ໄດອາຣີ່ຂອງ ປ້ອມ ວໍລະຢຸດ

ຂຽນເມື່ອ: ກ.ຍ.. 11, 2011 | ມີ 9 ຄຳເຫັນ ແລະ 0 trackback(s)

มีสี่งนื่งที่คาใจมาตะหรอดแต่บ่อฮุ้ว่าจะเลี้มต้นจากสี่งใดก่อน อันที่จีงข้อยกะบ่อหน้าจะใจฮอ้นโพดฮู้จักกันพงง2-3 ทิดกะบอกฮักเลีย แต่มี่หมูคนหนิ่งบอกว่าถ้าบอกไปตง2แล้วเข้าจะบ่อว่าหยังดอกข่อพงงก้าที่จะบอกแต่สุดท้ายคำตอบอาดจะบ่อตงตามคำข่อก่อตาม กะยากข่อโทดเจ้าหรายเทือยู แต่มันคืมี่บางสี่งบางยางมากักไว้บ่อก้าบอก อาดจะเปันเพาะสักสี หรื แนวใดกะบ่อฮู้นี้ละ อันที่จี่งพบหน้ายู่โฮงฮงนแต่ละคั้งกะบ่อก้าแม่กะทั้งเบี่งหน้า หรื ยีมให้ เหันแล้วมันอืดอัดเหมือนกับว่ายูใก้รกันโพดทังทังที่กะยู่ห้องดงวกันแท้2กว่าจะได้เว้าคำนีก่ต้องใชเวลาปันเดือนเปันปี ได้เปันพงงเพือนกะดีใจแล้ว (หากะทำใจได้) สุดทายกะบ่อมีหยังหราย นอกจากคำว่าข่อโทด ข่อโทด ข่อโทด และ กะ ข่อโทดอาดจะบ่อสายตีเบาะ ถ้าจะให้เว้าตงตงต่อหน้ายอมฮับเลียว่าบ่อก้า จะให้อะพัยหรืบ่อก่อตามแนวใดกะยากให้ฮู้ว่าเสยใจจากกานกานกะทำที่บ่อคอยดีปานใดของข้อยเอง จากคำวาเพือน............................

ວັນເກີດບອກຄວາມເຈົ້າເລ່ຫຼາຍຮັກ

ຂຽນເມື່ອ: ພ.ຈ.. 29, 2010 | ມີ 10 ຄຳເຫັນ ແລະ 0 trackback(s)

ໜວດໝູ່: ຄວາມຮັກ

ຮູ້ຫລືບໍ່ວ່າ ວັນເກີດກໍສາມາດບອກຄວາມເຈົ້າເລ່ຫຼາຍຮັກໄດ້ເຊັ່ນກັນ ຖ້າບໍ່ຢາກດວງຕົກກໍຮີບໄປເຮັດບຸນວັນເກີດກັນນະ

ວັນອາທິດ

ຄົນເກີດວັນອາທິດ ມີດວງຊະຕາໃນເລື່ອງຮັກທີ່ຄ່ອນຂ້າງດີພໍສົມຄວນ ບໍ່ຄ່ອຍຈະມີບັນຫາປວດຫົວປວດໃຈ ຈົນເດືອດຮ້ອນເພາະເລື່ອງຄວາມຮັກຢ່າງຄົນເກີດມື້ອື່ນ ໆ ເນື່ອງຈາກພື້ນຖານນິໄສທີ່ເປັນຄົນເດັດດ່ຽວ ໜັກແໜ້ນ ເຈົ້າຈຶ່ງຄົບໃຜກໍຄົບຢູ່ຄົນດຽວ ພໍເລີກກັນເມື່ອໃດຈຶ່ງຄ່ອຍມີຮັກໃໝ່ ແຕ່ຄົນວັນອາທິດຈະບໍ່ອອກໄປແລ່ນໄຂວ່ຄວ້າຫາຮັກມາໃສ່ໂຕພໍປານໃດ. ນອກຈາກຖ້າໃຫ້ກາມະເທບແຜງສອນເອງຕາມທຳມະຊາດດີກວ່າ ແມ່ນຈະເບິ່ງສຸຂຸມ ມີລະບົບລະບຽບ ເປັນຄົນກົງ ຫົວແຂງບໍ່ໜ້ອຍ ແຕ່ໃນໃຈຄົນວັນອາທິດກໍອ່ອນໄຫວບໍ່ຢອກກັບເລື່ອງຮັກ ເຫັນໃຜຖືກໃຈກໍມັກ ແຕ່ກໍຮູ້ຈັກຍັບຍັ້ງໃຈ ບໍ່ແລ່ນເຂົ້າປະກົບທັນທີເດັດຂາດ ຖ້າຈະມີຄວາມເຈົ້າຊູ້ ກໍເຈົ້າຊູ້ງຽບ ແຕ່ບໍ່ແມ່ນງຽບແບບແອບເອົາຈິງຢ່າງຄົນວັນຈັນ ເພາະຄົນວັນອາທິດຈະພຽງແຕ່ເບິ່ງ ຮູ້ສຶກມັກ ສົ່ງຍິ້ມໄປນຳ ແຕ່ກໍບໍ່ຄິດຫຍັງຫລາຍກວ່ານັ້ນ.

ດວງຄວາມຮັກຂອງເຈົ້າ ເປັນລັກສະນະທີ່ມີຄວາມສຳພັນມີຄວາມຜູກພັນ ເຕັມໄປດ້ວຍຄວາມເລິກລັບ ບໍ່ແມ່ນຮັກແບບຕື່ນເຕັ້ນເລົ້າໃຈສັ້ນ ໆ ແລ້ວຈົບລົງເໝືອນພຽງຈູດພຸ ດອກໄມ້ໄຟ ຄົນວັນອາທິດເຮັດໃຫ້ຄົນອື່ນປະທັບໃຈໄດ້ສະເໝີ ກັບຄວາມສຸຂຸມ ທໍລະນົງ ອົດທົນ ມຸ້ງໝັ້ນ ໃສ່ໃຈຄົນຮັກຢ່າງສະເໝີຕົ້ນສະເໝີປາຍ ແຕ່ຖ້າໃຜຄົນນັ້ນຟູ່ຟ່າຫລູຫລາໃຊ້ເງີນກະໜ່ຳເກີນໄປເຈົ້າກໍບໍ່ບໍ່ຖືກໃຈຄືກັນ

ຄວາມທີ່ເປັນຄົນຊ່າງເລືອກຄົນວັນອາທິດ ຈຶ່ງບໍ່ແມ່ນຄົນປະເພດທີ່ມີໃຜ ໆ ຄຽງຂ້າງຢູ່ຕະຫລອດເວລາ ບາງປີຖ້າບໍ່ມີໃຜຫລາຍ ໆ ກໍຍອມປ່ຽວໃຈຕະຫລອດປີບໍ່ຊີລຽດ ຖ້າຄົນວັນອາທິດຖືກໃຈໃຜ ຈະໃຊ້ເວລາເບິ່ງໃຈ ເບິ່ງນິໄສ ກ່ອນຈະດຳເນີນຄວາມສຳພັນຕໍ່ໄປໃຫ້ເລິກເຊິ່ງ ດ້ວຍຄວາມຂີ້ລະແວງບໍ່ໄວ້ໃຈໃຜງ່າຍ ໆ ຕ້ອງເບິ່ງແລ້ວເບິ່ງອີກກວ່າຈະຕັດສິນໃຈເລື່ອງຄວາມເໝາະສົມກັນ ແລະເຈົ້າກໍຄິດຫລາຍກວ່າຄົນເກີດມື້ອື່ນ ໆ ບໍ່ວ່າຈະເປັນເລື່ອງອາຍຸຫລືຖານະ ເຊັ່ນ ອີກຝ່າຍລວຍກວ່າຫລາຍ ຫລືຈົນກວ່າຫລາຍ ໆ ເຈົ້າກໍຈະຄິດຫລາຍ ແມ່ນຈະຮັກແລ້ວແຕ່ກໍລັງເລ ຫລືຖ້າອາຍຸນ້ອຍກວ່າຫລາຍ ໆ ຫລືແກ່ກວ່າຫລາຍ ໆ ກໍຢ້ານວ່າຄົນອື່ນຈະຄິດຈັ່ງ ຊ່ອງວ່າງລະຫວ່າງໄວຈະມີຫລືບໍ່ ນີ້ແຫລະຄືສະຕາຍຄວາມຄິດຂອງຄົນວັນອາທິດ ບັນຫາຮັກໃນເລື່ອງອື່ນ ໆ ບໍ່ຄ່ອຍມີ ນອກຈາກຈະສັບສົນກັບຕົວເອງ

