ຈາກຂ່າວລືມື້ວານມື້ກ່ອນວ່າ ກູເກິລຈະເລີກໃຊ້ແບຣນ Blogger ແລະ Picasa ມື້ນີ້ມີຂ່າວລືອີກສາຍມາຍາດຂ່າວລື ກ່ອນໜ້ານີ້ ໂດຍເວັບໄຊ GigaOm ອ້າງແຫລ່ງຂ່າວທີ່ສະນິດສະໜົມກັບຝ່າຍ Blogger ຂອງກູເກິລ ລະບຸວ່າ ບໍ່ມີແຜນທີ່ຈະຖິ້ມແບຣນ Blogger ແຕ່ຢ່າງໃດ

ສ່ວນຕົວແທນຂອງກູເກິລປະຕິເສດທີ່ຈະໃຫ້ຄວາມເຫັນໃນເລື່ອງນີ້ 

Evan Williams ຜູ້ສ້າງ Blogger (ຊຶ່ງພາຍຫຼັງກໍ່ໄປສ້າງ Twitter ຕໍ່) ໃຫ້ຄວາມເຫັນວ່າຖ້າກູເກິລຖິ້ມແບີຣນ Blogger ແທ້ ລາວກໍ່ຄົງຈະຮູ້ສຶກເສົ້າ ແຕ່ເຫດຜົນວ່າ Google Blogs ກໍ່ສົມເຫດສົມຜົນເຊັ່ນກັນ ຈຸດທີ່ໜ້າເສົ້າທີ່ສຸດຄືໂລໂກ້ ຂອງ Blogger ເປັນໜຶ່ງໃນໂລໂກ້ທີ່ດີທີ່ສຸດຢູ່ໃນເວັບ ແລະ ໜ້າເສຍດາຍຖ້າຫາກຈະຖືີ້ມມັນໄປ

 ທີ່ມາ - GigaOm

ຫຼັງຈາກທີ່ແອັບເປີ້ນປັບນະໂຍບາຍເລື່ອງຄວາມຊຸ່ມໃໝ່ຍ້ອນວ່າໂຕວັດລະດັບຄວາມຊຸຸ່ມບໍ່ສາມາດ ບົ່ງບອກສາເຫດ ຂອງອຸປະກອນທີ່ເຮັດວຽກຜິດປົກກະຕິເນື່ອງຈາກຄວາມຊຸ່ມໄດ້ຢ່າງແທ້ຈິງ ທາງ iFixit ກໍ່ໄດ້ມີການກວດສອບເພີ່ມເຕີມ ໃນສວ່ນອຸປະກອນຮູສຽບຫູຟັງທີ່ມີການອອກແບບໃໝ່ ແລະ ມີການຄົ້ນ ພົບວ່າບໍ່ມີໂຕວັດແທກລະດັບຄວາມຊຸ່ມຢ່າງທີ່ ເຄີຍມີ ແລະ ບໍ່ພົບທີ່ຕຳແໜ່ງຊອງພັອຕ 30 ຂາເຊັ່ນດຽວກັນ (ເບິ່ງຮູບໄດ້ຈາກທີ່ມາ)

ຫຼັກຖານອີກຢ່າງໜຶ່ງກໍ່ຄື ຖານຂໍ້ມູນນະໂຍບາຍກວດສອບ iPad ຂອງ Apple Genius ກໍ່ປ່ຽນໄປ ເຊັ່ນດຽວກັນດັ່ງນີ້

ສຳລັບ iPad (ລຸ້ນທຳອິດ)

ການຮັບປະກັນ iPad ຈະບໍ່ຄວາບຄຸມຄວາມເສຍຫາຍທີ່ເກີດຈາກຂອງແຫຼວ ວິທີການກວດສອບວ່າ iPad ສຳພັດ ກັບຂອງແຫຼວສາມາດກວດສອບໄດ້ຈາກໂຕວັດລະດັບຄວາມຊຸ່ມ 2 ໂຕທີ່ ຕຳແໜ່ງຕໍ່ໄປນີ້ 1. ດ້ານໃນຂອງຮູສຽບຫູຟັງ 2. ໃນພັອຕ 30 ຂາ (ອຽງໃນມຸມ 45 ອົງສາ ) ໂດຍຕ້ອງໃຊ້ໄຟສ່ອງເບິ່ງໂຕວັດລະດັບຄວາມຊຸ່ມທັງສອງຕຳແໜ່ງ ຊຶ່ງເປັນຈຸດ ແດງຖ້າສຳພັດກັບຂອງແຫຼວ

ສຳລັບ iPad 2

ກວດສອບຄວາມເສຍຫາຍຂອງຖາດຊິມກາດ

ບໍ່ວ່າຈະດ້ວຍເຫດໃດກໍ່ຕາມ ນະໂຍບາຍນີ້ໜ້າຈະມີຄວາມຊັດເຈນຫຼາຍຂຶ້ນ ແລະ ນີ້ຄືຊິຫຼຸດຜ່ອນຄວາມກັງວົນສຳລັບເຈົ້າຂອງ iPad 2 ທີ່ຈະນຳເອົາອຸປະກອບໂຕນີ້ໄປໃຊ້ໃນສະຖານທີ່ ທີ່ມີອາກາດຂຸ່ມຫຼື ໃນຫ້ອງນ້ຳ

