ໄດອາຣີ່ຂອງ Only Love LAO ART MEDIA

2/9/2010 ສະບາຍດີ2 ບໍ່ໄດ້ຮັບຄຳຕອບຈາກປາກເຊ ທີ່ໂຮງຮູບເງົາ

ຂຽນເມື່ອ: ສ.ຫ.. 26, 2010 | ມີ 10 ຄຳເຫັນ ແລະ 0 trackback(s)

ວັນທີ 02/09/2010 “ ສະບາຍດີ2 ບໍ່ໄດ້ຮັບຄຳຕອບຈາກປາກເຊ ” ຈະເຂົ້າສາຍໃນໂຮງຮູບເງົາ ລາວໄອເຕັກ, ຫໍວັດທະນະທຳ, ໂຮງຮູບເງົາ ສະຫວັນນາເຂດ ແລະ ປາກເຊ ແລະ ຈະຊົມຮູບເງົາລາວເລື່ອງ ຂໍພຽງຮັກ ຕາມຄວາມຕ້ອງຂອງຜູ້ຊົມທີ່ຢາກຈະຊົມຮູບເງົາລາວເລື່ອງນີ້ອີີກຄັ້ງ ໃນໄລຍະເວລາທີ່ໄລເລຍກັນ.

ລາວອາຣ໌ທມີເດຍ ແລະ ສະປາຕ້າ ຟຣິມ”

ກັບມາອີກຄັ້ງກັບຜົນງານຮູບເງົາທີ່ຫຼາຍຄົນປະທັບໃຈຈາກພາກທຳອິດເມື່ອປີ2008ໃນສະບາຍດີຫຼວງພະບາງທີ່ໄດ້ “ ອະນັນດາເອເວີຣິ່ງແຮມ ”ແລະ ນາງເອກສາວຈາກປະເທດລາວ “ ຄຳລີ ພິລາວົງ ” ຈາກຜົນງານການ

ກຳກັບຂອງ “ ໂປ໋ຍ-ສັກຊາຍ ດິນານ ” ແລະ ໃນປີ 2010 ນີ້ກັບ “ ສະບາຍດີ2 ບໍ່ໄດ້ຮັບຄຳຕອບຈາກປາກເຊ ” ຜົນງານຂອງຜູ້ກຳກັບຄົນເກົ່າແຕ່ມາຄັ້ງນີ້ໄດ້ພະເອກຄົນໃໝ່ “ ເຣ ແມັກໂດແນລດ ” ປະກົບກັບນາງເອກສາວງາມ “ ຄຳລີ ພິລາວົງ ” ດ້ວຍເຫດຜົນຂອງຜູ້ກຳກັບທີ່ຕ້ອງການໃຫ້ພາກນີ້ຄືຈະເປັນພາກຕໍ່ ແຕ່ທີ່ຈິງແລ້ວເປັນພາກເລີ້ມຕົ້ນກ່ອນທີ່ຈະມີ ສະບາຍດີຫຼວງພະບາງພາກທຳອິດ.

“ ເຣ ”ເລົ່າໃຫ້ຟັງເຖິງການເຂົ້າມາຮັບບົດ “ ໂປ໋ຍ ” ມາຊວນໃຫ້ຂ້ອຍມາຮ່ວມງານກັບຮູບເງົາເລື່ອງນີ້ ຕອນທຳອິດທີ່ພົບກັນຂ້ອຍຄິດວ່າຊາຍຜູ້ນີ້ເປັນຜູ້ກຳກັບຫຼືບໍ່ເພາະອ້າຍຄົນນັ້ນເບິ່ງຄືຄົນທຳມະດາ ພໍອ້າຍເຂົາຍື່ນບົດມາໃຫ້ບອກວ່າຂ້ອຍຕ້ອງຫຼີ້ນເປັນໂຕລາວ(ໂປຍ) ຂ້ອຍກາໄດ້ແຕ່ຮ້ອງໃນໃຈວ່າ ໂອໂຫ….