ວັນຈັນ

ຄົນເກີດວັນຈັນມັກມີດວງກ່ຽວກັບຄວາມຮັກໃນແບບທີ່ເລິກລັບ ບໍ່ຮັກພຽງຫວືຫວາໃຫ້ຕື່ນເຕັ້ນເລົ້າໃຈເທົ່ານັ້ນ ດ້ວຍທຳມະຊາດແລະພື້ນດວງທີ່ເປັນຄົນຊ່າງຄິດຊ່າງຕອງຮອບຄອບກັບທຸກເລື່ອງລາວສະເໝີ ດັ່ງນັ້ນກັບໃນເລື່ອງຮັກ ເຈົ້າຈຶ່ງຕ້ອງໝັ້ນໃຈກ່ອນທີ່ຈະເອື້ອມມືໄປຄວ້າມາແນບໃຈ ສະເໜ່ທີ່ໂດດເດັ່ນຂອງຄົນວັນຈັນຢູ່ທີ່ສິລະປະໃນການເວົ້າຈາເຮັດໃຫ້ໃຜ ໆ ຫລົງເຄີ້ມໄດ້ສະເໝີ ແລະຍັງເປັນຄົນສະຫລາດມີສະຕິບັນຍາທີ່ດີອີກດ້ວຍ ນັ້ນເປັນຈຸດເດັ່ນທີ່ເຮັດໃຫ້ຄົນຮອບຂ້າງຊື່ນຊົມເປັນພິເສດ ແຕ່ເຖິງວ່າຈະມີໃຈມັກໃຜ ຄົນວັນຈັນຈະບໍ່ເປີດເຜີຍທຸກຢ່າງແກ່ຄົນຮັກ ເນື່ອງຈາກເປັນຄົນມີໂລກສ່ວນຕົວ ມັກເກັບບາງເລື່ອງລາວໄວ້ກັບຕົວເອງເໝືອນກັບທີ່ເປັນຄົນມັກອິດສະຫລະ ແລະຮັກສະໜຸກບໍ່ໜ້ອຍເລີຍ

ຄົນເກີດວັນຈັນແທ້ ໆ ແລ້ວມີ 2 ແບບຄື ແບບທີ່ຄວັກເງິນທຸ່ມໃຫ້ຄົນຮັກແບບສຸດ ໆ ກັບອີກປະເພດຄື ໜຽວສຸດ ໆ ກັບຄົນຮັກ ເຈົ້າເປັນແບບໃດກໍຄົງຕ້ອງກວດກາເບິ່ງຕົວເອງ ແຕ່ທີ່ມີຢູ່ໃນຕົວຄົນວັນຈັນທັງ 2 ແບບ ກໍຄືມັກຈະເປັນຄົນທີ່ອ່ອນໄຫວກວ່າ ເພາະຍາກທີ່ຈະເບິ່ງແຍງຄົນຮັກຂອງຕົນ ແບບແສນຫ່ວງຫວງ ແລະເຈົ້າກໍມັກມີຮັກແບບທີ່ຄ່ອຍ ໆ ໃກ້ຊິດຕິດໃຈກັນໄປເທື່ອລະໜ້ອຍ ເຈົ້າພ່າຍແພ້ຄົນທີ່ເຂົ້າໃຈເຈົ້າຖ່ອງແທ້ ດວງຂອງເຈົ້າຈຶ່ງມີແນວໂນ້ມທີ່ຈະພົບຮັກທີ່ຊາບ ເລິກຕຶງໃຈແລະມີຄວາມຜູກພັນກັນຫລາຍ ເພາະເປັນຄວາມຮັກທີ່ມີພັດທະນາການເຕັມໄປດ້ວຍຄວາມເຂົ້າໃຈໃນກັນແລະກັນ ພະຍາຍາມທີ່ຈະຮູ້ຈັກຕົວຕົນແທ້ ໆ ຂອງກັນແລະກັນນັ້ນເອງ

ຄົນວັນຈັນໂຊກດີທີ່ໄດ້ຄົບກັບຄົນຄ້າຍ ໆ ກັນ ລົດນິຍົມບໍ່ຕ່າງກັນປານຟ້າກັບດິນ ລົມກັນຮູ້ເລື່ອງ ຖ້າໃຜທີ່ເບິ່ງດີຢ່າງດຽວ ແຕ່ລົມກັນບໍ່ຮູ້ເລື່ອງ ທັດສະນະຄະຕິຕ່າງກັນຫລາຍ ໆ ຄົນວັນຈັນຈະລະຄວາມສົນໃຈທັນທີ ຫາກເມື່ອໃດທີ່ອົກຫັກ ຄົນວັນຈັນກໍຈະບໍ່ຟູມຟາຍເທົ່າໃດແມ່ນຈະປວດໃຈພຽງໃດ ຄົນທີ່ເປັນຄູ່ຮັກຂອງຄົນວັນຈັນໄດ້ດີຕ້ອງມີລັກສະນະຂອງຄວາມເປັນເພື່ອນ ໄປໃສນຳກັນກໍໄດ້ ຖ້າເຮັດສະຫວີດເປັນເຈົ້າຂອງເກີນໄປ ມັກຢູ່ກັບຄົນວັນຈັນໄດ້ສັ້ນກວ່າທີ່ຫວັງ

ວັນອັງຄານ

ຄົນເກີດມື້ນີ້ ມີຫົວໃຈກ້າໄດ້ກ້າເສຍ ໃນເລື່ອງຄວາມຮັກນັ້ນຖືຄະຕິວ່າສ່ຽງເປັນສ່ຽງກັນຕາມປະສາຄົນມັກສະໜຸກ ເຈົ້າສຳລານພໍສົມຄວນ ຄົນວັນອັງຄານເຈົ້າຊູ້ ຈຶ່ງມີດວງໃນເລື່ອງຄວາມຮັກທີ່ໂດດເດັ່ນ ຄືໄດ້ພົບຮັກສະເໝີ ໆ ມັກຄົບຄົນເດັ່ນ ໆ ທີ່ເບິ່ງດີກວ່າໃຜໃນກຸ່ມຄົນທີ່ມີທ່າທາງລຽບງ່າຍຈົນເກີນໄປ ຄ່ອນຂ້າງເຊີຍ ໆ ບໍ່ແມ່ນຄົນແບບທີ່ເຈົ້າຈະສະດຸດຕາສະດຸດໃຈແນ່ນອນ ໃຜກໍຕາມທີ່ຫ້າວເກີນເຫດ ຄົນວັນອັງຄານກໍຍາກຈະຕັດໃຈ ຄິດມັກພໍຄວາມສົດໃສ ໝັ່ນໃຈໃນຕົວເອງ ຄືສະເໜ່ທີ່ເຮັດໃຫ້ໃຜ ໆ ຫລົງຮັກຄົນເກີດວັນອັງຄານ ແລະນິໄສທີ່ແຂງເກີນໄປຂອງເຈົ້າກໍຄືຕົວການສຳຄັນທີ່ຈະທຳລາຍຄວາມຮັກໃຫ້ພັງທະລາຍໄປຢ່າງໜ້າເສຍດາຍ

ຍາມຫລົງຮັກໃຜ ເຈົ້າຈະຕາມຕິດຫວັງພິຊິດໃຫ້ໄດ້ ເມື່ອສົມໃຈແລ້ວ ເຈົ້າກັບບໍ່ຍອມໃຫ້ຄູ່ຮັກມາປ່ຽນແປງຄວາມເປັນຕົວຕົນທີ່ແທ້ຂອງເຈົ້າ ຖ້າໃຜຍອມເຈົ້າໄດ້ກໍຮັກກັນໄດ້ດົນແນ່ນອນ ໂດຍທົ່ວໄປດວງໃນເລື່ອງຄວາມຮັກຂອງຄົນວັນອັງຄານ ບໍ່ຄ່ອຍມີອຸປະສັກຫຍັງຫຼາຍ ຈີບໃຜຫລືທອດສະພານໃຫ້ໃຜກໍມັກສຳເລັດສະເໝີ ຢູ່ທີ່ວ່າຕົວເຈົ້າເອງນັ້ນແຫລະຈະເປັນຝ່າຍຈືດຈາງຫ່າງເຫີນອີກຝ່າຍເສຍກ່ອນ ຕາມປະສາຄົນເຈົ້າຊູ້ທີ່ຫົວໃຈອ່ອນໄຫວ ແລະຢາກຄົບຄົນໃໝ່ ໆ ເພາະຮູ້ສຶກວ່າເປັນເລື່ອງທ້າທາຍດີ

ມັກຫາຄວາມຫມັ້ນໃຈໃຫ້ຕົວເອງດ້ວຍເລື່ອງຮັກໆ ໄຄ່ໆ ບາງເທື່ອທັງ 4 ຫ້ອງຫົວໃຈເຕັມໝົດ ຫ້ອງໃດທົນບໍ່ໄຫວແກວ່ງມືລາໄປເຈົ້າກໍບໍ່ເສຍໃຈ ມີໃຜຄົນໃໝ່ມາແທນໄດ້ໄວສະເໝີ ດວງຄວາມຮັກຄ່ອນຂ້າງດີ ຕົວເອງບໍ່ມີບັນຫາ ແມ່ນຈະມັກຕາມໃຈຕົວເອງ ແຕ່ກໍບໍ່ຄ່ອຍເອະອະເອົາເລື່ອງກັບຄວາມຮັກຈິງຈັງປານໃດ ບັນຫາມັກເກີດຂຶ້ນເພາະຄົນຮັກຂອງເຈົ້າ ຊຶ່ງຄິດຈະເອົາເລື່ອງກັບເຈົ້າໃຫ້ໄດ້ ຫລືອາດເປັນເພາະຄວາມໃຈຮ້ອນຂອງເຈົ້ານຳ ໂດຍທີ່ເຈົ້າບໍ່ໄດ້ຕັ້ງໃຈຈະໃຫ້ເກີດການແຕກຫັກຫລອກ ດັ່ງນັ້ນຖ້າໃຜເຂົ້າໃຈເຈົ້າກໍສາມາດຄວງກັບເຈົ້າໄດ້ດົນເປັນພິເສດ.

