ໄດອາຣີ່ຂອງ [KTM]tulu ປິກະຈູ້ນອ້ຍ

ຖືກແລ້ວທີ່ປ່ຽນນັກກິລາສຳຮອງເຂົ້າຖ້າບໍ່ດັ່ງນັ້ນຄົງບໍ່ໄດ້ຍິນສຽງເພງຊາດລາວດັງກ້ອງກັ

ຂຽນເມື່ອ: ທ.ວ.. 22, 2009 | ມີ 9 ຄຳເຫັນ ແລະ 0 trackback(s)

ການແຂ່ງຂັນກິລາ ເປຕັງ ວຽງຈັນເກມ ມື້ສຸດທ້າຍໃນວັນທີ 18 ທັນວານີ້ ຢູ່ສະຫນາມກິລາເປຕັງ ມະ ຫາ ວິທະຍາໄລແຫ່ງຊາດ ນະຄອນຫລວງວຽງຈັນ ນັກ ກິລາ ເປ ຕັງລາວ ຍາດໄດ້ຕື່ມອີກ 1 ຫຼຽນຄຳ ຈາກ ປະເພດທີມຊຸດຊາຍ ພາຍຫລັງປ່ຽນນັກກິລາສຳຮອງເຂົົ້າແທນນັກກິລາເປຕັງ ທີ່ໃສ່ແວ່ນຕາດຳ ອອກຈາກ ທີ່ 3 ຄົນທຳ ອິດ ຫລິ້ນແບບບໍ່ມີຄວາມກະຕືລືລົ້ນ.

ສຽງເພງຊາດລາວດັງກ້ອງທົ່ວສະໜາມກິລາເປຕັງມະຫາວິທະຍາໄລແຫ່ງຊາດ ແລະ ຜືນທຸງຊາດ ໄດ້ ເຊີນຂຶ້ນສູ່ຍອດເສົາຢ່າງສະ ຫງ່າຜ່າເຜີຍເມື່ອ ນັກ ກິລາເປ ຕັງ ຊຸດ ຊາຍ 3 ຄົນ ໄດ້ ຫລຽນຄຳ ເຊິ່ງແມ່ນ ໜຶ່ງໃນ 2 ຫຼຽນຄຳ ສຸດທ້າຍໃນ ວຽງຈັນ ເກມ ອັນ ໄດ້ ເຮັດໃຫ້ຄົນລາວທັງປະເທດລືມ ຄວາມຝັນຮ້າຍໄປ ໄດ ້ຊົ່ວຂະນະ ໜຶ່ງກັບ ຄວາມຫລົ້ມເຫລວຂອງກິລາປະເພດນີ້ທີ່ໝາຍໝັ້ນສັນຍາວ່າ:ຢ່າງໜ້ອຍຕ້ອງ ກວາດ ມາໄດ້ 5 ຫລຽນ ຄຳ. ແນວໃດກໍດີ, ການທີ່ໄດ້ ອີກ 1 ຫຼຽນຄຳ ດັ່ງກ່າວແມ່ນ ການຕັດ ສິນໃຈ ຂັ້ນ ສຸດທ້າຍຂອງຄູຝຶກ ແລະ ກໍເປັນ ການຕັດສິນໃຈທີ່ຖືກ ຕ້ອງ ທີ່ສຸດຄືປ່ຽນ ນັກກິລາເປຕັງທີ່ແວ່ນ ຕາດຳ ອອກ ພາຍຫລັງຫລິ້ນບໍ່ສົມ ສັກສີກັບ ການເປັນຕົວ ແທນ ເປັນການຫລິ້ນທີ່ບໍ່ກຸ້ມຄ່າກັບໜ້າ ທີ່ອັນ ມີ ກຽດທີ່ປວງຊົນລາ ວທັງຊາດມອບໝາຍໃຫ້ແມ່ນແຕ່ໜ້ອຍດຽວ.

