ສິ່ງດັ່ງກ່າວນີ້ເຮັດໃຫ້ ຂພຈ ຂົນລຸກ ແລະ ບໍ່ຢາກເຊື່ອຂ່າວນີ້ອີ່ຫຼີ, ທຳອິດໄດ້ໄປອ່ານເຈິຂ່າວຢູ່ www.samakomlao.blogspot.com

ຕາມລິ້ງນີ້: http://pasalao.activeboard.com/forum.spark?aBID=119371&p=3&topicID=37254400

ທີ່ວ່າ "ທີມເຕະບານ U18 ສ້າງຊື່ສຽງໄປທົ່ວໂລກ" ກະເລີຍເຂົ້າໄປອ່ານພໍອ່ານແລ້ວເຫັນວ່າລາວເຮົາສາມາດເອົາຊະນະທີມຈາກ

United States (2-1), Brazil (5-0), Sweden (3-0), Hungary (2-0) and Scotland (3-2).ແຮງບໍ່ເຊື່ອເລີຍໄປຊອກຫາຂໍ້ມູນເພື່ອ

ປຸກອາການຕື່ນເຕັ້ນດີໃຈຂອງຕົວເອງເລີຍໄປໄດ້ວີດີໂອຈາກສອງແຫຼ່ງຄືhttp://www.youtube.com/watch?v=yQ811CazvSk&feature=player_embedded

ແລະ ຈາກ www.gothiacup.se/eng/index.php/2010/07/gothia-tv-meeting-with-laos/

(ເປັນເວັບຂອງຄະນະຈັດການແຂ່ງຂັນເອງ). ຈຶ່ງໄດ້ຮູ້ປະຫວັດຄວາມເປັນມາຂອງທີມນີ້ວ່າເປັນເດັກນ້ອຍມາຈາກແຂວງຊຽງຂວາງທີ່ປີກາຍນີ້

ພວກເຂົາຫາກໍ່ເສຍຄູຝຶກຂອງພວກເຂົາໄປເຊິ່ງລາວເປັນຜູ້ສອນໃຫ້ເດັກນ້ອຍພວກນີ້ມີຄວາມຫວັງທີ່ຈະໄປແຂ່ງຂັນຢູ່ຢູໂຣບ ແລະ ດ້ວຍຄວາມຊ່ວຍເຫຼືອຂອງ

Gareth Carter ທີ່ລາວມາຊ່ວຍສ້າງໃຫ້ຄວາມຫວັງຂອງເດັກນ້ອຍກຸ່ມນີ້ເປັນຈິງ ແລະ ຍັງສ້າງຊື່ສຽງໃຫ້ດັງໄປທົ່ວໂລກນຳອີກ

ລາຍລະອຽດອ່ານຕື່ມ ທີ່ນີ້:

www.prnewswire.com/news-releases/war-torn-laos-football-team-win-major-football-trophy-99189049.html

www.gothiacup.se/eng/index.php/sok/

www.gothiacup.se/eng/index.php/home/match-schedule/

ສຳຫຼັບຜູ້ຂຽນເອງຂໍຊົມເຊີຍໝົດທຸກຄົນທີ່ມີສ່ວນຮ່ວມໃນເທື່ອນີ້ ແລະ ຫວັງວ່າຈະໄດ້ຍິນຂ່າວດີແນວນີ້ອີກ

ສະບາຍດີ ມື້ນີ້ພໍໄດ້ໄດ້ໄປອ່ານໃນເວັບບອດຂອງ www.samakomlao.blogspot.com ມາເຫັນວ່າລາວເຮົາໄດ້ຖືຈັດຢູ່ໃນອັນດັບ

ທີ່34 ຂອງບັນດາປະເທດທີ່ມີສັນຕິພາບທີ່ສຸດໃນໂລກຈາກບັນດາປະເທດທີ່ຖືກຈັດອັນດັບທັງໝົດ 149 ປະເທດທ່ານສາມາດເຂົ້າໄປເບິ່ງ

