ຂອງດີກັ່ນຈາກຄຳສອນຂອງພຮະພຸດທະເຈົ້າ ອ່ານແລ້ວມີກຳລັງໃຈສູ້ໆໆ

ທຸກໆທ່ານ ທີ່ໄດ້ມີໂອກາດ

ອ່ານບົດຄວາມ100 ຂໍ້ລຸ່ມນີ້ ຂ້າພະເຈົ້າ ຮັບຮອງວ່າ ຖ້າທ່ານອ່ານໝົດແລ້ວ

ນຳໄປປະຖິບັດຈະເກິດປະໂຫຍດຢ່າງມະຫາສານ ແລະຊີວິດປ່ຽນແນ່ນອນ

1. ເອົາໃຈເຂົາມາໃສ່ໃຈເຮົາ

2. ເຊື່ອໝັ້ນໂຕເອງ

3. ຢ່າເບິ່ງຄົນອື່ນຢູ່ແຕ່ໜ້າຕາຢ່າງດຽວ

4. ກ້າຄິດ, ກ້າເວົ້າ ແລະ ກ້າເຮັດ

5. ເມື່ອມີບັນຫາ ຈົ່ງໝັ່ນປຶກສາຄົນອື່ນທີ່ເຮົາໄວ້ໃຈ

6. ແລະກໍ່ເປັນທີ່ປຶກສາໃຫ້ຜູ້ອື່ນນໍາ

7. ຢ່າຂີ້ຕົວະໃນເລື່ອງທີ່ເຈົ້າຄິດວ່າຜິດ

8. ໄວ້ໃຈບຸກຄົນທີ່ສົມຄວນໄວ້ໃຈ

9. ເປີດໃຈໃຫ້ກວ້າງ

10. ເບິ່ງການໄກ

11. ວາງແຜນອະນາຄົດ

12. ຢ່າໂທດໂຕເອງ

13. ມີຄວາມຮັບຜິດຊອບ

14. ຕອບແທນເມື່ອໄດ້ຮັບ

15. ໃຫ້ໃນສິ່ງທີ່ຜູ້ອື່ນຢາກໄດ້ ແລະ ບໍ່ມີ

16. ຢ່າໃຊ້ແຕ່ອາລົມ ແຕ່ຈົ່ງໃຊ້ຄວາມຄິດ

17. ຄິດເຖິງສ່ວນລວມໃຫ້ຫຼາຍໆ

18. ເບິ່ງແຍງຕົນເອງໃຫ້ເປັນ

19. ຮູ້ຜິດ, ຖືກ, ຊົ່ວ, ດີ

20. ຢ່າປະໃຫ້ເວລາເສຍໄປລ້າໆ

21. ຢ່າເຫັນຄ່າສິ່ງທີ່ຢູ່ກັບເຮົາເມື່ອເຮົາເສຍມັນໄປແລ້ວ

22. ຮູ້ຈັກໂຕເອງຢູ່ສະເໝີວ່າຕອນນີ້ກໍາລັງເຮັດຫຍັງ

23. ສິ່ງທີ່ເຮົາເຮັດຢູ່ມີຜົນດີ, ຜົນເສຍ ຫຼື ບໍ່ມີປະໂຫຍດເລີຍ

24. ຢ່າໃຫ້ງົວເສຍແລ້ວຈຶ່ງເຮັດຄອກຂັງໄວ້

25. ໃຫ້ອະໄພແກ່ຕົນເອງ ແລະ ຜູ້ອື່ນ

26. ຢ່າເກັບເອົາອາດີດມາທໍາລາຍຕົນເອງ ແຕ່ຈົ່ງຮຽນຮູ້ຈາກມັນ

27. ຄົນທີ່ບໍ່ເຄີຍເຮັດຜິດຄືຄົນທີ່ບໍ່ເຄີຍເຮັດຫຍັງເລີຍ

28. ໄດ້ໜ້າຢ່າລືມຫຼັງ

30. ເຈົ້າບໍ່ແມ່ນເທວະດາ ຢ່າໄປຄິດສ້ອມແປງຄວາມຄິດ ແຕ່ຈົ່ງຄິດທີ່ຈະເບິ່ງແຍງມັນ

31. ຢ່າອ່ານຂໍ້ຄວາມທີ່ມີປະໂຫຍດແບບຜ່ານໄປຊື່ໆ

32. ອ່ານແລ້ວຄິດ, ຄິດແລ້ວເຮັດ, ໝັ່ນພັດທະນາຕົນເອງ

33. ສ້າງປະໂຫຍດໃຫ້ແກ່ສ່ວນລວມແດ່

34. ຢ່າເຫັນແກ່ໂຕ

35. ຢ່າລໍຖ້າໃນສິ່ງທີ່ຍັງມາບໍ່ເຖິງ

36. ຢ່າຢ້ານໃນສິ່ງທີ່ຕົນເອງສາມາດສູ້ ແລະ ປ່ຽນແປງມັນໄດ້

37. ກໍາລັງໃຈເປັນສິ່ງທີ່ສໍາຄັນ ໝັ່ນຕື່ມໃຫ້ຄົນອື່ນແນ່ ແລ້ວເຂົາຈະກັບມາຕື່ມໃຫ້ເຈົ້າເຊັ່ນກັນ

38. ໝູ່ເພື່ອນບໍ່ຈໍາເປັນຕ້ອງພົບໜ້າກັນ ແຕ່ກໍ່ລົມກັນໄດ້

39. ຢ່າຄິດວ່າເຂົາບໍ່ໂທມາ ຖ້າເຈົ້າກໍ່ບໍ່ໂທໄປ

40. ຈົ່ງເປັນຝ່າຍໃຫ້ຫຼາຍກວ່າເປັນຝ່າຍຮັບ

41. ເບິ່ງແຍງພໍ່ແມ່ໃຫ້ດີເມື່ອເຈົ້າມີໂອກາດ ກ່ອນທີ່ຈະບໍ່ມີໂອກາດເບິ່ງແຍງເພິ່ນ

42. ຢ່າເສຍໃຈກັບສິ່ງທີ່ບໍ່ດີ ຫຼືສູນເສຍໄປແລ້ວ ມັນບໍ່ມີທາງກັບມາ ແຕ່ເຈົ້າສາມາດເຮັດມັນໃໝ່ ຫຼືຮຽນຮູ້ຈາກມັນ

43. ຄໍາເວົ້າເມື່ອເວົ້າໄປແລ້ວ ບໍ່ສາມາດເອົາກັບຄືນມາໄດ້ ດັ່ງນັ້ນຈົ່ງຄິດກ່ອນເວົ້າ

44. ຢ່າທຸ່ມເທໃນສິ່ງທີ່ບໍ່ມີປະໂຫຍດ

45. ຄໍາເວົ້າໃຫ້ກໍາລັງໃຈໄດ້, ປອບໃຈໄດ້, ຍຸແຍ່ໃຫ້ຄົນຜິດກັນຫຼື ຂ້າກັນໄດ້, ເຮັດໃຫ້ເສຍຄວາມຮູ້ສຶກໄດ້ ດັ່ງນັ້ນຈົ່ງຮູ້ທີ່ຈະເວົ້າຄໍາໃດໃນເວລາໃດ