ມື່ອປ່ຽນ ທ້າວ ສອນໄຊ ນັກກິລາເປຕັງ ສຳຮອງເຂົົ້າ, ເກມການຫລິ້ນໄດ້ ປ່ຽນຈາກ ໜ້າມືເປັນຫລັງມື ຄື ຫລິ້ນໄດ້ຢ່າງໂດດເດັ່ນ ຫລິ້ນເພື່ອຊາດຢ່າງແທ້ຈິງ ແລະ ຈາກ ການຫລິ້ນທີ່ເໜືອຊັ້ນດັ່ງກ່າວ ເຊິ່ງທີ່ສຸດ ແລ້ວ ກໍສາ ມາດຊະນະຄູ່ແຂ່ງຂັນ ຈາກ ສສ ຫວຽດນາມ 13-7 ໄດ້ ຫລຽນຄຳ.
ສ່ວນການແຂ່ງຂັນກິລາ ເປຕັງ ຊຸດຍິງ 3 ຄົນ ທີ່ປະກອບມີນາງ ອັນສະນີ ດາລາວັນ, ນາງ ມິມີ ວົງສະຫວັດ, ນາງ ອຸເດດ ສົມສຸກ ແລະ ນາງ ສຸກສາຄອນ ກໍໄດ້ພຽງ ຫລຽນທອງ ພາຍຫຼັງເສຍໃຫ້ນັກກິລາ ຫວຽດນາມ.
ສະຫຼຸບແລ້ວ, ການແຂ່ງຂັນກິລາເປຕັງ ໃນວຽງຈັນເກມ ນັບແຕ່ວັນທີ10-18/12/09, ປະເທດ ໄທ ອັນ ດັບຫນຶ່ງໄດ້ 5 ຫຼຽນຄຳ,1 ຫຼຽນເງິນ,5 ຫຼຽນທອງ, ອັນ ດັບສອງກຳປູເຈຍ ໄດ້ 2 ຫຼຽນຄຳ, 4 ຫຼຽນເງິນ, 5 ຫຼຽນທອງ ແລະ ສປປ ລາວ ໄດ້ 2 ຫຼຽນຄຳ,1 ຫຼຽນເງິນ ແລະ 6 ຫຼຽນ ທອງ./.

ຂັດມາຈາກໜັງສືພິມປະເທດລາວhttp://www.kplnet.net/lao/sport/sport.htm

ມາແຂງກິລາ.......ມາຍ່າງແບບຫຼືມາປະກວດ?