ທີ່ມາ: 9 to 5 Mac, iFixit (ຮູບຕົ້ນສະບັບ)

ອິນເທລເປີດໂຕ SSD ລຸ້ນທີສາມສຳລັບຕະຫຼາດຄອນຊູເມີ້ 320 Series ຊຶ່ງຈະມາແທນລຸ້ນ X-25M ໂຕເກົ່າ

Intel SSD 320 Series ຈະໃຊ້ການຜະລິດທີ່ 25 ນາໂນເມຕ ( 510 Series ລຸ້ນທັອບທີ່ເປີດໂຕ ມາກອນໜ້ານີ້ ຜະລິດທີ່ 34 ນາໂນເມຕ) ການເຊື່ອມຕໍ່ຈະຜ່ານ SATA II ສູງສຸດ 3Gbps, ຄວາມໄວ ໃນການອ່ານ 270MBps, ຄວາມໄວໃນການຂຽນ220MBps

320 Series ມີໃຫ້ເລືອກຕັ້ງແຕ່ 40GB, 80GB, 120GB, 160GB, 300GB ແລະ 600GB ທີ່ສົນໃຈທີ່ສຸດຄືຊິແມ່ນລາຄາ ທີ່ບາງຄວາມຈຸຖືກລົງກວ່າເກົ່າເຖິງ 30% (ບາງຄວາມຈຸອາດຈະບໍ່ຫລຸດຮອດ 30%) ລຸ້ນທີ່ຖືກທີ່ສຸດ 40GB ຂາຍ 89 ດອລລາຣ໌ຕໍ່ການສັ່ງຊື້ 1,000 ໂຕ

ທີ່ມາ - Intel Press, The Register, Computerworld

ສາມາດເບິ່ງວີດິໂອເພີ່ມເຕີມໄດທີ່  Intel® Solid-State Drive 320 Series Boot Demo

29/03/2011

Katy Huberty ນັກວິເຄາະສັງກັດ Morgan Stanley ໄດ້ອອກມາອ່າງວ່າແອບເປີ້ລຕຽມໂຕທີ່ຈະເຂົ້າສູ່ ຕະຫຼາດຈໍທໍລະທັດໂດຍສິນຄ້າທີ່ຄາດໄວ້ວ່າຈະຂາຍໃນປີ 2012 ຫຼື 2013

ໂດຍທໍລິທັດຂອງແອບເປີ້ລຈະເປັນທໍລະທັດທີ່ສາມາດເຊື່ອມຕໍ່ອິນເຕີເນັດໄດ້ ໂດຍທັງໝົດນີ້ ຂໍ້ມູນຈາກບໍລິສັດຜະລິດຊິ້ນສ່ວນໃນແຖບເອເຊຍ ທີ່ໄດ້ເປີດເຜີຍວ່າແອບເປີ້ລກຳລັງຜະລິດເຄື່ອງ ທໍລະທັດຕົ້ນແບບນີ້ຢູ່ ໂດຍທໍລະທັດຈາກແອບເປີ້ລນີ້ຈະມີການລວມເອົາຄວາມສາມາດທາງດ້ານການບັນທຶກລາຍການ (DVR) ການຫຼິ້ນເກມ ແລະ FaceTime ເວົ້າງ່າຍໆວ່າມັນແມ່ນ iPad ໃຫຍ່ທີ່ຈະຢູ່ໃນເຮືອນຂອງທ່ານນັ້ນເອງ

ບໍ່ວ່າຂ່າວນີ້ຈະເປັນຈິງຫຼືບໍ່ ກໍ່ໜ້າຄິດວ່າແອບເປີ້ລຈະສາມາດປ່ຽນຕະຫຼາດທີວີ(ທໍລະທັດ)ໄດ້ຄືທີ່ເຄີຍເຮັດຕະຫຼາດໂທລະສັບ ແລະ Teblet ໄດ້ຫຼືບໍ່ ຫຼືຈະສະດຸດຄືກັບ Google TV ຫຼືບໍ່ ?

ທີ່ມາ - 9to5mac

26/03/2011

     ກູເກີລເຄີຍອອກ Page Speed ສ່ວນເສີມສຳລັບວັດແທກຄວາມໄວຂອງການໂຫລດເວັບໄຊຕ໌ ລຸ້ນຂອງ (ຕ້ອງລົງຜ່ານ Firefox Firebug ອີກເທື່ອໜຶ່ງ) ມື້ນີ້ລຸ້ນຂອງ Chrome ມາແລ້ວ

     Page Speed for Chrome ມີຄວາມສາມາດເທົ່າກັບລຸ້ນຂອງ Firefox ທຸກຢ່າງ ສິ່ງທີ່ເພີ່ມເຂົ້າມາລຸ້ນນີ້ຄືປັບວິທີລຳລຽງຄຳແນະນຳໃຫ້ເວັບມາສເຕີ້ໃໝ່ ແລະ ຮອງຮັບ localization ຫຼາຍກວ່າ 40 ພາສາ (ຊຶ່ງຈະຕາມເຂົ້າໄປຢູ່ໃນລຸ້ນ Firefox ຕາມຫຼັງ)