46. ຊີວິດບໍ່ແມ່ນເກມ, ພາດໄປແລ້ວບໍ່ສາມາດຈະກົດເລີ່ມໃໝ່ ຫຼື ໂຫຼດໃໝ່ໄດ້

47. ຫາຈຸດໝາຍໃຫ້ແກ່ຊີວິດ

48. ຄຽດໄດ້ ແຕ່ຄຽດໃຫ້ເປັນ

49. ຖ້າງົງ ຂຽນໜັງສືໄດ້ ແຕ່ຂຽນໃຫ້ເປັນພາສາ

50. ມື້ໜຶ່ງໆ ເຈົ້າເຮັດຫຍັງແດ່ ທີ່ບໍ່ແມ່ນ ກິນ, ນອນ ລະກະ ຫຼິ້ນ

51. ບໍ່ມີໝໍຄົນໃດທີ່ຈະຖ້າໃຫ້ຄົນປ່ວຍໃກ້ຈະຕາຍແລ້ວຈຶ່ງຊ່ວຍ

52.ເພື່ອນເຈົ້າກໍ່ຄືກັນຢ່າປະໃຫ້ເຂົາຕາຍແລ້ວຈຶ່ງໄປຖາມຫາຫຼືເບິ່ງແຍງ

53. ຮ່າງກາຍຄົນບໍ່ແມ່ນເຄື່ອງຈັກ ໃຫ້ມັນພັກຜ່ອນແດ່

54. ເຈົ້າຊື້ໂມງໄດ້ ແຕ່ເຈົ້າບໍ່ສາມາດຊື້ເວລາໄດ້

55. ຕອນນີ້ມີໃຜບາງຄົນຖ້າເຈົ້າຢູ່ຫຼືບໍ່ ຖ້າມີກໍ່ຈົງກັບໄປຫາເຂົາສາ

56. ຕອນນີ້ເຈົ້າກໍາລັງລໍຖ້າໃຜບາງຄົນບໍ ແລ້ວຈະລໍຖ້າແບບນີ້ໄປດົນປານໃດ ພະຍາຍາມເຮັດອັນອື່ນແນ່

57. ຢ່າເວົ້າຄໍາວ່າຂໍໂທດດຸຫຼາຍ ເພາະມີອີຫຍັງດີໆຕັ້ງຫຼາຍຢ່າງໃຫ້ເຮັດແລ້ວບໍ່ຕ້ອງຕາມໄປຂໍໂທດ

58. ຕອນເຈົ້າທຸກຍາກລໍາບາກເຈົ້າຄິດຮອດໃຜ ເຈົ້າຢາກໃຫ້ໃຜຊ່ວຍເຫຼືອ?

59. ຕອນນີ້ເຈົ້າກໍາລັງສະບາຍຢູ່ ແລ້ວຄົນທີ່ເຈົ້າຂໍຄວາມຊ່ວຍເຫຼືອຈາກເຂົາເດ ໝົດປະໂຫຍດແລ້ວບໍ?

60. ເຮັດຫຍັງກໍ່ໄດ້ໃຫ້ຕົນເອງມີຄວາມສຸກ ແຕ່ບໍ່ແມ່ນຢູ່ເທິງຄວາມທຸກຂອງຄົນອື່ນ

61. ຕອນນ້ີເຈົ້າກໍາລັງອ່ານປະໂຫຍກນີ້ ແລະ ຈົ່ງຈໍາໄວ້ວ່າເຈົ້າເປັນຄົນ ແລະ ຍັງມີຊີວິດຢູ່

62. ແມ່ນໃຜເປັນຄົນເຮັດໃຫ້ເຈົ້າມີຊີວິດ ຕອບແທນເຂົາແລ້ວຫຼືຍັງ

63.ບໍ່ຕ້ອງລໍຖ້າຮອດວັນພິເສດໃດໆພຽງແຕ່ເຂົ້າໄປບອກຄໍາວ່າຮັກກໍ່ພຽງພໍແລ້ວ

64. ຢ່າຖ້າໃຫ້ຮອດວັນເກີດໝູ່ ແລ້ວຈຶ່ງລົມກັນຫຼືໃຫ້ຂອງຂວັນ

65. ບໍ່ມີກົດໝາຍໃດຫ້າມບໍ່ໃຫ້ຂອງຂວັນໃນວັນທໍາມະດາ

66. ຖ້າເປັນເຈົ້າ ຢູ່ດີໆໝູ່ເອົາເຂົ້າໜົມມາໃຫ້ຈະຮູ້ສຶກດີບໍ ຫຼື ຈະເບິ່ງທີ່ລາຄາເຂົ້າໜົມນັ້ນ

67. ເຫຼົ້າເຮັດໃຫ້ເຈົ້າລືມໄດ້ແຕ່ຕອນເມົາແຕ່ເພື່ອນເຮັດໃຫ້ເຈົ້າລືມເລື່ອງບໍ່ດີໄດ້ຕະຫຼອດຊີວິດ

68.ຢ່າຄິດວ່າຕົນເອງເປັນຄົນໂຊກຮ້າຍທີ່ສຸດແລະຢ່າຄິດວ່າຕົນເອງເປັນຄົນໂຊກດີທີ່ສຸດ

69.ຢ່າເວົ້າວ່າເພິ່ນບໍ່ມາເປັນເຮົາບໍ່ຮູ້ດອກຖ້າເປັນແນວນັ້ນເຈົ້າກໍ່ບໍ່ຮູ້ເລື່ອງຂອງເຂົາຄືກັນ

70. ຖ້າເມື່ອຍຫຼາຍກໍ່ຢຸດພັກແນ່

71. ຢ່າຄິດວ່າຄົນດີບໍ່ມີໃນສັງຄົມ ເພາະເຈົ້າກໍ່ເປັນຄົນພຽງແຕ່ເຈົ້າຍັງບໍ່ໄດ້ເຮັດອີຫຍັງເທົ່ານັ້ນ

72.ປິດສະໜາໃນເກມເຈົ້າແກ້ໄດ້ແຕ່ເປັນຫຍັງປິດສະໜາໃນຊີວິດເຈົ້າແກ້ບໍ່ໄດ້ ໃນເມື່ອບົດສະຫຼຸບມັນຢູ່ໃນໂຕເຈົ້າ

73. ເຈົ້າເບິ່ງເພັດຢູ່ຄວາມງາມພາຍໃນ ຫຼື ປ້າຍລາຄາທາງນອກ

74. ຖ້າເຈົ້າກິນອາຫານເຫຼືອ ລອງຄຶດເຖິງເດັກນ້ອຍທີ່ບໍ່ມີຫຍັງກິນແດ່

75. ມີເລື່ອງຫຼາຍເລື່ອງທີ່ບໍ່ໄດ້ຂຽນໃນໜັງສືລອງຄົ້ນຄວ້າເບິ່ງແລ້ວຈະຮູ້

76.ລູກທະນູທີ່ປ່ອຍອອກຈາກໜ້າໄມ້ຍັງອັນຕະລາຍໜ້ອຍກວ່າຫອກທີ່ແທງມາຈາກທາງຫຼັງ

77. ການຖືກຫັກຫຼັງເປັນສິ່ງທີ່ເຈັບປວດ ຢ່າໃຫ້ມັນເກີດ

78. ຈະປະໃຫ້ຂີ້ລັກຂຶ້ນບ້ານແລ້ວຈຶ່ງໄປເບິ່ງປະຕູຮົ້ວບໍ?

79. ທໍາໃຈກັບສິ່ງຕ່າງໆລ່ວງໜ້າໄວ້ແດ່ກໍ່ດີ

80. ສົມມຸດຄົນທີ່ເຈົ້າຮັກຈາກເຈົ້າໄປໃນຕອນນີ້ ເຈົ້າຄິດວ່າເຈົ້າໄດ້ເຮັດຫຍັງໃຫ້ເຂົາແດ່ແລ້ວ ຫຼືວ່າບໍ່ມີເລີຍ

81. ຢ່າຕອບວ່າ ເຮັດແນວໃດກໍ່ຕອບແທນບໍ່ໝົດ ຂໍຖາມແດ່ວ່າເຮັດຄັ້ງສຸດທ້າຍຕອນໃດ?

82. ເຈົ້າທໍາໃຈໄດ້ແລ້ວບໍ ຖ້າມັນເກີດຂຶ້ນ ເຈົ້າໄປຮ້ອງໄຫ້ຂ້າງງານສົບ ແນວໃດເຂົາກໍ່ບໍ່ໄດ້ຍິນ

83. ໂຕຂອງເຈົ້າມີຄ່າຢູ່ແລ້ວ ຢູ່ທີ່ວ່າເຈົ້າຮູ້ຈັກດຶງມັນອອກມາໃຊ້ຫຼືບໍ?

