ພັນລາວ.ຄອມ
ຊອກຫາ:
ຊອກຫາແບບລະອຽດ
ຂຽນເມື່ອ ຂຽນເມື່ອ: ກ.ພ.. 25, 2009 | ມີ 9 ຄຳເຫັນ ແລະ 0 trackback(s)

 ນັກວິໄຈໄດ້ເຕືອນເຖິງບັນດາຜູ້ຊາຍອາຍຸສູງໃຫ້ລະວັງການເສຍຊີວິດ ເພາະການກິນໄຂ່ອາທິດລະ 7 ໜ່ວຍ ຫລື ຫລາຍກວ່ານັ້ນ ເຊິ່ງເຮັດໃຫ້ ມີໂອກາດເສຍຊີວິດດ້ວຍສາເຫດຕ່າງໆ ເຖິງ 23% ແຕ່ສຳຫລັບຜູ້ຊາຍທີ່ເປັນໂລກເບົາຫວານນັ້ນ ການກິນໄຂ່ບໍ່ວ່າຈະຈັກໜ່ວຍກໍ່ເພີ່ມຄວາມສ່ຽງທີ່ຈະເສຍຊີວິດໃນທຸກສາເຫດໃນລະຍະຫລັງໄດ້ມີການເວົ້າໂຈດກັນວ່າການ ກິນໄຂ່ຫລາຍໜ້ອຍພຽງໃດ ກໍ່ຖືວ່າບໍ່ເປັນອັນຕະລາຍ ຈົນໄດ້ມີຜົນການວິໄຈຂັດແຍ້ງກັນຫລາຍອັນ ທີ່ໃຫ້ທັງຄຸນ ແລະໂທດຈາກການກິນໄຂ່ ເຊິ່ງເປັນອາຫານທີ່ມີຄໍເລສເຕີຣອລສູງ ປະມານ 220 ມິລິກັມ ຊຶ່ງອາດເຮັດໃຫ້ມີ ຄໍເລສເຕີຣອລ ສູງໃນເລືອດ ແລະ ສ່ຽງຕໍ່ການເປັນໂລກຫົວໃຈຜູ້ຊ່ຽວຊານຫລາຍທ່ານໄດ້ເວົ້າວ່າ: ໄດ້ມີການຂະຫຍາຍເລື່ອງຄວາມສ່ຽງເຫລົ່ານີ້ຫລາຍເກີນຄວາມເປັນຈິງ ເພາະຄົນທີ່ມີສຸຂະພາບດີ ເກືອບທຸກຄົນ ສາມາດກຳຈັດທາດຄໍເລສເຕີຣອລຈາກອາຫານໄດ້ເອງຕາມທຳມະຊາດຢູ່ແລ້ວ ແຕ່ຢ່າງໃດກໍ່ຕາມ ດຣ. ລຸກ ຈູສ ແລະ ດຣ. ເຈ ໄມເຄິລ ກາເຊຍໂນ ຈາກໂຮງໝໍຍິງບຣິກແຣມ ແລະ ຄະນະແພດສາດ ມະຫາວິທະຍາໄລຮາຣ໌ວາດ ໄດ້ວິເຄາະຜົນການສຶກສາທາງການແພດ ຈາກຜູ້ຊາຍ ຈຳນວນ 21,327 ຄົນ ເປັນເວລາ 20 ປີ ແລະ ພົບວ່າປະລິມານການກິນໄຂ່ແມ່ນມີຜົນຕໍ່ ສຸຂະພາບທີ່ດີໄດ້.

