ເລື່ອງຂ້ອນຂ້າງຈະຍາວຫນ້ອຍນື່ງແຕ່ຢາກໃຫ້ທຸກຄົນໄດ້ອ່ານ

ຄືນວັນພະຫັດ ທີ 2 ຕຸລາ

   "ໂອ້ຍໃຜນໍໂທມາຢູ່ໄດ້ຫນ້າລຳຄານ ສອງສາມຮອບແລ້ວນີ້ ຕ້ອງແມ່ນແມ່ອີກແນ່ນອນເລີຍ

ຈະນຳອັນຫຍັງຫລາຍນໍ ແລ້ວນີ້ຈະໂທບອກຮັກທຸກຄືນເລີຍເບາະ ຫນ້າລຳຄານ ອັນຫຍັງໆ

ກໍ່ແມ່ຮັກລູກຢູ່ນັ້ນລະ ເບື່ອແທ້ໆ "

   ຍິງສາວຈົ່ມກັບແຟນຫນຸ່ມຂອງລາວທີ່ຢູ່ໃນສາຍຢ່າງບໍ່ພໍໃຈ ແລະ ເວົ້າຕໍ່ຢ່າງບໍ່ສົນໃຈສາຍຊ້ອນ

" ແລ້ວເຈົ້າບອກຮັກແມ່ທຸກຄືນເລີຍເບາະ " ແຟນຫນຸ່ມຖາມ

" ຊິບ້າເບາະ ບໍ່ຕ້ອງບອກດອກ ບໍ່ແມ່ນເດັກນ້ອຍແລ້ວນະ "

10 ນາທີຜ່ານໄປເມື່ອລາວວາງສາຍຈາກແຟນຫນຸ່ມກໍ່ມີສຽງໂທລະສັບເຂົ້າມາອີກ

" ຝົນ ນີ້ນ້າສາວເອງເດີ ນ້າມີເລື່ອງສຳຄັນຈະບອກ ຝົນທຳໃຈດີໆເດີລູກ ຕັ້ງສະຕິດີໆ

ແມ່ຂອງຫລານເສຍແລ້ວ ກັບມາບ້ານດ່ວນ "

ນ້າສາວກ່າວດ້ວຍສຽງອັນເສົ້າໂສກ ຍິງສາວຮູ້ສືກຕົກໃຈຈົນເວົ້າຫຍັງບໍ່ອອກ

ສິ່ງທີ່ນ້າສາວບອກມັນກ້ອງຢູ່ໃນຫົວ

   ຄືນວັນພຸດ ທີ 10 ກັນຍາ

" ແມ່ ມື້ນີ້ແລ້ວເດີແມ່ ແມ່ຈື່ໄດ້ແມ່ນບໍ່ "

" ຈື່ລູກ ແມ່ຈື່ໄດ້ ດີແລ້ວລູກ ຈະໄດ້ຮຽນສູງໆກັບເຂົາແລ້ວບາດນີ້ "

ແມ່ກ່າວດ້ວຍນ້ຳສຽງທີ່ເຂັ້ມແຂງເຖີງແມ່ນວ່າຈິດໃຈຈະເຕັມໄປດ້ວຍຄວາມເຈັບປວດ

ລາວຝືນຍິ້ມໃຫ້ລູກສາວທີ່ຍ່າງຫ່າງອອກໄປ ແມ່ຫັນກັບມາບ່ອນເກົ່າ

ມືນື່ງຖືຕະຫລີວອີກມືຖືຫູກະທະ ຄວາມຮ້ອນແລະຄວັນໄຟຂອງກະທະນັ້ນປະທະກັບ

ໃບຫນ້າອັນດຳຄ້ຳແລະເມື່ອຍອ່ອນ ຢົດນ້ຳທີ່ຕິດຢູ່ເທີງຫນ້າຜາກແລະປາຍຜົມຂອງລາວໄຫ

ລລົງມາຕາມໆກັນແຕ່ກໍ່ບໍ່ເທົ່າກັບຢົດນ້ຳຈາກດວງຕາທີ່ຫລັ່ງໄຫລອອກມາເປັນສາຍໂດຍບໍ່ຢຸດ

ຄ່ຳນີ້ລາວຂາຍເຝີຈົນຮອດທ່ຽງຄືນ ແລະ ຍ່າງກັບບ້ານຄົນດຽວ ອາກາດຕອນເດິກໆມັນຊ່າງ

ຫນາວເຢັນຫລາຍ ແຕ່ກໍ່ບໍ່ເຢັນພໍທີ່ຈະດັບຄວາມຮ້ອນໃນຫົວໃຈຂອງລາວໄດ້

ເມື່ອເຖີງບ້ານ ລາວກໍ່ຟ້າວມ້ຽນເຄື່ອງຂອງ ເຮືອນຫລັງນ້ອຍໆ ທີ່ເຄີຍມີເຄື່ອງຂອງວາງເຕັມເຮືອນ

ກໍ່ກາຍເປັນເຮືອນທີ່ວ່າງເປົ່າໃນທັນທີ ເຫລືອພຽງມຸມນ້ອຍໆມຸມນື່ງທີ່ມີຕັ່ງນ້ອຍໆແລະມີຜ້າມຸ້ງຂາວຄຸມຢູ່

  " ແມ່ ລູກໄປເດີ ແມ່ບໍ່ຕ້ອງເປັນຫ່ວງ ລູກເບິ່ງແຍງໂຕເອງໄດ້ ບາດຮອດວຽງຈັນແລ້ວລູກຈະໂທຫາ "

  ຄືນວັນສຸກທີ 19 ກັນຍາ

 " ຝົນມື້ນີ້ເປັນແນວໃດລູກ ການຮຽນໄປເຖີງໃສແລ້ວ " ແມ່ໄດ້ໂທມາຫາລູກສາວຂອງລາວທຸກຄືນ

ມື້ນີ້ກໍ່ນັບໄດ້ວ່າເປັນເວລາອາທິດນື່ງແລ້ວຕັ້ງແຕ່ລູກຂອງລາວຈາກລາວໄປວຽງຈັນ

" ກໍ່ຄືເກົ່ານັ້ນແລະແມ່ ບໍ່ມີເວລາຫລາຍດອກ ບໍ່ຕ້ອງຖາມຫລາຍແມ່ ຕອນນີ້ຫຍຸ້ງຢູ່ ແລ້ວຊິໂທກັບໄປ " ລູກຂອງລາວຕອບກັບໄປດ້ວຍຄວາມລຳຄານແລະຄວາມເບື່ອຫນ່າຍແມ່ຂອງລາວ

