ຜູ້ທີ່ຢາກມີໃບໜ້າຂາວໃສ ບໍຈຳເປັນຕ້ອງໃຊ້ເງີນຫຼາຍ ເພື່ອໄປຊື້ເຄື່ອງສຳອາງລະດັບແພງໆດອກ, ພຽງແຕ່ມີຄວາມພາກພຽນໜ້ອຍດຽວ ໂດຍການໃຊ້ວັດຖຸໃກ້ໆຕົວກໍພໍແລ້ວ.
ເຄື່ອງປະກອບ ມີຄື: ນ້ຳເຂົ້າມວກ, ໂຢເກິດ, ກາກກາເຟສົດ ແລະນ້ຳເຜີ້ງ

ຂັ້ນຕອນການປະຕິບັດ:

1.  ເອົານ້ຳເຂົ້າມວກ (ນ້ຳທີ່ລ້າງອອກຈາກເຂົ້າສານ) ປະມານເຄີ່ງຈອກ ແລ້ວໃຊ້ສຳລີຈຸ່ມລົງໃນນ້ຳເຂົ້າມວກນັ້ນ ແລ້ວເອັາມາເຊັດທົ່ວໃບໜ້າ.
ນີ້ເປັນວິທີທຳຄວາມສະອາດຜີວໜ້າ ໂດຍທີ່ບໍ່ທຳລາຍຜີວ ແຖມຍັງເຮັດໃຫ້ຜີວໜ້ານຸ່ມນວນອີກດ້ວຍ.

2.  ນຳເອົາໂຢເກິດ (ຣົດທຳມະຊາດ) 1 ບ່ວງແກງ, ກາກກາເຟສົດ 1 ບ່ວງຊາ ແລະ ນ້ຳເຜີ້ງໜ້ອຍໜື່ງ ປະສົມເຂົ້າກັນໃນຖ້ວຍນ້ອຍ.

3.  ນຳເອົາເຄື່ອງທີ່ປະສົມນັ້ນ ມາຂັດເບົາໆໃຫ້ທັ່ວໃບໜ້າ ແລະ ຄໍປະມານ 3 ນາທີ ແລ້ວປະໄວ້ປະມານ 5-10 ນາທີ ແລ້ວຈື່ງລ້າງອອກ.
ຖ້າຫາກເຮັດເປັນປະຈຳ ອາທິດລະ 1-2 ເທື່ອ ທ່ານຈະໄດ້ຜີວໜ້າທີ່ຂາວນຽນໃສ.
ສຳລັບກາກກາເຟ ແມ່ນໄປຂໍເອົາຢູ່ຮ້ານຂາຍກາເຟສົດທົ່ວໄປ.

ຜູ້ຍີງຫຼາຍໆຄົນທີ່ຜ່ານການເກີດລູກ ຫຼື ບາງທ່ານທີ່ຜ່ານການຫຼຸດນ້ຳໜັກ ຫຼື ຜູ້ຍີງທີ່ຂາດການເບີ່ງແຍງຮັກສາຜີວໃນຈຸດລີ້ລັບ ອາດພົບບັນຫາ
ທ້ອງລາຍມ ຂາລາຍ ຫຼື ແອບແອຂາລາຍ. ບາງຄົນ ເຖີງອາຍຸຍັງນ້ອຍ ກໍອາດປະສົບພົບພໍ້ບັນຫາໜ້າທ້ອງ ແລະ ສະໂພກແຕກລາຍຄືກັນ.
ຖ້າຫາກທ່ານຫາກໍເລີມມີຮອຍແຕກນ້ອຍໆ ແລະ ລາຍພຽງເລັກໜ້ອຍ ລອງນຳໃຊ້ວູ້ນສີຂາວຈາກຫວ້ານຫາງແຂ້ເບີ່ງເດີ. ແຕ່ກ່ອນອື່ນ ໃຫ້ລ້າງ
ເອົາຢາງສີເຫຼືອງຂອງໃບຫວ້ານອອກໃຫ້ໝົດກ່ອນ. ໃຫ້ໃຊ້ວຸ້ນຂາວໆທີ່ບໍມີນ້ຳຢາງເຫຼືອງຂອງຫວ້ານຫາງແຂ້ ທາລົງໃຫ້ທົ່ວບໍລິເວນທີ່ເປັນຮອຍແຕກ
ຢ່າງເປັນປະຈຳທຸກເຊົ້າແລງ ຫຼື ໃຊ້ໃບຜັກໜອກມາຕຳ ແລະຄັ້ນເອົາແຕ່ນ້ຳ ມາທາບໍລິເວນທີ່ມີຮ່ອງຮອຍແຕກເປັນປະຈຳທຸກເຊົ້າ ແລະ ແລງ
ຜີວທີ່ແຕກລາຍກໍຈະຄ່ອຍໆຈາງອອກໄປ.