ຄະນະນັກວິໄຈກ່າວໃນລາຍງານວ່າ: ການກິນໄຂ່ອາທິດລະ 6 ໜ່ວຍ ບໍ່ໄດ້ເພີ່ມຄວາມສ່ຽງຕໍ່ການເສຍຊີວິດດ້ວຍໂລກໃດໆ ແຕ່ການກິນໄຂ່ອາທິດລະ 7 ໜ່ວຍ ຫລື ຫລາຍກວ່ານັ້ນ ຈະເຮັດໃຫ້ມີໂອກາດເສຍຊີວິດເພີ່ມຂື້ນ ເຖິງ 23%
ຢ່າງໃດກໍ່ຕາມ ໃນກຸ່ມຜູ້ຊາຍທີ່ເປັນໂລກເບົາຫວານ ການກິນໄຂ່ຈະເພີ່ມໂອກາດເສຍຊີວິດໄດ້ທຸກສາເຫດ ແລະ ມີແນວໂນ້ມທີ່ຈະເຮັດໃຫ້ ເປັນໂລກຫົວໃຈ ແລະ ໂລກເສັ້ນເລືອດສະໝອງ, ນັກວິໄຈໄດ້ເນັ້ນວ່າ: ຜົນການສຶກສານີ້ບໍ່ໄດ້ໝາຍເຖິງປະຊາກອນທົ່ວໄປ ເພາະນັກວິໄຈ ບໍ່ຮູ້ວ່າ ພວກຄົນເຫລົ່ານັ້ນໄດ້ກິນອາຫານປະເພດໃດແດ່ ແລະ ມີວິທີການປຸງໄຂ່ແນວໃດຕາມຂໍ້ມູນ ຜູ້ຊາຍກຸ່ມທີ່ກິນໄຂ່ຫລາຍທີ່ສຸດມັກຈະເປັນພວກທີ່ມີອາຍຸຫລາຍ, ຕຸ້ຍ, ດື່ມແອລກໍຮໍ, ສູບຢາ ແລະ ຂາດການກຳລັງກາຍ, ປັດໄຈ ເຫລົ່ານີ້ລ້ວນເພີ່ມໂອກາດສ່ຽງຕໍ່ອາການຫົວໃຈວາຍ ແລະ ເສຍຊີວິດຕໍ່ຜົນວິໄຈດັ່ງກ່າວ, ນັກໂພຊະນາການ ວິຕໍເຣຍ ເທຍ໌ເລີຣ໌ ແຫ່ງມູນນິທິ ໂລກຫົວໃຈຂອງອັງກິດ ບອກວ່າ: ຂໍ້ຈຳກັດຂອງການສຶກສາເລື່ອງນີ້ກໍ່ຄື: ບໍ່ມີຂໍ້ມູນວ່າພວກໝໍທີ່ຖືກສຶກສານັ້ນ ກິນອາຫານຢ່າງອື່ນບໍ່? ສະນັ້ນ, ເຮົາຍັງຄົງຕ້ອງແນະນຳວ່າ ຄົນເຮົາສາມາດກິນໄຂ່ຫລາຍເທົ່າໃດກໍ່ບໍ່ຈຳກັດ, ເຮົາປະຊາສຳພັນໃຫ້ປະຊາຊົນຫລຸດການບໍລິໂພກໄຂມັນ ອິ່ມໂຕຫລາຍກວ່າ ຄໍເລສເຕີຣ໌ຣອລໃນອາຫານ.
 

 

ຂຽນເມື່ອ ຂຽນເມື່ອ: ກ.ພ.. 23, 2009 | ມີ 10 ຄຳເຫັນ ແລະ 0 trackback(s)

ຜົນການວິໄຈໃໝ່ຂອງຜູ້ຊ່ຽວຊານຈາກມະຫາວິທະຍາໄລອີຣາສະມຸດສ໌ ເມືອງຣອຕເຕີດຳ ປະເທດເນເທີແລນ ຄົ້ນພົບວ່າຄວາມສຸກສາມາດເຮັດໃຫ້ຄົນເຮົາມີຊີ ວິດຍືນຍາວຕໍ່ໄປໄດ້ອີກຫຼາຍປີ, ເພາະຄົນທີ່ມີຄວາມສຸກ ຈະບໍ່ມັກເຈັບໄຂ້ລົ້ມປ່ວຍ ຄົນທີ່ມີຄວາມສຸກມັກເປັນພວກທີ່ເອົາໃຈໃສ່ຕໍ່ສຸຂະພາບຂອງຕົນເອງ ໝັ່ນ ກວດເຊັກນ້ຳໜັກ ເພື່ອຈະຮູ້ແຕ່ທຳອິດ ຖ້າເກີດອາການເຈັບປ່ວຍຂື້ນ ຄົນທີ່ມີຄວາມສຸກຍັງເປັນພວກທີ່ສູບຢາ ແລະ ດື່ມແອກອລຮໍ ພໍປະມານ ມີຮ່າງກາຍ ແຂງແຮງ, ມີໂລກກະທັດທີ່ກວ້າງ, ມີຄວາມເຊື່ອໝັ້ນໃນຕົນເອງ ຈຶ່ງເຮັດໃຫ້ ສຸຂະພາບກາຍ ແລະ ຈິດໃຈດີໄປນຳກັນ ຄົນທີ່ມີຄວາມສຸກ ຈຶ່ງມັກມີອາຍຸຍືນ ຍາວກວ່າປົກກະຕິ ກົງກັນຂ້າມກັບຄົນທີ່ມີ ຄວາມທຸກໃຈ ຊຶ່ງຈະສົ່ງຜົນໃຫ້ຄວາມດັນເລືອດສູງຂື້ນ ແລະ ພູມຕ້ານໂລກຕ່ຳລົງ.