ຄືວ່າອ້າຍໂປຍເປັນຊັດເຈນຫຼາຍ ເປັນຄົນທີ່ມີຄາແຣັກເຕີ້ຊັດເຈນທີ່ສຸດຈາກຜູ້ກຳກັບຫຼາຍໆຄົນທີ່ຂ້ອຍເຄີຍຮ່ວມງານມາເລີຍ ກໍ່ເລີຍຄິດວ່າເລື່ອງນີ້ທ່າທາງຍາກເອົາເລື້ອງເລີຍແຫລະໂດຍບົດທີ່ຂ້ອຍຮັບໃນເລື້ອງນີ້ຄື “ປໍ” ເປັນຜູ້ກຳກັບໜັງຕົກອັບຕ້ອງສູ້ຊົນຫາໂປຣເຈັກງານຮູບເງົາມາເຮັດແຕ່ກໍ່ບໍ່ສຳເລັດຈົນໝູ່ແນະນຳໃຫ້ໄປຖ່າຍຮູບງານແຕ່ງໃນລາວກໍ່ເລີຍໄປແຕ່ກໍ່ເຮັດໃຫ້ໄປເຈິ້ໝູ່ຂອງເຈົ້າສາວກໍ່ຄື ສອນໄພວັນ (ຄຳລີ) ເຮັດໃຫ້ຂ້ອຍໄປລັກມັກລາວທັນທີເລື່ອງລາວຕ່າງໆກໍ່ເລີຍເກີດຂຶ້ນຈາກຈຸດນັ້ນ.

ເຫດຜົນທີ່ຂ້ອຍສົນໃຈຫຼິ້ນຮູບເງົາເລື່ອງນີ້ຄືມັນເປັນຮູບເງົາທີ່ສາຍຕໍ່ຈາກພາກທີ່ແລ້ວແຕ່ເປັນພາກເລີ້ມຕົ້ນກ່ອນທີ່ອະນັນດາຈະຫຼິ້ນຄືມັນເກີດຂຶ້ນກ່ອນພາກທຳອິດຂ້ອຍກໍ່ເລີຍຄຶດວ່າມັນໜ້າສົນໃຈດີ ພໍໄດ້ອ່ານບົດແລ້ວຂ້ອຍກາມັກແລ້ວກໍ່ຫົວຂັວນໄປກັບບົດກັບຕົວສະແດງຄືຂ້ອຍວ່າບົດເລື່ອງນີ້ມັນສຳພັດໄດ້ກັບຄວາມລຽບງ່າຍ, ຈິງໃຈເຊິ່ງມັນມີຢູ່ໃນບຸກຄະລິກຂອງຄົນໃນປະເທດລາວ ທີ່ເຮົາໄດ້ໄປຖ່າຍທຳໃນທີ່ນັ້ນ ສ່ວນນັກສະແດງຍິງໃນພາກນີ້ອ້າຍໂປ໋ຍຍັງໃຫ້ຄຳລີເປັນນາງເອກຢູ່ຄືເກົ່າເພາະດ້ວຍເຫດຜົນຂອງເລື່ອງລາວທີ່ຈະເກີດຂຶ້ນທີ່ເຊື່ອມຕໍ່ກັນແລ້ວໃນເລື່ອງນີ້ກໍ່ຍັງເປັນຄັ້ງທຳອິດຂອງຂ້ອຍ ແລະ ນ້ອງຄຳລີ ທີ່ໄດ້ສະແດງຮ່ວມກັນເຊິ່ງຄຳລີຕົວຈິງໜ້າຮັກຫຼາຍທັງໃນຈໍ ແລະ ນອກຈໍ ນອກຈາກນີ້ຍັງມີນ້ອງນັກສະແດງທີ່ຮ່ວມສະແດງໃນພາກກ່ອນຄືນ້ອງອາດກັບນ້ອງເມສາກໍ່ມາຮ່ວມງານກັບພາກນີ້ນຳເຊັ່ນດຽວກັນ.

ຮູບເງົາຂໍພຽງຮັກ

ຂຽນເມື່ອ: ມິ.ຖ.. 30, 2010 | ມີ 8 ຄຳເຫັນ ແລະ 0 trackback(s)

