ໄທແລະກຳປູເຈຍປະທະກັນ ໃນບໍລິເວນຊາຍແດນ

ລາຍງານໂດຍ Souphonh  02-04-2011

ຮູບຈາກ: AP

ໂຄສົກສະພາຄະນະລັດຖະບານກຳປູເຈຍ ທ່ານ Phay Siphan (2 ຈາກຂວາ) ພວມຊີ້ໃຫ້ເບິ່ງແຜນທີ່ ໃນລະຫວ່າງການຖະແຫຼງຂ່າວ ໃນວັນສຸກ (4 ກຸມພາ 2011)

ເຈົ້າໜ້າທີ່ເວົ້າວ່າ ທະຫານໄທ ແລະກຳປູເຈຍໄດ້ຍິງ
ຕອບໂຕ້ກັນໃນບໍລິເວນຊາຍແດນທີ່ມີການຂັດແຍ້ງ
ໃນວັນສຸກມື້ນີ້.

ການປະທະກັນທີ່ວ່ານີ້ ແມ່ນເຫດຮ້າຍເທື່ອລ່າສຸດ
ທີ່ໄດ້ລະເບີດຂຶ້ນຍ້ອນການຜິດຂ້ອງຕ້ອງຖຽງກ່ຽວ
ກັບເລື່ອງເຂດນໍ້າແດນດິນ ໃນບໍລິເວນອ້ອມແອ້ມ
ວັດສາສະໜາຮິນດູອາຍຸ 900 ປີ.

ທັງໄທແລະກຳປູເຈຍ ຕ່າງກໍກ່າວຫາອີກຝ່າຍນຶ່ງວ່າ
ເປັນຜູ້ລະດົມຍິງປືນໃສ່ກ່ອນ ໃນບໍລິເວນໃກ້ໆກັບ
ປາສາດຫີນວັດເຂົາພະວິຫານ ຊຶ່ງປະເທດທັງສອງ ຕ່າງກໍອ້າງກຳມະສິດນັ້ນ.

ລາຍງານຂ່າວແຈ້ງວ່າ ໄດ້ມີການຍິງປືນໃຫຍ່ໂຈມຕີ
ກັນນຳດ້ວຍ ແຕ່ຍັງບໍ່ທັນເປັນທີ່ຈະແຈ້ງເທື່ອວ່າ
ຈາກຝ່າຍໃດແທ້ ຫຼືທັງສອງຝ່າຍ ຕ່າງກໍໄດ້ຍິງປືນໃຫຍ່ ໃສ່ກັນ.

ໃນເວລານີ້ ຍັງບໍ່ທັນມີການຢືນຢັນ ກ່ຽວກັບການບາດເຈັບລົ້ມຕາຍເທື່ອ.