ສະບາຍດີ ທ່ານຜູ້ອ່ານທີ່ໜ້າຮັກ ໝົດທຸກທ່ານ ຂ້າພະເຈົ້າມີເລື່ອງລົບກວນ ຄື້ວ່າ: ຂ້າພະເຈົ້າຢາກເປັນນັກຂຽນໂປຼແກຼມ ຢາກຮຽນດ້ວຍຕົວເອງ ແຕ່ຍັງຂາດປະສົບການ ແລະ ຄວາມຮູ້ເລື່ອງ Coding & ການ​ວິ​ເຄາະ​ລະ​ບັບ ເພາະສະນັ້ນ ຈິ່ງຢາກຖາມຜູ້ທີ່ມີຄວາມຮູ້ທາງດ້ານນີ້ແນະນຳໃຫ້ແດ່ ວ່າຄວນເຮັດແນວໃດ ແລະ ມີWebsite ໃດສາມາດຊ່ວຍໄດ້

ຂໍຂອບໃຈລ່ວງໜ້າທີ່ຊ່ວຍ

ສະບາຍດີ ສະມາຊີກພັນລາວ ມື້​ນີ້​ມີ​ເລື່ອງ​ມາ​ເລົ່າ​ໃຫ້​ຟັງ ​ເຊິ່ງ​ບໍ່​ແມ່ນ​ເກີດ​ຂື້ນ​ກັບ​ຂ້າພະ​ເຈົ້າ​ໂດຍ​ຕົງ ​ແຕ່​ເປັນ​ມູ່ຂອງ​ຂ້າພະ​ເຈົ້າ ​ເລື່ອງ​ມີ​ຢູ່​ວ່າ

ໝູ່​ຜູ້​ຂ້າ​ເປັນ​ພະນັກງານ​ແລ້ວ​ເຮັດ​ໃບ​ສະ​ເໜີ​ຂໍ​ເປີດ​ເບິ​ລາຍ​ເດືອນ​ຍົກ​ເວັ້ນຄ່າ​ເຊົ່າ ຖື​ວ່າ​ລະບົບ​ເອກະສານ​ກໍ່​ໄປ​ຕາມ​ລະບົບ​ດີ​ທຸກ​ຢ່າງ ​ຈົນ​ເຖິງ​ຂັ້ນ​ຫົວໜ້າ​ກໍ່​ເຊັ່ນ​ຮຽບຮ້ອຍວ່າເຫັນດີ ເຮັດຕາມລະບຽບຂອງບໍ່ລິສັດ

​ແຕ່​ວ່າ ​ເມື່ອ​ເອກະສານ​ອອກ​ມາ​ທາງຜູ້​ບໍລິການ​ເພີ່ນ​ວ່າ ບໍ່ຍົກ​​ເວັ້ນຄ່າ​ເຊົ່າ  ​ຍົກເວັ້ນແຕ່ຄ່າລົງທະບຽນ (ຊື່​ຂອງ​ຜູ້​ໃຫ້​ບໍລິການ​​ເບິ່ງບໍ່​ເຫັນ ຍ້ອນ​ລາວ​ປິດ​ໄວ້​ຮູ້ແຕ່​ເປັນ​ຜູ້ຍິງ​ທີ່​ມີ​ຂີ້​ແມງວັນ​ໃຫຍ່ໆ ແຕ່ງໜ້າຈັດໆ ​ເພີ່ນ​ວ່າ​ຊັ້ນ @-@)

ຂ້າພະ​ເຈົ້າ​ກະ​ແປກ​ໃຈຢູ່​ວ່າ​ເປັນຫຍັງ? ໝູ່ຂ້າພະເຈົ້າບອກ​ເຫດຜົນທີ່ຜູ້ໃຫ້ບໍລິການບໍ່ໃຫ້ໄດ້ ເພີ່ນວ່າ ລາຍເຊັ້ນຫົວໜ້າບອກໃຫ້ ເຮັດຕາມກົດລະບຽບຂອງບໍລິສັດ ແຕ່ບໍ່ບອກວ່າເຫັນດີໃຫ້ຍົກເວັ້ນຄ່າເຊົ່າ ແລະ ຍົກເວັ້ນຄ່າລົງທະບຽນ ແຖມເວົ້າວ່າຫົວໜ້າບໍ່ໄດ້ອ່ານລະບຽບ ເພີ່ນເຊັ່ນໄປຊື່ໆ

ຕາມຂ້າພະເຈົ້າຟັງມານີ້ ກໍ່ເຂົ້າໃຈເລີຍວ່າ ຜູ້ໃຫ້ບໍລິການຄົນນີ້ຂີ້ສໍ້ຕໍແຫຼ ເຊິ່ງເຮັດໃຫ້ບໍລິສັດເຊື່ອມເສຍຊື່ສຽງ

ຕາມຂ້າພະເຈົ້າເຄີຍເຫັນມາເລື່ອງທາງຂັ້ນເທິງເພີ່ນເຊັ່ນນີ້ ແມ່ນເດັດຂ້າສຸດ ເຊັ່ນແລ້ວກໍ່ແປກວ່າໄດ້ ບໍ່ເຖິງຂັ້ນໃຫ້ບອກລະອຽດ ຄັນບໍ່ໄດ້ເພີ່ນກໍ່ຕ້ອງໃຫ້ຄຳເຫັນວ່າ ເອກະສານນີ້ບໍ່ອະນຸມັດ, ຫຼື ຕີກັບໄປຂາເຂົ້າ-ຂາອອກເລີຍ ຫຼື ບໍ່ໄດ້ເລີຍ, ຕົນເອງເປັນຜູ້ໃຫ້ບໍລິການບໍ່ຄວນຕອບລູກຄ້າເລີຍ ຄັນບໍ່ເຂົ້າໃຈກໍ່ຕ້ອງເຂົ້າຂໍຄຳເຫັນ ຫຼື ໃຫ້ຜູ້ກ່ຽວຂ້ອງເຂົ້າພົບຫົວໜ້າກ່ອນ ຄັນຕອບເລີຍມັນເຮັດໃຫ້ຕົນເສຍລູກຄ້າ ແຖມເຮັດໃຫ້ລາຍເຊັນຫົວໜ້າບໍ່ສັກສິດ ເພາະຕົນເອງເປັນຜູ້ນ້ອຍບໍ່ຄວນຕັດສິນແທນເພີ່ນ

ທ່ານຄິດວ່າແນວໃດ

ສະບາຍດີບັນດາທ່ານ ໄດອາລີສະບັບນີ້ ຂ້າພະເຈົ້າຍາກຂໍແລກປ່ຽນຄວາມເຫັນກັບບັນດາທ່ານຜູ້ໃຊ້ລົດໃຊ້ຖະໜົນ ຫຼາຍທ່ານຄືຊິເຫັນໃນແຕ່ລະຈຸດກວດຂອງແຕ່ລະປ້ອນຕຳຫຼວດຈາລະຈອນ ໃນການປະຕິບັດໜ້າທີ່ຂອງພວກເພີ່ນ ໂດຍລວມຂ້າພະເຈົ້ານີ້ຂໍຊົມເຊີຍນຳບັນດາເຈົ້າໜ້າທີ່....

ແຕ່ໄດ້ຍິນຫຼາຍໆທ່ານເລົ່າມາວ່າ ຕຳຫຼວດຈາລະຈອນຢາກໄດ້ແຕ່ເງີນ ກັກແລ້ວກະເອົາເງີນຂອງປະຊາຊົນ ອັນນີ້ຖືວ່າບົດບາດຂອງເຈົ້າໜ້າທີ່ຕ້ອງເສືອມເສຍ ຂ້າພະເຈົ້າກໍ່ເປັນປະຊາຊົນຜູ້ໜຶ່ງ ທີ່ຢາກໄດ້ໃຫ້ບ້ານເມືອງເຮົາຈະເລີນແລະບໍ່ມີຂໍ້ຂັດແຍ້ງ ຫຼື ເຂົ້າໃຈຜິດກັນ

ບັນຫານີ້ຫຼາຍຄົນເວົ້າມາຂ້າພະເຈົ້າຄິດວ່າບໍ່ຖືກຢູ່ບ່ອນວ່າ ເວລາທາງເຈົ້າໜ້າທີກວດສອບລົດເຮົານັ້ນ ໃບທະບຽນລົດ ໃບຂັບຂີ່ ແລະ ເອກະສານລົດອື່ນໆນີ້ເຮົາມີຄົບແລ້ວບໍ່ ມີຫຼາຍຄົນເວົ້າໃຫ້ທາງເຈົ້ານ້າທີ່ເສຍຫາຍວ່າລັດເກັບເອົາຕັ້ງແຕ່ເງີນ ທີ່ຈິງຕົນເອງເປັນຄົນເອົາໃຫ້ເຈົ້າໜ້າທີ່ເອງ ເມື່ອໃຫ້ແລ້ວພັດເວົ້າໃຫ້ເພີ່ນ ຖ້າຫາກວ່າເພີ່ນຂຽນໃບສັ່ງໃຫ້ພັດບໍຢາກເອົາ ອັນນີ້ທ່ານວ່າໃຜເປັນຄົນຜິດ

ແຕ່ຖ້າວ່າທ່ານເອົາເອກະສານໄປຄົບ ແລະ ລົດກໍ່ເປັນປົກກະຕິແລ້ວ ຫາກວ່າທາງເຈົ້າໜ້າຍັງເອົາໃບສັ່ງໃຫ້ກໍ່ຖືວ່າເຈົ້າໜ້າທີຜິດແທ້ ແຕ່ທີ່ຂ້າພະເຈົ້າພົບມາ ຂ້າພະເຈົ້າກໍ່ຖືກເຈົ້ານ້າທີ່ກັກ ເມືອມີເອກະສານຄົບ ທາງເຈົ້າໜ້າທີ່ກໍ່ປ່ອຍ ແລະ ຍັງເວົ້າຂອບໃຈທີ່ໃຫ້ຄວາມຮ່ວມມື ... ບາງຄັ້ງ ຂ້າພະເຈົ້າລືມເອກະສານຂ້າພະເຈົ້າກໍ່ເອົາໃບສັ່ງ ເພື່ອໃຫ້ເງີນທີ່ເສຍໄປນັ້ນເຂົ້າລັດເຮົາ

ເອົາລະ ເວົ້າມານີຫຼາຍທ່ານຄືຊິມີຫຼາຍເຫດຫຼາຍຜົນທີ່ແຕກຕ່າງກັບຂ້າພະເຈົ້າ ກະຂໍໃຫ້ທ່ານໃຫ້ຄຳເຫັນກັນຕື່ນໃສ່ ເພື່ອໃຫ້ມີຄວາມຄິດ ແລະ ເຫດຜົນຫຼາຍກ່ວາອາລົມເນາະ

ຂອບໃຈສຳລັບຄວາມເຫັນ

ຫຼາຍໆທ່ານຄືຊິຮູ້ຊິເຫັນ ວ່າ ປະເທດລາວມີເຄືອຂ່າຍໂທລະສັບໃຫ້ໃຊ້ບໍ່ລິການ ຢູ່ 4 ເຄື່ອຂ່າຍ... ແຕ່ມີເຄືອຂ່າຍ1 ທີ່ບໍ່ສາມາດໃຊ້ຮ່ວມໝູ່ ແລະ ຜູ້ໃດໃຊ້ເຄື່ອຂ່າຍນີ້ກໍ່ບໍ່ສາມາດໂທຫາຄົນອື່ນ ຫຼື ຄົນອື່ນໂທຫາໄດ້ ຖ້າເຮັດແບບນີ້ຕໍ່ໄປແລ້ວຜູ້ນຳໃຊ້ຈະເຮັດແນວໃດ

ແລ້ວຕໍ່ໄປເຮົາຄວນປ່ຽນໃຊ້ເຄື່ອຂ່າຍອື່ນ ແລະ ຖ້າເປັນອີກເດ່

ຂ້າພະເຈົ້າຄິດວ່າ ຄວນຕັ້ງພາກສ່ວນໜຶ່ງມາຄຸ້ມຄອງເຄືອຂ່າຍເຫຼົ່ານີ້ ເພື່ອບໍ່ໃຫ້ໃຜໄດ້ປຽບ ຫຼື ເສຍປຽບກັນໃນການເຮັດການຕະຫຼາດ

ເອົາເປັນວ່າທ່ານໃດມີຄຳເຫັນແຕກຕ່າງ ກະລຸນາ comment ມາໃຫ້ອ່ານແດ່

ຂອບໃຈ

 ເກີດເຫດແລ້ວບັນທ່ານເອີຍ ມີຫຼາຍລາຍທີ່ຂ້າພະເຈົ້າໄດ້ຍິນມາ ການຖືກແຫກກະເປົາຢູ່ບຸນທາດຫຼວງ 

ລ້າສຸດແມ່ນມື້ເຊົ້ານີ້ ຕອນຕັກບາດ ໄດ້ມີ 2 ແມ່ລູກ ມວ່ນແຕ່ຕັກບາດ ຖືກແຫກກະເປົາ ໂດຍບໍ່ຮູ້ຕົວ ແລະ ຫຼາຍໆເຫດການທີ່ໄດ້ຮູ້ມາ

ເຫດການແບບນີ້ບໍ່ໜ້າຈະເກີດຂື້ນ ຖ້າທ່ານມີສະຕິພໍ

ເຮົາຈະເຮັດແນວໃດເພື່ອບໍ່ໃຫ້ເກີດ)

ໃນຄວາມຄິດຂອງຂ້າພະເຈົ້າ ທ່ານຄວນມີສະຕິຕະຫຼອດ ສັງເກດຄົນອ້ອມຂ້າງວ່າເຂົາຕິດຕາມເຮົາບໍ່) ຖ້າຜິດປົກກະຕິໃຫ້ລາຍງານຕໍ່ເຈົ້າໜ້າທີ່ດ່ວນ

ອີກກໍລະນີ1 ຖ້າທ່ານສັງເກດເຫັນຜູ້ຖືກໃນກໍລະນີນີ້ ທ່ານກໍ່ຄວນລາຍງານເຈົ້າໜ້າທີ່ຄືກັນ ບໍ່ແມ່ນວ່າບໍ່ແມ່ນເລື່ອງເຮົາລະບໍ່ສົນ ບາດຖືກຕົນເອງຈິງສົນ 

ຖ້າຫາກວ່າເກີດເຫດແລ້ວ ທ່ານຕ້ອງລາຍງານ ແຈ້ງເສຍຕໍ່ເຈົ້າໜ້າທີ່ຮັບຮູ້ ເພື່ອລົງຕິດຕາມກວດກາ

ຖ້າທ່ານມີເຫດການໃດຕື່ມກະຂໍໃຫ້ຄຳເຫັນມາໃຫ້ຮູ້ແດ່

ຫວັງວ່າບັນດາທ່ານຄວນໃຫ້ຄວາມຮ່ວມມື

ສະບາຍດີ ບັນດາທ່ານ ກັບມາອີກຄັ້ງ ມີໃໝ່ຫັດຂຽນ

ຄັ້ງນີ້ ຂ້າພະເຈົ້າຢາກຂຽນມາຊົມເຊີຍ ທາງເຈົ້າໜ້າທີ່ຕຳຫຼວດ ແລະ ທະຫານ ທີ່ປະຕິບັດວຽກງານໄດ້ດີຫຼາຍ ເຫັນໄດ້ຄື ຕຳຫຼວດຈາລະຈອນທີ່ເຮັດວຽກທັງເວັນ ແລະ ຄືນ... ແຖວກີນຂີ້ຝຸ່ນຈັກເທົ່າໃດ ໃນຕອນເປົ່າໝາກວີດ ແລະ ບໍ່ຮູ້ວ່າຊິໄດ້ພາລູກພາເມຍໄປຫຼີ້ນບຸນຢູ່ບໍ່))) ເປັນກຳລັງໃຈໃຫ້ເດີ