84. ຮຽນເວົ້າກັບໂຕເອງແດ່ ແລ້ວເຈົ້າຈະຮູ້ວ່າມັນມີຫຍັງຕັ້ງຫຼາຍຢ່າງທີ່ເຈົ້າຍັງບໍ່ຮູ້

85. ເຈົ້າໃຊ້ຮ່າງກາຍມາຈັກປີແລ້ວ ໝັ່ນເບິ່ງແຍງມັນແດ່ ຫຼືວ່າເອົາໄວ້ໃຫ້ວິນຍານມີບ່ອນສິງສະຖິດຢູ່ຊື່ໆ

86. ການໃສ່ເສື້ອຜ້າງາມໆ ບໍ່ໄດ້ຊ່ວຍໃຫ້ຮ່າງກາຍດີຂຶ້ນດອກ ທີ່ດີຂຶ້ນເປັນບຸກຄະລິກກະພາບເທົ່ານັ້ນ

87. ຫາຄວາມສຸກຂອງໂຕເອງໃຫ້ພົບ ຮຽນມີຄວາມສຸກແນ່

88. ລອງເຮັດແບບບ້າໆບ໋ອງແດ່ກໍ່ດີຢ່າຍຶດຕິດກັບອີຫຍັງຫຼາຍເກີນໄປ

89.ສິ່ງທີ່ເຈົ້າປ່ອຍຜ່ານໆໄປໃນຊີວິດຫຼືເລື່ອງທີ່ເຈົ້າເຫັນວ່າມັນບໍ່ສໍາຄັນ ກັບມາເບິ່ງບ່ອນນັ້ນແດ່ກໍ່ດີ

90. ຢ່າໄວ້ໃຈໃຜຫຼາຍເກີນໄປ ບໍ່ໄດ້ສອນໃຫ້ລະແວງບໍ່ໄວ້ໃຈໃຜ ແຕ່ລະວັງແດ່ກໍ່ດີ

91. ຢ່າຕາມເພື່ອນທີ່ມັກກິນເຫຼົ້າ, ຫຼິ້ນໄພ້ ແລະ ມັກຫຼິນສາວ(ບ່າວ) ຫຼາຍຈົນເກີນໄປ

92. ຢາເສບຕິດທຸກຊະນິດຢ່າຄິດຈະລອງເດັດຂາດ

93. ຢ່າເຮັດຕາມໝູ່ເພາະຮ່າງກາຍເຂົາກັບເຮົາມັນຕ່າງກັນແນ່ນອນຈິດໃຈກໍ່ຕ່າງກັນ

94. ຜູ້ຊາຍຈັ່ງໃດກໍ່ເປັນຜູ້ຊາຍ ຜູ້ຍິງຈັ່ງໃດກໍ່ເປັນຜູ້ຍິງ

95. ບາງຄັ້ງກາຍຢູ່ຄົນດຽວກໍ່ບໍ່ໄດ້ເລວຮ້າຍສະເໝີໄປ

96. ບໍ່ມີມິດຖາວອນແລະສັດຕູທີ່ແທ້ຈິງ

97.ຈົ່ງເຮັດມື້ນີ້ໃຫ້ດີທີ່ສຸດ ເພື່ອຕົວເຮົາເອງ ຄົນທີ່ເຮົາຮັກ ແລະ ຄົນທີ່ຢູ່ອ້ອມຂ້າງເຮົາ

98. ຢ່າຄິດວ່າຕົນເອງຖືກຕະຫຼອດ

99. ຢ່ານ້ອຍໃຈເກີນເຫດ ເພາະອີຫຍັງທີ່ເກີນໆມັນບໍ່ຄ່ອຍຈະດີ

100.ຢ່າຄິດວ່າຕົນເອງບໍ່ມີໝູ່ ຫຼື ບໍ່ມີໃຜ ຢ່າງໜ້ອຍຖ້າເຈົ້າໄດ້ອ່ານຂໍ້ຄວາມນີ້

   ຄົນສ່ວນໄຫຍ່ມຸ່ງຫາເງິນ ທຳງານ ຈົນລືມເວລາ ທຳໃຈ  ໃນເມື່ອມີອາຣົມທີ່ມັກຫລືຊັງມາກະທົບເຂົ້າ  ໃຈຈຶ່ງໄຫວຫວັ່ນສັ່ນສະເທືອນລ່ອງລາຍໄປຕາມອາຣົມນັ້ນໆ ຢ່າງລືມຕົວ

           ຍາມໄດ້ດີມີສຸກຂ໌ກໍ່ປ່ອຍໃຈໃຫ້ປື້ມຈົນລືມເປັນລືມຕາຍ  ຍາມໂຊກຮ້າຍໄດ້ທຸກກໍ່ປ່ອຍໃຫ້ຄວາມໂສກເສົ້າເຜົາລົນ ແລະ ກົດດັນຈິຕໃຈຈົນຕ້ອງຄິດຄ່າຕົວ

ຕາຍ  ການທີ່ຊີວິຕຄົນຕ້ອງເປັນເຊັ່ນນີ້ ທັ້ງໃນອະດີດ ປັຈຈຸບັນ ຫລືໃນການອື່ນໆກໍ່ເພາະຄົນຂາດການທຳໃຈ  ໃຈຈື່ງບໍ່ໄວພໍທີ່ຈະຮູ້ເທົ່າ ຮູ້ທັນກັບເຫຕການທີ່ມາ

ກະທົບ  

ຕໍ່ເມື່ອໄດ້ຝຶກ ທຳໃຈ ເອົາໄວ້ແດ່ ໃຈດວງນ້ອຍໆໃນຕົວນີ້ແຫລະຄ່ອຍໆພັດທະນາຈົນກາຍເປັນໃຈທີ່ມີຄຸນນະພາບ ຊື່ງຈະມີລັກສະນະປາກົດໃຫ້ເຫັນ 3 ປະການຄື:

      1. ຫນັກແນ່ນ ເຂັ້ມແຂງ ມັ່ນຄົງ (ສະມາຫິໂຕ)

      2. ສະອາດ ບໍຣິສຸທ (ປະຣິສຸທໂທ)

      3. ໄວຕໍ່ງານ ຫລື ຕໍ່ອາຣົມທີ່ມາກະທົບ (ກັມມະນິໂຍ)

      ຖ້າທ່ານຜູ້ໃດທຳໃຈໃຫ້ມີຄຸນລັກສະນະທັ້ງ 3 ປະການດັ່ງກ່າວມານັ້ນທ່ານຜູ້ນັ້ນກໍ່ເຫມືອນມີແກ້ວສາຣະພັດນຶກຢູ່ໃນຕົວ ເພາະ ໃຈ ທີ່ມີຄຸນລັກສະນະເຊັ່ນ

ນັ້ນ ຊຶ່ງຫາໄດ້ຍາກແສນຍາກໃນຄົນທົ່ວໄປ  ຍ່ອມເປັນໃຈທີ່ມີ ຣິດ ພ້ອມຈະນຳຊີວິຕກ້າວຂື້ນສູ່ຄວາມສຳເຣັດອັນຍິ່ງໃຫຍ່ໄດ້ເກືອບທຸກທາງ ຈົ່ງຢ່າລືມວ່າ

!ຈິຕເຕນະ ນິຍະຕິ ໂລໂກ !  ໂລກຄືຊີວິຕອັນຈິຕເປັນຕົວກຳຫນົດ ແລະ ເປັນຕົວນຳໄປ

        ອະດີດ ຄື ຄວາມຝັນ,  ປັຈຈຸບັນ ຄື ຄວາມຈິງ,  ອະນາຄົດເປັນສິ່ງບໍ່ແນ່ນອນ ຢ່າຈັບໃຫ້ມັ້ນ ຢ່າຄັ້ນໃຫ້ຕາຍ  ຖ້າຜິດຫວັງຈະເສັຍໃຈ!