ໜວດໝູ່: ຂ່າວບັນເທີງ

ວ່າແຕ່ໄດ້ຍິນຂ່າວວ່າຮູບເງົາເລື່ອງ “ຂໍພຽງຮັກ” ຂອງລາວອາຣ໌ທມີເດຍໄດ້ສ້າງສໍາເລັດ ແລະ ມີກໍານົດການອອກສາຍແລ້ວທີ່ໂຮງຮູບເງົາສູນການຄ້າລາວໄອເຕັກ ໃນວັນທີ 07/07/2010 ເຮົາກໍບໍ່ລໍຊ້າທີ່ຈະຕ້ອງຟ້າວໄປເກັບເອົາຂ່າວຄາວຂໍ້ມູນ ເພື່ອມາໃຫ້ຜູ້ອ່ານໄດ້ອ່ານກ່ອນຫມູ່ເລີຍ ໂດຍບໍ່ຕ້ອງລໍຖ້າໃຫ້ເຖິງວັນ ເປີດຕົວຖະແຫລງຂ່າວ ແລະ ວັນສາຍສາຍຮອບສື່ມວນຊົນ ທີ່ຈະມີຂຶ້ນໃນວັນທີ 05/07/2010 ນີ້ ທີ່ ໂຮງຮູບເງົາ ລາວໄອເຕັກ ເຖິງວ່າຈະບໍ່ໄດ້ພົບກັບຕົວຜູກໍາກັບ ແຕ່ກໍບໍ່ຜິດຫວັງເພາະວ່າໄດ້ເຂົ້າໄປເຖິງຫ້ອງອັດສຽງ ນັ່ງຟັງ ການອັດສຽງ ກໍເລີຍໄດ້ໂອກາດຊົມເບິ່ງຮູບເງົາ ເປັນຕອນໆ ທີ່ເພິ່ນກໍາລັງທໍາການອັດສຽງຢູ່. ພໍແຕ່ແນມຜ່ານແກ້ວຫ້ອງຄຸມສຽງເຂົ້າໄປໃນຫ້ອງອັດ ຂ້າພະເຈົ້າກໍຮູ້ວ້າ ຕົນເອງໂຊກດີທີ່ສຸດແລ້ວທີ່ໄດ້ມາພົບກັບຕົວເອກຂອງເລື່ອງ ເພາະຜູ້ທີ່ກໍາງ “ລັງໃຫ້ສຽງຢູ່ທາງໃນຫ້ອງອັດນັ້ນແມ່ນ ປາ ຫລື ຈີລະພາ ພົມພັກດີ ທີ່ຮັບບົດເປັນດວງໃຈ ນາງເອກຂອງເລື່ອງ ນັ້ນເອງ” ຊຶ່ງຕໍ່ມາຂ້າພະເຈົາກໍໄດ້ຢຶດຕົວ ນາງໄວ້ ເພື່ອຂໍສໍາພາດເອົາຂໍ້ມູນ ໃນເວາລາຫລັງຈາກອອກຈາກຫ້ອງອັດສຽງ ທັງໆທີ່ຜູ້ກ່ຽວກໍກໍາລັງຈະຟ້າວ ແລ່ນ ອອກຈາກຫ້ອງອັດເພື່ອໄປທວນບົດເສັງທີ່ ມ.ຊ. ແລະກໍ່ໄດ້ຮູ້ວ່າ :

“ ຄວາມຈິງແລ້ວ ການຖ່າຍ ທໍາແມ່ນໄດ້ອັດສຽງໄປພ້ອມ ແຕ່ມີບາງສາກທີ່ມີສຽງລົບກວນ ຈາກບັນຍາກາດອອ້ມຂ້າງ ກໍເລີຍຕ້ອງບມາພາກໃສ່ໄຫມາ ເພື່ອໃຫ້ໄດ້ຄຸນນະພາບຂອງສຽງທີ່ດີ ຕາມ ຄວາມຕ້ອງການຂອງຜູ້ຄວບຄຸມການຜະລິດ ຄືອາຈານ ດວງມະນີ ໂສລີພັນ “ ຂ້າພະເຈົ້າກໍເລີຍຕ້ອງໄດ້ “ ອໍ” ຂຶ້ນມາທັນທີ ວ່າເປັນຈັ່ງຊີ້ເນາະ ຜົນງານໃນຜ່ານມາຂອງພວກເພິ່ນຈຶ່ງອອກມາດີ ເພາະຕາມ ຄວາມ ຈິງແລ້ວ ເຖິງວ່າຕົນເອງຈະມີຄວາມມັກໃນເລື່ອງຂອງເປັນຜູ້ຕິດຕາມແວດວົງການບັນເທີງ ຂອງລາວເຮົາຢູ່ ແຕ່ກໍຈະບໍ່ຄ່ອຍໄດ້ຮູ້ຂັ້ນຕອນຂອງການຜະລິດເລື່ອງຮູບເງົານີ້ດີ.