ຂຽນເມື່ອ: ທ.ວ.. 22, 2009 | ມີ 4 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ເປັນການຍາກ ທີ່ຈະເຮັດໃຫ້ ຄວາມຮູ້ສຶກຂອງ 6 ລ້ານດວງໃຈລາວ ລືມເລືອນກັບຄວາມຫລົ້ມເຫລວ ຂອງ ສະຫະພັນກິລາເປຕັງ ແຫ່ງຊາດລາວ ກົດດັນ ຫລາຍໃນຖານະທີ່ເປັນເຈົ້າພາບນີ້ຄືຄຳຕອບສຳພາດ ຂອງ ຜູ້ຮັບຜິດຊອບສະຫະພັນກິລາປະເພດນີ້ພາຍຫລັງຊຸດຊາຍ 3 ຄົນ ຍາດໄດ້ 1 ຫລຽນຄຳ ໃນມື້ສຸດ ທ້າຍຂອງ ວຽງຈັນເກມ. ເປັນການຊີ້ແຈງທີ່ຍັງຂາດຄວາມຮັບຜິດຊອບທີ່ສຸດ, ແທນທີ່ຈະພາກພູມໃຈໃນຖາ ນະເປັນເຈົົ້າ ພາບ ເພາະທຸກປະເພດ ການແຂ່ງ ຂັນ ລ້ວນແຕ່ໄດ້ຮັບການສະໜັບສະໜູນ, ໄດ້ຮັບກຳລັງແຮງໃຈຢ່າງ ເຫລືອ ລົ້ນ. ທີ່ສຳຄັນເດີ່ນ ເປຕັງ ກໍຢູ່ບ້ານເຮົາ ເຊິ່ງນັກກິລາທັງຍິງ-ຊາຍ ທີ່ໄດ້ຮັບ ນາມ ມະ ຍົດ ວ່າ ທີມຊາດ ນັ້ນ ກິນ ຢູ່ພັກເຊົາ ແລະ ຝຶກຊ້ອມກໍຢູ່ເດີ່ນນີ້ ໂດຍບໍ່ໄດ້ໄປຝຶກຊ້ອມຢູ່ບ່ອນໃດ, ບໍ່ໄດ້ໄປພັກເຊົາກິນຢູ່ໆບ່ອນອື່ນ ທີ່ໄກ ເດີ່ນນີ້, ແຕ່ ແລ້ວເປັນຫຍັງກິລາ ເປຕັງລາວ ຈຶ່ງບໍ່ປະສົບຄວາມສຳເລັດໃນ ວຽງຈັນເກມ?
ຄຳໝາຍໝັ້ນສັນຍາໄວ້ກັບປວງຊົນລາວທັງຊາດຄື: ຢ່າງໜ້ອຍຕ້ອງໄດ້ 5 ຫລຽນຄຳ ກ່ອນການແຂ່ງຂັນ ນັ້ນ, ເມື່ອມາເຖິງເວລານີ້ ເວລາທີ່ເຮັດບໍ່ໄດ້ຕາມ ຄຳສັນ ຍາດັ່ງກ່າວ ມັນມາຈາກໃສ ໝາຍຄວາມວ່າ ກົກປາຍ ສາເຫດຂອງຄວາມຫລົ້ມເຫລວທີ່ວ່ານີ້ ບັນດາກອງເຊຍທີ່ໄດ້ໄປເບິ່ງ,ໄປໃຫ້ກຳ ລັງໃຈເຖິງ ຂອບ ສະ ໜາມຢູ ່ເດີ່ນກິລາ ເປຕັງ ມະຫາວິທະຍາໄລແຫ່ງຊາດ ນະຄອນຫລວງຈັນ ຕ່າງກໍໃຫ້ທັດສະນະວ່າ: ນອກຈາກຄູຝຶກ ທີ່ ບໍ່ມີການກະຕຸ້ນລູກທີມ ໃຫ້ມີ ຄວາມກະຕືລືລົ້ນໃນເກມການຫລິ້ນ ໂດຍສະເພາະ ໃນເວລາທີ່ເກມເປັນຮອງ ຄູ່ຕໍ່ສູ້ ຈົນລູກທີມບໍ່ກ້າທີ່ຈະຕັດສິນ ໃຈຫຼິ້ນໂດຍຕົນເອງ. ຕົວຢ່າງ: ໃນນັດທີ່ ແຂ່ງຂັນກັບ ຟີລິບປິນ ທັງໆທີ່ນຳເຖິງ 7-0 ແລ້ວ, ພັດຖືກບໍ່ຊະນະເຂົາ...