ພຣະປາງຖວາຍເນຕ  ສຳຫລັບຜູ້ເກີດວັນອາທິຕ

      ປະຫວັດຫຍໍ້   ເມື່ອພຣະພຸທອົງຄ໌ໄດ້ຕັດສຣູ້ແລ້ວ ຈຶ່ງປະທັບຢັບຢັ້ງສະເຫີວຍວິມຸຕຕິສຸກຢູ່ໄຕ້ຮົ່ມໂພ ເປັນເວລາ 7 ວັນ ຈາກນັ້ນຈຶ່ງສະເດັດອອກຈາກພາຍ

ໄຕ້ຮົ່ມໂພໄປປະທັບຢືນຢູ່ທາງທິຕຕາເວັນອອກສຽງເຫືນອ  (ທິດອິສານ)  ທອດພຣະເນຕຕົ້ນມະຫາໂພໂດຍບໍ່ກະພິບພຣະເນຕເປັນເວລາ 7 ວັນ ເພື່ອລຳພຶງ

ເຖິງຄຸນປະໂຫຍດຂອງຕົ້ນມະຫາໂພທີ່ແຜ່ກິ່ງກ້ານປະທານຮົ່ມເງົາໃຫ້ຄວາມຊຸ່ມເຢັນເປັນການອຳນວຍຊ່ວຍພຣະອົງຄ໌ຈົນໄດ້ຕັດສຮູ້ເປັນພຣະພຸທເຈົ້າ.

                 ບົດສູດບູຊາພຣະປະຈຳວັນເກີດ

          ອຸເທຕະຍັນຈັກຂຸມາ  ເອກະຣາຊາ  ຫະຣິສສະວັນໂນ ປະຖະວິບປະພາໂສ ຕັງ ຕັງ ນະມັສສາມິ ຫະຣິສສະວັນນັງ  ປະຖະວິບປະພາສັງ ຕະຍັສຊະຄຸຕຕາ ວິ

ຫະເຣມຸທິວະສັງ ເຍ ພົຣມມະນາ ເວທະຄຸ ສັພພະ ທັມເມ ເຕ ເມ ນະໂມ ເຕ ຈະ ມັງ ປາລະຍັນຕຸ ນະມັດຖຸ ພຸທທານັງ ນະມັຕຖຸ ໂພທິຍາ ນະໂມ ວິມຸຕຕານັງ ນະ

ໂມ ວິມຸຕຕິຍາ ອິມັງ ໂສ ປະຣິຕຕັງ ກັຕຕວາ ໂມໂຣ ຈະຣະຕິ ເອສະນາ.ຯ       (ສູດກາງວັນ 6 ຈົບ)...!,

     ສູດວັນລະ 6 ຈົບ ຈະມີຄວາມຈະເຣີນຮຸ່ງເຮືອງ ແລະ ຄວາມສຸກສວັດດີຕລອດກາລ  ຜູ້ທີ່ເກີດວັນອາທິຕ ຈົ່ງໃຊ້ສີທີ່ເປັນມຸງຄຸນສຳຫລັບເປັນເຄື່ອງນຸ່ງຫົ່ມ

ປະດັບບ້ານເຮືອນ ຫລື ເຄື່ອງປະດັບຕົວ.

                                                            ::::::::::::::::::::::::::::::::::::::::::::::::::::

                             ພຣະປາງຫ້າມຍາຕ ສຳຫລັບຜູ້ເກີດວັນຈັນ

    ປະຫວັດຫຍໍ້:  ຄັ້ງຫນຶ່ງໄດ້ເກີດໂຣກລະບາດຄັ້ງໃຫຍ່ຂື້ນໃນເມືອງໄພສາລີ ມີປະຊາຊົນລົ້ມຕາຍເປັນຈຳນວນມາກ ກະສັຕລິຈສະຫວີເຈົ້າຜູ້ຄອງເມືອງຈຶ່ງກາບ

ທູນອະຣາທນາພຣະພຸທອົງຄ໌ ໃຫ້ສະເດັດມາໂຜດຊາວເມືອງ ພຣະພຸທອົງຄ໌ຊົງຮັບສັ່ງໃຫ້ພຣະອານົນຈະເຣີນຣັຕຕະນະສູຕ ແລະ ວິດນ້ຳພຣະພຸທມົນຕ໌ອ້ອມຮອບ

ພຣະນະຄອນ ຈົນຕໍ່ມາພາຍຫລັງໂຣກຮ້າຍກໍ່ໄດ້ຫາຍສິ້ນໄປຈາກພຣະນະຄອນດ້ວຍພຸທທານຸພາບ...

  ບົດສູດບູຊາພຣະປະຈຳວັນເກີດ  (ວັນຈັນ )

   ຍັນທູນນິມິຕຕັງ  ອະວະມັງຄະລັນຈະ  ໂຍ ຈາມະນາໂປ  ສະກຸນັສສະ ສັທໂທ ປາປັກຄະໂຫ ທຸສສຸປິນັງ ອະກັນຕັງ  ພຸທທານຸພາເວນະ  ວິນາສະເມນຕຸ

   ຍັນທູນນິມິຕຕັງ  ອະວະມັງຄະລັນຈະ ໂຍ  ຈາມະນາໂປ  ສະກຸນັສສະ ສັທໂທ ປາປັກຄະໂຫ ທຸສສຸປິນັງ ອະກັນຕັງ  ທັມມານຸພາເວນະ ວິນາສະເມນຕຸ

   ຍັນທູນນິມິຕຕັງ  ອະວະມັງຄະລັນຈະ ໂຍ  ຈາມະນາໂປ  ສະກຸນັສສະ ສັທໂທ ປາປັກຄະໂຫ ທຸສສຸປິນັງ ອະກັນຕັງ  ສັງຄານຸພາເວນະ  ວິນະສະເມນຕຸ.ຯ

                    ( ສູດວັນລະ 15 ຈົບ )    ສູດວັນລະ 15 ຈົບ ຈະມີຄວາມສຸກຄວາມຈະເຣີນຍິ່ງໆຂື້ນໄປ...

                        ພຣະປາງໄສຍາ (ນອນ) ຫລືປາງໂຜດອະສຸຣິນທຣາຫູ ສຳຫລັບຜູ້້ເກີດວັນອັງຄານ

      ປະຫວັດຫຍໍ້:  ໃນສມັຍຫນຶ່ງພຣະພຸທທະອົງຄ໌ປະທັບຢູ່ນະ ເຊຕະວັນ ໃນພຣະນະຄອນສາວັຕຖີ  ຄັ້ງນັ້ນອະສຸຣິນທຣາຫູຈອມອະສູຣຊຶ່ງສຳຄັນວ່າມີຮ່າງໃຫຍ່

ກວ່າພຣະພຸທເຈົ້າ  ຈຶ່ງບໍ່ຍອມສະແດງຄວາມອ່ອນນ້ອມ ພຣະພຸທເຈົ້າຊົງຫວັງຈະລົດທິຕຖິຈອມອະສູຣ ຈຶ່ງຊົງເນຣະມິຕກາຍໃຫ້ໃຫຍ່ກວ່າຈອມອະສູຣໃນທ່າປະ

ປະທັບນອນ ແລະ ສະແດງທັມໂຜດ ຈົນໃນທີ່ສຸດຈອມອະສູຣຈຶ່ງລະທິຕຖິຍອມອ່ອນນ້ອມຕໍ່ພຣະພຸທອງົຄ໌

                        ບົດສູດບູຊາພຣະປະຈຳວັນອັງຄານ

           ຍັສສານຸພາວະໂຕ  ຍັກຂາ  ເນວະ  ທັສເສນຕິ  ພິງສະນັງຍັນຫິ  ເຈວານຸຍຸນຊັນໂຕ  ຣັຕຕິນທິວະມະຕັນທິໂຕ  ສຸຂັງ  ສຸປະຕິສຸຕໂຕ  ຈະ ປາປັງ  ກິນຈິ

       ນະປັສສະຕິ  ເອວະມາທິຄຸນູເປຕັງ  ປະຣິຕຕັນຕັມພະນາມະ ເຫ.ຯ      (ສູດວັນລະ  8  ຈົບ )

                             ສູດວັນລະ  8 ຈົບ  ຈະມີຄວາມສຸກສວັດດີຕລອດກາລນານ.