     ການຕິດຕັ້ງ Page Speed for Chrome ຈະຫຍຸ້ງຍາກໜ້ອຍໜຶ່ງ ເພາະເຮົາຕ້ອງເປີດຕົວເລືອກ Experimental Extension APIs ໃນໜ້າ about:flags ຂອງ Chrome ກ່ອນ ຈຶ່ງສາມາດຕິດຕັ້ງ Page Speed ໄດ້ ( ວິທີຕິດຕັ້ງ ແລະ ດາວໂຫຼດ )

     ປິດທ້າຍໂດຍລິ່້ງວິດີໂອເກົ່າແນະນຳ Page Speed ສຳລັບຄົນທີ່ຍັງບໍ່ເຄີຍເບິ່ງ

http://www.youtube.com/watch?v=a-9pCfyYPdQ&feature=player_embedded

ທີ່ມາ - Google Code Blog

24/03/2011

     ຫລັງຈາກປ່ອຍໃຫ້ຄູ່ແຂ່ງຢ່າງກູເກີລກ້າວລ້ຳໜ້າໄປໂດຍ Google Instant ມື້ນີ້ Yahoo ກໍ່ເປີດໂຕ Search Direct ບໍລິການຄົ້ນຫາແບບຣຽວໄທມ໌ລັກສະນະດຽວກັນກັບ  Google Instant (ແຕ່ກໍ່ບໍ່ຄືກັນໄປໝົດທຸກຢ່າງ) ມີໃຊ້ແລ້ວ

     Search Direct ສາມາດລອງໃຊ້ໄດ້ທີ່ http://search.yahoo.com/ ,

     ຜູ້ທີ່ສົນໃຈເບື້ອງຫຼັງທາງເທັກນິກ ສາມາດອ່ານສະຖາປັດຕະຍາກຳໄດ້ກ້ອງ Search Direct ໄດ້ທີ່ Yahoo! Developer Network ສ່ວນການປຽບທຽບຜົນການຄົ້ນຫາກັບ Google Instant ລອງເບິ່ງຢູ່ທີ່ Search Engine Land

ທີ່ມາ - Yahoo!

24/03/2011

     ຈາກກະແສຂອງໜ່ວຍປະມວນຜົນສະຖາປັດຕະຍາກຳ ARM ທີ່ກຳລັງເຕີມໂຕ ແລະ ມີແນສໂນ້ມຈະບຽດມາຕະຫຼາດ Server ຫຼາຍຂຶ້ນ ໂດຍເຫັນໄດ້ຈາກໂຄງການຢ່າງ Calxeda ແລະ NVIDIA Denvor ທີ່ນຳເອົາຈຸດແຂງ ARM ເລື່ອງໃຊ້ ຂະໜາດນ້ອຍ ແລະ ການໃຊ້ພະລັງງານທີ່ຕ່ຳກວ່າ x36 ຫຼາຍ ມາພັດທະນາເປັນ CPU ສຳລັບເຊີຟເວີ ຕະຫຼູາດ ສະເພາະ ທີ່ເອີ້ນກັນວ່າ Micro Server ເຖິງແມ່ນວ່າຍັງມີສ່ວນແບ່ງໜ້ອຍໃນປັດຈຸບັນ ແດ່ເບິ່ງວ່າໃນທີ່ສຸດ Intel ກໍ່ກຳລັງຈະລົງມາຫຼິ້ນຕະຫຼາດນີ້ອີກຄົນ

     Intel ຄາດການວ່າ ພາຍໃນ 5 ປີຂ້າງໜ້າ ຕະຫຼາດ Micro Server ນີ້ຈະມີຂະໜາດ 10% ຂອງຕະຫຼາດ Server ທັງໝົດ ໂດຍອິນເທລຈະວາງຕະຫຼາດກຸ່ມນີ້ດ້ວຍສາຍການຜະລິດຂອງ Sandy Bridge ແລະ Atom ຊຶ່ງໃນປີໜ້າເຮົາອາດຈະໄດ້ເຫັນ Xeon E3-1260L ຊຶ່ງເປັນ Sandy Bridge (TDP 45W) ແລະ Xeon-E3-1220L (TDP 20W) ອີກລຸ້ນ ແລະ ຈະໄດ້ເຫັນ Atom ທີ່ມີ TDP 10W ຫຼືນ້ອຍກວ່າໃນປີໜ້າ

     ແນ່ນອນ Intel ຈະເຮັດ CPU ສະຖາປັດຕະຍາກຳ x86 ຄືເກົ່າ ແລະ ຈະສະໜັບສຸໜູນຟິວເຈີ້ຫຼັກໆ ທີ່ເຄີຍມີຢູ່ແລ້ວ ເຊັ່ນ ຄວາມເຂົ້າກັນໄດ້ກັບລະບົ 64 ບິຕ, ການ ເຮັດ Virtualization ໃນລະດັບ Hardware ແລະ ການສະໜັບສະໜູນໜ່ວຍ ຄວາມຈຳແບບ ECC ຕອນນີ້ສະເປັກອາດຍັງບໍ່ທັນຊັດເຈນເທື່ອ ແຕ່ກໍ່ຄາດກັນໄວ້ແລ້ວວ່າໜ້າຈະໃຂ້ການຜະລິດແບບ 32nm ຕາມ Atom ໂຕໃໝ່ທີ່ຊື່ Cedar