" ໄດ້ລູກ ຢ່າຮຽນຫນັກເກີນໄປເດີ ຈັກຫນ່ອຍຊິບໍ່ສະບາຍ ຮັກສາໂຕແນ່ ແມ່ຮັກລູກເດີ "

ແມ່ບອກລູກສາວຢ່າງຮັກແພງ ລາວເປັນຫ່ວງລູກສາວລາວຫລາຍ ກິນບໍ່ໄດ້ນອນບໍ່ຫລັບ

ຕັ້ງແຕ່ລູກສາວຈາກໄປຮຽນວຽງຈັນ ສິ່ງດຽວທີ່ຈະຕິດຕໍ່ກັນໄດ້ກໍ່ຄືໂທລະສັບ ລາວກໍ່ໄດ້ແຕ່ໂທຫາ

ລູກທຸກໆຄືນ ຈື່ງຈະນອນຫລັບລາວມີຄວາມສຸກກັບການທີ່ໄດ້ບອກຮັກລູກ ແຕ່ເມື່ອເວລາຜ່ານໄປ

ລູກສາວທີ່ເຄີຍອ່ອນຫວານແລະຫນ້າຮັກຂອງລາວກໍ່ເລີ່ມປ່ຽນໄປເປັນຄົນລະຄົນ...........

  ຄືນວັນພະຫັດ ທີ 2 ຕຸລາ

" ຕຳຫລວດບອກວ່າ ແມ່ຫລານຖືກໂຈນປຸ້ນ ແລ້ວຖືກແທງຕາຍ ຝົນຟ້າວກັບມາໄວໆເດີລູກ

ຫມໍຈະສັນນະສູດສົບມື້ອື່ນ ທຳໃຈດີໆເດີລູກ " ນ້າສາວກ່າວແລ້ວວາງຫູໄປ

ຍິງສາວຟ້າວຂື້ນລົດໃນຄືນນັ້ນທັນທີ ລະວ່າງທາງລາວກໍ່ອົດຄິດບໍ່ໄດ້ວ່າ ເປັນຫຍັງແມ່ບໍ່ເອີ້ນ

ໃຫ້ໃຜຊ່ວຍລາວຄິດໄປພ້ອມເຊັດນ້ຳຕາທີ່ໄຫລລິນລົງມາແກ້ມ ລາວຄິດຍ້ອນໄປເຖີງຕອນທີ່

ລາວຢູ່ບ້ານນອກ ຕອນທີ່ລາວໃຝ່ຝັນຢາກຈະຮຽນສູງໆ ຢາກມີວຽກເຮັດ ເພື່ອທີ່ມື້ນື່ງລາວຈະ

ໄດ້ມີເງິນເບິ່ງແຍງແມ່ໃນຍາມແກ່ເຖົ້າ ແຕ່ແລ້ວຄວາມຝັນຂອງລາວກໍ່ກາຍເປັນແຕ່ຄວາມຄິດ

ທີ່ບໍ່ມີວັນຈະເປັນຈິງໄດ້ເລີຍ ແມ່ຂອງລາວໄດ້ເສຍຊີວິດແລ້ວ ແລະລາວຈະບໍ່ມີວັນເຫັນຫນ້າ

ແມ່ລາວອີກ ຄັ້ງສຸດທ້າຍທີ່ຝົນໄດ້ເວົ້ານຳແມ່ນັ້ນ ມັນຮູ້ສືກຍາວນານສຳລັບລາວຫລາຍ

ລາວເວົ້າບໍ່ດີກັບແມ່ໄວ້ຫລາຍ ລາວເອົາແຕ່ລົມກັບແຟນໃຫມ່ຂອງລາວທີ່ພົບກັນໃນວຽງຈັນ

ຈົນບໍ່ມີເວລາເຫລືອໃຫ້ກັບແມ່ແມ້ແຕ່ນາທີດຽວ ສິ່ງເຫລົ່ານີ້ເຮັດໃຫ້ລາວຮູ້ສືກເສຍໃຈຫລາຍ

ຂື້ນຈົນນ້ຳຕາໄຫລອອກມາຢ່າງບໍ່ຂາດສາຍ

 ເຊົ້າວັນສຸກ ທີ 3 ຕຸລາ

 " ຜູ້ຕາຍນີ້ຄົງຈະຖືກທໍລະມານດ້ວຍການເສຍເລືອດ ເຂົາບໍ່ໄດ້ຕາຍຕອນຖືກແທງແນ່ນອນ

ຕຳຫລວດບອກວ່າ ພົບລາວນອນຄວ່ຳຢູ່ ແລະໃນມືຂ້າງຂວານັ້ນ ລາວກຳມືຖືລາວໄວ້ແຫນ້ນ

ຖ້າໃຫ້ເດົາ ຄືລາວຈະພະຍາຍາມ  ໂທໃຫ້ຄົນຊ່ວຍ ແຕ່ ຄົງບໍ່ມີໃຜຮັບ "  

ຫມໍທຳການພິຈາລະນາສົບຢ່າງມີເຫດມີຜົນ

 ໃນຕອນນັ້ນເອງ ຍິງສາວນືກຂື້ນໄດ້ ລາວຈັບໂທລະສັບມືຖືລາວຂື້ນມາ ແລ້ວເບິ່ງສາຍທີ່ຮັບ

ໃນຄືນນັ້ນ   ເຊິ່ງລາວກໍ່ເຫັນວ່າມີແຕ່ເບີນ້າສາວທີ່ໂທເຂົ້າມາ ບໍ່ມີຊື່ແມ່ ແຕ່ແລ້ວລາວກໍ່ກົດໄປ

