 ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
10 ລາງບອກເຫດຮາລ໌ດດິດກ໌ໃກ້ຕາຍ
1. ສຽງດັ່ງຕິ໊ກ ໆ ຢ່ານຶກວ່າເປັນເຂັມໂມງ: ຮາລ໌ດດິດກ໌ທຸກຕົວໃນໂລກນີ້ບໍ່ເຄີຍຕິດຕັ້ງໂມງປຸກໄວ້ ຂ້າງໃນ ແລະຖ້າມັນເປັນປົກກະຕິດີກໍບໍ່ຄວນຈະມີສຽງດັ່ງຕິ໊ກ ໆ ໃຫ້ຊວນລະທຶກຂວັນດ້ວຍ ສຽງດັ່ງທີ່ວ່ານີ້ ຖ້າຈະໃຫ້ພິຈາລະນາກັນຢ່າງລະອຽດເຈົ້າຕ້ອງເອົາຫູແນບກັບຮາລ໌ດດິດກ໌ວ່າສຽງມາຈາກ ສ່ວນໃດ ເພາະການວິເຄາະຫາສາເຫດຈະເຮັດໄດ້ຕົງຈຸດແທ້ ໆ ຖ້າສຽງມາຈາກສູນກາງໃຫ້ສັນນິດຖານວ່າມາຈາກຊຸດຂັບເຄື່ອນມໍເຕີລ໌ທີ່ອາດເກີດ ຄວາມຜິດພາດຫລືຊຳລຸດຂຶ້ນ ແຕ່ຖ້າສຽງດັ່ງມາຈາກອ້ອມຮອບ ນອກໃນລັດມີຂອງກ່ອງຮາລ໌ດດິດກ໌ ໃຫ້ສັນນິດຖານວ່າບັນຫາມາຈາກຫົວອ່ານຕິດຂັດ ຊຶ່ງອາດຈະກຳລັງເຄາະກັບແຜ່ນຈານຢູ່ກໍເປັນໄດ້ ທີນີ້ອັນຕະລາຍຫລາຍເພາະເຮັດໃຫ້ຂໍ້ມູນເສຍຫາຍໄດ້ທັງລູກເລີຍ
2. ໄຟດັບເລື້ອຍ ໆ ບໍ່ດີກັບຮາລ໌ດດິດກ໌: ເຄື່ອງຄອມພ໌ທີ່ບໍ່ມີ UPS ມີໂອກາດສ່ຽງທີ່ອຸປະກອນພາຍໃນຈະເສຍຫາຍໄວຂຶ້ນຖ້າຫາກມີໄຟດັບເລື້ອຍ ໆ ໂດຍສະເພາະຮາລ໌ດດິດກ໌ນັ້ນ ເວລາທີ່ໄຟຟ້າດັບຢ່າງວ່ອງໄວຫົວອ່ານຂ້າງໃນອາດຈະຍັງບໍ່ກັບສູ່ບໍລິເວນທີ່ ປອດໄພ ຫລືບາງທີຫົວອ່ານອາດຈະໄປກະພົບກັບແຜ່ນຈານໃນຊ່ວງທີ່ໄຟ ຟ້າກະຊາກຂຶ້ນມາທັນທີ ຊຶ່ງບໍ່ເປັນຜົນດີີ ນອກຈາກນີ້ຫາກໄຟຕົກເລື້ອຍ ໆ ແລ້ວດັບລົງກໍບໍ່ເປັນຜົນດີີເຊັ່ນກັນ ເພາະຮາລ໌ດດິດກ໌ຈະພະຍາຍາມເຮັດວຽກຕາມຫນ້າທີ່ຫາກມີກຳລັງໄຟ ພຽງພໍ ແຕ່ຖ້າໃນລະຫວ່າງນັ້ນໄຟຄ່ອຍ ໆ ຕົກລົງແລະດັບໄປ ຕຳແໜ່ງຂອງຫົວອ່ານຈະຍັງບໍ່ກັບທີ່ເດີມ ດັ່ງນັ້ນ ຄວນຕິດຕັ້ງ UPS ໄວ້ຈະປອດໄພທັງຮາລ໌ດະດິດກ໌ເອງແລະອຸປະກອນທັງໝົດດ້ວຍ ເຊັ່ນກັນ
