ເລື່ອງນີ້ແມ່ນເລື່ອງຈິງທີ່ເກີດຂື້ນແຕ່10ປີຫລັງ ຕອນນັ້ນຂ້ອຍອາຍຸ12ປີ
ຄອບຄົວຂອງຂ້ອຍມີໂຮງສີເຂົ້າ ,ມີຄົນງານ 2 ຄົນ ຊື່ ປີ ແລະຊື່ ກ່ອຍ
ຕອນແລງຂອງທຸກໆ ມື້ທີ່ວ່າງວຽກ ປີ ມັກຈະຂີ່ລົດຖີບກັບບ້ານ
ຊື່ງບ້ານຂອງລາວກະບໍ່ໄກຈາກຕົວເມືອງປານໃດ ແລະຊ່ຳກິນເຂົ້າແລງແລ້ວລາວກະກັບມາ
   ມີມື້ຫນື່ງ  ທີ່ລາວກັບບ້ານ ຫລັງຈາກກິນເຂົ້າແລງແລ້ວລາວກະຖີບລົດກັບມາ
 ຕອນນັ້ນກະປະມານ8ໂມງແລງແລ້ວ ,ລາວຖີບລົດມາເລື້ອຍໆ ຈົນມາຮອດບ້ານນາຂ້ອຍສາວ
ແລະຮອດປ່າປຽ່ວໆ ທັນໃດລາວກະໄດ້ຍິນສຽງຜູ້ຍິງເອີ້ນລາວ  ''ອ້າຍປີ ຖ້າແນ່  '' ,
ລາວຫັນໄປເບີ່ງທາງຂ້າງທາງເຫັນຜູ້ຍິງນຸ່ງຊຸດດຳເກົ້າຜົມຍ່າງອອກມາແຕ່ປ່າຂ້າງທາງນັ້ນ
ລາວບໍ່ຄິດແປກໃຈແລະສົງໃສຫຍັງເລີຍ ມີແຕ່ຖາມກັບໄປວ່າ ''ເຈົ້າຊິໄປໃສ  '' ແລ້ວຜູ້ຍິງຄົນນັ້ນ
ກໍ່ຖາມກັບມາວ່າ'' ແລ້ວອ້າຍປີເດຊິໄປໃສ '' ປີຕອບກັບໄປວ່າ''ຂ້ອຍຊິເຂົ້າໃນເມືອງ ''
ແລ້ວຍິງຄົນນັ້ນກະເວົ້າວ່າ'' ຂ້ອຍກະຊິເຂົ້າໃນເມືອງ'' ປີ ກະເລີຍວ່າ '' ພໍດີເຂົ້າເມືອນຳກັນ'' .
ພວກເຂົາຍ່າງລົມກັນມາເລື້ອຍໆຈົນໄກ້ຈະຫວິດປ່າປຽ່ວ ທັນໃດປີໄດ້ຍິນສຽງ ຕະແກັງລົດດັງ
 ແກລ໋ງ !... ບາດຫນື່ງ ແລ້ວລາວກະຫັນມາເບີ່ງທາງຂ້າງ ຊ້ຳພັດບໍ່່ເຫັນຜູ້ຍິງຄົນນັ້ນ
ລາວບໍ່ເວົ້າຫນັງຈາຫລັງ ຈູງລົດຖີບແລ່ນເລີຍ ,ລາວແລ່ນຈົນມາຮອດບ້ານນາໂຄກ
ຊື່ງຫ່າງຈາກບ້ານນາຂ້ອຍສາວປະມານ5 ກິໂລແມັດ  ແລ້ວມີພໍ່ເຖົ້າຄົນຫນື່ງ ຊື່ງ
ນັ່ງຈູດຂີ້ເຍື່ອຢູ່ຫນ້າເຮືອນ ຮ້ອງມາໃສ່ລາວ '' ແມ່ນເປັນອີ່ຫຍັງ!!! ຄືແລ່ນມາເປັນຕາຕື່ນແທ້
ປີແນມເບີ່ງຫນ້າພໍ່ເຖົ້ານັ້ນດວ້ຍຄວາມຕົກໃຈ ຄິດວ່າແມ່ນຜີ ຈີ່ງຫລົງຮ້ອງອອກມາວ່າ
ໂອຍ ...ຜີຫລອກ ....ຜີຫລອກ ....ພໍ່ເຖົ້ານັ້ນເວົ້າວ່າ ຂ້ອຍແມ່ນຄົນນີ້ແຫລະບໍ່ຕ້ອງຍ້ານ
ແລ້ວປີກະເລີຍເລົ່າໃຫ້ພໍ່ເຖົ້ານັ້ນຟັງ ພໍ່ເຖົ້ານັ້ນກະເລີຍບອກວ່າ'' ແຕ່ກ່ອນມີຜູ້ສາວຜູກຄໍຕາຍ
ຢູ່ປ່ານັ້ນ ,ເຊືອກຜູກຄໍກະຍັງຫ້ອຍຢູ່ຫັ້ນ ເຈົ້າບໍ່ເຫັນບໍ ''