ເບິ່ງເລື້ອຍ ແລ້ວພົບຄຳວ່າ ແມ່ ຢູ່ໃນສາຍທີ່ບໍ່ໄດ້ຮັບ

   ແລະ ລາວກໍ່ຈະບໍ່ມີວັນທີ່ຈະໄດ້ຮັບສາຍນັ້ນອີກເລີຍ

ມີແມ່ເຖົ້າຄົນນື່ງມີຖານະຮັ່ງມີຫລາຍ ຕ້ອງການທີ່ຈະທົດສອບຄວາມມີນ້ຳໃຈຂອງລູກເຂີຍທັງສາມຄົນ

ຈື່ງພາລູກເຂີຍຄົນທຳອິດຍ່າງຫລິ້ນສວນຫລັງບ້ານ   ບໍ່ມີໃຜຄາດຄິດໄວ້ກ່ອນ ແມ່ເຖົ້າກໍ່ເຮັດຕິໂດດລົງໄປ

ໃນສະນ້ຳຂ້າງທາງຍ່າງ ແລະ ຮ້ອງສຽງດັງຂໍໃຫ້ລູກເຂີຍຊ່ວຍ   ລູກເຂີຍຄົນທຳອິດກະໂດດລົງໄປໃນສະນ້ຳທັນທີ

ພ້ອມທັງພາແມ່ເຖົ້າຂື້ນຝັ່ງໄດ້ຢ່າງປອດໄພ    ສ້າງຄວາມພໍໃຈໃຫ້ແມ່ເຖົ້າຫລາຍ

  ເຊົ້າມື້ຕໍ່ມາລູກເຂີຍຄົນທຳອິດກຳລັງອອກຈາກປະຕູເຮືອນ ກໍ່ເຫັນລົດ BMW ສີນ້ຳເງິນຄັນງາມ

ຈອດຢູ່ຫນ້າປະຕູເຮືອນ ພ້ອມທັງຂໍ້ຄວາມຕິດຢູ່ຫນ້າແວ່ນລົດວ່າ:

 " ຂອບໃຈຫລາຍໆລູກເຂີຍ ເຈົ້າເຮັດໃຫ້ຂ້ອຍປະທັບໃຈ ຈາກ: ແມ່ເຖົ້າ "

   ເຊົ້າມື້ຕໍ່ມາ ແມ່ເຖົ້າໄດ້ພາລູກເຂີຍຄົນທີສອງ ໄປທີ່ສວນຫລັງບ້ານດຽວກັນນີ້

ແລ້ວກໍ່ເຮັດຕິກະໂດດລົງໄປໃນສະນ້ຳຄືເກົ່າ ລູກເຂີຍຄົນທີສອງ

ກໍ່ຟ້າວກະໂດດລົງໄປໃນສະນ້ຳທັນທີ ແລ້ວສາມາດຊ່ວຍແມ່ເຖົ້າ

ຂື້ນໄປເຖີງຝັ່ງໄດ້ຄືກັນ ສ້າງຄວາມພໍໃຈໃຫ້ແມ່ເຖົ້າຢ່າງຫລາຍ

  ເຊົ້າມື້ຕໍ່ມາ ຂະນະລູກເຂີຍຄົນທີສອງ ອອກຈາກປະຕູເຮືອນ

ກໍ່ເຫັນລົດ BMW ສີຂຽວຄັນງາມຈອດຢູ່ຫນ້າປະຕູເຮືອນ

ພ້ອມທັງຂໍ້ຄວາມຕິດຢູ່ຫນ້າແວ່ນລົດວ່າ:

 " ຂອບໃຈຫລາຍໆລູກເຂີຍ ເຈົ້າເຮັດໃຫ້ຂ້ອຍປະທັບໃຈ ຈາກ: ແມ່ເຖົ້າ "

 ເຊົ້າມື້ຕໍ່ມາແມ່ເຖົ້າໄດ້ພາລູກເຂີຍຄົນທີ່ສາມ

ໄປທີ່ສວນຫລັງບ້ານດຽວກັນນີ້ແລ້ວກໍ່ເຮັດຕິກະໂດດລົງໄປໃນສະນ້ຳຄືເກົ່າ

ແຕ່ລູກເຂີຍຄົນທີສາມ ເຮັດເປັນບໍ່ສົນໃຈ

ແມ່ເຖົ້າໄດ້ແຕ່ຕະກຸຍນ້ຳຈົນຫມົດແຮງ ແລະ ກໍ່ຈົມນ້ຳຕາຍ

ເຊົ້າມື້ຕໍ່ມາ ຂະນະລູກເຂີຍ ອອກຈາກປະຕູເຮືອນ

ກໍ່ເຫັນລົດ Ferrari ສີແດງຄັນງາມຈອດຢູ່ຫນ້າປະຕູເຮືອນ

ພ້ອມທັງຂໍ້ຄວາມຕິດຢູ່ຫນ້າແວ່ນລົດວ່າ:

 " ຂອບໃຈຫລາຍໆລູກເຂີຍ ເຈົ້າເຮັດໃຫ້ຂ້ອຍປະທັບໃຈ ຈາກ: ພໍ່ເຖົ້າ "

   ສົມສັກມາຢືນຖ້າແຟນທີ່ຫ້າງແຫ່ງນື່ງ ເຂົາຖ້າແຟນດົນໂພດຈື່ງຄິດໄປລ້າງຫນ້າ

ຫລັງຈາກຍ່າງອອກມາຈາກຫ້ອງນ້ຳ ເຂົາກໍ່ແນມໄປເຫັນເດັກໄວລຸ້ນກຳລັງນັ່ງກິນ

ຊັອກໂກແລດ ເຂົ້າຫມົມອົມ ແລະ ກໍ່ນ້ຳອັດລົມ ເຂົາຈື່ງຍ່າງເຂົ້າໄປເຕືອນ:

ສົມສັກ:        ນ້ອງ ນ້ອງຮູ້ບໍ່ວ່າຂອງພວກນີ້ບໍ່ມີປະໂຫຍດ

ເດັກໄວລຸ້ນ:   ຮູ້ອ້າຍ ກໍ່ພວກຂ້ອຍກິນເປັນປະຈຳ

ສົມສັກ:        ອ້າວ ແລ້ວນ້ອງບໍ່ເປັນຫຍັງເບາະ

ເດັກໄວລຸ້ນ:   ປູ່ຂ້ອຍອາຍຸ 100 ປີ

ສົມສັກ:        ປູ່ນ້ອງກິນຂອງພວກນີ້ເປັນປະຈຳຄືກັນເບາະ

ເດັກໄວລຸ້ນ:   ບໍ່

ສົມສັກ:        ແລ້ວເອົາປູ່ມາອ້າງເຮັດຫຍັງ

ເດັກໄວລຸ້ນ:   ປູ່ຂ້ອຍບໍ່ເຄີຍຫຍຸ້ງເລື່ອງຂອງຊາວບ້ານ ອາຍຸເລີຍຍືນ

ສົມສັກ:        ???????????