ທີ່ມາ: techreport.com , newsroom.intel.com

20/03/2011

      ແຫຼ່ງຂ່າວໃນ Foxconn ລະບຸວ່າ iPhone ລຸ້ນທີ 5  ຈະເລີ່ມດຳເນີນການຜະລິດແລ້ວ ໂດຍເບິ່ງລວມແລ້ວຄ້າຍຄືກັບ iPhone 4 ແຕ່ມີລາຍລະອຽດທີ່ແຕກຕ່າງອອກໄປດັ່ງນີ້:

     Stephen Elop ຊີອີໂອຂອງໂນເກຍໃຫ້ສຳພາດວ່າຕອນນີ້ທີມພັດທະນາກຳລັງເຮັດ Nokia Windowns Phone ໂຕທຳອິດຢ່າງເຕັມທີ່ ແລະ ເຮົານ່າຈະໄດ້ເຫັນມັນວາງຂາຍພາຍໃນປີ 2011 ນີ້

     ເຂົາຍັງປະຕິເສດຂາວລີວ່າໄມໂຄຼຊອຟຈະຊື້ໂນເກຍ ໂດຍບອກວ່າບໍ່ເຫັນເຫດຜົນໃນທາງທຸຖະກິດທີ່ເຮັດໃຫ້ໄມໂຄຼຊອຟຕ້ອງເຂົ້າມາຊື້ກິດຈະການ ນອກຈາກນີ້ເຂົາຍັງບອກວ່າໂນເກຍໜ້າຈະເຊັນສັນຍາກັບໄມໂຄຼຊອຟໄດ້ໃນໄວໆນີ້

     ເຂົາເວົ້າເຖິງທີມບໍລິຫານຂອງໂນເກຍຊຸດປະຈຸບັນທີ່ຖືກເວົ້າວ່າເປັນປັນຫາ ແລະ ຍັງບໍ່ປ່ຽນໂຕບຸກຄະລາກອນໄປຈາກເກົ່າຫຼັງຈາກເຂົາເຂົ້າມາຄຸມບໍລິສັດ ໂດຍ Elop ບອກວ່ານີ້ຖືເປັນທີມໃໝ່ພາຍໃຕ້ຜູ້ນຳໃໝ່ ແລະ ຜູ້ບໍ່ລິຫານຊຸດນີ້ ຕ້ອງສະແດງໃຫ້ເຫັນວ່າເຮັດວຽກໄດ້ມີປະສິດທິພາບ

ທີ່ມາ - Reuters

19/03/2011

    ເວັບໄຊຕ໌ DigiTimes ອ້າງຂໍ້ມູນຈາກຜູ້ຜະລິດຊິ້ນສ່ວນໄຕ້ຫວັນວ່າ ASUS ກຳລັງຈະອອກເນັດບຸກລຸ່ນໃໝ່ໃນລະດັບ ລາຄາ 200-250 ດອລລາຣ໌ສະຫາລັດ ຊຶ່ງຈະຕັ້ງລາຄາໃຫ້ລົບຕະຫຼາດແທັບເລັດທີ່ມີລາຄາລະຫວ່າງ 299-499 ດອລລຣ໌າ

    ແຫຼ່ງຂ່າວເຊື່ອວ່າ ASUS ຈະເລີອກໃຊ້ລະບົບປະຕິບັດການ Android 3.0 ຫຼືບໍ່ຊັ້ນກະ Chrome OS ເພື່ອຫຼຸດຕົ້ນທຸນ ໃຫ້ໄດ້ຫຼາຍທີ່ສຸດ

ທີ່ມາ  - DigiTimes

18/03/2011

        ເມື່ອສິນຄ້າ Apple ໂຕໃໝ່ອອກມາ ກໍ່ໄດ້ເວລາທີ່ iFixit ເຈົ້າເກົ່າເປັນຜູ້ທຳການແກະອອກມາເບິ່ງວ່າທາງໃນມີຫຍັງແດ່ ຕອນນີ້ເປັນຄິວຂອງ iPad 2 ຊຶ່ງ iFixit ອອກໂຕເລີຍວ່າ ມັນຖືກເຊື່ອມຕໍ່ໄວ້ຢ່າງໜາແໜ້ນຫຼາຍ, ຫຼາຍຊິ້ນສ່ວນການແກະຕ້ອງໃຊ້ເຄື່ອງເປົ່າລົມຮ້ອນຊ່ວຍເພາະວ່າມັນປະກອບໂດຍໃຊ້ກາວຢຶດຕິດໄວ້ເລີຍ ສ່ວນຈໍສຳຜັດດ້ານໜ້າແຍກອອກມາງ່າຍທີ່ສຸດ ເພາະມີແຕ່ນັອດສະກູຢຶດໄວ້ທຳມະດາ ແຕ່ແບັດເຕີຣີຕິດແໜ້ນຢູ່ກັບຝາຫຼັງເລີຍ

