີວິດ