ຮັກເຈົ້າແລ້ວ             ກິນແຫ້ວເໝືອນເຄີຍ

ຮັກກະເທີຍ              ປານໄດ້ສະເຫວີຍລາຊ

ກະເທີຍສະຫຼາດ      ລ້ຽງເຫຼົ້າລ້ຽງເບຍ

             ຢືມແລ້ວຕ້ອງໄຊ້                             ຢືມແລ້ວກໍຕ້ອງສົ່ງ
ຄືຈຸດປະສົງ                                               ຂອງຄົນຢູ່ໃນສັງຄົມ

ຢືມເງິນຢືມເຈ້ຍ                                         ຄືນດອກເບ້ຍສິນເຊື່ອໃຫ້ສົມ

ຢືມເສື້ອຢືມຜ້າມາຫົ່ມ                               ໃຊ້ແລ້ວສົ່ງຄືນເຈົ້າຂອງ

          ເລື່ອງຂອງຫົວໃຈ                           ຢືມກັນບໍ່ໄດ້ດອກນາ

ເມື່ອເຈົ້າເອົາໃຈຂ້ອຍມາ                            ໃຫ້ສົມມຸດວ່າ ເປັນແຟນເປັນດອງ

ປະກາດໃຫ້ຮູ້                                           ໝູ່ຄູ່ເລື່ອງເຮົາທັງສອງ

ໄປໃສຄວງໄປທຸກໝ້ອງ                           ຜູ້ໃດກໍຍ້ອງວ່າໜ້າອິດສາ

          ຢືມ ຢືມໃຈ                                    ຢ່າໄດ້ສົ່ງຄືນ

ຖ້າຢືມວັດຖຸອື່ນ                                      ສົ່ງຄືນບໍ່ມີບັນຫາ

ຢືມເຄື່ອງຢືມຂອງ                                  ມັນກໍຕ້ອງສົ່ງກັບຄືນມາ

ຫົວໃຈເລື່ອງຮັກນີ້ນາ                              ເມິດພາລະຫາທາງສົ່ງຄືນ

        ເຈົ້າເຫັນຄົນອື່ນ                             ມາຫລັງໄດ້ດັ່ງໃຈເຈົ້າ

ເຈົ້າຄວງຂ້ອຍຕອນທີ່ຍັງເຫງົາ                ເວົ້າດີຕອນບໍ່ມີໃຜ

ຢືມໃຈໄປຫົ່ມ                                         ຕອນລົມເຫງົາເຂົ້າມາຂູ່ກາຍ

ຮັກຂ້ອຍມັນເຄືອງມັນຄາຍ                    ເຈົ້າພົບຄົນໃໝ່ ສົ່ງຮັກຂ້ອຍຄືນ    

<!--[if gte mso 9]> Normal 0 false false false EN-US X-NONE TH MicrosoftInternetExplorer4 <![endif]--><!--[if gte mso 9]> <![endif]--><!--[if gte mso 10]> /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-qformat:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:11.0pt; mso-bidi-font-size:14.0pt; font-family:"Calibri","sans-serif"; mso-ascii-font-family:Calibri; mso-ascii-theme-font:minor-latin; mso-fareast-font-family:"Times New Roman"; mso-fareast-theme-font:minor-fareast; mso-hansi-font-family:Calibri; mso-hansi-theme-font:minor-latin; mso-bidi-font-family:"Cordia New"; mso-bidi-theme-font:minor-bidi;}<![endif]-->      ແປດ​ມີນາ​ຊ່າ​ຍ້ອງ                       ຮ້ອງ​ຮຽກ​ວ່າ​ວັນ​ສາກົນ
ຄິດ​ຫົນ​ຄືນ​ຄາວ​ຫຼັງ                             ດັ່ງ​ປະຫວັດ​ລະຫັດ​ໄວ້
​ໄດ້​ຕ້ານ​ຄືນນາຍທຶນ​ຮ້າຍ                        ຫາ​ຂົ່ມ​ເຫັງ​ທັງ​ກົດ​ຂີ່
ຄືນ​ເສລີ​ໃຫ້​ເອື້ອຍນ້ອງ                          ສະຕີ​ໂລກ​ໃຫ້​ຄ່າ​ສູງ
      ​ໃນ​ສ່ວນ​ການ​ຕໍ່ສູ້                        ຢູ່​ປະ​ເທດ​ລາວ​ເຮົາ
​ແມ່ຍິງ​ພວນ​ຍວນ​ໄຕ                            ລຸ່ມ​ລາວ​ສາວ​ມົ້ງ
ຊົງ​ເສື້ອຂຽວ​ຄຽງ​ຊ້າຍ                           ຄຽງ​ຊາຍ​ຄຽງ​ບ່າ
ອາວຸດ​ປືນ​ຍື່ນ​ຈີ້                               ຕີ​ຕ້ານ​ໝູ່​ມານ
      ​ແມ່ຍິງ​ຫານ​ເກັ່ງ​ກ້າ                       ນະ​​ໂຍບາຍ​ໃໝ່​ໃນ​ການ​ນຳ
ວຽກ​ຕ່ຳ​ເທິງ​ທັງ​ສູງ                             ​ແມ່ຍິງ​ເຮົາ​ອາສາ​ສູ້
ທັງ​ລ້ຽງ​ດູ​ບຸດຕາ​ນ້ອຍ                           ວຽກ​ສັງຄົມ​ບໍ່​ໄດ້​ປ່ອຍ
ຈົນ​ເຫື່ອ​ໄຫລ​ຢາດ​ຍ້ອຍ                          ​ແຕ່​ຮອຍ​ຍີ້ມ​ເປັ່ງ​ປະກາຍ
      ​ໃນ​ວັນ​ດີ​ຈື່​ໄດ້                           ​ໃນ​ວັນ​ແມ່​ສາກົນ
​ໄດ້​ວົນວຽນ​ມາ​ເຖິງ                             ນຶກ​ອາ​ໄລ​ມານ​ດາ​ໄທ້
ລູກ​ຂໍ​ຍໍມື​ໄຫວ້                                 ​​ໃຫ້ແມ່ຍິງ​ທົ່ວ​ປະ​ເທດ
​ເຫດ​ຮ້າຍ​ໄກ​ຈາກ​ເນື້ອ                           ມານ​ດາ​ຂ້ອຍ​ຈົ່ງ​ສະບາຍ ​ແດ່ທ້ອນ     
                                                                                                 ແຕ່ງໂດຍ: ພ.ສ ເອກະລາດ