ມື້ນີ້ເຫັນໄກ່ຍ່າງກາຍໜ້າກະເລີຍຢາກກິນເຂົ້າມັນໄກ່

ລະກະເອົາສູດທີ່ງ່າຍໆມາຝາກໝູ່ເພື່ອນນຳ

1. ຊາວເຂົ້າຈ້າວແລ້ວປະໄວໃຫ້ສະເດັດນ້ຳ

2. ລືບເອົາມັນໄກ່ທີ່ຢູ່ນຳໂຕໄກ່ຫັ້ນອອກມາ ແລ້ວນຳມາຜັດໃນກະທະ ເພື່ອໃຫ້ໄດ້ນ້ຳມັນໄກ່

3. ທຸບຫົວຜັກທຽມ ໂດຍບໍ່ຕ້ອງເອົາເປືອກອອກໝົດກະໄດ້ ແລ້ວນຳໄປຜັດກັບນ້ຳມັນໄກ່ໃນກະທະໃຫ້ເຫລືອງຫອມ

4. ເອົາເຂົ້າສານທີ່ສະເດັດນ້ຳແລ້ວລົງໄປຜັດກັບນ້ຳມັນໄກ່ແລະຜັກທຽມຈຽວ ທຸບຫົວຂີງແກ່ໃສ່ຈັກ2ທ່ອນ ຜັດຈົນຂຶ້ນມັນ

5. ເອົາເຂົ້າສານທີ່ຜັດແລ້ວລົງໃສ່ໝໍ້ຫຸງເຂົ້າ ໃສ່ນ້ຳຕົ້ມໄກ່ລົງໄປແທນນ້ຳທຳມະດາ ໃນອັດຕາສ່ວນທີ່ເຄີຍຫຸງເຂົ້າ

6. ເອົາໃບເຕີຍໃສ່ນຳຈັກ2ໃບ (ຖ້າມີ)  ຫລັງຈາກນັ້ນປິດຝາ ກົດປຸ່ມຫຸງ

7. ຖ້າຈັກປະມານ 30 ນາທີ ກໍຈະໄດ້ເຂົ້າມັນໄກ່ຮ້ອນໆຫອມໆ

ແຖມໃຫ້ອີກໜ້ອຍໜຶ່ງ ສຳລັບຜູ້ທີ່ມັກກິນເຫັດຫອມ ໃຫ້ແຊ່ເຫັດຫອມໄວ້ກ່ອນໜ້າຊິລົງມືຜັດນ້ຳມັນໄກ່ຈັກ 2-3ຊມ

ແລັວກໍນຳເຫັດຫອມລົງໄປຜັດໃນຕອນທີ່ເອົາເຂົ້າສານລົງໄປຜັດໃນກະທະ