ຕໍ່ການຊັກຖາມ ນາງເອກເລົ່າໃຫ້ຟັງວ່າ : “ ໃນເບື້ອງຕົ້າກໍຄິດວ່າຕົນເອງພໍສະແດງໄດ້ ແຕ່ເມື່ອມາເອົາແທ້ໆແລ້ວ ແທບຈະຮູ້ສຶກວ່າຕົນເອງຍັງບໍ່ເປັນຫຍັງເລີຍ ການຖ່າຍທພໍາ ທາງຜູ້ກໍາກັບເພິ່ນກໍຕ້ອງການຄວາມລະອຽດ ການສະແດງຕ້ອງໃຫ້ເຂົ້າເຖິງຄວາມຮູ້ສຶກ ແລະ ອາລົມຂອງຕົວລະຄອນທີ່ເຮົາປັນ ແລະຖ້າເຮັດຄືຫລືເຮັດຕັ້ງຕິເອົານັ້ນ ທຸກຄັ້ງກໍຈະບໍ່ຜ່ານ ແລະ ທຸກຄົນກໍຕ້ອງຍອມເສຍເວລາກັນ ຖ້າທິມງານທຸກຄົນເສຍເວລາເພາະການສະແດງບໍ່ໄດ້ຂອງເຮົາ ໆກໍຈະຮູ້ສຶກວ່າຂາຍຫນ້າ ດັ່ງນັ້ນ ຈຶ່ງຕ້ອງຕຽມຕົວໃຫ້ພ້ອມທີ່ສຸດເທົ່າທີ່ຈະເຮັດໄກດ້ກ່ອນ ລົຢງສູ່ກອງຖ່າຍ”.

ປາ ຫລືຈີລລະພາ ພົມພັກດີ ປະຈຸບັນ ເປັນນັກສຶກສາ ທີ່ ມະຫາວິທະຍາໄລແຫ່ງຊາດ ຄະນະ ສິ່ງແວດລ້ອມ, ປີ 4 ໄດ້ເຂົ້າມາມີບົດບາດເປັນນັກສະແດງເອກ ໃນຮູບເງົາ ຂໍພຽງ;ຮັກນີ້ ກໍເພາະວ່າ ໄດ້ເຄີຍເຂົ້າມາອົບຮົມວິຊາການເປັນພິທີ່ກອນ ກັບລາວອາຣ໌ທມີເດຍ ແລະ ເຄີຍ ຂຶ້ນໃນເວທີຄອນເສີດ ຂອງລາວອາຣ໌ທມີເດຍມາສ່ວນຫນຶ່ງ ແລ້ວກໍໄດ້ມາເປັນຜູ້ຊ່ວຍຜູ້ກໍາກັບການສະແດງ ກ່ອນ ທີ່ບຸນຈະ ຫລົ່ນທັບ ໄດ້ກາຍມາເປັນນາງເອກ ຂອງເລື່ອງ ເພາະວ່ານາງເອົກຄົນທໍາອິດທີ່ໄດ້ຖ່າຍທໍາ ໄປແລ້ວສອງ ສາມສາກ ມີອັນຕ້ອງຍົກເລີກຂໍ້ຕົກລົງໃນການຖ່າຍທໍາຮູບເງົາເລື່ອງດັ່ງກ່າວ ເພາະການບໍ່ລົງຕົວໃນ ເລື່ອງຂອງເວລາການຮໍາຮຽນ ແລະ ການສະແດງ ຊຶ່ງຕ້ອງໄດ້ທຸ່ມເທ ແລະ ກໍໃຊ້ເວລາສິ້ນເປືອງ ແລະ ບາງຄັ້ງກໍຕ້ອງຢູ່ເຖິງກາງຄືນນໍາ.....

ຕົວລະຄອນ : ດວງໃຈ ໃນເລື່ອງຂໍພຽງຮັກນີ້ ເປັນຍິງສາວທີ່ ມີຄວາມສະຫລາດ ທີ່ມີຄວາມ ມຸ້ງຫວັງຢາກຈະສ້າງຕົນກ້າວເດີນໄປບົນເສັ້ນທາງແຫ່ງອຸດົມການ ຮ່ວມກັບພະເອກ ເພື່ອກ້າວສູ່ ຄວາມຫມັ້ນຄົງຂອງຊີວິດ ແຕ່ສະພາບຂອງບັນຫາຊີວິດຄອບຄົວ ທີ່ນາງກໍາລັງຜະເຊີນຢູ່ ນັ້ນເປັນສາ ເຫດສໍາຄັນ ທີ່ເຮັດໃຫ້ນາງຕ້ອງຕັດສິນໃຈເລືອກເອົາ ສິ່ງໃດສິ່ງຫນຶ່ງ ລະຫວ່າງ ຄວາມຮັກແລະອຸດົມ ການ ກັບຄວາມກະຕັນຍູຕໍ່ຄອບຄົວ...ໃນເມື່ອມີຄົນພ້ອມທີ່ຈະບິບຍື່ນຄວາມສຸກສະບາຍໃຫ້ຢູ່ແລ້ວ...