ອີກດ້ານ1 ຄືອ້າຍນ້ອງຕຳຫຼວດເຄື່ອງຂຽວ ແລະ ທະຫານ ກໍ່ບໍ່ນ້ອຍໜ້າ ລົງເວນຍາມຕາມສະຖານທີ່ຕ່າງໆ ເຊິ່ງສ້າງຄວາມໜັ້ນໃຈ ເລື່ອງຄວາມປອດໄພໃຫ້ປະຊາຊົນເປັນຢ່າງດີ ອັນນີ້ກະຂໍຊົມເຊີຍຢ່າງສູງ

ສະທ້າຍ ທີ່ລືມບໍ່ໄດ້ຄື ປະຊາຊົນຜູ້ທີ່ເປັນຄົນດີຂອງຊາດ ທີ່ເປັນຫູເປັນຕາຊ່ວຍເຈົ້ານ້າທີ່ເຮົາໃນການປ້ອງກັນຄວາມສະຫງົບ ກະຂໍຊົມເຊີຍ

ເອົາເປັນວ່າ ບ້ານເມື່ອງຈະເຮັດໄດ້ 6 ສໍ ກໍ່ຕ້ອງແມ່ນທຸກຄົນຊ່ວຍກັນເນາະ

ສະບາຍດີ

ຄຳວ່າສະຕິນີ້ຫຼາຍທ່ານກໍ່ຄືຈະເຂົ້າໃຈ ເພາະທາງພໍ່ແມ່ພີ່ນ້ອງ ຫຼື ສື່ໂຄສະນາໄດ້ເວົ້າວ່າກັນເປັນປະຈຳ ການມີສະຕິແມ່ນເປັນສິ່ງທີ່ດີທີ່ສຸດ

ດັ່ງທີ່ທ່ານໄດ້ຍິນມາ ໃນປະເທດເຮົາແມ່ນມີບຸນປາງໃຫຍ່ ຄືບຸນທາດຫຼວງ ເຊິ່ງເປັນການອະນຸລັກຮັກສາຮີດຄອງປະເພນີວັດທະນາທຳຂອງຊາດລາວເຮົາທີ່ໄດ້ສຶບທອດກັນມາແຕ່ບູຮານນະການ

ບຸນນີ້ແມ່ນເປັນທີ່ດຶງດູຊາວລາວທັງຊາດ ແລະ ຊາວຕ່າງປະເທດເຂົ້າມາສຶກສາຮຽນຮູ້ເຖິງຄົນລາວ, ຮີດຄອງປະເພນີວັດທະນາທຳ, ແລະ ປະເທດລາວ ເພື່ອເຂົາຈະໄດ້ນຳເອົາໄປເຜີຍແຜໃຫ້ປະເທດຂອງເຂົາ

ເມື່ອເປັນແນວນັ້ນເຮົາໃນຖານະຄົນລາວ ຢາກໃຫ້ເຂົາເຈົ້າໄດ້ຫຍັງກັບໄປປະເທດຂອງເຂົາ...?

ສະຕິ !! ກ່ອນ​ອອກ​ບ້ານ​ກວດກາ​ເຮືອນ​ຊານ​ບ້ານ​ຊ່ອງ ຟືນ​ໄຟ ປະຕູ ປ່ອງຢ້ຽມ​

ສະຕິ !! ​ເຄືອງ​ຂອງທີ່​ມີ​ລາຄາ​ແພງ​ເຊັນ: ຄຳ ​ເພັດ ບໍ່​ຄວນ​ໃສ່​ໄປ​ກະ​ໄດ້

ສະຕິ !! ​ເວລາ​ຂັບ​ຂີ່​ລົດ​ກະ​ຄວນ​ມີ​ສະຕິ ບໍ່​ດື່ມ​ຂອງມື່ນ​ເມົາ ສັງ​ເກດ​ລົດ​ໄປ​ມາ​ ​ພິ​ເສດ ຄົນ​ແປກ​ໜ້າ​ທີ່​ຕິດຕາມ​ເຮົາ​ຄວນ​ຫຼີກ​ລ້ຽງ​ຢ່າງ​ໄວ