3. ເຄື່ອງແຮງກ໌ເລື້ອຍ ໆ: ບັນຫາເຄື່ອງຄອມພ໌ຄ້າງນັ້ນ ມີຫລາຍສາເຫດ ນອກຈາກຊອຟແວລ໌ແລະລະບົບປະຕິບັດການ Error ແລ້ວ ອຸປະກອນຮາລ໌ດແຫວລ໌ກໍສາມາດເຮັດໃຫ້ເຄື່ອງຄ້າງຫລືຢຸດນິ່ງບໍ່ໄຫວໄດ້ເຊັ່ນກັນ ໜຶ່ງໃນນັ້ນກໍຄື ຮາລ໌ດດິດກ໌ ນັ້ນເອງ ເປັນຫຍັງຮາລ໌ດດິດກ໌ເຖິງຄ້າງໄດ້ ເປັນຄຳຖາມທີ່ຕອບໄດ້ບໍ່ຍາກ ຢ່າງແຮກເລີຍກໍຄື ກຳລັງໄຟທີ່ຈ່າຍບໍ່ພຽງພໍ ຖ້າເຄື່ອງຂອງເຈົ້າມີອຸປະກອນຕໍ່ພ່ວງຫລາຍ ມີຮາລ໌ດດິດກ໌ແລະໄດລຟ໌ອອບຕິຄອນຫລາຍຕົວ ແຕ່ເພາະເວີລ໌ຊັນພາຍໃຊ້ຂອງລາຄາຖືກ ຈ່າຍໄຟບໍ່ພໍ ແບບນີ້ເປັນສາເຫດທີ່ເຮັດໃຫ້ຮາລ໌ດິດກ໌ຄ້າງໄດ້ເລີຍ ແລະຢ່າງທີ່ສອງມາຈາກອຸປະກອນພາຍຮາລ໌ດດິດກ໌ໃນການເຮັດວຽກຜິດພາດ ຊຶ່ງກົງຈຸດນີ້ຕົວລະບົບປະຕິບັດການເອງສາມາດສົ່ງຜົນຕໍ່ເນື່ອງມາຍັງຮາລ໌ດດິດກ໌ໄດ້ ໂດຍກົງ ເພາະຍັງແນວໃດລະບົບປະຕິບັດການກໍເກັບຢູ່ໃນຮາລ໌ດດິດກ໌ ນັ້ນເອງ ຖ້າເກີດຫຍັງຂຶ້ນກັບສ່ວນຫນຶ່ງ ຍ່ອມສົ່ງຜົນໄປຍັງສ່ວນທີ່ເຫລືອໄດ້ບໍ່ຍາກ
4. ເປັນຫຍັງມັນຮ້ອນໄວ: ຫລັງຈາກທີ່ເຈົ້າເປີດສະຫວິດຊ໌ເຄື່ອງຄອມພ໌ໄດ້ບໍ່ດົນ ແລະພົບວ່າຮາລ໌ດດິດກ໌ຂອງເຈົ້າມີອຸນຫະພູມຂຶ້ນສູງຢ່າງວ່ອງໄວຈົນໜ້າຕົກໃຈ ແຕ່ຍັງຄົງເຮັດວຽກຕໍ່ໄປໄດ້ ໃຫ້ຕັ້ງຂໍ້ສັນນິດຖານເຖິງຄວາມຜິດປົກກະຕິທີ່ພົບຂຶ້ນມາທັນທີ ຢ່າໄດ້ນິ່ງນອນໃຈ ເພາະຮາລ໌ດດິດກ໌ຈະຮ້ອນຂຶ້ນເມື່ອມີການເລີ່ມຂຽນອ່ານ ຂໍ້ມູນຢ່າງຈີງ ໆ ຈັງ ໆ ພຽງແຕ່ເປີດເຄື່ອງແລ້ວຢູ່ໆ ກໍຮ້ອນຂຶ້ນຂະໜາດນີ້ບໍ່ດີແນ່ນອນ ອາການທີ່ວ່ານີ້ມາຈາກອຸປະກອນພາຍໃນໂດຍກົງທີ່ສົ່ງຄວາມຮ້ອນອອກມາ ມໍເຕີລ໌ອາດໄດ້ຮັບແຮງດັນໄຟຫລາຍເກີນໄປຫລືບໍ່ເສຍພອດ ເຮັດວຽກຜິດພາດ ນອກຈາກນີ້ຫາກມີຊິ້ນສ່ວນໃນ ແຜງວົງຈອອນເກີດຊຳລຸດເສຍຫາຍຂຶ້ນມາກໍສາມາດສະແດງອາການແບບນີ້ໄດ້ເຊັ່ນກັນ
