ໃຜຢາກກິນເຂົ້າມັນໄກ່ຍົກມືຂຶ້ນ

ຫລັງຈາກທີ່ຂ້າພະເຈົ້າເຄີຍເອົາສູດເຂົ້າມັນໄກ່ມາລົງ

ມື້ນີ້ ຂພຈ ເລີຍເອົາຮູບພາບການເຮັດເຂົ້າມັນໄກ່ຂອງ ຂພຈ ມາໃຫ້ເບິ່ງ

ເທື່ອມີໃຜຢາກລອງເຮັດກິນເບິ່ງ

1. ລ້າງໄກ່ໃຫ້ສະອາດ ແລ້ວ ຕົ້ມນຳໄວ້

ຂພຈ ກິນຄົນດຽວ ຄັນຊິຕົ້ມໝົດໂຕ ກະຄືຊິບໍ່ໝົດ ກເລີຍຕົ້ມແຕ່ 2ຂາ  (ແອບງົກ ອິອິອິ)

2. ຫລັງຈາກນ້ຳຟົດໃສ່ເກືອ ລະກະເອົາໄກ່ລົງຕົ້ມ ເພື່ອເອົານຳຊຸບມາຫຸງເຂົ້າ

3. ໃນລະຫວ່າງທີ່ຖ້າໃຫ້ໄກ່ສຸກນັ້ນ ເຮົາກໍມາ ຊາວເຂົ້າຈ້າວແລ້ວປະໄວ້ໃຫ້ສະເດັດນ້ຳຖ້າ

4. ທຸບຫົວຜັກທຽມ ແລະ ທຸບຂີງໄວ້

5. ມາເຖິງຂັ້ນຕອນການຜັດເຂົ້າສານ ກ່ອນນຳໄປຫຸງ

ຕັ້ງກະ ແລ້ວເອົານຳມັນໄກ່ທີ່ເຮົາລືບອອກມາຈາກໂຕໄກ່ໄປຈຽວ ໃຫ້ໄດ້ນຳມັນ

ຫລັງຈາກໄດ້ນ້ຳມັນໄກ່ແລ້ວ ເຮົາກໍຕັກເອົາຕອນນ້ຳມັນໄກ່ອອກ ແລ້ວເອົາກະທຽມລົງ ຈຽວພໍເຫລືອງ-ຫອມ

 ຂພຈ ຈຽວເພີນ ເກືອບເຮັດກະທຽມໄຫມ້ ລະອີກຢ່າງ ຂພຈ ເຮັດຕອນນ້ອຍໂພດ ມັນເລີຍໄຫມ້ໄວ

ຫລັງຈາກຫອມແລ້ວ ເຮົາກໍເອົາເຈົ້າສານທີ່ສະເດັດນ້ຳແລ້ວນັ້ນລົງຜັດເລີຍ ແລ້ວກໍຕາມດ້ວຍຂີງທຸບ ແລະເຫັດຫອມ

ຜັດຕໍ່ຈົນເມັດເຂົ້າສານເປັນມັນໆ (ນ້ຳມັນໄກ່ ຂພຈ ໜ້ອຍໂພດ ເຈົ້າສານມັນເລີຍບໍ່ມັນປານໃດ)

(ຂພຈ ລືມຖ່າຍຮູບຕອນເອົາເຫັດຫອມລົງ)

ຫລັງຈາກມັນໄດ້ທີແລ້ວ ກໍເອົາເຈົ້າສານລົງໝໍ້ຫຸງເຂົ້າ ແລ້ວເຕີມນຳຊຸບໄກ່ທີ່ສຸກແລ້ວນັ້ນ

ແລ້ວກໍກົດປຸ່ມຫຸງເຂົ້າໄດ້ເລີຍ

ລໍຖ້າບໍ່ເຖິງ 30 ນາທີ ເຮົາກໍໄດ້ເຈົ້າມັນໄກ່ທີ່ ຮ້ອນໆຫອມໆ ມາຮັບປະທານ

ແລະນີ້ ກໍຄືໜ້າຕາເຂົ້າມັນໄກ່ ເວລາມັນປະກອບຮ່າງ ເຊີນຮັບປະທານກັນໄດ້ຕາມໃຈຊອບ

ມື້ນີ້ເຫັນໄກ່ຍ່າງກາຍໜ້າກະເລີຍຢາກກິນເຂົ້າມັນໄກ່

ລະກະເອົາສູດທີ່ງ່າຍໆມາຝາກໝູ່ເພື່ອນນຳ

1. ຊາວເຂົ້າຈ້າວແລ້ວປະໄວໃຫ້ສະເດັດນ້ຳ

2. ລືບເອົາມັນໄກ່ທີ່ຢູ່ນຳໂຕໄກ່ຫັ້ນອອກມາ ແລ້ວນຳມາຜັດໃນກະທະ ເພື່ອໃຫ້ໄດ້ນ້ຳມັນໄກ່

3. ທຸບຫົວຜັກທຽມ ໂດຍບໍ່ຕ້ອງເອົາເປືອກອອກໝົດກະໄດ້ ແລ້ວນຳໄປຜັດກັບນ້ຳມັນໄກ່ໃນກະທະໃຫ້ເຫລືອງຫອມ

4. ເອົາເຂົ້າສານທີ່ສະເດັດນ້ຳແລ້ວລົງໄປຜັດກັບນ້ຳມັນໄກ່ແລະຜັກທຽມຈຽວ ທຸບຫົວຂີງແກ່ໃສ່ຈັກ2ທ່ອນ ຜັດຈົນຂຶ້ນມັນ

5. ເອົາເຂົ້າສານທີ່ຜັດແລ້ວລົງໃສ່ໝໍ້ຫຸງເຂົ້າ ໃສ່ນ້ຳຕົ້ມໄກ່ລົງໄປແທນນ້ຳທຳມະດາ ໃນອັດຕາສ່ວນທີ່ເຄີຍຫຸງເຂົ້າ

6. ເອົາໃບເຕີຍໃສ່ນຳຈັກ2ໃບ (ຖ້າມີ)  ຫລັງຈາກນັ້ນປິດຝາ ກົດປຸ່ມຫຸງ

7. ຖ້າຈັກປະມານ 30 ນາທີ ກໍຈະໄດ້ເຂົ້າມັນໄກ່ຮ້ອນໆຫອມໆ

ແຖມໃຫ້ອີກໜ້ອຍໜຶ່ງ ສຳລັບຜູ້ທີ່ມັກກິນເຫັດຫອມ ໃຫ້ແຊ່ເຫັດຫອມໄວ້ກ່ອນໜ້າຊິລົງມືຜັດນ້ຳມັນໄກ່ຈັກ 2-3ຊມ

ແລັວກໍນຳເຫັດຫອມລົງໄປຜັດໃນຕອນທີ່ເອົາເຂົ້າສານລົງໄປຜັດໃນກະທະ