ວັນພຸດ

ຄົນທີ່ເກີດວັນພຸດ ເປັນຄົນທີ່ຕ້ອງພົວພັນກັບເລື່ອງຮັກ ໆ ໄຄ່ໆ ສະເໝີ ເພາະດາວພຸດເປັນສັນຍະລັກຂອງດວງດາວປະຈຳເທພີແຫ່ງຄວາມຮັກ ເຈົ້າຜູ້ຍິງ ວັນພຸດຈຶ່ງເປັນຄົນຮັກສວຍຮັກງາມເປັນພິເສດ ເຈົ້າຜູ້ຊາຍກໍສຳອາງບໍ່ເບົາ ຖ້າຜູ້ຊາຍຄົນໃດທີ່ບຳລຸງຜິວໜ້າດ້ວຍໂລຊັ່ນຫລືພົມນ້ຳຫອມສະເໝີກ່ອນອອກຈາກເຮືອນ ຈົນໃຜ ໆ ເກືອບຈະຄິດວ່າເປັນເກ ທີ່ແທ້ພວກເຂົາຄົນນັ້ນເປັນຄົນວັນພຸດນັ້ນເອງ ເມື່ອຮັກໃຜມັກໃຜ ຄົນວັນພຸດຈະເອົາໃຈໄດ້ລະມຽດລະໄມທີ່ສຸດ ຍິ່ງກວ່າຄົນເກີດມື້ອື່ນ ໆ ແຕ່ດ້ວຍຄວາມທີ່ຮັກຕົວເອງຫລາຍ ຫລົງຕົວເອງພໍສົມຄວນ ດັ່ງນັ້ນເຈົ້າຈຶ່ງຕ້ອງການໃຫ້ຄົນພິເສດຂອງເຈົ້າ ທຸ່ມເທຮັກໃຫ້ເຈົ້າສຸດຫົວໃຈ ຖ້າຮູ້ສຶກວ່າຍັງໄດ້ຄວາມຮັກຈາກພວກເຂົາຫລືນາງບໍ່ຫລາຍພໍ ເຈົ້າຈະຮ້າຍໃສ່ທັນທີ.

ແມ່ນສະເໜ່ ຂອງຄົນວັນພຸດຈະຢູ່ທີ່ຄວາມອ່ອນຫວານກໍຕາມທ້ອນ ຍາມຫຶງຫວງຫລືຄຽດແລ້ວຈະປາກຮ້າຍຫລາຍ ແຕ່ໃນຈິດໃຈບໍ່ມີພິດຮ້າຍໃດ ໆ ເປັນຄົນໃຈກວ້າງແລະເປັນຄົນຊື່ກົງຊື່ສັດຫລາຍດ້ວຍຊ້ຳ ພຽງແຕ່ຄິດຫລາຍແລະຂີ້ລະແວງເທົ່ານັ້ນເອງ ດວງຄວາມຮັກຂອງວັນພຸດຂ້ອນຂ້າງອາພັບ ທັງ ໆ ທີ່ມີຄົນມາຮັກຈິງແບບຫວັງແຕ່ງ ແຕ່ກໍມັກຈົບລົງເພາະຄວາມບໍ່ມີເຫດຜົນຢ່າງສຸດ ໆ ຂອງເຈົ້າເອງ ເລື່ອງທີ່ຈະຜິດຫວັງເພາະໄປຮັກພວກເຂົາຂ້າງດຽວນັ້ນກໍມີ ແຕ່ເກີດຂຶ້ນບໍ່ເລື້ອຍປານໃດ ຖ້າຈະຜິດຫວັງຈົນເສຍໜ້າ ກໍເປັນເພາະໄປຫລົງເຊື່ອຄົນທີ່ມາຫວັງຜົນປະໂຫຍດຈາກເຈົ້າໂດຍບໍ່ໄດ້ຮັກເຈົ້າຈິງ

ເນື່ອງຈາກຄົນວັນພຸດສະຫລາດໃນເລື່ອງອື່ນ ແຕ່ບໍ່ຄ່ອຍຈະທັນຄົນ ທີ່ວ່າດວງຄວາມຮັກຂອງຄົນວັນພຸດອາພັບກໍເພາະວ່າ ແມ່ນບາງຈັງຫວະຊີວິດຈະມີຮັກແສນລຶກພຽງໃດກໍກັບຕ້ອງເລີກລ້າງກັນ ທັງ ໆ ທີ່ຍັງຮັກ ບາງຄົນກໍອາພັບແບບມີແຕ່ຮັກທຽມ ໆ ສັ້ນ ໆ ບໍ່ດື່ມດ່ຳ ບໍ່ດົນນານໃຫ້ໃຫ້ອິ່ມໃຈເທົ່າໃດ ຄົນເກີດວັນພຸດບາງຄົນກໍມີຄວາມສຳພັນຮັກທີ່ຍັ່ງຍືນອົບອຸ່ນ ແຕ່ມັກບໍ່ແມ່ນເປັນຄົນທີ່ເຈົ້າຫລົງຮັກ ຢ່າງປັກຈິດປັກໃຈມາກ່ອນ ນັບເປັນດວງແຫ່ງຄວາມຮັກທີ່ບໍ່ທຳມະດາເລີຍ.

ວັນພະຫັດ

ຖ້າເຈົ້າເກີດວັນພະຫັດ ເຈົ້າກໍບໍ່ຕ້ອງເປັນຫ່ວງເລື່ອງຄວາມຮັກຂອງເຈົ້າດອກ ເພາະດວງໃນເລື່ອງຄວາມຮັກຂ້ອນຂ້າງດີ ໝາຍເຖິງດວງຄູ່ແທ້ ໆ ທີ່ເປັນຄວາມຮັກແທ້ ໆ ໃນຊີວິດດ້ວຍເຊັ່ນກັນ ພື້ນຖານນິໄສຂອງເຈົ້າແມ່ນຈະຫ້າວຫານວູ່ວາມ ແລະກົງໄປກົງມາຈົນໜ້າຖອຍຫ່າງ ແຕ່ສະເໜ່ຂອງເຈົ້າມີສະເໝີກັບເພດກົງກັນຂ້າມ ເຮັດໃຫ້ບໍ່ມີຊ່ວງໃດທີ່ຂາດຄູ່ດົນນານເທົ່າໃດ ນອກຈາກບາງຊ່ວງເຈົ້າຈະຍັງບໍ່ຄິດໃນເລື່ອງນີ້ຈິງຈັງເທົ່ານັ້ນ ຄົນວັນພະຫັດເຈົ້າຊູ້ແຕ່ອາລົມເທົ່ານັ້ນ ບໍ່ໄດ້ເຈົ້າຊູ້ເປັນນິໄສ ຖ້າພົບພໍ້ຄົນຫລໍ່ຫລືຄົນງາມໃນແບບທີ່ເພິ່ງພໍໃຈ ກໍຈະສົ່ງສາຍຕາໄປກ່ອນອື່ນ ແຕ່ບໍ່ແມ່ນຄົນທີ່ຈະຕ້ອງປາດເຂົ້າໄປຂໍທຳຄວາມຮູ້ຈັກທັນທີທັນໃດ ແມ່ນຈະເປັນຄົນກ້າແກ່ນປານໃດກໍຕາມ ເວັ້ນແຕ່ວ່າຖ້າໄດ້ຮູ້ຈັກກັນແລ້ວ ແລະຫລົງຮັກເຂົ້າແລ້ວເທົ່ານັ້ນທີ່ຄົນວັນພະຫັດຈະຕິດຕາມຜົນງານຢ່າງຕັ້ງໃຈ ຈົນກວ່າຈະໄດ້ໃຈຂອງໃຜຄົນນັ້ນບໍ່ມີວັນທີ່ເຈົ້າຈະຈີບຫລິ້ນໆ ແບບນິນຈາບຶດມາບຶດຫາຍແນ່ນອນ.

ຄົນວັນພະຫັດເປັນຄົນແຂງນອກອ່ອນໃນ ແລະມີດວງແບບຕົກຂຸມຮັກ ເມື່ອແຮກສົບຕາໄດ້ຫລາຍກວ່າຄົນເກີດມື້ໃດ ໆ ຫນ້ອຍເຫລືອເກີນທີ່ຈະເຫັນຄົນວັນພະຫັດມີຄວາມຮັກກັບເພື່ອນທີ່ຄົບກັນຊົ່ວນາ ຕາປີແລ້ວ ຄ່ອຍ ໆ ພັດທະນາເປັນຄວາມຮັກ ແລະໃນກໍລະນີທີ່ເປັນຄູ່ຮັກກັນແລ້ວຫາກມີເລື່ອງປະທະອາລົມໃສ່ກັນ ເຈົ້າກໍຈະປິດປາກງຽບບໍ່ຍອມຂໍໂທດວ່າຕົນຜິດເອງ ທັງ ໆ ທີ່ໃນໃຈເຈົ້າຢາກງໍ້ໃຈຈະຂາດ ນອກຈາກວ່າທະເລາະກັບຄູ່ຮັກເລື້ອຍໆ ບາງເທື່ອຈົນຮູ້ສຶກຊິນແລ້ວນັ້ນແຫລະເຈົ້າເຖິງຈະງໍ້ເປັນ ກ້າທີ່ຈະເອີ່ຍຄຳວ່າເສຍໃຈອອກໄປໄດ້ ໃນທ່ວງທ່າທີ່ເບິ່ງເປັນຄົນມຸທະລຸວູ່ວາມບໍ່ຈິງໃຈກັບໃຜ

ແທ້ຈິງແລ້ວ ຄົນວັນພະຫັດເປັນຄົນທີ່ຮັກຫມັ້ນຄົງຫລາຍ ຕາມດວງຊະຕາບົ່ງບອກວ່າເປັນຄົນຮັກຈິງຫວັງແຕ່ງ ມັກໄດ້ຄູ່ດີ ເວັ້ນແຕ່ບາງຊ່ວງຈະໄປຮັກຄົນຜິດຈົນເດືອດຮ້ອນບໍ່ຫນ້ອຍ ດວງຄວາມຮັກຂອງເຈົ້າ ຫາກຈະມີບັນຫາກໍຢູ່ທີ່ອາລົມເທົ່ານັ້ນ ຖ້າພົບຮ້ອນກໍຈົບໄວແນ່ ຖ້າເຈົ້າຫລຸດຜ່ອນໄຟໃນອາລົມຕົວເອງໄດ້ ຫລືເລືອກຄົນໃຈເຢັນເປັນນ້ຳ ກໍຮັກກັນຍັ່ງຍືນຍາກຈະແຕກລ້າວໄດ້

ວັນສຸກ

ຄົນວັນສຸກບໍ່ສະແດງອອກເຖິງຄວາມເຈົ້າເລ່ຈະແຈ້ງຢ່າງຄົນວັນອາທິດ ແຕ່ແທ້ໆ ແລ້ວເປັນຄົນເຈົ້າຊູ້ງຽບ ແອບຫວ່ານສະເໜ່ຢູ່ເລື້ອຍໆ ຄືກັນ ຊຶ່ງກໍມີຄົນຫລົງປື້ມຢູ່ສະເໝີໄປ ດ້ວຍຄວາມທີ່ເປັນຄົນອ່ອນໂຍນ ສະຫລາດ ຮອບຮູ້ ມີມະນຸດສຳພັນດີພໍຄວນ ຄົນວັນສຸກທຳຕົວໜ້າຮັກ ແຕ່ຖ້າເລີ່ມຄົບຫາຈິງຈັງກັບຫວານໃຈແລ້ວ ຈະສະແດງຄວາມດື້ດຶງອອກມາທັນທີ ເພາະເປັນຄົນເອົາແຕ່ໃຈຕົວເອງບໍ່ຫນ້ອຍ ດວງຄວາມຮັກຂອງເຈົ້າຈຶ່ງແສນເລິກໃນໄລຍະຕົ້ນ ໆ ເພາະພື້ນດວງເປັນຄົນສຸພາບ ຫນ້ອຍຄົນທີ່ສຸດທີ່ຈະຫ້າວຫລາຍ ໆ

ຄົນທີ່ເກີດໃນວັນສຸກ ເລື່ອງຄວາມຮັກຈະມີບັນຫາກໍມັກເປັນເພາະຕົວເຈົ້າເອງ ເນື່ອງຈາກເປັນຄົນຊ່າງຄິດຢູ່ແລ້ວ ຈຶ່ງຄິດຫລາຍຄິດໄກເກີນໄປສະເໝີ ແລະເປັນເຫດລ້າວສານໃນຄວາມສຳພັນໄດ້ບໍ່ຍາກ ດວງຄວາມຮັກຂອງເຈົ້າຂ້ອນຂ້າງບໍ່ທຳມະດາ ຄວາມຮັກແທ້ມັກເກີດຂຶ້ນກັບຄົນທີ່ຮອບຂ້າງແອບແກວ່ງຫົວ ວ່າບໍ່ເໝາະສົມກັນ ຖ້າບໍ່ແກ່ຫລືອ່ອນໄວກວ່າຫລາຍ ໆ ກໍອາດແຕກຕ່າງກັນທີ່ຖານະ ຫລືການສຶກສາ ດ້ອຍກວ່າໃນເລື່ອງໃດເລື່ອງໜຶ່ງແນ່ນອນ ແລະມັກຈະໄດ້ສະແດງເຖິງຄວາມຮັກແທ້ເໝືອນໃນໜັງ ຄືການຜ່າຟັນກັບກະແສການກີດກັນຂອງຄອບຄົວ ເປີເຊັນສ່ວນໃຫຍ່ຈະເປັນໃນຮູບນີ້

ຖ້າໃຜໄດ້ຄູ່ທີ່ສົມກັນດີບໍ່ມີໃຜຫ້າມປາມກໍຕ້ອງນັບວ່າໂຊກດີ ຄົງມີດວງໃນລາສີເກີດຫລືອິດທິພົນອື່ນ ໆ ທີ່ເສີມໃຫ້ດວງຄວາມຮັກໄປໄດ້ດີກວ່າພື້ນດວງທີ່ໜ້າຈະເປັນເຊັ່ນນັ້ນ ແຕ່ສຸດທ້າຍແລ້ວ ຄົນວັນສຸກຈະແຮບປີ້ສົມຫວັງສະເໝີ ບໍ່ຄ່ອຍຜິດຫວັງໃນເລື່ອງຮັກ ນອກຈາກຈະມີທຸກໃນຫົວໃຈທີ່ຕົວເອງຄິດເອງ ຮູ້ສຶກເອງ ບໍ່ແມ່ນຄົນທີ່ເຈົ້າຮັກກໍ່ຂຶ້ນດອກ ຫລືບາງກໍລະນີກໍເປັນເພາະເຈົ້າແອບຫວັ່ນໄຫວໄປປື້ມຄົນອື່ນແລ້ວຜິດຫວັງ ຖ້າເບິ່ງແຍງຫົວໃຈຕົວເອງໃຫ້ດີ ໆ ບໍ່ວອກແວກໄປໃສເຈົ້າກໍມັກມີຄູ່ຮັກທີ່ຄົບກັນດົນນານຈົນເພື່ອນ ໆ ອິດສາສະເໝີແນ່ນອນ.

ວັນເສົາ

ຖ້າເຈົ້າເກີດວັນເສົາ ໝັ້ນໃຈໄດ້ເລີຍວ່າເຈົ້າຈະເປັນຄົນຮັກທີ່ດີໃຫ້ໃຜຄົນນັ້ນໄດ້ພາກພູມໃຈແນ່ນອນ ເພາະເຈົ້າມີທັງຄວາມເອື້ອອາລີ ມີນ້ຳໃຈ ເປັນຄົນສະຕິປັນຍາດີ ມີຄວາມຍຸດຕິທຳ ເປັນຄົນທີ່ໃຜກໍຍອມຮັບແລະຊື່ນຊົມເຈົ້າ ເປັນຄົນຮັກຈິງກຽດຊັງຈິງ ຖ້າກຽດຊັງໃຜກໍບໍ່ທຳທ່າຄົບຫາຕໍ່ໄປໃຫ້ຕ້ອງຝືນຕາມວິໄສຂອງເຈົ້າວັນ ເສົາທີ່ກົງໆພໍສົມຄວນ.

ດວງໃນເລື່ອງຄວາມຮັກຂອງຄົນມື້ວັນເສົາ ບໍ່ຄ່ອຍໂລດໂຜນພິດສະດານເທົ່າໃດ ຄວາມຮັກຄ່ອຍເປັນຄ່ອຍໄປຢ່າງລຽບງ່າຍ ຫາກຈະມີເລື່ອງປວດຫົວໃຈນຳກໍເປັນເພາະຄວາມເບິ່ງໂລກໃນແງ່ດີເກີນໄປ ບາງເທື່ອຈຶ່ງຫລົງຄາລົມຄົນບໍ່ຈິງໃຈຫລືບາງເທື່ອກໍຄິດໄປເອງວ່າໃຜຄົນນັ້ນມີໃຈດ້ວຍ ທັງ ໆ ທີ່ບໍ່ໄດ້ເປັນດັ່ງທີ່ແອບຄິດແອບຫວັ່ນໄຫວ.