ສະຕິ !! ​ເວລາ​​ເຫຼາະບູນ ບໍ່​ຄວນ​ຢູ່​ບ່ອນ​ປ່ຽວ ມືດ ​ແລະ ​ແອ​ອັດ​ກັນ​ຫຼາຍ ຖ້າ​ຫຼີກ​ລ້ຽງ​ບໍ່​ໄດ້ ຄວນ​ມີ​ສະຕິຮັກສາ​ສິ່ງຂອງເງີນຄຳ​ໄວ້​ດີໆ (ກະ​ເປົ່າ​ເງີນ​ເອົາ​ໄວ້​ຢູ່​ຖົງໂສງ​ໜ້າ​ຍິ່ງດີ)

ສະຕິ !! ​ເປັນ​ຫູ​ເປັນຕາ​ຊ່ວຍ​ເຈົ້າ​ໜ້າ​ທີ່ ​ເຊັ່ນ ​ເຫັນ​ສິ່ງທີ່​ຄິດ​ວ່າ​ຜິດ​ປົກະຕິ​ຕ່າງໆ ຫຼື ສິ່ງ​ຜິດ​ກົດໝາຍ​ໃຫ້​ຮີ​ວຮ້ອນ​ແຈ້ງ​ເຈົ້າ​ໜ້າ​ທີ່ ທີ່ຢູ່​ໃກ້​ຄ້ຽງຫັນ​ລົງ​ກວດກາ​ດ່ວນ

ສະຕິ !!.........................

ຖ້າ​​ເຮັດ​ໄດ້​ຄື​ແນວ​ນີ້ ທ່ານ​ກໍ່​ເປັນ​ຜູ້​ໜຶ່ງທີ່​ຊ່ວຍ​ປະ​ເທດ​ເຮົາ ​ເພື່ອ​ໃຫ້ການ​ຫຼີ້ນບຸນທາດຫຼວງປີ​ນີ້​ມ່ວນ​ຊື່ນ ​ແລະ ສາມາດ​​ເອກອ້າງຊາວ​ຕ່າງປະ​ເທດ​ວ່າ ປະ​ເທດ​ລາວ ​ມີ​ຄວາມ​ສະຫງົບປອດ​ໄພ ​ແລະ​ ມີ​ຮີ​ດຄອງປະ​ເພນີ​ອັນ​ດີງານຫຼາຍ

ຖ້າ​ທ່ານ​ມິ​ຄຳ​ຄິດ​ເຫັນ​ຫຼຼາຍກວ່າ​ນີ້ ກະລຸນາ ມີ​ຄຳ​ເຫັນ​ໃຫ້​ແດ່

ຂອບ​ໃຂ

ຫຼາຍ2 ທ່ານຄິດວ່າປັດຈຸບັນ ປະເທດເຮົາກຳລັງກ້າວເຂົ້າສູ່ຍຸກ IT ໃຜ2 ກໍ່ຫັນໃສ່ການຮຽນ ກ່ຽວກັບ ຄອມພິວເຕີຫຼາຍ ທັງ2 ທີ່ຕົນເອງຮຽນບໍ່ເຂົ້າບໍ່ອອກ ແຖວໃຊ້ເງີນພໍ່ແມ່ຫຼາຍອີກ

ເມື່ອເປັນແນວນັ້ນເຮົາຄວນເຮັດແນວໃດຊັ້ນ???? ຫຼາຍທ່ານຄິດບໍ່ອອກ ແລະ ກໍ່ເກີດຄຳຖາມ!!! ຖ້າເຮົາບໍ່ຮຽນເຮົາກະຊິທັນຍຸກ????