ດ້ວຍຄວາມຊ່ວຍເຫລືອຢ່າງເຕັມທີ່ຈາກຜູ້ຊ່ຽວຊານດ້ານການມີລູກ

ແມ່ເຖົ້າໄວ 65 ປີ ຄົນນື່ງສາມາດໃຫ້ກຳເນີດລູກໄດ້ສຳເລັດ

ວົງສາຄະນາຍາດທີ່ຮູ້ຂ່າວ ຕ່າງເດີນທາງມາຮ່ວມສະແດງຄວາມຍິນດີ

ແລະ ຕ້ອນຮັບສະມາຊິກໃຫມ່ຂອງຄອບຄົວ

ແລະເມື່ອພວກເຂົາຂໍເບິ່ງຫນ້າເດັກນ້ອຍ

ແມ່ເຖົ້າກໍ່ຕອບວ່າ : ຍັງບໍ່ແມ່ນຕອນນີ້

ເວລາຜ່ານໄປ ບັນດາຍາດພີ່ນ້ອງກໍ່ຂໍເບິ່ງຫນ້າເດັກນ້ອຍອີກຄັ້ງ

ແມ່ເຖົ້າກໍ່ຕອບຄືເກົ່າວ່າ: ຍັງບໍ່ແມ່ນຕອນນີ້

ໃນທີ່ສຸດບັນດາຍາດພີ່ນ້ອງ ກໍ່ຖາມຂື້ນຍ່າງຫມົດຄວາມອົດທົນວ່າ

ແລ້ວເມື່ອໃດເຮົາຈະໄດ້ເຫັນຫນ້າຫລານນ້ອຍ

ແມ່ເຖົ້າກໍ່ບອກວ່າ: ຖ້າໃຫ້ຫລານນ້ອຍໄຫ້ກ່ອນ

ບັນດາຍາດໆ ກໍ່ຖາມອີກວ່າ: ເປັນຫຍັງເຮົາຕ້ອງຖ້າໃຫ້ຫລານນ້ອຍໄຫ້ກ່ອນ

ແມ່ເຖົ້າໄວ 65 ປີກໍ່ຕອບວ່າ:

     " ເພາະຂ້ອຍຈື່ບໍ່ໄດ້ວ່າ ຂ້ອຍວາງຫລານນ້ອຍໄວ້ຢູ່ໃສ "

