ເລື່ອງທີ່ຈະຂຽນຂຶ້ນມານີ້ແມ່ນລະຄອນສັ້ນເລື່ອງໜຶ່ງທີ່ຜູ້ຂຽນ ຂຽນເພື່ອໃຫ້ຄວາມເພີດເພີນແກ່ຜູ້ອ່ານ ເລື່ອງລາວມີຢູ່ວ່າ:       ເຊີນຕິດຕາມ.......

ຕອນທີ 1 ຮັກແລກພົບ.

        ມື້ນີ້ເປັນມື້ທຳອິດຂອງ ປະກອນຄຳ ທີ່ເຂົ້າມາເຮັດວຽກ ຢູ່ບໍລິສັດຈຳປາທ່ອງທ່ຽວ ໃນນະຄອນຫຼວງວຽງຈັນ ຫຼັງຈາກທີ່ຮຽນຈົບມາຈາກ ມະຫາວິທະ ຍາໄລແຫ່ງຊາດລາວ. ປະກອນຄຳນັ່ງຢູ່ໂຕະເຮັດວຽກທີ່ທາງບໍລິສັດກຽມເອົາໄວ້ໃຫ້ແລ້ວ.

       " ຊິເຮັດວຽກໄດ້ບໍນໍ" ປະກອນຄຳ ຄິດໃນໃຈ.

          ທັນໃດນັ້ນຫົວໜ້າກໍ່ເອີ້ນໃຫ້ລາວໄປພົບ. ກອນ ຮີບຟ້າວລຸກ ແລະ ທັນໃດນັ້ນເອງລາວກໍ່ຕຳເອົາຄົນຄົນໜຶ່ງທີ່ກຳລັງຍ່າງມາຢ່າງຟ້າວຟັ່ງ. ກອນ ປະ ມ່າ ແລ້ວ ຫັນໜ້າໄປເພື່ອກ່າວຄຳຂໍໂທດ, ແຕ່ລາວຄົນນັ້ນພັດຍ່າງໜີຢ່າງໄວວາ ໂດຍທີ່ ກອນ ບໍ່ທັນໄດ້ເອີຍຄຳຂໍໂທດ. ກອນແນມເບິ່ງຜູ້ຍິງຄົນນັ້ນ ແລະ ເຮັດໜ້າງົງ????

            ກ໊ອກ.....ກ໊ອກ.....   

           ສະບາຍດີຫົວໜ້າ    ກອນກ່າວ ແລະ ຕົກໃຈແວ໊ບບາດໜຶ່ງທີ່ພົບຜູ້ຍິງທີ່ລາວຕຳເອົາຫວ່າງກີ້ນີ້.

           ນັ່ງກ່ອນແມ ກອນ. ເປັນຈັ່ງໃດ ມາເຮັດວຽກມື້ທຳອິດ ຮູ້ຈັກກັບເພື່ອນຮ່ວມງານແລ້ວບໍລະ      ທ່ານ ສອນໄຊ ຫົວໜ້າບໍລິສັດຈຳປາທ່ອງທ່ຽວ ກ່າວ.

            ຍັງບໍ່ທັນຮູ້ຈັກໃຜເທື່ອ ຫົວໜ້າ    ກອນຕອບ.

            ນີ້ ແມ່ນ ຫຼານສາວ ອາວເອງ ລາວເປັນຫົວໜ້າພະແນກພາທ່ຽວ ຄົນທີ່ຈະສອນວຽກໃຫ້ເຈົ້າເດີ. ປູນາ  ນີ້ ປະກອນຄຳ ລູກ ສ່ຽວ ອາວເອງ ລາວຊິ ມາເຮັດວຽກນຳເຮົາ ໃຫ້ຫຼານສອນວຽກໃຫ້ລາວແນ່.

           ເຈົ້າ    ປູນາ ຕອບ ແລະ ກ່າວວ່າ ສະບາຍດີ ອ້າຍກອນ.

           ສະບາຍດີ    ນ້ອງ ປູນາ  ກອນຕອບ.

           ນັບແຕ່ມື້ນັ້ນມາ ປະກອນຄຳ ກໍ່ເລີ່ມມີໃຈໃຫ້ກັບປູນາ ເພາະປູນາເປັນຜູ້ຍິງທີ່ຄ້ອນຂ້າງບໍ່ມັກປາກປານໃດກັບຄົນທີ່ຫາກໍ່ຮູ້ຈັກ ແຕ່ຖ້າຮູ້ຈັກກັນດົນໄປ ລາວຈະມັກລົມຈົນລືມມື້ເລີຍລະ, ປູນາເປັນຄົນທີ່ໜ້າຮັກ ມີຮອຍຍີ້ມທີ່ມີສະເໜ່.