                                                :::::::::::::::::::::::::::::::::::::::::::::::::::::::::::::::::::::::::::::::::::::::

                                ພຣະປາງອູ້ມບາຕ  ສຳຫລັບຜູ້ເກີດວັນພຸດ

           ປະຫວັດຫຍໍ້ :   ຄັ້ງຫນື່ງຫລັງຈາກພຣະສັມມາສັມພຸທເຈົ້າໄດ້ຊົງສະແດງທັມເວສສັນດອນຊາດົກໂຜດພຣະພຸທບິດາ ແລະ ຫມູ່ພຣະຍາຕທັ້ງຫລາຍ

ບັນດາພຣະປະຍູນລະຍາຕຕ່າງມິຄວາມແຊ່ມຊຶມໂສມມະນັດຈົນລຶມກາບທູນອາຣາທະນາພຣະພຸທອົງຄ໌ໃຫ້ມາຮັບພັຕຫານເຊົ້າໃນພຣະຣາຊວັງດັ່ງນັ້ນ  ໃນວັນ

ຮຸ່ງຂຶ້ນພຣະສັມມາສັມພຸທເຈົ້າຈຶ່ງສະເດັດອອກຮັບບິນທະບາຕຈາກປະຊາຊົນທັ່ວໄປໃນກຸງກະບິນລະພັສ.

                                                     ບົດສູດບູຊາພຣະປະຈຳວັນພຸດ

          ສັພພາສີວິສະຊາຕິນັງ  ທິພພະມັນຕາຄະທັງ ວິຍະຍັນນາເສຕິ ວິສັງ ໂຄຣັງ  ເສສັນຈາປິ  ປະຣິສສະຍັງອານັກເຂຕຕັມຫິ  ສັພພັຕຕະ ສັພພະທາ  ສັພ

ພະປານິນັງ ສັພພະໂສປິ  ນິວາເຣຕິ  ປະຣິຕຕັນຕັມ ພະນາມະ ເຫ.ຯ       (ສູດ 17 ຈົບ)       ສູດວັນລະ 17 ຈົບ  ຈະມີຄວາມສຸກສວັດດີຍິ່ງໆ ຂຶ້ນໄປ.

                                                  :::::::::::::::::::::::::::::::::::::::::::::::::::::::::::::::

 4  ຈອມມາຣ ຄື:   1. ສຸຣາ, 2. ກາມຣາຄະ, 3. ສົມບັຕ, 4. ໂມຫະ, ນີ້ຄື 4 ຈອມມາຣທີ່ເປັນອຸປະສັກຂວາງກັ້ນການບັນລຸຜົລຕ່າງໆ  ຈົ່ງຢ່າໄດ້ປະຫມາດ 4

ຈອມມາຣນີ້ ມະນຸດເຮົາມັກເຂົ້າໄກ້ ແລະ ຫລົງໄຫລທີ່ສຸດ ເພາະ 4 ຈອມມາຣນີ້ມີມົນຕ໌ຂັງແຮງຫລາຍ ສາມາດເຮັດໃຫ້ຜູ້ຄົນລຸ່ມຫລົງຈົນຖອນຕົວບໍ່ຂື້ນ ຕັ້ງແຕ່

ອະດີດຈົນເຖິງປັຈຈຸບັນ ມີບິຣະບຸຣຸສຜູ້ເກັ່ງກ້າສາມາດນັບບໍ່ຖ້ວນທີ່ຕ້ອງຕົກຢູ່ໃນອຳນາຈຂອງຈອມມາຣທັ້ງ 4 ນີ້;

   ຂໍນຳເລື່ອງຣິດເດຊອຳນາຈຂອງ 4 ຈອມມາຣມາເລົ່າໂດຍຫຍໍ້ດັ່ງຕໍ່ໄປນີ້  ເພື່ອເປັນອຸທາຫອຣ ເຕືອນສຕິເຕືອນໃຈໃຫ້ທ່ານ ແລະ ລູກໆ ຫລານໆ ທັ້ງຫລາຍໄດ້

ເນັ້ນຫນັກເຖິງມະຫັນຕະພັຍທີ່ຈະເກີດຕາມມາສູ່ຕົວທ່ານ ແລະ ລູກຫລານທັ້ງຫລາຍ ຄື້:

         1. ມາຣສຸຣາ

         ຊາວໂລກມັກເຂົ້າໃຈວ່າ  ສຸຣາຫລືເຫລົ້າທຳຈາກທັນຍະພືຊ ຄິດວ່າດື່ມແລ້ວຄົງບໍ່ເປັນຫຍັງ  ຊ້ຳຍັງອາດເປັນປະໂຫຍດຕໍ່ຮ່າງກາຍ  ມີການນຳໄປເປັນ

ເຄື່ອງເຊັ່ນໄຫ້ວເຈົ້າຜູດຜີເທວະດາ  ບາງຄົນແຍ້ງວ່າການດື່ມເຫົ້ລາເປັນການກະຕຸ້ນປະສາທ  ທຳໃຫ້ເລືອດລົມໄຫລວຽນແຮງຂື້ນ  ນີ້ເປັນເພາະບໍ່ຮູ້ທອ່ງແທ້ເຖິງ

ໂທດຂອງການດື່ມເຫົ້ລາ,

        ຜູ້ມັກດື່ມເຫົ້ລາ  ມັກເມົາເປັນປະຈຳ  ເມື່ອເຫົ້ລາອອກຣິທກໍ່ເກີດອາຣົມຂວາງ  ສະລຶມສະລື  ຄອງສະຕິບໍ່ຢູ່  ເວົ້າເອະອະໂວຍວາຍ  ຈົນເປັນເຫຕນຳໄປສູ່

ການຜິດຖຽງວິວາສກັນ  ຫລືບາງຄັ້ງໃຊອາຣົມເຫົ້ລາຖືມີດ ໄມ້ ໄປທຳຮ້າຍເຊັ່ນຄ່າຜູ້ອື່ນ  ສ້າງຄວາມເດືອດຮ້ອນແກ່ຕົນ ແລະ ຄອບຄົວກໍ່ມີບໍ່ນ້ອຍ  ດັ່ງຄຳກ່າວ

ສຸຣາສາມາດທຳໃຫ້ຄົນເສັຍສະຕິ  ໃນອາດີຕກະວີເອກ *ຫລີ່ໄປ່* ຕ້ອງຈົມນ້ຳຕາຍເພາະຫລົງໄປງົມພຣະຈັນໃນນ້ຳ ແລະ ຫລິວຖາງ ເຫຕເພາະເມົາສຸຣາ ຈຶ່ງທຳ

ໃຫ້ບ້ານເມືອງຕ້ອງລົ່ມສລາຍ  ດັ່ງທີ່ກ່າວຂ້າງຕັ້ນນີ້ ລ້ວນມີສາເຫຕມາຈາກສຸຣາທັ້ງນັ້ນ;

         2. ມາຣກາມຣາຄະ

         ກາມນັ້ນທຸກຄົນຕ່າງມັກເຂົ້າໄກ້  ແຕ່ວ່າກາມຣາຄະຮ້າຍກາດຍິ່ງກວ່າຄົມດາບ  ກາມຣາຄະສາມາດທຳລາຍຜູ້ຄົນ ຜູ້ໃດເຂົ້າໄກ້ຈະທຳໃຫ້ສູນເສັຍພະລັງ

ທຳໃຫ້ຜິດສີລທັມ  ທຳໃຫ້ອາຍຸສັ້ນເພາະກາມຣາຄະ  (ປະພຶດຜິດໃນກາມ)  ເຮັດໃຫ້ຄອບຄົວບໍ່ສງົບສຸກ ສາມີພັນຣະຍາແຕກຣ້າວ  ທພໃຫ້ເກີດການຫຶງຫວງ

ຈົນເຂັ່ນຄ່າກັນຫລືຄ່າຕົວຕາຍກໍ່ມີບໍ່ນ້ອຍ;

        ໃນອະດີຕ ເຈັຍອ໋ອງຕ້ອງຕາຍເພາະນາງເມີ່ຍຮີ່  ແລະ ໂຈອ໋ອງ ບ້ານເມືອງຕ້ອງລົ່ມສລາຍເພາະນາງຕ໋າຈີ່  ເຫົ່ລານີ້ລ້ວນເພາະກາມຣາຄະ ເປັນຕົ້ນເຫຕ.

