ກຳມະກອນຄືອ້າຍ ມີໃຜນໍສົນໃຈແດ່...
ຄັນສົນໃຈອ້າຍແທ້ ໃຫ້ນາງຍິ້ມສົ່ງມາ…
ຢ້ານຕັ້ງແຕ່ນ້ອງຫລ້າ…ຕວົະອ້າຍພີ່ໃຫ້ດີໃຈ..
ບາດວ່າມີແສງໄຟ ຊ້ຳພັດໄລນໍລືມອ້າຍ

ອ້າຍນີ້ເປັນກຳມະກອນໄຟຟ້າ ປາດຖະຫນາໃຫ້ຊາດລາວສົດໃສ
ສ້າງບ້ານເມືອງໃຫ້ຮຸ່ງເຮືອງສີວິໄລ ກ້າວໄປສູ່ຄວາມຈະເລີນ
ເດີນໄປຫນ້າ ໄປຫນ້າ ປີນພູປີນຜາ ບໍ່ໄດ້ງໍ້ໄດ້ງ່ຽງ
ຈະທົ່ງພຽງ ຫລື ໂຄກຄ້ອຍ ໂຄກຄ້ອຍ ສາຍນ້ຳກໍ່ຢັ່ງໄປ
ຕົ້ນໄມ້ນ້ອຍ ຫລື ໃຫຍ່ ຕາມທາງ ໄດ້ຖາກຖາງເປັນແລວ ປ່ອງແປວບໍ່ມີຢັ້ງ
ສຸມກຳລັງເຂົ້າ ເອົາສາຍຍົກຍື່ນ ບໍ່ຈັກດຶງແລະທື້ນ ບືນຂ້າມຮ່ອມພູ

ຄິດດູ ຊີວິດແນວຫນ້າ ຫນຸ່ມໄຟຟ້າ ຜ່ານຜ່າສົມສັກສີ
ສິ່ງດຽວທີ່ເຮົາປາດຖະຫນາດີ ໃຫ້ຊາດນີ້ຢູ່ດີມີໄຊ
ໃຫ້ເອື້ອຍອ້າຍ ບັນດາເຜົ່າລາວເຮົາ ຢູ່ໃນດົງເຂດເຂົາ ບໍ່ໃຫ້ເຄືອງຄາແຄ້ນ
ແດນເຫນືອໃຕ້ ທາງໃດບໍ່ໄດ້ວ່າ ກຳມະກອນທົ່ວຫນ້າໄຟຟ້າຫມູ່ເຮົາ
ຈະໄດ້ເຂົ້າ ສຸມເຫື່ອເທແຮງ ເຮັດໃຫ້ແສງສີໄຟ ທົ່ວໄປໄດ້ມີໃຊ້

ພໍໃຈແດ່ບໍນ້ອງຫລ້າ ອ້າຍບ່າວໄຟຟ້າກຳມະກອນສາຍສົ່ງ
ຈິດໃຈຢາກຫມັ້ນຫມາຍອະນົງ ສຳເລັດວຽກລົງໃຈປະສົງຢາກແຕ່ງງານ
ນົງຄານນ້ອງສົນໃຈ ອ້າຍບໍ່ ຄັນພໍໃຈສົ່ງຍິ້ມ ມາພີ້ແດ່ເດີ້
ຢ່າໃຫ້ເກີ້ ລະເມີຢູ່ຄົນດຽວ ບາດອ້າຍທຽວມາຫາ ຈົ່ງຈາແດ່ເດີ້ນ້ອງ

ແຕ່ງໂດຍ ທອງແດງ
ຕົ້ນສະບັບຫາບໍ່ເຫັນ ດຽວນີ້ ມີຫລາຍ version ເຫລຶອເກີນ
ມອບໃຫ້ທຸກຄົນ ເນື່ອງໃນວັນກຳມະກອນສາກົນ