ຄົນເກີດວັນເສົາ ເປັນຄົນໃຝ່ຮູ້ ຖ້າໄລຍະໃດເຈັບຫົວໃຈ ກໍຈະທຳໃຈດ້ວຍການທຸ້ມເທໃນເລື່ອງທີ່ມີສາລະ ມີປະໂຫຍດກັບຊີວິດ ຄວາມໜ້າຮັກຂອງຄົນວັນເສົາ ດີຢູ່ທີ່ຄວາມສົດໃສ ເປີດເຜີຍ ມີຄວາມມຸ້ງໝັ້ນສະເໝີ ບໍ່ແມ່ນຄົນທີ່ເລື່ອນລອຍຂາດສາລະ ບໍ່ຄ່ອຍທີ່ຈະເຫັນຄົນວັນເສົາອີກລັກສະນະໜຶ່ງຄື ບໍ່ຄ່ອຍຮຽບຮ້ອຍແລະຂາດຄວາມສຸຂຸມຮອບຄອບ ຄົນວັນເສົາບໍ່ຄ່ອຍເຈົ້າຊູ້ ແມ່ນຈະເບິ່ງມີທ່າທີເຂົ້າກັບຄົນງ່າຍສົດໃສເປັນກັນເອງແຕ່ບໍ່ໄດ້ມັກໃຜງ່າຍ ໆ ສະເໝີໄປ ຖ້າຮັກໃຜກໍຈະຮັກຢ່າງຊື່ສັດ ຫາກຈະຜິດຫວັງກໍດັ່ງທີ່ກ່າວມາແລ້ວ ຄືການໄປຮັກຄົນຜິດ ຄິດວ່າດີທີ່ແທ້ບໍ່ແມ່ນ ດວງຄວາມຮັກຂອງຄົນວັນເສົານັ້ນຈະມີຮັກຈິງຈັງກໍຕໍ່ເມື່ອພົບພໍ້ທີ່ລຽບງ່າຍຄ້າຍ ໆ ກັນ ບໍ່ແມ່ນຟູ່ຟ່າຫລູຫລາເກີນໄປ ຄິດແຕ່ເລື່ອງສ້າງສັນຫລາຍກວ່າເລື່ອງເຮຮາປາຕີ້ ບັນຫາໃນຮັກມັກບໍ່ແມ່ນຢູ່ທີ່ຕົວເຈົ້າເອງ ເພາະເຈົ້າອົດທົນໄດ້ສະເໝີ ແຕ່ຄົນທີ່ເຈົ້າຮັກຕ່າງຫາກທີ່ຈະນຳເລື່ອງປວດຫົວມາໃຫ້ເຈົ້າ.

ເບິ່ງເນື້ອຄູ່ດ້ວຍນ້ຳໜັກແລະລວງສູງ

ຂຽນເມື່ອ: ພ.ຈ.. 28, 2010 | ມີ 10 ຄຳເຫັນ ແລະ 0 trackback(s)

ໜວດໝູ່: ຄວາມຮັກ

+ບໍ່ວ່າຈະສູງ , ຕ່ຳ , ດຳ , ຂາວ ທຸກຄົນລ້ວນມີເນື້ອຄູ່ເປັນຂອງໂຕເອງທັງນັ້ນ ວິທີການທຳນາຍຄູ່ ວິທີການນີ້ເປັນວິທີງ່າຍໆ ພຽງແຕ່ເຈົ້າເອົາສ່ວນສູງແລະນ້ຳໜັກຂອງເຈົ້າມາບວກເຂົ້າກັນ ( ຕ້ອງວັດແທກໃຫ້ຖືກເພາະການທຳນາຍຈະຖືກຕ້ອງໄປນຳ ) ຜົນບວກໄດ້ເທົ່າໃດ ໃຫ້ເບີ່ງໂຕເລກທ້າຍຂອງຜົນບວກທີ່ອອກມາ

ຕົວຢ່າງ : ລວງສູງ 165 cm ນ້ຳໜັກ 50 kg . 165 + 50 = 215 ໃນຕົວຢ່າງນີ້ຄື 5 ມາເບີ່ງນຳກັນ

ເລີຍ

ຕົວເລກ 0

ເນື້ອຄູ່ຂອງເຈົ້າຈະມີລັກສະນະນິໄສດີ ຖານະດີ ເປັນຄົນຈິງໃຈ ເປັນຣຄົນໝູ່ຫຼາຍ ມັກເຂົ້າສັງຄົມ ເປັນຄົນຖືໂຕ ນິໄສແຂງກະດ້າງ ແຕ່ເປັນຄົນມີຄວາມມານະອົດທົນ ເປັນຄົນທີ່ຕ້ອງການໃຫ້ຄົນອື່ນ

ມາເອົາໃຈ ແລະຕ້ອງການໃຫ້ຄົນມາຫຸ້ມມາຕ້ອມຫຼາຍໆ ມັກທ່ອງທຽ່ວໄປທຸກຫົນທຸກແຫ່ງ ບາງຄັ້ງເປັນຄົນທີ່ໂຣແມນຕິກ ແຕ່ເປັນຄົນເຈົ້າຊູ້ຫຼາຍ

ຕົວເລກ 1

ເນື້ອຄູ່ຂອງເຈົ້າຈະມີລັກສະນະດັ່ງນີ້ ຜິວຂາວໜ້າຮັກ ນິໄສເຍື້ອກເຢັນເຈົ້າລະບຽບ ມັກໃຫ້ຜູ້ອື່ນມາເອົາໃຈ ເປັນຄົນຖືໂຕ ຖານະຮັ່ງມີ ເປັນຄົນມັກໃຫ້ຜູ້ອື່ນຢູ່ໃນຄຳສັ່ງຂອງເຂົາ ຖ້າຂັດໃຈເມື່ອໃດຈະບໍ່ພໍໃຈທັນທີ ແຕ່ຄຽດງ່າຍເຊົາໄວ ຖ້າຮັກໃຜແລ້ວຮັກຈິງ ພ້ອມທີ່ຈະແຕ່ງງານກັບຄົນທີ່ເຂົາຮັກໄດ້ທັນທີ

ຕົວເລກ 2

ເນື້ອຄູ່ຂອງເຈົ້າຈະມີລັກສະນະ ເປັນຄົນບໍ່ຖືໂຕ ຮູບຮ່າງສັນທັດຜິວສອງສີ ເປັນຄົນສະໜຸກສະໜານມາລະຍາດຮຽບຮ້ອຍ ເປັນຄົນສະເໝີຕົ້ນສະເໝີປາຍ ຮັກດຽວໃຈດຽວ ເປັນຄົນສະບາຍສະບາຍ ມັກຕາມໃຈຄົນອື່ນ ບໍ່ຄ່ອມມີພິລີຕອງຫິຍງຫຼາຍ ເປັນຄົນທີ່ເຂົ້າກັບຄົນອື່ນໄດ້ງ່າຍ ມັກເວົ້ງມັກວ່າ ເປັນຄົນນິໄສດີ ຈິດໃຈເອື້ອເຟື້ອເພື່ອແຜ່ ໃຜໆ ກໍ່ຮັກ ເປັນຄົນຂ້ອນຂ້າງເຈົ້າຊູ້ ແຕ່ຖ້າຮັກໃຜແລ້ວຮັກຈິງຫວັງແຕ່ງ

ຕົວເລກ 3

ເນື້ອຄູ່ຂອງເຈົ້າຈະມີລັກສະນະເປັນຄົນຜິວຂາວເຫຼືອງ ນິໄສເດັດດຽ່ວ ຖານະຮັ່ງມີ ມີສະເໜ່ຢູ່ໃນໂຕເປັນຄົນເວົ້າຈາອ່ອນຫວານ ຂ້ອນຂ້າງຈະເປັນຄົນອ່ອນໄຫວ ມັກເວົ້າມັກວ່າ ເປັນຄົນທີ່ໝັ້ນໃຈໃນໂຕເອງສູງ ຈັດການທຸກສິ່ງທຸກຢ່າງເອງໝົດ ມີໝູ່ຫຼາຍ ມີລັກສະນະຜູ້ນຳ ໃນການໄປໄສມາໄສ ບາງຄັ້ງໂລແມນຕິກ ມັກເຮັດໃຫ້ຄົນອື່ນຫຼົງຮັກ ມັກໄປທ່ຽວທຳມະຊາດ

