ເຮົາຈະເຮັດແນວໃດ ?

ເຮົາບໍ່ຮູ້ຈະເຮັດແນວໃດແລ້ວ ເມື່ອຄົນທີ່ເຮົາຮັກບໍ່ແນມເບິ່ງໜ້າ ນັ້ນໝາຍເຖິງວ່າ ເຮົາອົກຫັກໄປ 95% ແລ້ວແມ່ນບໍ ? ຕອນທີ່ເຂົາຍ່າງເຂົ້າມາກັບຕອນທີ່ເຂົາຍ່າງອອກໄປ ຄວາມຮູ້ສຶກນີ້ ມັນຊ່າງທຳຮ້າຍເຮັດໃຫ້ເຮົາເຈັບປວດແທ້ ທຸກຄົນກໍບອກ ທຳໃຈສະ ຕັດໃຈສາ ເຂົາບໍ່ຮັກກໍປ່ອຍເຂົາໄປ ແມ່ນ ຂ້ອຍກໍຢາກເຮັດແບບນັ້ນ ຖ້າຫາກວ່າຂ້ອຍບໍ່ໄດ້ຮັກລາວ ເປັນຫຍັງຄົນທີ່ຮັກເຮົາສຸດ ຈຶ່ງເປັນພໍ່ກັບແມ່ ແລ້ວເປັນຫຍັງຄົນທີ່ເຮົາຮັກສຸດ ຈຶ່ງເປັນເຂົາ ຊາຍຄົນນີ້ ຄົນທີ່ຢືນຢູ່ຕໍ່ໜ້າ ຄົນທີ່ໃຊ້ຫາງຕາບອກແທນຄຳເວົ້າ "ເຮົາໄປກັນບໍ່ໄດ້".

ຝົນຮວ້າຍທ້ອງຟ້າກໍແຈ້ງໃສ ແລ້ວເປັນຫຍັງ ຝົນໃນໃຈ(ຂອງຂ້ອຍ) ມັນຄືບໍ່ຈາງ.

ຕອນນີ້ຂ້ອຍຄົງເຮັດໄດ້ແຕ່ທຳໃຈ ຍອມຮັບຄວາມຈິງທີ່ແສນທໍລະມານ ຍອມພົບກັບສິ່ງທີ່ບໍຢາກເຈີ ພັນຄົນທີ່ຍ່າງເຂົ້າມາກໍຍັງບໍ່ມີໃຜເຮັດໃຫ້ຂ້ອຍລືມລາວໄດ້.

 ຄົນເຮົາເມື່ອມີຄົນຍ່າງມາບອກຮັກແລະຄົນໆນັ້ນກໍເປັນຄົນທີ່ເຮົາຮັກ ໂອ້ບໍມີຄວາມຮູ້ສຶກໃດຈະບັນຍາຍໄດ້ ຄວາມຫວານທີ່ເບິ່ງຫຍັງກໍເປັນດີໝົດ

ແຕ່ມື້ນຶ່ງຄົນທີ່ເຮົາຮັກຍ່່າງມາ ຫລືມີຂໍ້ຄວາມຢູ່ໃນໜ້າຈໍໂທລະສັບວ່າ ເຮົາຄົງໄປກັນບໍ່ໄດ້ ຄວາມຮູ້ສຶກເສຽໃຈຈະເຂົ້າມາແທນ ນັ້ນກໍບັນຍາຍບໍ່ໄດ້ຄືກັນ

ເຮົາເຈັບເທົ່າໃດມີແຕ່ເຮົາຮູ້ ຄືກັບຂ້ອຍທີ່ພົບຢູ່ຕອນນີ້ ມັນບໍ່ດີເລີຍທີ່ຜູ່ຊາຍທີ່ເຮົາຮັກສຸດໃຈ ບອກເຮົາວ່າ "ເຮົ້າໄປກັນບໍ່ໄດ້" ປະໂຫຍກນີ້ປະໂຫຍກດຽວເຮັດໃຫ້ເຮົາຮ້ອງໄຫ້ ເສົ້າ ທຸກ ເປັນອາທິດ

ແຕ່ກໍບໍ່ເປັນຫຍັງເພາະເຮົາຍັງມີຄົນອ້ອມຂ້າງທີ່ໃຫ້ກຳລັງໃຈ ເປັນຫ່ວງ ເວົ້າຍົວະໃຫ້ເຮົາຫົວ ຄວາມຮູ້ສຶກນີ້ກໍບັນຍາຍບໍ່ໄດ້ອີກ ແຕ່ມັນເຮົດໃຫ້ຂ້ອຍຮູ້ວ່າ ເຖິງໃຜຊິໄປຈາກເຮົາ ແຕ່ເຣົາຍັງມີອີກຄົນທີ່ພ້ອມໃຫ້ ຄວາມຫ່ວງໃຍ  ນັ້ນຄືໝູ່