• ເລີ່ມຕົ້ນດ້ວຍແຣມຊຶ່ງ iFixit ໄດ້ເຮັດການທົດສອບແລະຢືນຢັນວ່າເປັນ 512 MB ແທ້
• ແບັດເຕີຣີ 3 ເຊລ໌ຂະໜາດ 3,8 ໂວນລ໌ 25 ວັດ-ຊົ່ວໂມງ ສູງກວ່າ iPad ລຸ້ນທຳອິດໜ້ອຍໜຶ່ງ
• ຊີພີຢູ A5 1GHz ລະຫັດ APL0498 ຊຶ່ງຂໍ້ມູນລະບຸວ່າຜະລິດໃນເດືອນມັງກອນ-ກຸມພາ ທີ່ຜ່ານມານີ້ເອງ
• ໜ່ວຍຄວາມຈຳ NAND ແຟຼຊ໌ຂອງ Toshiba
• ຊິບບາງສ່ວນລະບຸຍີ່ຫໍ້ແອບເປີ້ນກັບ Texas Instruments
• ສ່ວນຈໍ LCD ໜາ 2,4 ມິນລີແມັດ ຖືວ່າບາງລົງຫຼາຍ ຖ້າທຽບກັບລຸ້ນກ່ອນ 3,2 ມິນລີແມັດ

ທີ່ມາ: Apple Insider ສ່ວນຮູບທີ່ເຫຼືອເບິ່ງໄດ້ທີ່ iFixit 

15/03/2011

         ຈາກທີ່ຄາດກັນໄວ້ວ່າຈະຂາຍໄດ້ 6 ແສນເຄື່ອງ ລ່າສຸດ Gene Munster ຊຶ່ງເປັນນັກວິເຄາະຈາກ Piper Jaffray ເປີດເຜີຍຂໍ້ມູນວ່າ iPad 2 ນັ້ນ ຖືກຈຳໜ່າຍໝົດກ້ຽງແລ້ວໃນທຸກຮ້ານຄ້າທີ່ຂາຍບໍ່ວ່າຈະເປັນ Apple Store, Target ຫຼື Best Buy ຊຶ່ງບາງຮ້ານນັ້ນສິນຄ້າໝົດພາຍໃນ 4 ນາທິທຳອິດທີ່ເປີດການຂາຍ ຄວາມຮ້ອນແຮງນີ້ສົ່ງຜົນໃຫ້ການສັງຊື້ອອນລາຍ ຕ້ອງເລື່ອນ ກຳນົດສົ່ງອອກໄປຈາກໂຕເກົ່າທີ່ບໍ່ເກີນ 1 ອາທິດເປັນມະມານ 1 ເດືອນ

         ເຂົາເຈົ້າກ່າວວ່າ iPad ໜ້າຈະຂາຍໄດ້ປະມານ 4-5 ແສນເຄື່ອງໃນທິດທີ່ຜ່ານມາ ສູງກວ່າຍອດຂາຍ iPad ລຸ້ນທຳອິດທີ່ຂາຍໄດ້ 3 ແສນເຄື່ອງໃນອາທິດທຳອິດຂອງການຂາຍ ນອກຈາກນີ້ຜົນການສຳຫຼວດກຸ່ມຕົວຢ່າງຜູ້ຊື້ 236 ຄົນໃນ New York ແລະ Minneapolis ພົບຕົວເລກທີ່ໜ້າສົນໃຈວ່າ 70% ເປັນລູກຄ້າໃໝ່ທີ່ບໍ່ເຄີຍມີ iPad ມາກ່ອນ ລຸ້ນທີ່ຂາຍດີຄື 32GB ຄະນະທີ່ 65% ກຸ່ມຕົວຢ່າງມີ iPhone ໃຊ້ຢູ່ແລ້ວ ແລະ ທີ່ໜ້າສົນໃຈຄື 24% ມີ Kindle ຢູ່ແລ້ວ

ທີ່ມາ: Bloomberg ແລະ CNN

14/03/2011

         ເຖິງວ່າໂນເກຍຈະຫັນມາໃຊ້ Windows Phone 7 ແຕ່ການພັດທະນາ Symbian ກໍ່ຍັງດຳເນີນຕໍ່ໄປເຊັນກັນ ໂດຍສະເພາະດ້ານ UI ທີ່ເປັນປັນຫາຂອງ Symbian ມາຕະຫຼອດ ລ່າສຸດຜູ້ບໍລິຫານຂອງໂນເກຍທີ່ປະເທດເນເທີແລນ ໃຫ້ຂໍ້ມູນວ່າ Symbian ຈະໄດ້ຮັບການອັບເດດສອງເທື່ອ ຄັ້ງທຳອິດແມ່ນຊ່ວງໜ້າຮ້ອນນີ້ (ປະມານເດີອນມິຖຸນາເປັນຕົ້ນໄປ) ຈະເປັນການອັບເດດໜ້ອຍໜຶ່ງສຳລັບ  N8 ແລະ E7 (ອາດຈະລວມເຖິງ C6 ແລະ C7-01 ນຳ) ຊຶ່ງປ່ຽນໜ້າຈໍໃຫ້ທັນສະໄຫມຂຶ້ນ ສ່ວນການອັບເດດຄັ້ງໃຫຍ່ຈະຕາມມາໃນຊ່ວງເດືອນກັນຍາເປັນຕົ້ນໄປ ຊຶ່ງຈະເປັນການຍົກເຄື່ອງ UI ຄັ້ງໃຫຍ່ ເມນູບໍ່ເລິກຄືເກົ່າ ໜ້າຈໍໃຊ້ງານງ່າຍຂຶ້ນ ມີເມນູທີ່ດຶງລົງມາຈາກດ້ານເທິງຄືກັບ Android ແລະ ມີລະບົບ widget ທີ່ນຸ່ມນວນກວ່າເກົ່າ ວາງໄ້ບ່ອນໃດກໍ່ໄດ້ຢູ່ເທິງໜ້າຈໍ ກ່ອນໜ້ານີ້ຜູ້ບໍລິຫານຂອງໂນເກຍເຄີຍນຳສະເໜີ UI ນີ້ທີ່ປະເທດຈີນ ໜ້າຕາດັ່ງຮູບລຸ່ມນີ້