        3. ມາຣສົມບັຕ    ບໍ່ແມ່ນວ່າດິ້ນຣົນແລ້ວຈະໄດ້ ການມີສົມບັຕມາກກໍ່ບໍ່ແມ່ນວ່າຈະໂຊກດີໃນອະດີຕ ຕອນທີ່ບ້ານເມືອງເກີດກລີຍຸກ ຄອບຄົວທີ່ຮັ່ງມີ

ມັກຖືກຄົນອິຈສາ ຈົນເກີດພັຍແກ່ຕົວເພາະມັກຖືກພວກໂຈຣຄອຍດັກປຸ້ນຈົນບາງຄັ້ງ ຖືກທຳຮ້າຍຈົນບາດເຈັບຫລືເສັຍຊີວິດກໍ່ມີ ຖ້າມີສົມບັດມາກເກັບໄວ້

ໃຫ້ລູກ ຫລານ ກໍ່ບໍ່ແນ່ວ່າລູກຫລານຈະຮັກສາໄວ້ໄດ້ສະເໝີໄປ  ຖ້າຫາກເອົາແຕ່ລຸ່ມຫລົງສຸຣານາຣີ ສິ່ງອະບາຍຍະມຸກໃຊ້ຈ່າຍຢ່າງສະຊ່າຍ ບໍ່ເຮັດວຽກເຮັດງານ

ການມີສົມບັຕມາກ   ກັບເປັນການເພາະເຊື້ອແຫ່ງການຫາຍຍະນະ  ຫລືອາດເປັນຫົນທາງແຫ່ງພັຍພິບັຕໄດ້  ຂໍແຕ່ພຽງໃຫາເປັນຄົນຊື່ ມີຄຸນນະທັມ ບໍ່ດິ້ນຮົນ

ສະແຫວງຫາຈົນເກີນໄປ....!

        ຫລູກຫລານຍ່ອມມີບຸນວາສນາຂອງເຂົາເອງ  ບໍ່ຈຳຕ້ອງເປັນງົວ   ຄວາຍເພື່ອລູກຫລາານ ປົກກະຕິໃຫ້ຮູ້ຈັກປະຫຍັດພໍຢູ່ໄປໄດ້ກໍ່ພໍ ຈົ່ງຈຳໄວ້ວ່າພໍມັຈຈຸ

ຣາຊມາຫາເມື່ອໃດ,ເຖິງມີຊັພສົມບັດມາກມາຍພຽງໃດກໍ່ບໍ່ອາດພາໄປນຳໄດ້ແມ້ແຕ່ນ້ອຍ ມາແຕ່ໂຕກໍ່ກັບໄປແຕ່ໂຕ  ຢ່າມຸ່ງຫວັງໃນຊັພອັນບໍ່ຊອບທັມ ຄວນຖື

ວ່າຊັພສົມບັຕເປັນຂອງນອກກາຍ ແລ້ວກໍ່ຈະບໍ່ຖືກ ມາຣສົມບັຕຮ້ອຍຮັດຈົນເກີດຄວາມທຸກຂ໌....!

         4. ມາຣ ໂມຫະ

         ຈິຕອາຣົມຂອງຄົນຄວນຮັກສາໄວ້ໃຫ້ດີ  ໃຫ້ຮູ້ວ່າຍາມອາຣົມສງົບຣະບົບໄຫລວຽນຂອງໂລຫິຕກໍ່ຈະເປັນໄປຕາມປົກກະຕິ  ຍາມອາຣົມເສັຍຣະບົບໄຫລ

ວຽນຂອງໂລຫິຕກໍ່ຈະຜິດປົກກະຕິ  ອາຣົມເປັນຫນຶ່ງໃນສາມສຶ່ງປະເສີດ (ສະຕິ   ລົມປ່ານ   ພຣົມມະຈັນຍ໌)  ຂອງມະນຸດຍ໌  ຖ້າຜິດຈາກນີ້ແມ້ແຕ່ນ້ອຍ ກໍ່ຈະ

ສູນເສັຍພລັງເດີມ  ຜູ້ຄົນມັກມີຄວາມບໍ່ມີສງົບສຸກຂ໌ ເນື່ອງຈາກບໍ່ມີການຮັກສາອາຣົມ,  ເຮັດໃຫ້ເກີດ  ໂມຫະ  ຄື  ທາຕໄຟ  ເປັນອັນຕະລາຍຕໍ່ຕັບ ແລະ ອະ

ວັຍຍະວະຕ່າງໆ  ຂອງຮ່າງກາຍ  ເປັນສາເຫຕຂອງການເຈັບປ່ວຍ ແລະ ອາຍຸສັ້ນ

         ລອງຢ້ອນຄືນເບິ່ງຄົນທີ່ໄດ້ຮັບຄວາມເດືອດຮ້ອນເພາະສາເຫຕບໍ່ສາມາດຣະງັບໂມຫະຊົ່ວຄະນະ  ຈົນເຮັດໃຫ້ເກີດການຣບຂື້ນ ເພາະໂມຫະ ເຮັດໃຫ້ເກີດ

ການລົ້ມຕາຍ ແລະ ເມື່ອມີໂມຫະສຸດຂີດຈົນຄ່າຕົວຕາຍ  ຫລືໂມຫະເປັນເຫຕພາໃຫ້ຜົວເມັຍແຕກແຍກ  ແລະ ໂມຫະຕົວນີ້ສາມາດເຮັດໃຫ້ພີ່ນ້ອງເກີດການວິ

ວາດບບາດຫມາງກັນ  ດ້ວຍເຫຕນີ້ມາຣໂມຫະຈື່ງເປັນອັນຕລາຍຕໍ່ຄົນບໍ່ນ້ອຍເລີຍທີ່ດຽວ

               ສຸຣາ  ກາມຣາຄະ  ສົມບັຕ  ໂມຫະ  ດ່ານທັ້ງ 4  ນີ້  ຜູ້ບຳເພັນທັມ ຈະຕ້ອງຜ່ານ (ປົງ)  ໃຫ້ໄດ້  ຢ່າໃຫ້ຖືກຄອບງຳໂດຍເຫົ່ລາຈອມມາຣ ດັ່ງກ່າວຂ້າງຕົ້ນນັ້ນ  ມັນຈຶ່ງຈະເຖິງແກ່ນທັມ

ໂດຍງ່າຍ            4  ຈອມມາຣມີຄວາມຮ້າຍກາຈເຊັ່ນນີ້  ນັກປະຕິບັຕຈຶ່ງບໍ່ຄວນປະຫມາດ ຖ້າເຜີມື້ໃດຈະຕ້ອງຖືກຈູ່ໂຈມທັນທີ  ຂໍໃຫ້ຈົ່ງສັງວອນເອົາໄວ້ເດີ່ທ່ານທັງຫລາຍເອີ່ຍ...! ຈົບ  4 ຈອມ

ມາຣພຽງເທົ່ານີ້ທ່ານເອີຍ.!

