ໃນຄອບຄົວໜຶ່ງທີ່ມີລູກສາວສອງຄົນ, ຜູ້ເປັນລູກກົກອາຍຸໄດ້ 26 ປີ ແລະ ເຮັດວຽກໃນບໍລິສັດແຫ່ງໜຶ່ງຢູ່ພາຍໃນປະເທດ, ສ່ວນຜູ້ເປັນລູກຫຼ້າອາຍຸ 22 ປີ ແຕ່ກຳລັງສຶກສາຢູ່ຕ່າງປະເທດ ແລະ ຈະຈົບອີກໃນ 1 ປີຕໍ່ໜ້າ.

      ຢູ່ມາມື້ໜຶ່ງຜູ້ເປັນເອື້ອຍກົກໄດ້ສ້າງຄອບຄົວກັບຊາຍ ທີ່ເຮັດວຽກໃນບໍລິສັດດຽວກັນ ແລະ ກໍ່ໄດ້ອອກໄປຕັ້ງເຮືອນຢູ່ສອງຜົວເມຍ, ແຕ່ຜູ້ເປັນເຂີຍຜູ້ນີ້ ພັດມີນິດໃສຂ້ອນຂ້າງເຈົ້າຊູ້ ແລະ ບໍ່ເຄີຍເຫັນນ້ອງເມຍຕົວຈິງຈັກເທື່ອ ເຫັນແຕ່ຢູ່ໃນຮູບ.

       ຈົນຮອດມື້ທີ່ນ້ອງເມຍໄດ້ຮຽນຈົບມາ ແລະ ກໍ່ໄດ້ມາຢູ່ເຮືອນນຳຜູ້ເປັນພໍ່ແມ່. ມາຮອດວັນເສົາຜູ້ເປັນເອື້ອຍກົກ ແລະ ເຂີຍ ກໍ່ໄດ້ມາຢາມພໍ່ແມ່ . ແຕ່ເມື່ອເຫັນຜູ້ເປັນນ້ອງເມຍ ຜູ້ເປັນເຂີຍຄິດໃນໃຈວ່າ: ປ່າຕິໂທ້! ໂຕຈິງຄືມາງາມກ່ອນໃນຮູບແທ້.

       ເມື່ອເປັນເຊັ່ນນັ້ນໃນຍາມເມື່ອລັບຫຼັງຄົນອື່ນຜູ້ເປັນເຂີຍຈະມັກເວົ້າຢອກຕໍແຍກັບນ້ອງເມຍຢູ່ເລື້ອຍໆ ຈົນວ່າຜູ້ເປັນນ້ອງເມຍທົນບໍ່ໄດ້ກໍ່ເລີຍໄປເວົ້າສູ່ຜູ້ເປັນແມ່ຟັງ.

ລູກ:  ອີ່ແມ່!  ອີ່ແມ່, ອ້າຍເຂີຍລະວ່າມາເປັນແນວນີ້ ກວນເຮົາຕະຫຼອດ, ເວົ້າຢອກລ້າໆກະໄຄຢູ່ ອັນນີ້ລະວ່າມືກະມາພ້ອມຈັ່ງແມ່ນລາມົກ.

ສ່ວນຜູ້ເປັນແມ່ເມື່ອໄດ້ຍິນແນວນັ້ນກໍ່ບໍ່ຄິດບໍ່ຝັນ (ວ່າລູກເຂີຍຊິເປັນແນວນີ້ ). ແຕ່ແມ່ເຖົ້າກໍ່ບໍ່ໄດ້ຮ້າຍລູກເຂີຍ, ຊ້ຳບໍໜຳພັດຮ້າຍລູກສາວ

ແມ່: ໂອ້ຍ! ອີ່ນາງເອີຍ ລູກຢ່າໄປອໍ້ແອ້ກັບບັກເຂີຍໄດ໋ ເພາະແມ່ເອງກະສອງເທື່ອແລ້ວ, ຫວ່າງທິດກ່ອນນີ້ແມ່ກະເກືອບເສັດມັນເປັນຄັ້ງທີສາມ ໄຄແຕ່ພໍ່ມາກ່ອນ.

ໝາຍເຫດ:  ອັນທີ່ແມ່ເຖົ້າບໍ່ຄິດບໍ່ຝັນ ( ວ່າລູກເຂີຍຊິເປັນແນວນີ້ ) ແມ່ນໝາຍຄວາມວ່າແມ່ຫັ້ນເຖົ້າແລ້ວກະບໍ່ວ່າຫຍັງດອກ, ອັນນີ້ໜາອີ່ນາງມັນຍັງບໍ່ທັນລຶ້ງສະໜາມເທື່ອ.