ຖ້າໃຜຕອບຄຳຖາມໄດ້ວ່າ ຮັກຄົນຄົນນື່ງເພາະອັນໃດ

ນັ້ນເປັນຮັກຈາກສະຫມອງ ສະຫມອງມັກມີເຫດຜົນມີຄຳຕອບ

ໃນການທີ່ຕ້ອງຮັກ ແລະ ອາດບໍ່ແມ່ນຮັກແທ້

ເພາະຮັກແທ້ ເປັນຮັກທີ່ບໍ່ມີຄຳຕອບ

ຮັກຈາກຄວາມຮູ້ສືກ ຮັກເພາະຮູ້ສືກຮັກ ສັງເກດງ່າຍ

ຖ້າຮັກຈາກສະຫມອງ ຊີວິດຮັກເຫມືອນຢູ່ໃນໂລກຄວາມຈິງ

ມັກບໍ່ອ່ອນຫວານ ເຮັດອັນໃດກໍ່ມີແຜນການ ມີເຫດຜົນ

ມີຄຳອະທິບາຍຮ້ອຍແປດ

ຕ່າງຈາກຮັກທີ່ມາຈາກຄວາມຮູ້ສືກ ຊີວິດເຫມືອນຢູ່ໃນຄວາມຝັນ

ອ່ອນຫວານ ອົບອຸ່ນ ໃຊ້ຫົວໃຈໃນການຕັດສິນ ກາຍເປັນຄົນບໍ່ມີສະຫມອງ

ຖ້າໃຜບອກວ່າຮັກເຈົ້າຍ້ອນຫຍັງ

ຈົ່ງຈຳໄວ້ວ່າ ຮັກແທ້ຈະບໍ່ມີເຫດຜົນ ຈະບໍ່ມີຄຳວ່າອັນໃດມາເຮັດໃຫ້ຮັກ

ເພາະຖ້າບອກວ່າຮັກຍ້ອນເຈົ້າງາມ

ເມື່ອຄວາມງາມຫມົດອາດເລີກຮັກໄດ້

ຫລືຖ້າຮັກເພາະເຈົ້າເປັນຄົນດີ

ມື້ນື່ງອາດອ້າງໄດ້ວ່າ ຕອນນັ້ນເຫັນເຈົ້າເປັນຄົນດີໄດ້ແນວໃດ

ຫລືຖ້າຮັກເພາະເຈົ້າເປັນເຈົ້າ

ກໍ່ຄົງເບື່ອທີ່ຈະຫາຄຳອື່ນມາເວົ້າ ເພາະຄຳນີ້ໃຊ້ງ່າຍທີ່ສຸດ

  ຈົ່ງຟັງຄົນທີ່ບອກວ່າ ຮັກເຈົ້າ ແລະ ບໍ່ເຂົ້າໃຈວ່າເປັນຫຍັງຈື່ງຮັກ

ນັ້ນສະແດງວ່າໃຊ້ຫົວໃຈຮັກ ບໍ່ວ່າວັນຂ້າງຫນ້າ ເຈົ້າຈະເປັນແນວໃດ

ຫົວໃຈກໍ່ຈະຍັງບໍ່ມີເຫດຜົນໃນການຮັກຢູ່ດີ

 ຈະເລືອກຄົນທີ່ໃຊ້ຫົວໃຈຮັກ ຫລື ຄົນທີ່ໃຊ້ສະຫມອງຮັກ

 .........ຂື້ນຢູ່ກັບເຈົ້າ

ເລຂາ:     ຫົວຫນ້າ....... ມີຄົນຈະຂໍລົມສາຍກັບທ່ານ

ຫົວຫນ້າ:  ແມ່ນໃຜ

ເລຂາ:     ເຂົາບອກວ່າຊື່ຄວາມຮັກ

ຫົວຫນ້າ:   ອືມ.....ບອກລາວວ່າຂ້ອຍຫຍຸ້ງວຽກຫລາຍ

...............ເວລາຜ່ານໄປ........................

ເລຂາ:     ຫົວຫນ້າ ຄວາມຮັກຍັງລໍສາຍທ່ານຢູ່

ຫົວຫນ້າ:  ອືມ.....ບອກລາວໄປວ່າຂ້ອຍບໍ່ສະດວກທີ່ຈະຮັບສາຍ

...............ເວລາຜ່ານໄປ........................

ເລຂາ:     ຫົວຫນ້າ

ຫົວຫນ້າ:   ຄວາມຮັກ ອີກແລ້ວແມ່ນບໍ່ ບອກລາວວ່າຂ້ອຍຍັງຫຍຸ້ງວຽກ

ເລຂາ:     ບໍ່ແມ່ນເຈົ້າ ມີຄົນຈະລົມເລື່ອງວຽກກັບທ່ານ

............ໃນມື້ທີ່ຫົວໃຈວ່າງ ວ່າງ ວ່າງ

mobile phone: you have 1 new message in your mailbox

" Please call... goodbye from ຄວາມຮັກ

ຫົວຫນ້າ:   ຊ່ວຍຕໍ່ສາຍຄວາມຮັກໃຫ້ຂ້ອຍແດ່

ເລຂາ:      ເຈົ້າ

............ຕຸ້ດໆໆໆໆໆໆໆໆ ...............

ຄວາມຮັກທີ່ທ່ານເອີ້ນບໍ່ສາມາດຕິດຕໍ່ໄດ້ໃນຂະນະນີ້

ກະລຸນາຝາກຂໍ້ຄວາມແລະຫມາຍເລກໂທກັບ

ເລຂາ:   ຕິດຕໍ່ບໍ່ໄດ້ເຈົ້າ ຈະໃຫ້ຝາກຂໍ້ຄວາມໄວ້ບໍ່

ຫົວຫນ້າ: ບໍ່ຕ້ອງ

ຄວາມເຫງົາເຂົ້າມາຢ້ຽມຢາມ.....ແລ້ວເວລາກໍ່ຜ່ານໄປ ຜ່ານໄປ...............

ຄວາມຮັກທີ່ທ່ານເອີ້ນບໍ່ສາມາດຕິດຕໍ່ໄດ້ໃນຂະນະນີ້

ກະລຸນາຝາກຂໍ້ຄວາມແລະຫມາຍເລກໂທກັບ

ຫົວຫນ້າ:  " ທ່ານຄວາມຮັກຄື

           ຂ້ອຍ....ເຫັນເຈົ້າງຽບຫາຍໄປບໍ່ຮູ້ວ່າເຈົ້າສະບາຍດີບໍ່

           ຊ່ວງກ່ອນຫນ້ານີ້ຂ້ອຍຫຍຸ້ງວຽກຕະຫລອດ ບໍ່ມີເວລາວ່າງ

           ຕ້ອງຂໍໂທດດ້ວຍ

           ບໍ່ຮູ້ຈະສາຍໄປບໍ່ ຖ້າຈະບອກວ່າ

           ຂ້ອຍພ້ອມທີ່ຈະມີຄວາມຮັກແລ້ວ "

           ລໍຄອຍ...ລໍຄອຍ...ລໍຄອຍ...ລໍຄອຍ

           ລໍຄອຍຄວາມຮັກຈົນຖີງວັນນື່ງ.......

ເລຂາ:    ຫົວຫນ້າ ຄວາມຮັກໂທມາ ໃຫ້ປະຕິເສດໄປເລີຍບໍ່

ຫົວຫນ້າ:  ບໍ່ຕ້ອງ ຟ້າວໂອນສາຍເຂົ້າມາເລີຍ

ຫົວຫນ້າ:  " ສະບາຍດີຄວາມຮັກ ເຈົ້າຫາຍໄປໃສມາ

           ຕ້ອງຂໍໂທດດ້ວຍ ທີ່ຂ້ອຍບໍ່ມີເວລາໃສ່ໃຈ

           ບໍ່ເຄີຍສົນໃຈຕະຫລອດເວລາທີ່ຜ່ານມາ

           ຂ້ອຍບໍ່ຄິດວ່າເຈົ້າຈະເປັນສິ່ງສຳຄັນສຳລັບຊີວິດຂ້ອຍ

           ຂ້ອຍຂໍໂທດ..."