ຊາວໂລກຮູ້ຈັກແຕ່ທຳການຄ້າ  ເພື່ອເພີ່ມຊັພສົມບັຕເກັບໄວ້ໃຫ້ບຸຕຫລານບໍ່ຮູ້ຈັກສ້າງສົມບຸນປາຣະມີ ເພື່ອໃຫ້ຄວາມຮົ່ມ

ເຢັນເປັນສຸກຂ໌ ແກ່ລູກຫລານ  ຊັພສົມບັຕເປັນຮູບປະທັມທີ່ມອງເຫັນ  ບຸນກຸສົລເປັນອະຣິຍະຊັພທີ່ມອງບໍ່ເຫັນ ການເກັບ

ຊັພສົມບັຕໄວ້ໃຫ້ລູກຫລານ ກໍ່ບໍ່ແນ່ວ່າລູກຫລານຈະສາມາດຮັກສາໄວ້ໄດ້  ຖ້າຫາກວ່າລູກຫລານອະກະຕັນຍູ ບໍ່ສືບທອດ

ເຈຕນາຣົມ ຮູ້ແຕ່ໃຊ້ຮູ້ແຕ່ຜານ ບໍ່ຍອມປະກອບອາຊີບ ການເກັບສົມບັຕໃຫ້ລູກຫລານມາກເກີນໄປ  ກັບກາຍຈະເປັນໂທດ

ໃຫ້ແກ່ລູກຫລານ  * ພາສິດກ່າວວ່າ*  ສອນລູກຫນຶ່ງວິຊາ ດີກວ່າໃຫ້ທອງຄຳພັນຕຳລຶງແກ່ລູກຫລານ  ຊຶ່ງເປັນການເຕືອນ

ໃຈພວກປູ່ໂສມເຝົ້າຊັພ.

       ການສ້າງກຸສົລເພື່ອໃຫ້ລູກຫລານຈະເຣີນ ເປັນອະຣິຍະຊັພທີ່ມອງບໍ່ເຫັນ ຜູ້ທີ່ສ້າງສົມບຸນກຸສົລຍ່ອມໄດ້ລູກຫລານທີ່

ດີ  ສລາດ  ແລະກະຕັນຍູ ເປັນກຽດແກ່ວົງຕະກູລ  *ພາສິດກ່າວວ່າ*  ລູກຫລານມີບຸນວາສນາຂອງເຂົາເອງ  ຍ່າເປັນງົວ

ຄວາຍໃຫ້ລູກຫລານ  ດັ່ງນັ້ນຈົ່ງໃຫ້ຄວາມສຳຄັນແກ່ອະຣິຍະຊັພທີ່ເປັນນາມມະທັມ ຄື ບຸນກຸສົລ

       ຫນຶ່ງການທຳບຸນສ້າງກຸສົລ ຈົ່ງຈຳໄວ້ວ່າປັຈໃຈເງິນທອງ ຫລືສິ່ງຂອງ ທີ່ບໍຣິຈາກຈະຕ້ອງໄດ້ມາຢ່າງບໍຣິສຸທ ຖືກຕ້ອງ ບໍ່

ເປັນເງິນທີ່ໄດ້ມາໂດຍການປະກອບອາຊີບທີ່ຕ້ອງຫ້າມດັ່ງນີ້

                 1. ຄ້າຂາຍມະນຸດ                 

                2. ຄ້າຂາຍສັດທີ່ມີຊີວິຕ

                3. ຄ້າຂາຍອາວຸທ ເຄື່ອງມືຄ່າ ປະຫັດປະຫານ

                4. ຄ້າຂາຍຢາພິດ

                5. ຄ້າຂາຍຢາເສພຕິດ ຂອງມືນເມົາອັນທຳລາຍສະຕິ ແລະ ຊີວິຕ

             * ມິຈສາວະນິຊຊາ*  ການຄ້າຂາຍ 5  ຢ່າງນີ້ພຣະພຸທອົງຄ໌ຊົງບັນຍັຕ ບໍ່ໃຫ້ອຸບາສົກ,ອຸບາສິກາ,ກະທຳໂດຍເດັດຂາດ.

ຊາວໂລກມັກສ້າງເວຣກັມໂດຍບໍ່ຮູ້ຕົວ  ດັ່ງນັ້ນຖ້າຈະຫລີກລ່ຽງຈາກເວຣກັມກໍ່ຈົ່ງຢ່າກໍ່ເວຣສ້າງກັມ  ຫລືບຽດບຽນຄິດທຳຮ້າຍຜູ້ອື່ນບໍ່ຫາເລື່ອງຫາລາວຫລືປັ້ນ

ນ້ຳໃຫ້ເປັນຕົວວິພາກວິຈານ ນິນທາວ່າຮ້າຍຜູ້ອື່ນ ຮູ້ຈັກໃຫ້ອະພັຍ ອົດກັ້ນອົດທົນອ່ອນນ້ອມຖ່ອມຕົນ ກໍ່ຈັກບໍ່ມີເວຣກັມຕໍ່ກັນ,

ຫລືຖ້າຫາກມີຫນີ້ກັມທີ່ສ້າງຈາກຊາຕປາງກ່ອນ  ຕົກທອດເຖິງຊາດນີ້ເຈົ້າກັມນາຍເວຣກໍ່ຍ່ອມຈະມາທວງຄືນ  ດັ່ງນັ້ນ ຜູ້ມີຫນີ້ກັມຖ້າບໍ່ຖືກໂລກພັຍບຽດບຽນ

ກໍ່ມັກບໍ່ປະສົບຄວາມສຳເຣັຈໃນອາຊີບການງານ,ຊີວິຕມີແຕ່ບັນຫາອຸປະສັກນານາ  ຫລືບໍ່ກໍ່ປະສົບອຸປະຕິເຫຕບາດເຈັບ ຫລືເສັຍຊັພເປັນຕົ້ນ

    ຖ້າຈະແກ້ເວຣກັມຂອງຊາຕກ່ອນ  ກໍ່ຈົ່ງຢ່າໄດ້ໂທດຟ້າໂທດດິນຢ່າໃຈຄັບແຄບຕະຫນີ່ຖີ່ຫນຽວ ຕັ້ງຫນ້າຕັ້ງຕາທຳຄວາມດີຫມັ່ນສ້າງບຸນກຸສົລ  ບໍ່ຂ້າສັດຕັດ

ຊີວິຕ ເພື່ອເອົາກຸສົລນີ້ໄປໄຖ່ບາບ ຈຶ່ງຈະສາມາດແກ້ເວຣກັມ (ສະເດາະເຄາະ) ໄດ້ ພາສິດວ່າ *ເວຣຈົ່ງແກ້  ແຕ່ຢ່າກໍ່ * ເມື່ອເຮົາສ້າງກັມໃດກັມນັ້ນຈັກເປັນເງົາ

ຕາມຕົວ  ແມ້ຈະໄປວອນພຣະເຈົ້າ ກັມນັ້ນກໍ່ບໍອາດແກ້ໄດ້  ມີແຕ່ການທຳຄວາມດີ  ສ້າງກຸສົລເທົ່ານັ້ນ ເຊັ່ນ: ພິມຫນັງສືໄຫ້ວພຣະ ສວດມົນຕ໌ ຫນັງສືທັມມະ

ແຈກ ບັນຍາຍທັມ ຊີ້ນຳໃຫ້ຄົນລະຊົ່ວທຳດີ  ຜົນບຸນເຫົ່ລານັ້ນແຮງຫລາຍ  ເບື້ອງບົນຈຶ່ງຈະສາມາດອານຸຍາດໃຫ້ນຳບຸນນີ້ມາລົບລ້າງເວຣກັມ  ເມື່ອນັ້ນຫນີ້ກັມ

ຕ່າງໆ ກໍ່ຈັກຄ່ອຍໆ ຫມົດໄປ ທ່ານເອີຍ....!