ໄດ້ວ່າປະເທດໃດແດ່ຢູ່ອັນດັບທີເທົ່າໃດໂດຍຜ່ານເວັບເພດນີ້  http://www.visionofhumanity.org/gpi-data/#/2010/scor ພຽງແຕ່

ເອົາເມົາສໄປວາງໃສແຜນທີ່ປະເທດນັ້ນກໍ່ຈະເຫັນລຳດັບ ສະແດງອອກ ມາແມ່ນໃຜເຫັນອັນດັບໜຶ່ງຊ່ວຍບອກແດ່ ຕອນນີ້ ຂພຈ ເຫັນແຕ່ອັນດັບ

149

ຫຼາຍ​ທ່ານ​ຄົງ​ລຶ້ງ​ເຄີຍ​ກັບ​ການ​ເປີດ​​ແອ​ທັນທີ​ທີ່​ຂຶ້ນ​ລົດ ​ເພື່ອ​ບັນ​ເທົາ​ຄວາມ​ຮ້ອນ ​ແລະ ສ້າງ​ບັນຍາ​ກາດ​ໃຫ້​ເຢັນ​ສະບາຍ, ​ແຕ່​ເຊື່ອ​ບໍ່​ວ່າ​ນັ້ນ​ເປັນ​ວິທີ​ທີ່​ທຳລາຍ​ສຸຂະພາບ​ຕົວ​ເອງ ​ໂດຍ​ສະ​ເພາະ​ຢ່າງ​ຍິ່ງ​​ເມື່ອ​ເວລາ​ທີ່​ທ່ານ​ຈອດ​ລົດ​ຕາກ​ແດດ​ໄວ້. ທາ​ງທີ່​ດີ​ຄວນ​ເປີດ​​ແວ່ນ​ຫຼັງ​ຈາກ​ຂຶ້ນ​ລົດ​ເພື່ອ​ລະບາຍ​ຄວາມ​ຮ້ອນ ​ແລະ ຢ່າ​ເປີດ​ແອ​ທັນທີ, ຈາ​ກຜົນ​ການ​ວິ​​ໄຈ​ແຜງ​ຄວບ​ຄຸມ​ການ​ເດີນ​ເຄື່ອງ​ຂອງ​ຈັກ​ລົດ(Console), ​ເບາະ​ນັ່ງ ​ແລະ ນ້ຳ​ຫອມປັບ​ອາກາດຈະ​ສ້າງສາ​ນ​ເບັນ​ຊິນ​ທີ່​ເປັນສານ​ກໍ່​ມະ​ເຮັງ​ຂຶ້ນ. ນອກຈາກ​ເປັນສາ​ເຫດ​ໃຫ້​ເປັນ​ມະ​ເຮັງ​ແລ້ວ​ສານ​ດັ່ງກ່າວ​ຍັງ​ເປັນ​ພິດ​ຕໍ່​ກະດູກ​ເຮັດ​​ໃຫ້​ເກີດ​ໂຣກ​ເລືອດ​ຈາງ ​ແລະ ຫຼຸດ​ຈຳນວນ​ເມັດ​ເລືອດ​ຂາວ​ເຊິ່ງ​ໃນ​ໄລຍະ​ຍາວ​ອາດ​ເຮັດ​ໃຫ້​ເປັນ​ມະ​ເລັງ​ເມັດ​ເລືອດ​ຂາວ(Leukaemia) ​ແລະ ອາດ​ເປັນ​ອັນຕະລາຍ​ຕໍ່​ລູກ​ໃນ​ທ້ອງ​ຂອງ​ແມ່​ໄດ້. ລະດັບ​ຂອງ​ສານ​ເບັນ​ຊິນ​ທີ່​ຍອມຮັບ​ໄດ້​ໃນ​ອາ​ຄານ​ຫຼື​​ໃນລົດ​ແມ່ນ 50 mg/ft², ​ແຕ່​ລະດັບ​ຂອງ​ສານ​ເບັນ​ຊິນ ​ໃນ​ລົດ​ທີ່​ຈອດ​ຢູ່​ໃນ​ບ່ອນ​ຮົ່ມ​ມີ​ຄ່າ​ຢູ່ 400 – 800 mg. ຫາກ​ລົດ​ຈອດ​ຢູ່​ກາງ​ແຈ້ງ​ທີ່​ມີ​ອຸນຫະ​ພູມ​ສູງ​ເກີນ​ກວ່າ 15.5˚c ລະດັບຂອງສານເບັນຊິນຈະສູງເຖິງ 2,000 – 4,000 mg ນັ້ນກໍ່ມາຍເຖິງສູງກວ່າລະດັບທີ່ຍອມຮັບໄດ້ເຖິງ 40 ເທົ່າ, ເຊິ່ງຄົນທີ່ຢູ່ໃນລົດຫາຍໃຈເອົາສານພິດທີ່ສູງເກີນມາດຕະຖານດັ່ງກ່າວເຂົ້າໄປຢ່າງຫຼີກລ່ຽງບໍ່ໄດ້. ສະນັ້ນ, ຄວນເປີດປະຕູ ແລະ ແວ່ນລົດໄວ້ຈັກໄລຍະໜຶ່ງເພື່ອໃຫ້ອາກາດຢູ່ໃນລົດອອກມາກ່ອນຈະເຂົ້າໄປນັ່ງ.