5. ໂປແກມຄ້າງເລື້ອຍ ໆ: ສຳລັບໂປແກມທີ່ກຳລັງເວົ້າເຖິງນີ້ ເໝົາລວມໄປເຖິງລະບົບປະຕິບັດການດ້ວຍ ເວລາທີ່ເຈົ້າເປີດໂປແກມສັກຕົວຂຶ້ນມາແລ້ວມັນຢຸດນິ່ງຫລືຄ້າງໄປເສີຍ ໆ ນັ້ນ ໜຶ່ງໃນຂໍ້ສັນນິດຖານທີ່ຢາກໃຫ້ທຸກທ່ານໄດ້ໃສ່ໃຈກໍຄື ບັນຫາທີ່ວ່າອາດມາຈາກຮາລ໌ດະດິດກ໌ໂດຍກົງ ຖ້າຮາລ໌ດດິດກ໌ຂອງເຈົ້າມີແບດເຊກເຕີລ໌ (Bad Sector) ກະຈັດກະຈາຍຢູ່ທົ່ວທັງຮາລ໌ດດິດກ໌ ເຣົາເວົ້າໄດ້ເລີຍວ່າເປັນສາເຫດຫລັກທີ່ເຮັດໃຫ້ໂປແກມຫລືແມ່ນແຕ່ລະບົບປະຕິບັດການຄ້າງໄດ້ ເປັນສັນຍານເຕືອນໄພທີ່ເຈົ້າສາມາດສັງເກດເຫັນໄດ້ຢ່າງຊັດເຈນທີ່ສຸດ
6. ໄຟຕິດ ແຕ່ໄຟລ໌ດັບ!: ຖ້າເຈົ້າຕໍ່ສາຍສັນຍານໄຟສະແດງສະຖານະຂອງຮາລ໌ດິດກ໌ໃນເມນບອລ໌ຖືກຕ້ອງ ຫລອດ LED ດ້ານໜ້າເຄດຕ້ອງສະແດງອາການໃຫ້ເຫັນເວລາທີ່ມີການຂຽນອ່ານຂໍ້ມູນເກີດຂຶ້ນ ຫລອດໄຟດວງນ້ອຍ ໆ ນີ້ຊ່ວຍໃຫ້ເຈົ້າສັງເກດຄວາມຜິດປົກກະຕິຂອງຮາລ໌ດະດິດກ໌ໄດ້ເຊັ່ນ ກັນ ຍົກຕົວຢ່າງ ຖ້າໃນລະຫວ່າງທີ່ມີການຂຽນຂໍ້ມູນຫລືໄຟລ໌ລົງຮາລ໌ດດິດກ໌ ຫລອດໄຟຍ່ອມກະພິບຢູ່ຕະຫລອດ ແຕ່ຫລັງຈາກເຈົ້າກັບເຂົ້າໄປເບິ່ງຂໍ້ມູນທີ່ຂຽນຫລືໂອນຖ່າຍ ລົງໄປກັບເຫັນວ່າທຸກຢ່າງວ່າງເປົ່າ ບໍ່ມີຫຍັງຖືກຂຽນລົງໄປໃນຮາລ໌ດດິດກ໌ເລີຍ ແລ້ວເປັນຫຍັງຫລອດໄຟເຖິງໄດ້ກະພິບແບບນັ້ນ ແນວນີ້ບອກຫຍັງເຮົາໄດ້ນຳ ຢ່າງແຮກເລີຍຄື ເກີດຄວາມຜິດພາດໃນລະດັບໂຄງສ້າງການຈັດເກັບໄຟລ໌ ບັນຫາທີ່ວ່ານີ້ອາດມາຈາກລະບົບ FAT ຫລືແມ່ນແຕ່ໂຄງສ້າງພາລ໌ທິຊັນເສຍຫາຍ ໄຟທີ່ກະພິບສະແດງເຖິງການໂອນຂໍ້ມູນໄປຍັງຕຳແໜ່ງຂອງເຊກເຕີລ໌ທີ່ໃຊ້ເກັບຂໍ້ມູນ ແຕ່ກໍບໍ່ໄດ້ໝາຍຄວາມວ່າມັນຈະຂຽນລົງໄປໄດ້ສຳເລັດແທ້ ໆ ຍິ່ງຖ້າເຈົ້າປິດໜ້າຈໍໄວ້ໃນລະຫວ່າງທີ່ມີການໂອນໄຟລ໌ໃຫຍ່ ໆ ຫລອດໄຟທີ່ກະພິບອາດເຮັດໃຫ້ເຈົ້າເຂົ້າໃຈວ່າລະບົບກຳລັງເຮັດວຽກຢູ່ ຕອນນີ້ຖ້າບໍ່ເປີດເບິ່ງໜ້າຈໍຈະບໍ່ຮູ້ເລີຍວ່າເກີດຫຍັງຂຶ້ນ