ອີກປະເດັນໜຶ່ງ ທີ່ສຳຄັນກໍຍ້ອນກະໂຕນັກກິລາເອງ ທັງໆທີ່ແມ່ນສະໜາມ ແລະ ເວ ລາ ແຂ່ງຂັນ ແທນທີ່ຈະພາກັນສຸມຈິດສຸມໃຈເຂົ້າໃນເກມການແຂ່ງຂັນຢ່າງແທ້ຈິງ ໃຫ້ສົມກັບທີ່ ປະ ຊາ ຊົນ ລາວ 6 ລ້ານກວ່າດວງໃຈ ໃຫ້ກຳລັງໃຈ ແລະເຊື່ອ ໝັັ້ນໃນຄວາມສາມາດຂອງນັກກິລາ ເພາະຖ້າບໍ່ ເກັ່ງແທ້ກໍຄົງບໍ່ຕິດທີມຊາດດອກພັດພະວົງເລື່ອງສ່ວນໂຕຈົນເກີນ ເຫດໂດຍໃນທຸກໆ ວິນາທີຂອງແຕ່ລະ ມື້ທີ່ດຳ ເນີນການແຂ່ງຂັນ, ຖ້າເບິ່ງຄັກໆແລ້ວ ນັກກິລາ ເປຕັງ ຊຸດນີ້ ແຕກຕ່າງກັບນັກກິລາປະເທດຕ່າງໆ ທີ່ເຂົ້າ ຮ່ວມ ການແຂ່ງຂັນ ເຊິ່ງຄວາມ ແຕກຕ່າງ ທີ່ວ່ານີ້ກໍຄື ນັກກິລາຢ້ານແຕ່ບໍ່ງາມ, ຢ້ານແຕ່ບໍ່ໄດ້ອວດເຄື່ອງນອກ ກາຍຈົນ ອອກນອກໜ້າ ຖ້າຢາກໃສ່ແວ່ນຕາແທ້ ກໍໃສ່ແວ່ນຕາກັນແດດ ຍັງດີກວ່າມາ ໃສ່ແວ່ນຕາດຳ ລົງແຂ່ງຂັນ! ຢ້ານບໍ່ໄດ້ໂອ້ອວດຄວາມງາມຕໍ່ນັກກິລາຊາດອື່ນເຂົາ.ບັນດາ “ນັກກິລາຫ່ວງຄວາມງາມ” ທັງ ຫຼາຍ ກະລຸນາແນມເບິ່ງຕົນ ເອງແດ່ ວ່າພວມເຮັດຫຍັງ ແລະ ມີຫນ້າທີ່ຮັບຜິດຊອບຫຍັງ? ຖ້າມັກອວດໂສມພະ ໂນມພັນຄືແນວນີ້ ເປັນຫຍັງຈຶ່ງບໍ່ໄປສະໝັກເຮັດແນວອື່ນ ທີ່ເຫັນວ່າເໝາະສົມ ຕໍ່ ຕົນ ເອງເຊັ່ນ: ໄປສະຫມັກເປັນ ພະເອກ, ນາງເອກ, ນາຍແບບ, ນາງແບບ...ທີ່ອະນຸຍາດໃຫ້ແຕ່ງເອ້ຢ່າງສະບາຍໆພຸ້ນ. ແນ່ນອນ, ເມື່ອ ມາ ເຖິງຈຸດນີ້, ຖ້າຈະ ພາກັນຫ່ວງແຕ່ເລື່ອງນີ້ ມັນກໍເຖິງເວລາແລ້ວທີ່ພວກທ່ານນັງ ສະຫະພັນ, ຄູຝຶກ ແລະ ນັກ ກິລາ ຕ້ອງໄດ້ພິຈາລະນາຕົນເອງຄືນໃຫມ່ຄືຢ່າປິດກັ້ນໂອກາດ ຜູ້ທີ່ ມີໃຈມັກຮັກໃນການຫລິ້ນກິລາ ປະເພດນີ້ ອີກ ຕໍ່ໄປເພາະຜູ້ທີ່ມີຝືມືດີໆເກັ່ງໆຢູ່ບ້ານເຮົາກະບໍ່ອຶດບໍ່ຢາກ ແລະ ພວກເຂົາກໍພ້ອມທີ່ຈະຮັບ ໃຊ້ຊາດ ຢ່າງ ແທ້ຈິງ ແລະ ມັນກໍເຖິງເວລາແລ້ວ ທີ່ຕ້ອງໄດ້ເປີດ ໂອກາດໃຫ້ເຂົ້າມາຮັບພາລະຫນ້າ ທີ່ແທນພວກທ່ານ, ຈັກ ໜ້ອຍ ຈະບໍ່ເຈົ້າຊູ້ບໍ່ງາມໄດ໋! ຂະນະ ທີ່ນັກກິ ລາປະ ເທດອື່ນເຂົາ ເມື່ອລົງແຂ່ງຂັນ ກໍບໍ່ເຫັນເຂົາຢ້ານວ່າຈະ ບໍ່ ງາມບໍ່ເຈົ້າຊູ້ເລີຍ! ເພາະພວກເຂົາມາເຮັດ ໜ້າທີ່ເພື່ອຊາດຂອງເຂົາຢ່າງແທ້ຈິງ ແຂ່ງຂັນກໍຄືແຂ່ງຂັນ ແລະ ການແຂ່ງຂັນ ກໍມີໄດ້ມີເສຍເປັນເລື່ອງທຳມະດາຂອງກິລາ, ແຕ່ຖ້າເສຍແບບບໍ່ມີເຫດມີຜົນ ຄືອ້າງວ່າ ກົດດັນ ຫຼາຍເພາະເຮົາເປັນເຈົ້າພາບ ນັ້ນກະ ລຸນາໄປຄິດໃໝ່ ແລ້ວຊອກຫາຂໍ້ແກ້ໂຕທີ່ສົມເຫດສົມຜົນກວ່ານີ້ ເພື່ອປວງ ຊົນລາວທັງຊາດຈະໃຫ້ອະໄພໄດ້!
ເກີດຫຍັງຂຶ້ນ...ເກີດຫຍັງຂຶ້ນ ແລະ ເກີດຫຍັງຂຶ້ນ ນີ້ຄືຈຸດທີ່ສະຫະພັນເປຕັງ ແຫ່ງຊາດ ລາວ ຈົ່ງນຳເອົາໄປ ພິ ຈາ ລະນາ ສຶກສາຄົ້ນຄວ້າ ພາຍຫລັງສຳ ເລັດ ການແຂ່ງຂັນ ຊີເກມເທື່ອນີ້ ແລະ ດີແທ້ ຢ່າໃຫ້ຄົນທັງ ປະເທດ ລໍຖ້າຄຳຕອບດົນຫລາຍ ເພື່ອຫວັງໃຫ້ລືມກັບຄວາມ ຫລົ້ມເຫລວດັ່ງກ່າວ ເພາະພຽງ 2 ຫລຽນ ຄຳ,1 ຫລຽນ ເງິນ, ສ່ວນຫລຽນທອງນັ້ນ ເຖິງຈະໄລ່ເຂົ້າໃນຕາຕະລາງຫລຽນລວມຄືກັບປະເພດກິລາອື່ນກໍຕາມ ມັນກໍບໍ່ສາ ມາດທີ່ຈະເຮັດໃຫ້ 6 ລ້ານດວງໃຈ ລືມໄປໄດ້ຢ່າງງ່າຍໆ ຕໍ່ຄຳສຳພາດທີ່ວ່າ ກວາດເອົາ ຫລຽນທຸກລາຍການ, ແຕ່ຖ້າບໍ່ໄດ້ແທ້ ຕ້ອງໄດ້ 5 ຫລຽນຄຳ ເປັນຢ່າງໜ້ອຍ! ເວັ້ນແຕ່ຈະອອກມາຮັບຜິດ ຊອບໃນສິ່ງທີ່ ເຮັດໄປນັ້ນ ຕາມມາດຕະຖານກິລາສາກົນ ເພາະວ່າຍັງມີຄົນມີສີມືໃນ ຈຳປາສັກເກມ ແລ້ວ ເປັນຫຍັງຈຶ່ງບໍ່ເອົາ ເຂົ້າມາ ຮ່ວມ ແຂ່ງ ຂັນ ເພື່ອ ໃຫ້ເຂົາມີປະສົບການ ເຖິງວ່າ ເສຍກໍຕາມ ມັນກໍດີວ່າຕິດທີມ ຊາດມາແລ້ວຫຼາຍຕໍ່ຫຼາຍເທື່ອ ພັດເຮັດໄດ້ຊ່ຳນີ້!./.

ຂັດມາຈາກໜັງສືພິມປະເທດລາວ http://www.kplnet.net/lao/index%20lao.htm

[KTM]tulu ປິກະຈູ້ນອ້ຍ

ເບິ່ງທັງໝົດ

ອ່ານຄືນຫຼັງ

2009 (2)

ໝວດໝູ່

ຂ່າວສານບ້ານເມືອງ (2)

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.