ຄວາມຮັກ: "ຂ້ອຍບໍ່ໄດ້ຄຽດອັນໃດເລີຍ    

           ບໍ່ວ່າແນວໃດ

           ຄວາມຮັກຢ່າງຂ້ອຍກໍ່ມີຫນ້າທີ່ໃຫ້ຄວາມຮັກສະເຫມີ

           ເມື່ອໃດກໍ່ຕາມ ທີ່ເຈົ້າເປີດໃຈຕ້ອນຮັນ

           ເມື່ອນັ້ນ ເຈົ້າກໍ່ຈະໄດ້ເປັນເຈົ້າຂອງຄວາມຮັກ

           ແຕ່ທີ່ຜ່ານມາ ບໍ່ໄດ້ຕິດຕໍ່ກໍ່ພຽງເພາະວ່າ

           ຂ້ອຍບໍ່ໄດ້ຈ່າຍຄ່າໂທລະສັບ "

                         ເງິນ

           ມີຄ່າສະເຫມີແມ້ແຕ່ກັບຄວາມຮັກ

           ແຕ່ຢ່າໃຫ້ຖີງຂະຫນາດວ່າ

           ຄວາມຮັກ ຊື້ໄດ້ດ້ວຍເງິນ   

   ຊາຍຈີນຄົນນຶ່ງແບກຖັງນ້ຳສອງໃບໄວ້ເທີງບ່າເພື່ອໄປຕັກນ້ຳທີ່ລໍາທານແຫ່ງນຶ່ງ, ຖັງນ້ຳໃບນື່ງມີຮອຍແຕກ

ໃນຂະນະທີ່ອີກໃບນຶ່ງບໍ່ມີ ຮອຍຫຍັງເລີຍ ແລະສາມາດບັນຈຸນ້ຳກັບມາໄດ້ເຕັມຖັງ....... ແຕ່ດ້ວຍໄລຍະທາງ

ອັນຍາວໄກຈາກລຳທານກັບເມືອບ້ານ ຈຶ່ງເຮັດໃຫ້ນ້ຳທີ່ຢູ່ໃນຖັງໃບທີ່ມີຮອຍແຕກເຫລືອເຄິ່ງດຽວ ເຫດການທັງຫມົດນີ້ດຳເນີນມາເປັນເວລາ 2ປີເຕັມທີ່ຄົນຕັກນ້ຳ ສາມາດຕັກນ້ຳກັບມາບ້ານໄດ້ນຶ່ງຖັງເຄິ່ງ..... ເຊິ່ງແນ່ນອນວ່າຖັງນ້ຳໃບທີ່ບໍ່ມີຮອຍຕຳນິຈະຮູ້ສຶກພາກພູມໃຈໃນຜົນງານເປັນຢ່າງຍິ່ງ.....ຂະນະດຽວກັນຖັງນ້ຳໃບ ທີ່ມີຮອຍແຕກກໍ່ຮູ້ສຶກອັບອາຍຕໍ່ຄວາມບົກພ່ອງຂອງໂຕເອງ ມັນຮູ້ສຶກໂສກເສົ້າກັບການທີ່ມັນສາມາດເຮັດຫນ້າທີ່ໄດ້

ພຽງເຄິ່ງດຽວຂອງຈຸດປະສົງທີ່ມັນຖືກສ້າງຂື້ນມາ, ຫລັງຈາກເວລາ 2 ປີທີ່ຖັງນ້ຳທີ່ມີຮອຍແຕກເຫັນວ່າເປັນຄວາມລົ້ມ

ເຫລວອັນຂົມຂື່ນ .

   ມື້ນື່ງທີ່ລຳທານ ມັນໄດ້ເວົ້າກັບຄົນຕັກນ້ຳວ່າ:" ຂ້ອຍຮູ້ສືກອັບອາຍໂຕເອງ ເປັນເພາະຮອຍແຕກທີ່ດ້ານຂ້າງຂອງ

ໂຕຂ້ອຍ ທີ່ເຮັດໃຫ້ນ້ຳ ທີ່ຢູ່ຂ້າງໃນໄຫລອອກມາຕະຫລອດເສັ້ນທາງ ທີ່ກັບໄປບ້ານຂອງທ່ານ "

   ຄົນຕັກນ້ຳຕອບວ່າ: " ເຈົ້າເຄີຍສັງເກດຫລືອບໍ່ ວ່າມີດອກໄມ້ເບັ່ງບານຢູ່ຕະຫລອດເສັ້ນທາງໃນດ້ານຂອງເຈົ້າ,

ແຕ່ກັບບໍ່ມີດອກໄມ້ຢູ່ ເລີຍໃນອີກດ້ານນຶ່ງ ເພາະຂ້ອຍຮູ້ວ່າເຈົ້າມີຮອຍແຕກຢູ່ ຂ້ອຍຈື່ງໄດ້ຫວ່ານເມັດພັນດອກໄມ້ ລົງຂ້າງທາງຍ່າງດ້ານຂອງເຈົ້າ ແລະທຸກມື້ທີ່ ເຮົາຍ່າງກັບ ເຈົ້າກໍ່ເປັນຜູ້ຫົດນ້ຳໃຫ້ກັບເມັດພັນເຫລົ່ານັ້ນ

ເປັນເວລາ 2 ປີທີ່ຂ້ອຍສາມາດເກັບດອກໄມ້ງາມໆເຫລົ່ານັ້ນກັບມາຕົກແຕ່ງ ໂຕະກິນເຂົ້າ ຖ້າຫາກປາສະຈາກເຈົ້າ

ທີ່ເປັນເຈົ້າແບບນີ້ ເຮົາກໍ່ຄົງບໍ່ໄດ້ຮັບຄວາມສວຍງາມແບບນີ້ໄດ້ " .

    ຄົນເຮົາແຕ່ລະຄົນ ຍ່ອມມີຂໍ້ບົກພ່ອງທີ່ເປັນເອກະລັກຂອງໂຕເອງ ແຕ່ຮອຍຕຳນິແລະຂໍ້ບົກພ່ອງທີ່ເຮົາແຕ່ລະຄົນມີນັ້ນ

ອາດຊ່ວຍເຮັດ ໃຫ້ການຢູ່ຮ່ວມກັນຂອງເຮົາຫນ້າສົນໃຈ ແລະກາຍເປັນບຳເນັດລາງວັນຂອງຊີວິດໄດ້ , ສິ່ງທີ່ຕ້ອງເຮັດກໍ່ພຽງແຕ່ຍອມຮັບຄົນແຕ່ລະຄົນ ໃນແບບທີ່ເຂົາເປັນ ແລະແນມຫາສິ່ງທີ່ດີທີ່ສຸດໃນຕົວຂອງພວກເຂົາເຫລົ່ານັ້ນເທົ່ານັ້ນເອງ .