ຈາກການທົດລອງຜົນການສຶກສາ 30 ຢ່າງ ທີ່ເຮັດຂື້ນທົ່ວໂລກ ໃນໄລຍະເວລາຕັ້ງແຕ່ 1 ປີ ໄປຈົນຮອດ 60 ປີ, ເຫັນວ່າ ຄວາມສຸກຈະເຮັດໃຫ້ຄົນເຮົາ ມີອາຍຸຍືນຍາວຂື້ນປະມານ 7.5 ເຖິງ 10 ປີ ແຕ່ສິ່ງທີ່ເຮັດໃຫ້ນັກວິໄຈສົງໄສອີກ ກໍ່ຄື: ສິ່ງໃດທີ່ເຮັດໃຫ້ຄົນເຮົາມີຄວາມສຸກ ແລະ ຍ້ອນຫຍັງ? ຄົນທີ່ຢູ່ໃນ ປະເທດ ພັດທະນາແລ້ວ ຊຶ່ງມີຄວາມຈະເລີນທາງ ວັດຖຸ ຈຶ່ງບໍ່ຄ່ອຍພໍໃຈກັບຊີວິດຂອງຕົນເອງເທົ່າທີ່ຄວນ.

ນັກເສດຖະສາດໃນປັດຈຸບັນ ເລີ່ມຫັນມາໃຫ້ຄວາມສຳຄັນກັບຄວາມສຸກຂອງຊີວິດ ແທນທີ່ຈະເນັ້ນໃນເລື່ອງອຳນາດ ໃນການຊື້ ເຊັ່ນ: ແຕ່ກ່ອນຜົນວິໄຈພົບ ເຫັນວ່າ ທັນທີທີ່ຄົນເຮົາມີອຳນາດໃນການຊື້ເພິ່ມຂື້ນ ເຖິງ 10.000 ໂດລາ ຕໍ່ປີ ການຊື້ວັດຖຸສິ່ງຂອງມາຕອບສະໜອງຄວາມຕ້ອງການຂອງຕົນເອງ ກໍ່ຈະເລີ່ມ ກໍ່ໃຫ້ເກີດຄວາມສຸກພຽງຫນ້ອຍດຽວເທົ່ານັ້ນ.

ຄວາມສຸກຂອງຄົນເຮົາ ໂດຍແທ້ຈິງແລ້ວຢູ່ກັບເລື່ອງຂອງມິດຕະພາບ ແລະ ການຢູ່ຮ່ວມກັນໃນສັງຄົມທີ່ຊ່ວຍເຫຼືອເຊິ່ງກັນ ແລະ ກັນ ເປັນສັງຄົມທີ່ມີເສລີພາບ ເປັນປະຊາທິປະໄຕ ລວມເຖິງການໄດ້ລັດຖະບານທີ່ດີມາບໍລິຫານປະເທດຊາດ ແລະ ຕ້ອງເປັນສັງຄົມທີ່ມີການບັງຄັບໃຊ້ກົດໝາຍຢ່າງຈິງຈັງ ທ່ຽງທຳ, ຜົນວິ ໄຈນີ້ຍັງໄດ້ຮຽກຮ້ອງໃຫ້ລັດຖະບານຈຳເປັນຕ້ອງ ສອນປະຊາຊົນ ໃຫ້ຮູ້ເຖິງແນວທາງໃນການດຳເນີນຊີວິດແບບມີຄວາມສຸກ ທີ່ເໜັ້ນການພັດທະນາ ຄຽງຄູ່ໄປ ກັບການຄົ້ນຫາຄວາມສຸກຂອງຊີວິດ.

 

ຂຽນເມື່ອ ຂຽນເມື່ອ: ກ.ພ.. 23, 2009 | ມີ 7 ຄຳເຫັນ ແລະ 0 trackback(s)

 