ຂ້າພະເຈົ້າມີຄວາມຄິດໄປອີກແງ່1 ທີ່ຢາກຂໍແລກປ່ຽນນຳບັນດາທ່ານຄື: ປະເທດເຮົາຍັງບໍ່ທັນກ້າວສູ່ຍຸກ it ດອກ... ເຮົາຍັງນຳຍຸກ IT ... ບໍ່ໄດ້ກ້າວສູ່ຍຸກ IT ຄືທີ່ຫຼາຍຄົນວ່າດອກ

ສັງເກດງ່າຍໆ ຄວາມທັນສະໃໝຢູ່ແຕ່ໃນຕົວເມືອງ ຜູ້ຄົນຍັງບໍ່ຮູ້ຮອດຂຽນໜັງ ຫຼື ອ່ານ ທ່ານວ່າແມ່ນບໍ່?

ເວົ້າຄວາມຂີ້ລ້າຍ ໄຟຍັງບໍ່ມີໃຊ້ຊ້ຳ... ສ່ວນຄົນໃນເມືອງກະຍັງບໍ່ມີໂອກາດໄດ້ຮຽນກະມີ

ພິເສດ!!!! ໂລກເຮົາມີການປ່ຽນແປງຫຼາຍ ຄືຫຼາຍທ່ານໄດ້ເຫັນຜ່ານມາ ແລະ ປັດຈຸບັນ ຄືທ່ານເຫັນນຳ internet , TV, ... ປະເທດນັ້ນພັດທະນາແບບນັ້ນ ແລະ ປະເທດນີ້ກະພັດທະນາອີກແບບ ແຕ່ຄຽງຄູ່ກັບການພັດທະນາ ກໍ່ມີຫຼາຍອັນສົ່ງຜົນສະທ້ອນໃຫ້ປະເທດທີ່ບໍ່ໄດ້ພັດທະນາຮັບນຳ ເປັນຕົ້ນ

ເຫັນໄດ້ໄພພິບັດຕ່າງໆ ທີ່ເກີດໃນໂລກ ແລະໃນລາວເຊິ່ງສ້າງຄວາມສູນເສຍທັງຊິວິດ ແລະ ສັບສິນ

ສະຫຼຸບແລ້ວ ຫຼາຍສິ່ງທີ່ເຮົາຄິດວ່າດີທີ່ສຸດ ແຕ່ມັນກະໂຫດຮ້າຍທີ່ສຸດ

ການຊອກຮຽນນີ້ເຮົາຄວນຮຽນສິ່ງທີ່ເຮົາມັກ ແລະ ເປັນປະໂຫຍດຕໍ່ຕົນເອງ ແລະ ປະເທດຊາດຈະດີກວ່າ ເປັນຕົ້ນແມ່ນທາງດ້ານສິ່ງແວດລ້ອມ ຫຼື ສິ່ງທີ່ຈະນຳໄປໃຊ້ໃນບ້ານຂອງເຮົາດີກວ່າ ຮຽນໃຫ້ສຳນານ ສ່ວນເລື່ອງ it ແມ່ນຮຽນເພືອຮູ້

ສິ່ງທີ່ສຳຄັນໃນການຮຽນແມ່ນມີຄວາມຈຳເປັນຫຼາຍທີ່ສຸດ ເນື່ອງໃນຄວາມຫວັ*ຫຼາຍຄົນແມ່ນ ຫຼັງຈາກຮຽນຈົບກໍ່ຢາກໄດ້ເຮັດວຽກງານດີ ແຕ່ຫາກຢາກ ຍ້ອນຕົນເອງຮຽນບໍ່ເກັງ ແຕ່ຕົນມີແນວຄິດວ່າຜູ້ທີ່ເຂົ້າສະມັກເຮັດວຽກນຳກັນພັດໄດ້ຍ້ອນ ມີພີ່ນ້ອງ ຫຼື ພໍ່ແມ່ເປັນຜູ້ຊວ່ຍວ່າຊັ້ນ ສິ່ງນີ້ເຮັດໃຫ້ບໍ່ລິສັດເສຍບົດບາດໃນການຮັບພະນັກງານ ທ່ານເດຄິດແນວໃດ???/

ຂໍຄຳເຫັນແດ່??/