ໄປພິສູດຜົນງານຮູບເງົາຂອງລາວເລື່ອງນີ້ກັນໄດ້ທີ່ ໂຮງຮູບເງົາສູນການຄ້າລາວໄອເຕັກ ເລີ້ມແຕ່ວັນທີ 07/07/2010 ນີ້ເປັນຕົ້ນໄປ....

ຮູບເງົາລາວ "ຂໍພຽງຮັກ"

ຂຽນເມື່ອ: ມິ.ຖ.. 19, 2010 | ມີ 8 ຄຳເຫັນ ແລະ 0 trackback(s)

ໜວດໝູ່: ຂ່າວບັນເທີງ

ເພື່ອນພັນລາວອາດຈະໄດ້ອ່ານຂ່າວຂອງ ຮູບເງົາ"ຂໍພຽງຮັກ" ຕາມວາລະສານຕ່າງໆ

ວັນທີ່ 07/07/2010 ທ່ານຈະໄດ້ເບີ່ງຮູບເງົາເລື່ອງນີ້ແບບເຕັມໆ ທີ່ LAO I-TEC

ແລະ ເພື່ອນສາມາດ ເຂົ້າເບີ່ງໜັງຕົວຢ່າງໄດ້ທີ່ Pofile Only Love ຫຼື youtube

http://punlao.com/media/videos/7134

http://www.youtube.com/watch?v=j87TEL5M0VE

ຮູບເງົາຕົວຢ່າງເລື່ອງ"ຂໍພຽງຮັກ"

ຂຽນເມື່ອ: ມິ.ຖ.. 17, 2010 | ມີ 13 ຄຳເຫັນ ແລະ 0 trackback(s)

ໜວດໝູ່: ຂ່າວບັນເທີງ

ຈະເອົາຍ່ານໃດຂອງປະຫວັດສາດ(ວຽງຈັນໄໝ່)

ຂຽນເມື່ອ: ມ.ນ.. 24, 2010 | ມີ 17 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ມື້ກ່ອນໄດ້ອ່ານບົດຂອງອາຈານຈາກມະຫາວິທະຍາໄລແຫ່ງຊາດ ໃນຫົວຂໍ້ " ການເຄືອນໄຫວທີ່ສຽ່ງໄພຂອງນັກຄົ້ນຄວ້າປະຫວັດສາດ " ທີ່ເວົ້າເຖິງຜູ້ຈັດສຳມະນາຢູ່ໄທມີເລ້ລຽ່ມຢາກພິກປີ້ນຄວາມເປັນຈິງຂອງປະຫວັດສາດ ເຊິ່ງເກີດຂື້ນໃນວັນທີ່ 10.02.2010 ຢູ່ໃນກອງປະຊຸມຈັດສຳມະນາໃນຫົວຂໍ້ " ບົດບາດ ແລະ ຍຸດທະສາດການຕ່າງປະເທດໄທ ຕໍ່ເພືອນບ້ານ " ໂດຍແມ່ນສະຖາບັນສືກສາຄວາມໜັ້ນຄົງ ແລະ ນາໆຊາດຂອງມະຫາວິທະຍາໄລ ຈຸລາລົງກອນ ແຫ່ງລາຊາອານາຈັກໄທເປັນເຈົ້າພາບ.

ເລ້ລຽມຂອງພວກເຂົາແມ່ນຄະນະຈັດສຳມະນາແຈກຢາຍເອກະສານທີ່ບໍ່ນອນຢູ່ໃນວາລະກອງປະຊຸມໃຫ້ຜູ້ເຂົ້າຮ່ວມກອງປະຊຸມ ເຊິ່ງໃນນັ້ນມີເອກະສານໜື່ງກຽ່ວຂ້ອງກັບ ສປປ ລາວ ເຊິ່ງເອີ້ນຊື່ວ່າ: ເອກະສານກຽ່ວກັບມົນທົນບູລະພາ (ຕາເວັນອອກ) ຊື່ງໃນນີ້ ລວມມີດີນແດນຂອງລາວທີ່ຜູ້ສະເໜີ (ຄົນໄທ) ຍັງຖືວ່າເປັນດີນແດນຂອງໄທ... ໃນບົດຄວາມຂອງອາຈານຈາກມະຫາວິທະຍາໄລແຫ່ງຊາດລາວ ໄດ້ອະທິບາຍຢ່າງກະຈ່າງແຈ້ງແລ້ວຕໍ່ກັບເອກະສານດັ່ງກ່າວ.