ຕົວເລກ 4

ເນື້ອຄູ່ເຈົ້າເປັນຄົນມີນ້ຳໃຈ ມັກຊ່ວຍເຫຼືອຜູ້ອື່ນ ບໍ່ຖືຕົນບໍ່ຖືໂຕ ຖານະດີ ມັກເວົ້າມັກຈາ ຮັກອິດສະລະ ບໍ່ມັກໃຫ້ໃຜມາບັງຄັບ ເປັນຄົນທີ່ຕັ້ງໃຈເຮັດຫຍັງແລ້ວຕ້ອງເຖຶງທີ່ສຸດ ເອົາຈິງເອົາຈັງ ມີເຫດຜົນໜັກແໜ້ນ ມັກຄິດຫາເຫດຜົນໃນທຸກໆເລື່ອງ ເຊື່ອໝັ້ນໃນໂຕເອງສູງ ຖ້າຄິດຈະເຮັດຫຍັງແລ້ວຢ່າຂັດເພາະຂັດໄປກໍ່ເທົ່ານັ້ນ

ຕົວເລກ 5

ເນື້ອຄູ່ເຈົ້າຈະມີຮູບຮ່າງສັນທັດ ຜິວຂາວ ມ່ວນຊື່ນ ມັກເວົ້າ ເປັນຄົນອ່ອນໄຫວພໍສົມຄວນ ມັກຄຽດແລະມັກຫວງ ແຕ່ບາງຄັ້ງກໍ່ສຂຸມເຍືອກເຢັນແລະອ່ອນນ້ອມ ຢາກທີ່ຈະຄາດເດົາໄດ້ ເວົ້າຈາຕົງໄປຕົງມາເຫັນຄວາມຮັກເປັນສິ່ງທີ່ວິເສດ ອາລົມດີປາກຫວານ

ຕົວເລກ 6

ເນື້ອຄູ່ເຈົ້າຈະມີລັກສະນະ ຜິວຂາວ ນິໄສອ່ອນຫວານ ມັກທຸກຢ່າງທີ່ເຈົ້າມັກ ຕາມໃຈເຈົ້າທຸກຢ່າງບໍ່ມັກຢູ່ເປັນທີ່ ມັກທີ່ຈະສະໜຸກສະໜານໄປເລື້ອຍໆ ເຂົ້າກັບຄົນອື່ນໄດ້ງ່າຍ ຕ້ອງການໃຫ້ຄົນອື່ນຢູ່ໃກ້ໆ ມີຄວາມສຸກ ເປັນທີ່ຮັກຂອງຄົນສ່ວນຫຼາຍ ເປັນຄົນມີສະເໜ່ຫຼາຍຈະຕິດເຂົາຫຼາຍທີ່ສຸດ

ຕົວເລກ 7

ເນື້ອຄູ່ຂອງເຈົ້າຈະມີລັກສະນະ ນິໄສອ່ອນຫວານ ເວົ້າຈາມີເຫດມີຜົນ ໃຫ້ຄວາມຈິງໃຈກັບຄວາມຮັກບໍ່ມັກໃຫ້ໃຜມາບັງຄັບ ອ່ອນໄຫວງ່າຍເປັນຄົນບໍ່ມັກເວົ້າບໍ່ຄ່ອຍໂອ້ລົມກັບໃຜປານໃດ ມັກຢູ່ຜູ້ດຽວ ມັກປະດິດຄິດຄົ້ນມັກເຮັດຫຍັງດ້ວຍຕົນເອງ ບໍ່ມັກເພີ່ງຄົນອື່ນ ແຕ່ງໂຕສຸພາບ ມັກຄວາມສະອາດຫຼາຍທີ່ສຸດ

ຕົວເລກ 8

ເນື້ອຄູ່ເຈົ້າຈະມີຮູບຮ່າງສັນທັດຜິວສອງສີ ມັກເອົາໃຈຄົນອື່ນ ມັກຢູ່ກັບຄົນຫຼາຍໆ ມີຄວາມສຸກທີ່ສຸດເມື່ອໄດ້ພົບປະກັບຄົນອື່ນ ຢູ່ງ່າຍ ກິນງ່າຍ ແຕ່ງໂຕຕາມສະບາຍ ເປັນຄົນເປີດເຜີຍ ຈິງຈັງກັບຄວາມຮັກຫຼາຍ ບໍ່ຍອມໃຫ້ໃຜມາຫຍຸ້ງກ່ຽວ ມັກຫວງ

ຕົວເລກ 9

ເນື້ອຄູ່ເຈົ້າມີລັກສະນະຜິວຂາວ ບໍ່ມັກເວົ້າ ຄວາມຄິດບໍ່ຄືກັບຄົນອື່ນ ເປັນໂຕຂອງໂຕເອງ ບໍ່ຄ່ອຍສົນໃຈກັບໃຜ ມັກເຮັດຫຍັງທີ່ສະແດງເຖິງຄວາມເປັນຜູ້ນຳ ມັກຝັນລົມໆແລ້ງໆ ມັກຂັດໃຈຄົນອື່ນ ເຊື່ອໝັ້ນໃນໂຕເອງສູງ ໂລແມນຕິກແບບແປກໆ

ເບິ່ງເນື້ອຄູ່... ຈາກເດືອນເກີດ

ຂຽນເມື່ອ: ພ.ຈ.. 28, 2010 | ມີ 11 ຄຳເຫັນ ແລະ 0 trackback(s)

ໜວດໝູ່: ຄວາມຮັກ

ມັງກອນ

ຜູ້ທີ່ເກີດເດືອນນີ້ມັກຊີວິດທີ່ລຽບງ່າຍສຸກສະຫງົບ ບໍ່ຄ່ອຍມັກເຮຮາປາຕີ້ ກັບໃຜງ່າຍໆ ເລືອກທີ່ຈະຄົບຫາຄົນຢ່າງພິຖີພິຖັນ ແຕ່ກໍມັກໃຫ້ຄົນອື່ນນິຍົມຍົກຍ້ອງຄືກັນ ມີຄວາມຮູ້ ຄວາມສາມາດດີ ແຕ່ຕັດສິນໃຈບໍ່ສຽບຂາດນັກ ສ່ວນຫລາຍເປັນຄົນມີສະເໜ່ ອາລົມອ່ອນໄຫວ ຈິດໃຈເອື້ອອາລີ. ເນື້ອຄູ່ຂອງຄົນເດືອນນີ້ ຖ້າໄດ້ຄົນຜິວນວນ ຫລືຜິວ 2 ສີກໍໄດ້ ຈະຖືວ່າດີທີ່ສຸດ ບໍ່ຈ່ອຍບາງເກີນໄປ ແລະຄວນມີອາລົມຂັນ ບໍ່ເຄ່ງຄຽດ ໂລແມນຕິກນຳ ເປັນນັກຄິດ ນັກວາງແຜນ ຫາທາງຮຸ່ງເຮືອງ ເປັນທີ່ປຶກສາທີ່ດີ ອາລົມດີ ບໍ່ຖືສາຈຸດເສຍເລັກນ້ອຍອື່ນໆ ຂອງຄົນອື່ນ ນີ້ຄືລັກສະນະທີ່ຈະຢູ່ກັບຄົນເດືອນນີ້ ໄດ້ມີຄວາມສຸກ ສົດຊື່ນ ຍັ່ງຍືນຍາວ ຜູ້ທີ່ເກີດເດືອນນີ້ມັກຈະໄດ້ຄູ່ທີ່ດີ ມີຄວາມຮັກໄຄ່ກັນ ຄອບຄົວບໍ່ທຸກຍາກ ຖ້າມີລູກຄົນທຳອິດເປັນຜູ້ຊາຍ ຈະດີທີ່ສຸດເລີຍ.

ກຸມພາ

ຜູ້ທີ່ເກີດເດືອນນີ້ເປັນຄົນຮ້າຍງ່າຍຫາຍໄວ ມັກຊ່ວຍເຫລືອຄົນອື່ນ ແບບໃຈນັກເລງ ນິຍົມເລື່ອງຕື່ນເຕັ້ນ ແປກໃໝ່ບໍ່ຄ່ອຍຢ້ານໃຜ ມີເພື່ອນຫລາຍ ພໍໆ ກັບມີຄົນຄິດຮ້າຍ ດວງພິກຜັນເລື້ອຍ ຈັກໜ້ອຍຮຸ່ງ ຈັກໜ້ອຍຫ່ຽວໄດ້ ຖ້າບໍ່ລະມັດລະວັງ. ເນື້ອຄູ່ຂອງຄົນເດືອນນີ້ ຖ້າເປັນຄູ່ທຽມ ກໍຈະຖິ້ມກັນໄດ້ໃນຍາມມີບັນຫາ ຄູ່ແທ້ຈຶ່ງມີລັກສະນະເປັນເພື່ອນຕາຍ ທີ່ມີຄວາມຊື່ກົງ ຕໍ່ກັນຢ່າງແທ້ຈິງ ຄອຍຖ້າຕັກເຕືອນ ບໍ່ໃຫ້ຖືກຫລອກລວງໄດ້ງ່າຍ ແລະຕ້ອງທຳໃຈໄດ້ ກັບນິໄສທີ່ມັກທ້າທາຍຂອງຄົນເກີດເດືອນນີ້ ເນື້ອຄູ່ມັກມີ ລັກສະນະສະຫງ່າງາມກວ່າຄົນເດືອນສາມ ຄິ້ວເຂັ້ມ ຕາກົມ ມີບຸກຄະລິກໜ້ານັບຖື ຜູ້ທີ່ເກີດເດືອນນີ້ຈະໄດ້ຄູ່ທີ່ມີກຽດ ມີຊັບ ຈຶ່ງອາດຖືກຄູ່ຂົ່ມນຳ ຖ້າມີລູກຖ້າເປັນລູກສາວກ່ອນຈະຖືວ່າດີຫລາຍ.