ທີ່ມາ - All About Phones (ຜ່ານ Google Translate), OSNews

14/03/2011

 Comex ນັກພັດທະນາຊອຟ໌ແວລ໌ iPhone ຊື່ດັງ ຜູ້ມີຜົນງານ jailbreak ຜະລິດຕະພັນຂອງແອບເປີ້ນມາແລ້ວຫຼາຍໂຕ ໄດ້ ປະກາດວ່າເຂົາສາມາດ jailbreak iPad 2 ໄດ້ແລ້ວ

           ເວັບໄຊຕ໌ Droid-lif ລາຍງານຂ່າວວ່າມີຄົນໄດ້ຮັບການແຈກໃບປິວຈາກຕົວແທນຂອງຊຳຊຸງໃນສະຫາລັດ ຊຶ່ງໃນໃບປິວລະບຸວ່າຊຳຊຸງຈະຊາຍແທັບເລັດ Galaxy Tab ລຸ້ນ 7" ທີ່ບໍ່ມີ 3G ມີສະເພາະການເຊື່ອມຕໍ່ Wi-Fi ເທົ່ານັ້ນ

          ຈຸດທີ່ໜ້າສົນໃຈຄື ລາຄາມັນຢູ່ທີ່ 399 ດອລລາຣ໌ ເລີ່ມຂາຍໃນສະຫາລັດວັນທີ 4 ເມສານີ້ ລາຍລະອຽດຈາກໃບປິວບອກ ວ່າມັນຍັງຈະໃຊ້ Android 2.2 ຄືກັບ Galaxy Tab ລຸ້ນທຳອິດທີ່ວາງຂາຍໃນປີທີ່ແລ້ວ

          ຖ້າຂ່າວນີ້ແມ່ນຄວາມຈິງກໍ່ຖືວ່າລາຄາໜ້າສົນໃຈຫຼາຍ ແຕ່ມາຂາຍຕອນນີ້ຍັງຈະມີຄົນຢາກຫ/ໄດ້ຢູ່ຫຼືບໍ່?

ທີ່ມາ - Droid-life

13/03/2011

          Facebook ຂະຫຍາຍຄວາມສາມາດໃນການໃສ່ @ ແລ້ວຕາມດ້ວຍຊື່ໝູ່ຫຼືເພຈເພື່ອສ້າງລິ້ງອ້າງອີງ ຈາກໂຕເກົ່າ ເຮັດໄດ້ສະເພາະຊ່ອງ status update ຕອນນີ້ສາມາດໃສ່ @ ໄດ້ໃນຊ່ອງຄອມເມັ້ນຕ໌ແລ້ວ

          ຮູບແບບການໃຊ້ການກໍ່ຄືເກົ່າທຸກຢ່າງ ຄືພິມ @ ແລ້ວຕາມດ້ວຍອັກສອນ ຈາກນັ້ນ Facebook ຈະຂຶ້ນລາຍຊື່ໝູ່ ຫຼື ເພຈຂຶ້ນມາໃຫ້ເລືອກ ສ່ວນໝູ່ທີ່ຖືກອ້າງອີງກໍ່ຈະໄດ້ຮັບ notification ວ່າມີຄົນເວົ້າເຖິງເຮົາໃນຄອມເມັ້ນຕ໌

ທີ່ມາ - Inside Facebook

12/03/2011

                                        
          ຫລັງຈາກ Dell ແຜ່ວລົງໄປໃນຕະຫຼາດພີຊີໂລກ 2-3 ປີຜ່ານມາ ແລະ ຖືກ Aer ແຊງຂຶ້ນມາເປັນອັນດັບສອງ ຂອງຜູ້ຜະລິດພີຊີໂລກ (ອັນດັບໜຶ່ງຄື HP) ແຕ່ສະຖິຕິລ່າສຸດຈາກບໍລິສັດ iSuppli ນັບຮອດທ້າຍປີ 2010 ບອກວ່າ Dell ກັບມາທວງອັນກັບສອງຄືນໄດ້ແລ້ວ

          ປັດໄຈສຳຄັນທີ່ເຮັດໃຫ້ Dell ແຊງ Aer ໄດ້ອີກເທື່ອໜຶ່ງມາຈາກ "iPad" ທີ່ຕິດຕະຫຼາດພີຊີສຳລັບຄອນຊູເມີ້ ຊຶ່ງເປັນແຫຼ່ງລາຍໄດ້ຫຼັກຂອງ Aer ສ່ວນ Dell ບໍ່ກະທົບຫຼາຍປານໄດ້ດພາະຈັບຕະຫຼາດພາກທຸລະກິດ ແລະ ອົງກອນເປັນຫຼັກ

         ອັນດັບສີ່ເປັນຂອງ Lenovo ແລະ ອັນດັບຫ້າຄື Toshiba

ທີ່ມາ - AllThingsD

11/03/2011

          ແອບເປິ້ນເລີ່ມວາງຂາຍ iPad 2 ຢ່າງເປັນທາງກາຮນໃນສະຫາລັດແລ້ວ ໂດຍລຸ້ນທີ່ຖືກສຸກແມ້ນ Wi-Fi 16GB ຍັງຈະຂາຍທີ່ລາຄາ 499 ດອລລາເທົ່າກັບ iPad ລຸ້ນທຳອິດ ສ່ວນປະເທດ ຊຸດຕໍ່ໄປອີກ 26 ປະເທດຈະເລີ່ມຂາຍ 25 ມີນາ. - The Next Web

     ນັກວິເຄາະຈາກບໍລິສັດ Gleacher & Co. ປະເມີນວ່າ iPad 2 ນ່າຈະຂາຍໄດ້ຫຼາຍກວ່າ iPad ລຸ້ນທຳອິດໃນໄລຍະໜຶ່ງ ອາທິດທຳອິດທີ່ເປີດໂຕ ໂດຍໜ້າຈະຂາຍໄດ 500,000 ເຄື່ອງໃນ 2 ມື້ທຳອິດ, 600,000 ເຄື່ອງຖານັບຈົນໝົດອາທິດ ແລະ ຕະຫຼອດທັງປີ 2011 ໜ້າຈະຂາຍໄດ້ 35 ລ້ານເຄື່ອງ

ທີ່ມາ - Bloomberg

11/03/2011

          ຈາກຂ່າວເກົ່າທີ່ກູເກິລ Chorme Extension ເພື່ອບລັອກເວັບຂີ້ເຫຍື້ອ ດຽວນີ້ກູເກິລລວມເອົາຄວາມສາມາດນີ້ ເຂົ້າໄປເປັນສ່ວນໜຶ່ງຂອງລະບົບການຄົ້ນຫາແລ້ວ ໂດຍກູເກິລຈະເປີດຄວາມສາມາດນີ້ໃຫ້ແກ່ຜູ້ທີ່ລົງທະບຽນເທົ່ານັ້ນ ເພື່ອບໍ່ໃຫ້ລົບກວນ ຜົນການຄົ້ນຫາຂອງຄົນອຶ່ນ ໃນໄລຍະທຳອິດນີ້ຈະເປີດໃຫ້ກັບຜູ້ໃຊ້ Google.com ພາສາອັງກິດເທົ່ານັ້ນ ແລະ ຈະທະຍອຍເປີດ ໃຫ້ຜູ້ໃຊ້ໂດເມນອຶ່ນ ແລະ ພາສາອຶ່ນໃນພາຍຫຼັງ ກູເກິລບອກວ່າການບລັອກຈະບໍ່ມີຜົນຕໍ່ການຈັດລຳດັບຜົນການຊອກຫາ ແຕ່ທາງກູເກິລຈະເບິ່ງເນື້ອຫາຂອງເວັບທີ່ຖືກບລັອກ ເພື່ອນຳມາໃຊ້ເປັນແນວທາງໃນການປັບ ອັລກໍລີທີມຕໍ່ໄປ

11/03/2011

          ສຳນັກຂ່າວ Bloomberg ລາຍງານຂ່າວວົງໃນຈາມໄມໂຄຼຊອຟວ່າ ລະບົບປະຕິບັດການເທັບເລັດຂອງໄມໂຄຼຊອຟ (ເຊິ່ງຄາດວ່າເປັນ Windows 8 ລຸ້ນແທັບເລັດ) ຈະເລີ່ມເຂົ້າ ສະຖານະການທົດສອບໃນປາຍປີນີ້ ແລະ ຈະສຳເລັດສົມບູນໃນປີ 2012 ຊ່ວງປະມານເດືອນ ສິງຫາ-ກັນຍາ

         ນັກວິເຄາະຈາກ Gartner ເບິ່ງສະຖານະການຂອງໄມໂຄຼຊອຟບໍ່ຄ່ອຍດີປານໃດ ເພາະຕະຫຼາດແທັບເລັດຕອນນີ້ມີຜູ້ຫຼິ້ນແລ້ວ 4 ບໍລິສັດໃຫຍ່ໆຄື: iOS, Android, webOS ແລະ BlackBerry ໃນຕອນນັ້ນເຮົາຄົງຈະເຫັນ iPad 3 ແລະ ແທັບເລັດລຸ້ນທີສອງຈາກຄູ່ແຂ່ງທີ່ເຫຼືອ