ແຕ່ໃນຖານະຜູ້ຮັບຜິດຊອບຄໍລຳ "ແນວລາວ" ຟັງແລ້ວຮູ້ສືກຄັນແຂ້ວ (ຄັນມື) ຈື່ງຢາກຂຽນບອກເຖິງນັກປະຫວັດສາດໄທ ກໍ່ຄືນັກວິຊາການທີ່ສະເໜີເອກະສານດັ່ງກ່າວນີ້ວ່າ ຈະເອົາຍ່ານໃດຂອງປະຫວັດສາດມາເວົ້າເລື່ອງດີນແດນ ຄັນຢາກຄົ້ນປະຫວັດສາດມາຜິດຖຽງກັນ.

ຂໍຖືເອກະສິດຍົກປະສັດສາດຍ່ານ ອານາຈັກລ້ານຊ້າງ ເຊິ່ງແມ່ນສະໄໝເຈົ້າຟ້າງຸ່ມມະຫາຣາດ ທ້ອນໂຮມອານາຈັກຕ່າງໆເປັນເອກະພາບ ຕົ້ນສະຕະວັດທີ XVIII.

ຈະເຫັນວ່າກວມປະເທດໃດແດ່ໃນປະຈຸບັນ ອັນນີ້ຄິດວ່າ ໃຜກໍ່ຮູ້ດີ ບໍ່ວ່າສາ! ນັກປະຫວັດສາດນໍ! ຄົນລາວ - ຄົນໄທ ທຳມະດາສາມັນລ້ວນແຕ່ຮູ້ດີ ເດັກນ້ອຍຊັ້ນປະຖົມບາງຄົນກໍ່ຍັງຮູ້.

ຄົນໄທເອງດຽວນີ້ຍັງເອີ້ນບັນດາຄົນທີ່ອາໃສຢູ່ ຈັງຫວັດ (ແຂວງ) ຕ່າງໆຂອງໄທທັງໝົດ 17 ຈັງຫວັດນັ້ນວ່າ ຄົນລາວອື່ສານ ແລະ ຄົນພວກນີ້ກໍ່ມີຂະໜົບທຳນຽມ ພາສາປາກເວົ້າຄ້າຍຄືຄົນລາວອອ້ຍຕ້ອຍ... ເມື່ອເວົ້າເຖິງຍ່ານປະຫວັດສາດນີ້ແລ້ວ ນັກຄົ້ນຄວ້າວິທະຍາສາດຜູ້ນັ້ນຈະວ່າຢ່າງໃດ?

ທາງອອກທີ່ດີແມ່ນເລື່ອງຂອງປະຫວັດສາດກໍ່ຕ້ອງປະໄວ້ເບື້ອງຫຼັງ ປິດສາກປະຫວັດສາດໄວ້ ແລ້ວພ້ອມກັນເດີນໜ້າຮວ່ມມືກັນ ສາມັກຄີສາ້ງສາພັດທະນາ ບ້ານເມືອງຂອງໃຜລາວໃຫ້ຈະເລີນຮຸ່ງເຮື່ອງ ສີວິໄລ ມີຄວາມຜາສຸກ....

ບັນຫາເກີດຂື້ນຢູ່ພາຍໃນຍັງແກ້ບໍ່ຕົກ ແຕ່ດ້ວຍສັນດານອັນໃດຈື່ງມັກເຕາະພຸ້ນເຕາະພີ້ກັບປະເທດເພື່ອນບ້ານ ບໍ່ຢ້ານປະຊາຊົນໄທ ຄົນໄທລົງໂທດບໍ? ຄັນວ່າເກັ່ງກາຊ່ວຍແກ້ບັນຫາບ້ານເມືອງຂອງຕົນເອງສາ? ເລື່ອງປະເທດເພື່ອນບ້ານຈື່ງຄ່ອຍວ່າຕາມທີ່ຫຼັງ.

ຟັງເບິ່ງແລ້ວ ການສະເໜີເອກະສານສະບັບນີ້ ກໍ່ປານວ່າຄົນໝົດປັນຍາແທ້ໃດ໋.

Only Love LAO ART MEDIA

ເບິ່ງທັງໝົດ

ອ່ານຄືນຫຼັງ

2010 (5)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.