         ທັງສອງເຮັດວຽກນຳກັນ ຈົນທັງສອງເກີດມີຄວາມຮູ້ສຶກຜູກພັນນຳກັນ.

ກະລຸນາຕິດຕາມຕອນຕໍ່ໄປ.................

ຜູ້ຍິງທຸກຄົນຢາກເປັນຄົນສຳຄັນ ແລະ ເປັນຄົນສຸດທ້າຍຂອງຄົນທີ່ຕົນເອງຮັກສະເໝີີ....ຈິ່ງຢາກຂໍວອນມາຍັງຜູ້ຊາຍບາງຄົນ......ກະລຸນາເຫັນໃຈຜູ້ຍິງຄົນທີ່ຕົນເອງຮັກແນ່.......ວ່າເຂົາຮັກທ່ານເໜືອສິ່ງອື່ນໃດໃນໂລກນີ້........ຄວາມຮູ້ສຶກມັນບໍ່ສາມາດບັນຍາຍອອກມາເປັນໂຕໜັງສືໄດ້.....ແຕ່ຢາກບອກໃຫ້ຮູ້ວ່າ......ມີຜູ້ຍິງຄົນໜື່ງຮັກເຈົ້າຫຼາຍ ຈົນຫາທີ່ສຸດບໍ່ໄດ້ ຖ້າຂາດເຈົ້າລາວອາດຈະບໍ່ຕາຍ ແຕ່ອາດຈະເປັນບ້າເສຍຈິດເພາະເຈົ້າ..........ກໍ່ເປັນໄດ້

       ຄວາມຈິງກໍແມ່ນຢູ່ວ່າ ຜູ້ຍິງກັບຜູ້ຊາຍມີສິດເທົ່າທຽມກັນ ບາງຄັ້ງຜູ້ຊາຍກໍ່ຖີ້ມຜູ້ຍິງ ແລະ ບາງຄັ້ງຜູ້ຍິງກໍຖີ້ມຜູ້ຊາຍ ນີ້ເປັນຍ້ອນຫຍັງ? ຄວາມເບື່ອໜ່າຍ ຫຼືວ່າຄວາມຮັກຈືດຈາງ ມັນກໍ່ຂຶ້ນກັບແຕ່ລະຄົນແຕກຕ່າງກັນໄປ.

         ໃນນາມຕົນເອງເປັນຜູ້ຍິງກໍ່ເຂົ້າຂ້າງຜູ້ຍິງດ້ວຍກັນຢູ່ແລ້ວ. ເລື່ອງທີ່ຈະເວົ້າຕໍ່ໄປນີ້ແມ່ນ .... ຜູ້ຊາຍເຫັນຫຼາຍໆຄົນ ແລະ ຈາກໝູ່ເພື່ອນຜູ້ຊາຍເລົ່າສູ່ຟັງ......ຜູ້ຊາຍມີຮັກແທ້ໄດ້ຫຼາຍເທື່ອແມ່ນຄວາມຈິງບໍ? ເພາະວ່າ ຖ້າຈະສະເລ່ຍໃສ່ຜູ້ຍິງແລ້ວຜູ້ຊາຍຈີບສາວບໍ່ຮອດ100ຍັງໜ້ອຍ......ແລະ ມັກເວົ້າວ່າ ເລືອກເພື່ອພົບເອົາເປັນເມຍ ແຕ່ຈົນກວ່າຈະຮອດຜູ້ທີ່ເປັນເມຍ ກໍ່ຄືຜູ້ຍິງຄົນສຸດທ້າຍທີ່ຕົນເອງຈະຮ່ວມຊີວິດດ້ວຍກໍ່ສະສົມໄດ້ຜູ້ຍິງເປັນ100 ແລ້ວ.....

       ມັນຈິ່ງເຮັດໃຫ້ຜູ້ຍິງຕາດຳໆຄືຂ້ອຍຢາກຮູ້ສ່ວນລຶກຈິດໃຈຂອງຜູ້ຊາຍວ່າ: ຜູ້ຊາຍກໍ່ມີຮັກແທ້ຢູ່ບໍ? ເປັນຫຍັງຄືມັກຕົວະຜູ້ຍິງແທ້...

ຖ້າມີຄົນຮັກແລ້ວຈົ່ງພະຍາຍາມຮັກສາໄວ້ໃຫ້ດີ ຮັກສານ້ຳໃຈກັນ ແລະ ໃຫ້ກຽດກັນ ຊື່ສັດຕໍ່ກັນ ແລ້ວຄວາມຮັກຈະຍືນຍົງ......

ສິ່ງທີ່ຢາກລືມຊ້ຳພັດຈື່ ສິ່ງທີຢາກຈື່ຊ້ຳພັດລືມ ງົງຄົນເຮົາ ບໍ່ມີຄວາມສົມດູນເລີຍ