7. ຮາລ໌ດະດິດກ໌ຕີກອງ: ສຳລັບອາການທີ່ວ່ານີ້ມີຄວາມແຕກຕ່າງຈາກຂໍ້ທີ່ 1 ໂດຍສິ້ນເຊີງ ຖ້າເຈົ້າໄດ້ຍິ້ນສຽງລົວກອງດັ່ງກຶກກ້ອງມາຈາກຮາລ໌ດດິດກ໌ ແລະບໍ່ຍອມຢຸດ ອາການແບບນີ້ບອກໄດ້ຢ່າງດຽວວ່າມັນຈະຂໍລາແລ້ວລະຄະຮັບ ສຽງດັ່ງທີ່ຄ້າຍກັບການຕີກອງນັ້ນມາຈາກຫົວອ່ານໄປກະທົບກັບຈານຢ່າງຈັງ ຫລືແມ່ນແຕ່ຫົວອ່ານເລື່ອນຫລຸດອອກຈາກຕຳແໜ່ງລັອກ ຈົນໄປກະກົບກັບແຜ່ນຈານ ຖ້າເປັນແບບນີ້ຂໍ້ມູນທັງໝົດໃນຮາລ໌ດດິດກ໌ອາດໄດ້ຮັບຄວາມເສຍຫາຍຈົນເຖິງຂັ້ນກູ້ ບໍ່ໄດ້ເລີຍ ດັ່ງນັ້ນ ຖ້າສຽງກອງຫາກໍ່ເລີ່ມລົວໃຫ້ເຈົ້າຮີບພາຮາລ໌ດດິດກ໌ໄປຊ່ອມດ່ວນເລີຍ!
8. ສະແກນດິດກ໌ບໍ່ຜ່ານ: ການກວດສຸກຂະພາບຮາລ໌ດະດິດກ໌ທີ່ເຈົ້າສາມາດເຮັດໄດ້ດ້ວຍຕົວເອງ ກໍຄື ສະແກນມັນໃຫ້ທົ່ວທັງຈານ ບໍ່ວ່າເຈົ້າຈະໃຊ້ບໍລິການຈາກຍູທິລິຕີເທິງວິນໂດວສ໌ເອງ ຫລືໂປແກມຈາກ ເທິລ໌ດພາລ໌ຕີ້ກໍຕາມ ຫາກສະແກນບໍ່ຕະຫລອດລອດຝັ່ງແລ້ວລະກໍ ໃຫ້ຕັ້ງຂໍ້ສັນນິດຖານໄດ້ເລີຍວ່າຮາລ໌ດະດິດກ໌ກຳລັງມີບັນຫາ ເກີດຂຶ້ນ ສາເຫດກໍມີທັງໂຄງສ້າງ FAT ເສຍຫາຍ ລວມເຖິງຕາລາງພາລ໌ທິຊັນທີ່ອາດເສຍຫາຍດ້ວຍເຊັ່ນກັນ ນອກຈາກນີ້ ຫາກຮາລ໌ດດິດກ໌ມີແບດເຊກເຕີລ໌ ກົງຈຸດສຳຄັນ ໆ ກໍຈະສົ່ງຜົນໃຫ້ການສະແກນຮາລ໌ດດິດກ໌ກົງຕຳແໜ່ງພື້ນທີ່ນັ້ນ ໆ ບໍ່ຜ່ານດ້ວຍເຊັ່ນກັນ ຫລືແມ່ນແຕ່ຄ້າງນິ່ງໄປເລີຍກໍມີໃຫ້ເຫັນດ້ວຍ
