ໄດອາຣີ່ຂອງ ປ້ອມ ວໍລະຢຸດ: ກຳຈັດກິ່ນເໝັນໃນເຮືອນ

ຂຽນເມື່ອ: ພ.ຈ.. 27, 2010 | ມີ 4 ຄຳເຫັນ ແລະ 0 trackback(s)

ໃຜທີ່ກຳລັງຫາວິທີກຳຈັດກິ່ນເໝັນພາຍໃນເຮືອນ ມື້ນີ້ເຮົາມີວິທີມາບອກ?

ກິ່ນຢາສູບໃນຫ້ອງ

ເປີດປ່ອງຢ້ຽມໃຫ້ໂລ່ງ ໃຊ້ສຳລີຊຸບແອມໂມເນຍ ຫລືນ້ຳສົ້ມສາຍຊູວາງໄວ້ຕາມຈຸດຕ່າງໆ ພາຍໃນຫ້ອງ ຫລືຈະໄຕ້ທຽນໄຂໄວ້ໃນຫ້ອງເພື່ອດັບກິ່ນ ແຕ່ຕ້ອງລະວັງຢ່າໃຫ້ເດັກນ້ອຍຫຼິ້ນ ຫຼືລະວັງໄຟໄໝ້

ກິ່ນໃນຫ້ອງນ້ຳ

ໄຕ້ທຽນໄຂໄວ້ໃນຈານ ຍົກໄປວາງໄວ້ໃນຫ້ອງນ້ຳ ປິດປະຕູຖິ້ມໄວ້ປະມານ 5 ນາທີ ກ່ອນຈະເປີດປະຕູເພື່ອລະບາຍອາກາດ ກິ່ນບໍ່ເພິ່ງປາຖະໜາຈະໝົດໄປ

ກິ່ນສີທາເຮືອນ

ເອົາຫອມບົ່ວໃຫຍ່ມາຜ່າເຄິ່ງຕາມລວງຍາວ ແລ້ວເອົາໄປວາງຕາມຈຸດຕ່າງໆ ໃນເຮືອນ ຫອມບົ່ວໃຫຍ່ມີຄຸນສົມບັດໃນການດູດຊັບກິ່ນ ຈະດູດກິ່ນຂອງສີທາເຮືອນໃຫ້ເບົາບາງລົງໄດ້

ກິ່ນອາຫານໃນເຮືອນຄົວ

ຫ້ອງຄົວທີ່ເຮັດອາຫານເປັນປະຈຳມັກຈະມີກິ່ນສຸນ ສາມາດຫລຸດຜ່ອນກິ່ນໄດ້ ໂດຍໃຊ້ຜົງກາເຟໂຮຍລົງເທິງເຕົາ ພໍໃຫ້ເກີດຄວັນ ຈາກນັ້ນອັດປະຕູຫ້ອງຄົວໄວ້ປະມານ 5 ນາທີ ແລ້ວຈຶ່ງເປີດປະຕູຕາມປົກກະຕິ ກິ່ນຈະຈາງລົງ ຖ້າບໍ່ມີກາແຟ ໃຫ້ໃຊ້ເກືອປົ່ນຫລືຜົງຖ່ານລະອຽດ ໂຮຍຕາມບໍລິເວນທີ່ມີກິ່ນກໍໄດ້

ເຮືອນໃຜທີ່ຢາກໃຫ້ກິ່ນເໝັນຫາຍໄປ ລອງເອົາວິທີທີ່ແນະນຳໄປໃຊ້ກັນໄດ້.

ກັບໄປໄດອາຣີ່ຂອງ ປ້ອມ ວໍລະຢຸດ

ແຈ້ງເນື້ອຫາບໍ່ເໝາະສົມ

ປ້ອມ ວໍລະຢຸດ

ເບິ່ງທັງໝົດ

ອ່ານຄືນຫຼັງ

2011 (1)
2010 (6)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.