ໄປເຈິຢູ່ໜັງສືພິມ ປະຊາຊົນ ສະບັບວັນທີ 22 ມີນາ 2010, ຄໍລ້ຳສາລະໜ້າຮູ້

ເພື່ອນໆຄິດວ່າ ອາຊີບໃດໃນບ້ານເຮົານິ ທີ່ສາມາດຫາເງິນໄດ້ຫຼາຍກວ່າໝູ່(ແບບຖືກກົດໝາຍເດີ້) ຊ່ວຍກັນສະແດງຄວາມຄິດຄວາມເຫັນລອງເບິ່ງ ແລະຍ້ອນຫຍັງ

ໃນຫົວຂໍ້ນີ້ ຂໍຖາມທຸກຄົນວ່າຖ້າເພື່ອນໆບໍ່ໄດ້ຢູ່ລາວ ອາດຈະໄປຮຽນຕໍ່, ໄປເຮັດວຽກ ຫຼືໄປໃຊ້ຊີວິດຢູ່ຕ່າງປະເທດ ອາຫານລາວທີ່ທ່ານຄິດຮອດທີ່ສຸດມີຫຍັງແດ່

ຂ່າວຈາກວາລະສານ Wanderlust Travel Award ປະຈຳປີ  2010 ເຊິ່ງຜົນປະກົດວ່າ ເມືອງຫຼວງພະບາງໄດ້ຖືກຈັດຢູໃນຕຳແໜ່ງອັນດັບໜຶ່ງມີຄະແນນ 94.75%, ທີສອງແມ່ນເມືອງ ເຊຍນ້າ ປະເທດ ອີຕາລີ ມີຄະແນນ 94.67% ແລະ ທີສາມເປັນຂອງເມືອງ ແບັກແລັງ ປະເທດເຢຍລະມັນ. ຫຼວງພະບາງເຄີຍໄດ້ຮັບຕຳແໜ່ງນີ້ມາແລ້ວ ອັນດຳໜຶ່ງມາ ຕັ້ງແຕ່ປີ 2006 ແຕ່ຕ້ອງຕົກໄປເປັນທີ 5 ເມື່ອປີ 2009 ໂດຍທີ່ແຊ້ມໃນປີນັ້ນເປັນຂອງເມືອງກຽວໂຕ ເມືອງຫຼວງເກົ່າຂອງປະເທດຍິປຸ່ນ ແລະ ປີນີ້ຫຼວງພະບາງກໍ່ສາມາດທວງເອົາແຊ້ມກັບຄືນມາໄດ້