9. ສັ່ງດີແຟຣກແຕ່ບໍ່ສະຫລຸຍ: ດີແຟຣກ ຫລືການຈັດລຽງຂໍ້ມູນຫລືໄຟລ໌ທີ່ບໍ່ຕໍ່ເນື່ອງຊຶ່ງກະແຈກກະຈາຍຢູ່ທົ່ວ ຮາລ໌ດະດິດກ໌ໃຫ້ກັບມາເປັນລະບຽບຣຽບຮ້ອຍເໝືອນເດີມ ເປັນວິທີທີ່ຊ່ວຍເພີ່ມປະສິດທິພາບຄວາມໄວໃຫ້ກໍຈິງ ແຕ່ຖ້າການດີແຟຣກບໍ່ຜ່ານສະຫລຸຍຫລືບໍ່ຍອມຈົບສິ້ນຈັກເທື່ອ ບັນຫາຈະມາຈາກໃດໄດ້ ນອກຈາກຮາລ໌ດດິດກ໌ນັ້ນເອງ ຖ້າເຈົ້າພົບອາການທີ່ວ່ານີ້ໃນລະຫວ່າງການດີແຟຮກຮາລ໌ດິດກ໌ ນັ້ນ ເປັນສັນຍານທີ່ບົ່ງບອກໄດ້ເຖິງສຸກຂະພາບຮາລ໌ດດິດກ໌ຂອງເຈົ້າເລີ່ມບໍ່ດີແລ້ວ ຄວາມເປັນໄປໄດ້ຂອງບັນຫາມີຢູ່ສອງຢ່າງ ຢ່າງແຮກມາຈາກຕົວອຸປະກອນເອງທີ່ອາດຊຳລຸດເສຍຫາຍ ແລະຢ່າງທີ່ສອງມາຈາກໂຄງສ້າງພື້ນຖານການຈັດເກັບຂໍ້ມູນເກີດຄວາມເສຍຫາຍໃນ ລະດັບຊອຟແວລ໌ ບ່ອນນີ້ເຮົາບໍ່ສາມາດໃຊ້ການດີແຟຮກມາຊ່ວຍໄດ້ນອກຈາກຕ້ອງສ້າງພາລ໌ທິຊັນແລະຟອລ໌ ແມດໂຄງສ້າງ FAT ຂຶ້ນມາໃໝ່
10. ສ້າງພາລ໌ທິຊັນບໍ່ໄດ້: ສັນຍານອັນຕະລາຍໃນຂໍ້ສຸດທ້າຍນີ້ຄ່ອນຂ້າງຮຸນແຮງ ຖ້າເຈົ້າບັງເອີນກຳລັງປະສົບຢູ່ ຂໍບອກເລີຍວ່າອາດຈະຕ້ອງທໍາໃຈເອົາໄວ້ດ້ວຍເລີຍ ຖ້າອາການທີ່ວ່ານີ້ເກີດກັບຮາລ໌ດດິດກ໌ຕົວໃໝ່ແກະກ່ອງຄົງບໍ່ຕ້ອງຊີລຽດຫຍັງ ເພາະແນວໃດກໍເຄມໄດ້ແນ່ ໆ ແຕ່ຖ້າເປັນຮາລ໌ດດິດກ໌ທີ່ໝົດປະກັນໄປແລ້ວລ່ະ ສິ່ງທີ່ເຈົ້າຕ້ອງຮຽນຮູ້ເວລາທີ່ບໍ່ສາມາດສ້າງພາລ໌ທິຊັນຂຶ້ນມາໄດ້ເລີຍ ບໍ່ວ່າຈະໃຊ້ໂປແກມໃດ ໆ ກໍຕາມ ການຕີຄວາມຫມາຍບໍ່ຄວນຢູ່ໃນວົງແຄບ ໆ ເຊັ່ນ ຮາລ໌ດດິດກ໌ພັງແນ່ ໆ ຫລືມັນຫາກໍ່ຫລົ່ນມາໃຊ້ບໍນີ້ ບັນຫາອາດຈະມາຈາກແຜ່ນວົງຈອນອິເລັກໂຕນິກເສຍຫາຍ ຊຶ່ງຫາກເຈົ້າຫາອະໄຫລ່ທີ່ເປັນລຸ້ນດຽວກັນມາຖອດປ່ຽນເຂົ້າໄປໃໝ່ ກໍສາມາດໃຊ້ງານຮາລ໌ດດິດກ໌ໄດ້ແລ້ວ ແຕ່ຖ້າແຜ່ນຈານເສຍຫາຍລະກໍໝົດສິດທັນທີ ຕ້ອງກິນຢາທໍາໃຈຢ່າງດຽວ !
(ຈາກເວັບ ສະນຸກ)
ບໍມີວັນໄດ້ຮັກກັນ 
|
ກະທູ້ມາໃໝ່
ຫມວດ