ມີນາ

ຜູ້ທີ່ເກີດເດືອນນີ້ຖ້າມຸ້ງໝັ້ນພາກພຽນສູງ ກໍປະສົບຄວາມສຳເລັດຢ່າງສູງເລີຍ ແຕ່ມັກຈະວາງມືໄດ້ງ່າຍ ຈາກສິ່ງທີ່ຄິດ ແລະເຮັດໄວ້ ເປັນຄົນໃຈອ່ອນ ບໍ່ມີພິດມີໄພກັບໃຜ ແຕ່ມັກຖືກພິດໄພ ຈາກຄົນອື່ນງ່າຍ ເພາະມັກຄົນມາອອດອອຍ ເອົາໃຈ. ເນື້ອຄູ່ຂອງຄົນເດືອນນີ້ ຈະມີຮູບຮ່າງບໍ່ສູງບໍ່ເຕ້ຍ ຫຸ່ນພໍດີງາມ ເວົ້າຈາຄາລົມເຫລືອຮ້າຍ ມີຄວາມຮູ້ຄວາມສາມາດ ແລະມັກຊີວິດສຸກສະຫງົບ ລຽບງ່າຍ ບໍ່ຟຸ້ງເຟີ້ເກີນຕົວ ຖ້າຮູ້ຈັກເຂົ້າໃຈ ນິໄສບຶດດີບຶດຮ້າຍ ຂອງຄົນເດືອນນີ້ໄດ້ ກໍຈະຢູ່ນຳກັນຍັ່ງຍືນ ຜູ້ທີ່ເກີດເດືອນນີ້ຕ້ອງໄດ້ຄູ່ທີ່ຊ່ວຍງານກັນໄດ້ ຖ້າມີລູກຄົນທຳອິດ ເປັນລູກສາວຈະບໍ່ຄ່ອຍ ໄດ້ດັ່ງໃຈປານໃດ.

ເມສາ

ຜູ້ທີ່ເກີດເດືອນນີ້ມັກເປັນຄົນຈິດໃຈດີ ແຕ່ເວົ້າຈາອອກໄປບໍ່ດີປານໃດ ແຕ່ກໍມີຄົນຊື່ນຊົມ ເອັນດູພໍຄວນ ບໍ່ນິຍົມເລື່ອງຈຸກຈິກໜ້າລຳຄານໃຈ ດວງຊະຕາມີຫົນທາງຮຸ່ງເຮືອງ ມີຊື່ສຽງ ຖ້າບໍ່ວູ່ວາມ ເຮັດເລື່ອງເສຍ ກໍຈະໄດ້ດີແນ່. ເນື້ອຄູ່ຂອງຄົນເດືອນນີ້ ຄວນມີຜິວຂາວ ຫລືຜິວດຽວກັນ ຮູບຮ່າງລ່ຳສັນ ຫລືສູງພໍປະມານ ໜ້າກົມອິ່ມເອີບ ສຸຂຸມຮອບຄອບ ແລະມີວາດສິລະປະ ຊ່ວຍເຫລືອໃຫ້ກຳລັງໃຈ ຫລືຄຳປຶກສາທີ່ດີໄດ້ ເປັນຄົນຂະຫຍັນ ແລະວ່ອງໄວກໍຍິ່ງດີ ຜູ້ທີ່ເກີດເດືອນນີ້ຖ້າໄດ້ຄູ່ທີ່ເດັ່ນກວ່າ ໃນດ້ານໃດດ້ານໜຶ່ງ ຖືວ່າດີຫລາຍ ຖ້າໄດ້ລູກສາວ ຜູ້ທຳອິດຈະມີວາດສະໜາດີ.

ພຶດສະພາ

ຜູ້ທີ່ເກີດເດືອນນີ້ເປັນຜູ້ມີຊະຕາລາບລຽບ ບໍ່ໂລດໂຜນຕື່ນເຕັ້ນ ແຕ່ກໍບໍ່ຕ້ອງເຈັບຕົວ ເຈັບໃຈງ່າຍໆ ເພາະມັກຄວາມຫມັ້ນຄົງ ສະບາຍໆ ບໍ່ຕ້ອງສ່ຽງ ເປັນຜູ້ຕາມຫລາຍກວ່າ ເປັນຜູ້ນຳ ບໍ່ຄ່ອຍຄິດເລີ່ມຕົ້ນສ້າງສັນ ແຕ່ກໍຮັກຄອບຄົວ ແລະລະອຽດຮອບຄອບສະເໝີ. ເນື້ອຄູ່ຂອງຄົນເດືອນນີ້ ເປັນຄົນຮູບຮ່າງດີ ດວງຕາສົດໃສເປັນຕາເບິ່ງ ຄິ້ວງາມໄດ້ຮູບ ເປັນຄົນມັກເຮັດບຸນ ມີລັກສະນະຂອງຜູ້ໃຫຍ່ ຫລືຜູ້ດີ ຮູ້ຈັກການເທສະ ບໍ່ແຂງກະດ້າງ ເຫັນແກ່ຕົວ ຜູ້ທີ່ເກີດເດືອນນີ້ຖ້າຄູ່ມີກຳລັງຊ່ວຍເສີມ ຈະຍິ່ງເຮັດໃຫ້ຮຸ່ງເຮືອງ ລູກຄົນທຳອິດຖ້າເປັນຜູ້ຊາຍ ຖືວ່າຈະນຳກຽດ ມາສູ່ວົງຕະກູນ ໃນມື້ໜ້າ.

ມິຖຸນາ

ຜູ້ທີ່ເກີດເດືອນນີ້ມີ 2 ຊະຕາ ຖ້າບໍ່ແມ່ນຄົນເວົ້າເກັ່ງ ມັກສັງຄົມ ກໍຈະເປັນຄົນງຽບຂຶມໄປເລີຍ ແຕ່ສ່ວນຫລາຍ ຈະມີຄວາມສາມາດ ນຳຕົວເອງ ໃຫ້ກ້າວເຖິງຈຸດຝັນໄດ້ ຖ້າບໍ່ຢຸດນິ່ງ ຢູ່ກັບທີ່ ຈິດໃຈອ່ອນໄຫວ ແບບຮັກງ່າຍ ຕັດງ່າຍ. ເນື້ອຄູ່ຂອງຄົນເດືອນນີ້ ມີລັກສະນະພຽວບາງ ໃບໜ້າລຽວງາມ ມີຄວາມຄິດອ່ານ ເລິກລຶກ ຮູ້ຈັກເວົ້າຈາດີ ແລະຖ້າຮູ້ຈັກອົດທົນ ກໍຈະຢູ່ກັນຍືດ ເພາະທັງສອງ ອາດຈະບໍ່ໄດ້ຢູ່ ຊິດໃກ້ ຫວານຊື່ນກັນພິລຶກ ຜູ້ທີ່ເກີດເດືອນນີ້ຈະໄດ້ຄູ່ທີ່ຊື່ສັດ ລູກຄົນທຳອິດເປັນຜູ້ຊາຍຈະດີ ແຕ່ຖ້າໄດ້ລູກສາວ ກໍບໍ່ມີຜົນຮ້າຍ.

ກໍລະກົດ

ຜູ້ທີ່ເກີດເດືອນນີ້ເປັນຄົນປາກຮ້າຍໃຈດີ ຄືຍາມຕຳໜິຕິຕຽນໃຜ ກໍເຮັດດ້ວຍໃຈຫວັງດີ ແຕ່ຄົນອື່ນ ຈະບໍ່ມັກ ສຳລັບການເວົ້າຈາ ໂດຍທົ່ວໄປແລ້ວເວົ້າມ່ວນ ມັກຖືກຄົນເອົາປຽບໄດ້ ຈຶ່ງບໍ່ຄວນວຸ້ນວາຍ ກັບໃຜເທົ່າໃດ ຕ້ອງເລືອກຄົບຄົນທີ່ ຈິງໃຈຫຼາຍໆຕໍ່ຕົນເອງ. ເນື້ອຄູ່ຂອງຄົນເດືອນນີ້ ມັກມີໄວທີ່ແກ່ກວ່າ ຫລືອ່ອນກວ່າ ຮູບຮ່າງສູງ ແຕ່ກໍມີເລື່ອງ ບໍ່ເຂົ້າໃຈກັນສະເໝີ ເພາະບໍ່ຄ່ອຍເປີດເຜີຍ ຄວາມຮູ້ສຶກຕໍ່ກັນ ຫາກແກ້ຈຸດນີ້ໄດ້ ຈະເປັນຄູ່ຊີວິດ ທີ່ອົບອຸ່ນ ແລະຮຸ່ງເຮືອງໄດ້ດີທີ່ສຸດ ຄົນເກີດເດືອນນີ້ຈະໄດ້ຄູ່ທີ່ດວງຕາງາມ ຖ້າມີລູກສາວກ່ອນລູກຊາຍ ຈະມີເລື່ອງຫຍຸ້ງຍາກໃຈ.