       ຍັງບໍ່ມີຊື່ເລື່ອງເລີຍ ຂໍໃຫ້ເພື່ອນຊ່ວຍກັນໃສ່ຊື່ເລື່ອງໃຫ້ເລີຍພ້ອມທັງຄຳເຫັນ ^_^

     ພໍ່ຖາມລູກສາວວ່າ: " ຢາກຮູ້ບໍ່ວ່າມີຫຍັງຢູ່ໃນມືຂອງພໍ່ນີ້  "

 ເມື່ອຄ່ຳນີ້ ຫລັງຈາກທີ່ໄຫວ້ພະກັບພໍ່ແລະແມ່ແລ້ວ ພໍ່ກໍ່ໄດ້ເອີ້ນລູກເຂົ້າໄປພົບ

ແລ້ວກໍ່ບອກລູກວ່າ:" ພໍ່ມີຫຍັງຈະໃຫ້ເບິ່ງ ສຳຄັນຫລາຍ "

ແລ້ວພໍ່ກໍ່ຈັບເອົາສິ່ງຂອງບາງຢ່າງອອກຈາກກະເປົ໋າເສື້ອ ເອົາມືກຳໄວ້

ແລ້ວກໍ່ຖາມລູກວ່າ:" ຢາກຮູ້ບໍວ່າມີຫຍັງໃນມືພໍ່ " ລູກກໍ່ຫງຶກຫົວ ບອກພໍ່ວ່າ:

  ລູກຢາກຮູ້ວ່າໃນມືພໍ່ມີຫຍັງ

  ຖ້າຢາກຮູ້ຕ້ອງເອົາມືເຄາະພື້ນ 3 ເທື່ອ

  ລູກກໍ່ເຮັດຕາມ, ພໍ່ວ່າບໍ່ພໍຕ້ອງ 5 ເທື່ອ

  ແລະປ່ຽນເປັນ 10 ເທື່ອຈົນຮອດ 15 ເທື່ອ

  ກໍ່ລູກຢາກຮູ້ເດວ່າເປັນຫຍັງ

  ເມື່ອພໍ່ແບມືອອກ ມັນກໍ່ເປັນຫລຽນທຳມະດານີ້ເອງ

  ລູກຮູ້ແລ້ວບໍ່ຢາກເບິ່ງອີກເບື່ອ

  ພໍ່ກໍ່ຫົວ ແລ້ວກຳມືກັບຫລຽນອັນເກົ່າ

  ແລ້ວຖາມວ່າຢາກເບິ່ງບໍ ເຄາະພື້ນ 10 ເທື່ອ

  ລູກຮູ້ແລ້ວບໍ່ຢາກເບິ່ງ

  ພໍ່ບອກວ່າ ເອົ້າຄັນຊັ້ນເຄາະພື້ນ 1 ເທື່ອກໍ່ໄດ້

  ລູກກໍ່ບອກວ່າ ລູກຮູ້ແລ້ວບໍ່ຢາກເບິ່ງອີກເບື່ອ

  ພໍ່ກໍ່ບອກວ່າໃຫ້ເບິ່ງລ້າກໍ່ໄດ້ ລູກກໍ່ແນມເບິ່ງໄປລ້າໆ

     ສິ່ງທີ່ພຶງຫວງສຳລັບຜູ້ຍິງ ເປັນສິ່ງມີຄ່າ ຖ້າໃຫ້ໃຜຮູ້ກ່ອນເວລາອັນຄວນ ກໍ່ຈະບໍ່ມີຄ່າຫຍັງ

  ພໍ່ເລີຍບອກລູກວ່າ :

     " ນີ້ລະລູກ ອັນໃດທີ່ເປັນຄວາມລັບ ຄົນມັກຍອມເຮັດທຸກຢ່າງ ທີ່ຈະໄດ້ສົມປາຖະຫນາ

     ຢາກເບິ່ງ ຢາກຮູ້ ຢາກເຫັນ ແຕ່ເມື່ອສົມປາຖະຫນາແລ້ວ ເບິ່ງເລີຍໆກໍ່ມັກຈະເບື່ອ

     ໃຫ້ເບິ່ງລ້າໆ ກໍ່ຍັງບໍ່ຢາກເບິ່ງເລີຍ

      ແລ້ວສິ່ງທີ່ພຶງຫວງສຳລັບຜູ້ຍິງກໍ່ມີຄ່າ

      ຖ້າໃຫ້ໃຜຮູ້ກ່ອນເວລາອັນຄວນ ກໍ່ຈະບໍ່ມີຄ່າ

      ບໍ່ຕ່າງຫຍັງກັບຫລຽນທີ່ພໍ່ໃຫ້ລູກເບິ່ງລ້າດອກ "

    ມີຜູ້ຍິງຫນ້າຕາດີຢູ່ຄົນນຶ່ງ ແຕ່ລາວໂຊກຮ້າຍເກີດອຸບັດເຫດກະທັນຫັນ ເຮັດໃຫ້ຕາຂອງລາວແນມບໍ່ເຫັນອີກຕໍ່ໄປ

ເຮັດໃຫ້ແຟນຂອງລາວ ຫມູ່ເພື່ອນ ຍາດພີ່ນ້ອງບໍ່ສົນໃຈລາວ ແລະປ່ອຍໃຫ້ລາວຕ້ອງຢູ່ຢ່າງໂດດດ່ຽວຄົນດຽວຢູ່ທີ່ໂຮງ ຫມໍຄົນດຽວເລື້ອຍມາ.