ສະບາຍດີທຸກໆທ່ານ ທີ່ມີຄວາມຄິດ ແລະ ຄວາມອ່ານບໍ່ຄືກັນ ແລະ ມູມມອງກໍ່ແຕກຕ່າງກັນໄປ ຊ່ວຍພິຈາຣະນາ ແລະ ເປັນຂໍ້ສັງເກດ

ຊ່ວຍກັນ ວ່າ ການຄົບກັບຄົນພານນີ້ມີ້ເຫດການຫຍັງແດ່ ທີ່ພາໃຫ້ພວກເຮົາໄດ້ຄິດໄດ້ອ່ານໃນການຄົບຫາ

ບາງທີກໍ່ຫລີກລ່ຽງບໍ່ໄດ້ໃນການຄົບຫາ ທຸກໆທ່ານຜູ້ທີ່ມີປັນຍາ ອັນສຫລາດຫລັກແຫລມ ຈົ່ງຊ່ວຍກັນວິຈານ ແລະ ປັບປຸງແລະແກ້ໄຂ

ເລື່ອງນີ້ໃຫ້ດີຂື້ນ    ແຕ່ທີ່ສຳຄັນກໍ່ຄື: ໃນເມີ່ອຄົບຫາ ແລ້ວ ກໍ່ພະຍາຍາມຢ່າເກັບເອົາສິ່ງທີ່ມັນບໍ່ດີ ມາເປັນຫົນທາງ ຫລືບັນໄດ ທຽວໄຕ່

ເລື່ອງທີ່ບູຮານເພື່ນກ່າວໄວ້ວ່າ, ຄົບຄົນພານ ພານໄປຫາຜິດ ຄົບກັບບັນດິດ ບັນດິດພາໄປຫາຜົນ ໃນທີ່ນີ້

ຈະຂໍກ່າວເລື່ອງຂອງຄົນພານໃນທາງແນວຄິດຂອງຂ້ອຍເອງ ໃນເມື່ອເຮົາຫລົງເຂົ້າໄປໃນແວດວົງຂອງຄົນພານແລ້ວ

ແນ່ນອນຕ້ອງຫລີກລ່ຽງບໍ່ໄດ້ຢູ່ແລ້ວເລື່ອງທີ່ບໍ່ດີຕ່າງໆມັນກໍ່ຈະມາຮຸ້ມຫໍ່ ໃນຫົນທາງຊີວິຕຂອງເຮົາເອງ ເຊັ່ນ: ການບໍ່ເຄີຍເຮັດຜິດກໍ່ໄດ້ເຮັດ

ເລື່ອງບໍ່ເຄີຍເສບກິນເຫລົ້າເມົາກັນຊາຢາບ້າຢາອີ ກໍ່ເຄີຍ ເລື່ອງລາວຂອງຊີວິຕທີ່ມີແຕ່ດີ ກໍ່ເລີຍຫາຍໄປທຸກຢ່າງ, ມີຄວາມບໍ່ດີມາແທນທີ່

ນັ້ນໄດ້ມາຈາກໃສລ່ະ ກໍ່ໄດ້ມາຈາກຄົນທີ່ເຮົາຄົບຫາ ອົບລົມບົ່ມສອນມາໃຫ້ເຮັດໃຫ້ກະທຳ ວັນລະເລັກວັນລະນ້ອຍ

ຖ້າປະຕິເສດມັນກໍ່ດ່າມັນກໍ່ວ່າບໍ່ເທ່ບໍ່ເກັ່ງບໍ່ທັນສມັຍ ໃນສາຍຕາຂອງຄົນພານນັ້ນເອງ ແລ້ວຜູ້ທີ່ຖືກດ່າຖຶກທ້າທາຍວ່າຖ້າບໍ່ເຮັດຖືວ່າບໍ່ແນ່

ໄປກິນນົມແມ່ຢູ່ບ້ານໄປ໋ ໃນລັກຊະນະນີ້ ບ່ອນໃດງຽບສງົບເຂົາກໍ່ໄປເຮັດໃຫ້ວຸ່ນວາຍ

ບ່ອນໃດເຂົາເສວະນາກັນເລື່ອງຄວາມດີ່ເຂົາກໍ່ໄປເປ່ເພໃຫ້ເກີດມີຄວາມອາລະວາດຜິດຖຽງກັນ

ຄວາມເວົ້າຄວາມຈາຂອງເຂົາກໍ່ຫຍາບຊ້າບໍ່ມີຄຳໃດທີ່ຈະຫມ່ອນຫູເລີຍ, ເຫັນຜູ້ຫລັກຜູ້ໃຫຍ່ກໍ່ບໍ່ເຄົາຣົບຢຳເກງ

ໄປບ່ອນໃດສ້າງແຕ່ຄວາມແຕກແຍກ ເອົາແຕ່ໃຈຕົວເອງ ແລະ ເອົາໃຈຫມູ່ທີ່ເປັນຄົນພານຫລືຫົວຫນ້າ

ຖ້າເຮັດໄດ້ກໍ່ສັນລະເສີນເຍີນຍໍກັນສົ່ງເສີມໃຫ້ໄດ້ເດີ້ມຂື້ນໄປຕື່ມອີກ,ເປັນໄປແບບນີ້ ຖ້າວ່າເກີດເຫດການແບບນີ້ເຂດໃດ ຍ່ານໃດ

ແຖວໃດກໍ່ເປັນອັນວ່າສັບສົນວຸ່ນາວຍກັນໄປຫມົດ ຈັບກຸ່ມເປັນແກ້ງຂ້າຕີກັນ

ຈັບກຸ່ມແຂ່ງລົດຈັກກັນໃນຖະຫນົນຫົນທາງສ້າງຄວາມປວດຫົວໃຫ້ເຈົ້າຫນ້າທີ່ບ້ານເມືອງ

ບໍ່ຄິດວ່າຄວາມຮູ້ສຶກຂອງສັງຄົມທີ່ດີນັ້ນເປັນຈັ່ງໃດ ທີ່ແນ່ໆຄືຄວາມຮູ້ສຶກຂອງຜູ້ປົກຄອງ ຫລືພໍ່ແມ່ທີ່ຢູ່ເບື້ອງຫລັງຈະເປັນແນວໃດ

ພໍພຽງແຕ່ສະຫນອງຄວາມສນຸກຄວາມຕ້ອງການອັນບໍ່ດີຂອງຕົນ ທຳໃຫ້ ຊີວິຕຂອງຕົວເອງ

ຕ່ຳຊ້າລົງໄປເລື່ອຍຈົນຮອດບ່ອນວ່າໄນບາງລາຍໄປບໍ່ກັບກໍ່ມີ

ຍ້ອນວ່າເຫັນຫມູ່ເຫັນເພື່ອນທີ່ເປັນຄົນພານນັ້ນດີ່ກວ່າທຸກຢ່າງຈຶ່ງມີຊີວິຕຕາມມາເຖິງຈຸດຈົບຄືຮຽກຄືນມາບໍ່ໄດ້ອີກແລ້ວ ເຮົາທ່ານ ແລະ

ຫມູ່ເພື່ອນທັງຫລາຍຄວນເອົາໃຈໃສ່ ແລະ ພິຈາຣະນາເລື່ອງນີ້ນຳກັນ ຄື

ຫມາຍຄວາມວ່າດູແລຮັກສາເບິ່ງແຍງຊ່ວຍກັນທຸກໆດ້ານຕັ້ງແຕ່ພື້ນຖານພຸ້ນຂື້ນມາ

ແບບວ່າຕັດໄຟແຕ່ຕົ້ນລົມບໍ່ທັນໃຫ້ຮາກມັນຢັ່ງລົງເຖິງດິນ ໃນມູມມອງຂອງເຮົາເອງເປັນແບບນີ້ລະ ເອົາລະ

ໂອກາດຫນ້າພໍ້ກັນໃຫມ່ຖ້າທ່ານມີເລື່ອງໃດດີໆກໍ່ນຳລົງໄດອາຣີໄດ້ນະເພື່ອສົ່ງເສີມສ້າງສັງຄົມລາວເຮົາໃຫ້ມັນມີແຕ່ສິ່ງທີ່ດີໆກ້າວຫນ້າເລື່ອຍຢ່າໃຫ້ມັນຢຸດຢັ້ງ

ຂໍຂອບໃຈ ພົບກັນໂອກາດຕໍ່ໄປ ບາຍໆ,.,.!