ຜັກທຽມໃຊ້ໃນການປະສົມຫລືປຸງແຕ່ງອາຫານ ເຮັດໃຫ້ອອກລົດອອກຊາດ ສົ່ງກິ່ນຫອມເປັນໜ້າຢາກຮັບປະທານ ບໍ່ວ່າແຕ່ ປິ້ງ, ຂົວ, ຈືນ, ຕຳແຈ່ວ ເຮັດປະເພດ ສົ້ມປາ, ຊີ້ນ, ຕຳໝາກຮຸ່ງ, ໝາກຖົ່ວ, ໝາກແຕງ... ລ້ວນແຕ່ນຳໃຊ້ບໍລິການຫົວຜັກທຽມທັງນັ້ນ ທາງດ້ານການຮັກສາສຸຂະພາບກໍເຊັ່ນກັນ ບໍ່ວ່າຈະເປັນມະເຮັງ ການສ້າງພູມຄຸ້ມກັນ ຄວາມງາມ ຫຼື ແມ່ນແຕ່ເລື່ອງ ສະໝອງ ແລະ ເສັ້ນປະສາດທັງຫຼາຍ ກໍຍັງກ່າວເຖິງຄວາມດີຂອງ ຫົວຜັກທຽມ ຫົວຜັກທຽມເປັນອາຫານ ແລະ ຢາພື້ນ ເມືອງຢ່າງດີ ປຽບເໝືອນເປັນຍາອາຍຸວັດທະນະທີ່ມີລາຄາຖືກຊອກງ່າຍ ການພິສູດຂອງລາຄາຖືກ ແຕ່ຄຸນນະພາບດີ ໃນໂລກນີ້ ຄົງມີແຕ່ຫົວຜັກທຽມ ພືດພື້ນບ້ານຂອງເຮົານີ້ແຫຼະ.
ຄືດັ່ງເຮົາຮູ້ກັນດີແລ້ວວ່າ ຫົວຜັກທຽມ ບໍ່ວ່າຈະເປັນກີບນ້ອຍກີບໃຫຍ່ ຜັກທຽມໂທນ ກໍດີມີລິດເດດຄືກັນ ຄືມັນມີສານຕ້ານ ອະນຸພູມອິດສະຫຼະ ຢ່າງມີປະສິດທິພາບເຮັດໃຫ້ສະໜອງໄດ້ຮັບການປ້ອງກັນຈາກສານພິດຕ່າງໆ ຖ້າວ່າກິນເປັນປະຈຳ ແລະ ກິນຖືກຕ້ອງ.
ຫົວຜັກທຽມ ນອກຈາກມີສານຕ້ານອະນຸມູນອິດສະຫຼະແລ້ວ ຍັງມີສານໄປກະຕຸ້ນໃຫ້ສະໝອງສ້າງ ສານເຊໂຣໂທນີນ ຊຶ່ງ ຈະຊ່ວຍເຮັດໃຫ້ອາລົມຂອງຄົນເຮົາຢູ່ໃນພາວະປົກກະຕິ ບໍ່ເຄັ່ງຄຽດ ເຄັ່ງຕຶງ ຫຼື ອາລົມຊຶມເສົ້າ ແລະ ສິ່ງສຳຄັນຍັງຊ່ວຍ ປ້ອງກັນສະໝອງເສື່ອມໄດ້ອີກດ້ວຍ ໂດຍສານໃນຜັກທຽມຈະໄປຊ່ວຍເຮັດໃຫ້ຝາຜະໜັງຂອງແຊນປະສານເສື່ອມຕົວ ຊັກຊ້າ ລົງກວ່າເກົ່າ ຜູ້ສູງອາຍຸ ຫຼື ອາຍຸຫຼາຍໆ ຖ້າກິນຜັກທຽມປະຈຳຈະຈື່ຈຳເລື່ອງລາວຕ່າງໆໄດ້ດີ ທັງຄວາມຊົງຈຳ ໃນໄລຍະຍາວ.

ການທີ່ພວກເຮົາຈະກິນຜັກທຽມໃຫ້ໄດ້ຮັບຜົນດີ ແລະ ມີປະສິດທິພາບສູງນັ້ນ ແມ່ນຕ້ອງກິນດິບ ຄື ບໍ່ໃຫ້ຜັກທຽມສຸກ ດ້ວຍຄວາມຮ້ອນ ຊຶ່ງເຊື່ອກັນວ່າ ການກິນຜັກທຽມສົດ ສານອາຫານທີ່ມີຢູ່ໃນນັ້ນ ຍັງຢູ່ ແລະ ເຮັດວຽກຢ່າງມີ ປະສິດທິພາບຫຼາຍກວ່າຜັກທຽມຈຽວ ຫຼື ສຸກແລ້ວ ດັ່ງນັ້ນ ທາງທີ່ດີຄວນກິນຜັກທຽມສົດໆກັນດີກວ່າ ຈະກິນຍາມໃດນັ້ນ ແລ້ວແຕ່ກາລະເທສະຄວາມເໝາະສົມອື່ນໆ ເພາະຜັກທຽມດິບຈະສົ່ງກິ່ນບໍ່ໂສພາໄປສູ່ຜູ້ອື່ນ ອັນເຮັດໃຫ້ເສຍມາລະຍາດ ຖ້າບໍ່ລະວັງ ແລະ ຄວນມີວິທິການແກ້ກິ່ນນັ້ນຈະເປັນການດີ ແລະ ຖືກວ່າຮອບຄອບທີ່ສຸດ.