    ມີຢູ່ມື້ນື່ງມີຜູ້ຊາຍຄົນນື່ງ ຫນ້າຕາດີ ຖານະດີ ມາຕິດຕໍ່ວຽກຢູ່ທີ່ໂຮງຫມໍແຫ່ງນີ້ ໄດ້ມາພົບກັບຜູ້ຍິງຄົນນີ້ລາວຮູ້ສຶກ ຖືກສະຕາກັບຜູ້ຍິງຄົນນີ້ຢ່າງບອກບໍ່ຖືກ ເຮັດໃຫ້ລາວເຂົ້າມາລົມ ແລະ ທັກທາຍຜູ້ຍິງຄົນນີ້ເລື້ອຍມາ

ຜູ້ຍິງຄົນນີ້ກໍ່ສົນທະນາ ກັບ ຜູ້ຊາຍຄົນນີ້ຢ່າງເປັນມິດ, ລາວຖາມຊາຍຄົນນີ້ວ່າ: "ເປັນຫຍັງຄືມາເວົ້າກັບລາວ ມາເຮັດດີ

ກັບລາວ ໃນເມື່ອລາວກໍ່ເປັນຜູ້ຍິງຕາບອດຄົນນຶ່ງ ບໍ່ມີຫຍັງດີເລີຍ" , ຜູ້ຊາຍຄົນນີ້ກໍ່ຕອບໄປວ່າ:

"ຂ້ອຍຮູ້ສຶກຖືກສະຕາຮູ້ສຶກຜູກພັນກັບເຈົ້າ", ຜູ້ຍິງຄົນນີ້ກໍ່ຍິ້ມ ແລະດີໃຈທີ່ມີຄົນມາສົນໃຈ ເຫັນຄຸນຄ່າຂອງລາວ . ລາວກໍ່ເລີຍຖາມຜູ້ຊາຍຄົນນີ້ວ່າ:

 " ຖ້າຂ້ອຍຈະໃຫ້ເຈົ້າເບິ່ງແຍງຂ້ອຍຕະຫລອດໄປຈະໄດ້ບໍ່", ຜູ້ຊາຍຄົນນີ້ຕອບດ້ວຍຄວາມຫມັ້ນໃຈ ແລະບໍ່ລັງເລວ່າ:

 " ໄດ້ແນ່ນອນ, ຂ້ອຍຈະເບິ່ງແຍງເຈົ້າຕະຫລອດໄປ", ສອງຄົນນີ້ກໍ່ເລີຍຕົກລົງເປັນແຟນກັນ ແລະຜູ້ຊາຍຄົນນີ້ກໍ່ຂໍລາວແຕ່ງງານ

ຜູ້ຍິງຄົນນີ້ກໍ່ຕອບຕົກລົງ .

   ມື້ນຶ່ງໂຊກສະຕາກໍ່ເຂົ້າຂ້າງຜູ້ຍິງຄົນນີ້, ມີຄົນມາບໍລິຈາກດວງຕາໃຫ້ລາວ ຈົນເຮັດໃຫ້ລາວແນມເບິ່ງເຫັນອີກຄັ້ງນື່ງ, ເມື່ອລາວ

ເປີດຕາ ຄັ້ງທຳອິດ ລາວກໍ່ປາຖະຫນາທີ່ຈະເຫັນແຟນລາວເປັນຄົນແຣກ ເພາະລາວຄິດວ່າ ຕ້ອງເປັນຜູ້ຊາຍທີ່ດີທີ່ສຸດ ແລະເປັນ

ຄົນທີ່ຈະສາມາດເບິ່ງແຍງລາວຕໍ່ໄປ.

    ວັນທີ່ເປີດຕາ ລາວກໍ່ໃຫ້ແຟນຂອງລາວມາຢູ່ໃກ້ໆ ພ້ອມກັບເປັນຄົນເປີດຕາໃຫ້ລາວນຳ ແຕ່ຜູ້ຊາຍຄົນນີ້ບອກວ່າ:

"ບໍ່ເປັນຫຍັງ ໃຫ້ຫມໍເປີດໃຫ້ກໍ່ໄດ້ ຈັກຫນ່ອຍມັນຊິໄປກະທົບກະເທືອນກັບຕາຂອງລາວ", ຜູ້ຍິງຄົນນີ້ກໍ່ຕົກລົງ ບໍ່ວ່າຫຍັງ

    ເມື່ອລາວເປີດຕາຄັ້ງແຣກ ລາວແນມຫາແຟນຂອງລາວເປັນຄົນທຳອິດເລີຍ, ທັນໃດນັ້ນລາວກໍ່ຕ້ອງຕົກໃຈ ເພາະແຟນຂອງລາວ

ທີ່ມາທັກທາຍ ມາລົມນຳນັ້ນ ແທ້ຈິງແລ້ວເປັນຄົນຕາບອດຄືກັບລາວ.

     ຫລັງຈາກນັ້ນ ຜູ້ຊາຍຄົນນີ້ກໍ່ຖາມວ່າ:" ເປັນແນວໃດ ຕາແນມເຫັນແຈ້ງບໍ່ "

     ຜູ້ຍິງຄົນນີ້ກໍ່ຕອບດ້ວຍຄວາມບໍ່ເຕັມໃຈວ່າ:" ກໍ່ເຫັນພໍແຈ້ງຢູ່ "

     ຜູ້ຍິງຄົນນີ້ກໍ່ຄິດໃນໃຈວ່າ:"ເຮົານີ້ໂງ່ຫລາຍ ຫລົງເວົ້າກັບຄົນຕາບອດແຕ່ດົນ

     ແລະໄປເອີ່ຍປາກຮັບຄຳ ຈະແຕ່ງງານກັບເຂົາອີກ "

     ທັນໃດນັ້ນ ຜູ້ຊາຍຄົນນີ້ກໍ່ຖາມຜູ້ຍິງຄົນນີ້ວ່າ:

     " ເຈົ້າຍັງຢາກຈະແຕ່ງງານກັບຂ້ອຍອີກບໍ່ ໃນເມື່ອຂ້ອຍກໍ່ເປັນຄົນຕາບອດ "

      ຜູ້ຍິງຄົນນັ້ນກໍ່ຕອບດ້ວຍຄວາມບໍ່ພໍໃຈວ່າ:

      " ຂ້ອຍຈະແຕ່ງງານກັບເຈົ້າໄດ້ແນວໃດ ໃນເມື່ອເຈົ້າເປັນຄົນຕາບອດ ຈະເບິ່ງແຍງຂ້ອຍໄດ້ແນວໃດ "

      ຜູ້ຊາຍຄົນນີ້ກໍ່ອຶ້ງ ພ້ອມກັບຕອບອອກໄປວ່າ:

                      "ຄັນຊັ້ນ ເຈົ້າກໍ່ເບິ່ງແຍງດວງຕາຂອງຂ້ອຍໄວ້ໃຫ້ດີໆ"