ສິງຫາ

ຜູ້ທີ່ເກີດເດືອນນີ້ມັກມີຄົນຮັກໄຄ່ຊື່ນຊົມ ເປັນຜູ້ນຳທີ່ດີໄດ້ ແລະກໍມັກສ້າງກຽດ ສ້າງຊື່ ໃຫ້ຄົນຍອມຮັບຫລາຍກວ່າ ຈະຄິດແຕ່ເລື່ອງລ້ຳລວຍ ເປັນຄົນອາລົມລະມຽດ ເກັ່ງເຊີງສິລະປະ ຈິດໃຈໂອບອ້ອມ ອາລີຕໍ່ຄົນຮອບຂ້າງ ເນື້ອຄູ່ຂອງຄົນເດືອນນີ້ ອາດເປັນຄົນຕ່າງຊາດ ຫລືລູກຊອດ ຈິດໃຈທິດຖິ ດື້ດຶງ ເຊື່ອໝັ້ນ ໃນຕົວເອງສູງ ຖ້າອາລົມເສຍ ຈະປາກຮ້າຍ ແຕ່ກໍຂະຫຍັນໝັ່ນພຽນ ຫວັງກ້າວໜ້າ ກ້າວໄກຮ່ວມກັບ ຄົນເດືອນນີ້ ຄົນເກີດເດືອນນີ້ຈະໄດ້ຄູ່ທີ່ຢູ່ຮ່ວມກັນຈົນແກ່ເຖົ້າ ຖ້າມີລູກຄົນທຳອິດເປັນຜູ້ຊາຍຈະດີຫຼາຍ.

ກັນຍາ

ຜູ້ທີ່ເກີດເດືອນນີ້ມີສະເໜ່ໝັດໃຈຄົນດ້ວຍຄຳເວົ້າ ເປັນຜູ້ມີລົດນິຍົມດີ ຊ່າງຄິດຊ່າງໄຕ່ຕອງ ຈິດໃຈອ່ອນໂຍນຕໍ່ຄົນທົ່ວໄປ ແຕ່ກໍມີສັດຕູ. ຄົນເດືອນເກົ້າສຸຂຸມ ໃນເລື່ອງງານ ແຕ່ເລື່ອງອາລົມແລ້ວ ບໍ່ຄ່ອຍມີເຫດຜົນ. ເນື້ອຄູ່ຂອງຄົນເດືອນນີ້ຈະໄດ້ພົບແບບບໍ່ທັນຕັ້ງໃຈ ເປັນຄົນມີຜິວຂາວ ຮູບຮ່າງບໍ່ສູງ ບໍ່ເຕ້ຍ ໃບໜ້າສັ້ນ ອາລົມລື່ນເລີງດີ ຕິແຕ່ເບິ່ງຂາດສາລະໄປນຳ ຄົນເກີດເດືອນນີ້ອາດຈະຕ້ອງແຕກແຍກ ກັບຄູ່ກ່ອນຈະໄດ້ແຕ່ງອີກເທື່ອ ລູກຄົນທຳອິດຖ້າໄດ້ລູກຊາຍ ຖືວ່າເປັນມຸງຄຸນ.

ຕຸລາ

ຜູ້ທີ່ເກີດເດືອນນີ້ມັກມີຄວາມສາມາດ ສ້າງຖານະຕົວເອງໄດ້ ແຕ່ບໍ່ຄ່ອຍໄດ້ສູງດັ່ງຫວັງ ເພາະບໍ່ເຮັດຢ່າງດຽວ ໃຫ້ດີທີ່ສຸດ ສ່ວນໃຫຍ່ເປັນຄົນມັກຢູ່ ທ່າມກາງໝູ່ຜູ້ຄົນ ເວົ້າຈາເກັ່ງ ມັດໃຈຄົນໄດ້ງ່າຍ ແມ່ນຈະບໍ່ຈິງໃຈນັກ ຄ່ອນຂ້າງມັກເຈົ້າຊູ້ ຫວ່ານສະເໜ່. ເນື້ອຄູ່ຂອງຄົນເດືອນນີ້ເປັນຄົນສູງພຽວ ຮິມຝີປາກນ້ອຍບາງ ຖ້າຂະຫຍັນເຮັດວຽກດ້ວຍ ກໍຈະສົມພົງກັນທີ່ສຸດ ແຕ່ຖ້າຂາດຈຸດນີ້ ກໍຈະຢູ່ນຳກັນບໍ່ດົນ ແລະເນື້ອຄູ່ມັກເປັນຄົນ ປາກຮ້າຍ ຫລືເວົ້າຫລາຍ ຂີ້ຫຶງຫວງແມ່ນຈະເຈົ້າຊູ້ພໍກັນ ຄົນເກີດເດືອນນີ້ຖ້າຢູ່ກິນນຳກັນແລ້ວ ຈະມີຖານະດີຂຶ້ນ ລູກຄົນທຳອິດເປັນຊາຍຫລືຍິງ ກໍຖືວ່າ ດີທັງນັ້ນ.

ພະຈິກ

ຜູ້ທີ່ເກີດເດືອນນີ້ມັກທີ່ຈະຢິບຈັບທຸກສິ່ງ ເພື່ອສ້າງຖານະຂອງຕົວເອງ ບໍ່ຄິດຫວັງເພິ່ງ ໃຜເທົ່າໃດ ເປັນຄົນມັກອິດສະຫລະ ບໍ່ມັກໃຫ້ໃຜມາເອົາປຽບ ຈິດໃຈດີ ແຕ່ຖ້າຮ້າຍ ຫລືມີເລື່ອງ ກັບໃຜກໍຈະ ຄິດອາຄາດບໍ່ເລີກງ່າຍໆ ຊະຕາຊີວິດຈະໄດ້ດີ ດ້ວຍລຳແຄ່ງຕົນເອງ. ເນື້ອຄູ່ຂອງຄົນເດືອນນີ້ຈະມີຜິວພັນດີ ຮູບຮ່າງດີ ໃບໜ້າມັນ ມັກຊ່ວຍກັນທຳມາຫາກິນ ຮັກໄຄ່ກັນດີ ທັງຍາມສຸກທຸກ ແມ່ນຂັດໃຈກັນນຳ ແຕ່ກໍບໍ່ທອດຖິ້ມກັນ ຄົນເກີດເດືອນນີ້ຈະໄດ້ຄູ່ທີ່ເປັນ ຄູ່ຮັກຄູ່ກຳ ລູກຄົນທຳອິດຈະເປັນຄົນມີປາກເປັນເອກ

ທັນວາ

ຜູ້ທີ່ເກີດເດືອນນີ້ມັກເປັນຄົນທີ່ມັກຄິດວາງອະນາຄົດໄວ້ກ່ອນ ເປັນຄົນໃຝ່ດີ ພະຍາຍາມຫາຄວາມຮູ້ໃສ່ຕົວຈົນຮອບຮູ້ເລິກລັບ ເມື່ອຮູ້ວ່າຕົວເອງຟຸ່ມເຟືອຍ ກໍຄວບຄຸມຕົວເອງໄດ້ ກະເປົາຈຶ່ງແຕກນຳ ເຕັມນຳ ມັກຕ້ອງຍ້າຍຖິ່ນ ເຖິງຈະກ້າວໜ້າຂຶ້ນ ເປັນຄົນມີເພື່ອນຫລາຍຮູບແບບ ນິຍົມເກັບສະສົມ ຫລືສະແຫວງຫາສິ່ງທີ່ຕົວເອງໂປດປານ ມັກມີໂລກສ່ວນຕົວຂອງຕົວເອງ ຈະໄດ້ຄູ່ຊ້າກວ່າເພື່ອນ ເພາະຈະເລືອກຄົນທີ່ ເໝືອນພາບວາດຝັນໄວ້ໃຫ້ຫລາຍທີ່ສຸດ ທັງເລື່ອງໜ້າຕາ ຖານະ ແລະນິໄສໃຈຄໍ. ເນື້ອຄູ່ຈະມີຮູບຮ່າງສູງພໍດີງາມ ຜິວພັນລະອຽດ ຜ່ອງໃສ ຄົນເກີດເດືອນນີ້ຈະມີຄູ່ທີ່ເພິ່ງພາໄດ້ ລູກຄົນທຳອິດເປັນຜູ້ຊາຍຈະບໍ່ດີປານໃດ.

ປ້ອມ ວໍລະຢຸດ

ເບິ່ງທັງໝົດ

ອ່ານຄືນຫຼັງ

2011 (1)
2010 (6)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.