ຂໍ້ມູນຈາກ : blognone.com

          ຂ້ອຍຖາມໃຜກະຄົງສິບໍ່ມີໃຜເຊື່ອວ່າເຮົາສາມາດ 'ອັບເກລດ' ວິນໂດທຸກລຸ້ນຕັ້ງແຕ່ Windows 1.0 ລຸ້ນທຳອິດ Windows 7 ໄດ້ໂດຍບໍ່ຕ້ອງລົງໃໝ່ ໂປຼແກຣມທີ່ເຄີຍຕິດຕັ້ງເອົາໄວ້ກໍ່ບໍ່ເສຍ (ຍັງໃຊ້ງານໄດ້ ຫຼື ບໍ່ນັ້ນເປັນອີກເລື່ອງ) ແຕ່ມີຜູ້ໃຊຊື່ TheRasteri ໄດໂພສ໌ວິດີໂອສະແດງການອັບເກລດວິນໂດຕັ້ງແຕ່ Windows 1.0 ຢູ່ YouTube ໃນວີດິໂອນີ້ເຂົາເລີ່ມຕັ້ງແຕ່ DOS 5.0 > Windows 1.0 > Windows 3.0 > Windows 3.1 > Windows 95 > Windows 98 > Windows 98SE > Windows 2000 > Windows XP > Windows Vista > Windows 7 (ສັງເກດວ່າ ບໍ່ແມ່ນ Windows ME ແຕ່ເປັນ Windows 2000 ແທນ) ໃຜເຄີຍໃຊ້ຫຼາຍ ມາເບິງວິດີໂອນີ້ກະຄືສິຄິດຮອດຄວາມຫຼັງເກົ່າໆ ຫຼາຍໄປຕາມໆກັນ.

http://www.youtube.com/watch?v=vPnehDhGa14

    ງານເປີດໂຕ iPad 2 ຜ່ານໄປດ້ວຍຄວາມຍິນຂອງຫຼາຍໆຄົນທີ່ສະເປັກຕ່າງໆນັ້ນແຮງຂຶ້ນ ແຕ່ລາຄາທໍ່ເກົ່າທັງໝົດ ແຕ່ໃນງານນັ້ນກໍ່ມີການກຳນົດເປັນສອງໄລຍະຄືວັນທີ 11/03/2011 ແລະ 25/03/2011 ທີ່ຈະວາງສິນຄ້າທັງໝົດ 25 ປະເທດ ຂ່າວຮ້າຍກໍ່ຄືປະເທດລາວແລະໄທບໍ່ໄດ້ຢູ່ໃນກຸ່ມທີ່ຈະວາງຂາຍພາຍໃນວັນທີ 25 ນີ້ເຮັດໃຫ້ເຮົາຕ້ອງຖ້າຢ່າງບໍ່ມີກຳນົດ ແຕ່ທັນໃດນັ້ນງານຖະແຫລງຂ່າວຈົບລົງໜ້າເວັບ Apple Store ຂອງໄທກໍ່ປັບລາຄາລຸ່ນທຳອິດລຸ່ນລະ 3,000 ບາດ ພາຍລາຍການລາຄາຢູ່ທ້າຍຂ່າວ ແຕ່ສົງໄສວ່າທຸກຄົນໜ້າຈະຍອມຖ້າ iPad 2 ກັນໝົດ

                                                                                                                                                                                                                                                  By : www.oHodownloads.com

       ມີຄົນຂັບລົດຄົນໜຶ່ງ ກຳລັງຖອຍລົດຢູ່ໜ້າບ້ານຄົນດຽວ ມີ່ເພື່ອນບ້ານໃຈດີຄົນໜຶ່ງເຫັນລາວຄົນນັ້ນ ກຳລັງຖອຍລົດຢູ່ເພື່ອນບ້ານໃຈດີຄົນນີ້ ກໍ່ເລີຍມາຊ່ວຍບອກທິດທາງໃນການຖອຍລົດເພື່ອໃຫ້ມີຄວາມປອດໄພ

ຄົນຂັບລົດ "ຖອຍອີກໜ້ອຍໜຶ່ງໄດ້ບໍ່ອ້າຍ" ຄົນຂັບກໍ່ຫັກພວງມະໄລຢ່າງເຕັມແຮງ

ເພື່ອນບ້ານ "ຫັກເບິດເລີຍໆ"

ຄົນຂັບລົດ "ເອົ໋າ ! ຍັງຫັກບໍ່ພໍຫວານິ ຊັ້ນເອົາອີກຊັ້ນນະ" ຄົນຂັບກະໃສ່ເຕັມແຮງ

ເພື່ອນບ້ານຮ້ອງບອກໝົດແຮງວ່າ "ຫັກເບິດເລີຍໆ"

ຄົນຂັບລົດ "ເອົ໋າ ! ຈັ່ງໃດນິ ຍັງບໍ່ພໍອີກຫວາ"

ເພື່ອນບ້ານ "ບໍ່ແມ່ນຈັ່ງຊັ້ນອັນທີ່ກູບອກມຶງວ່າຫັກເບິດເລີຍຫັນມັນຄືຮົ້ວບ້ານກູບັກເວນເອີຍ"